ဆံႏြယ္ရွိသူ မည္သူမဆို ေဗာက္ထတဲ့ျပႆနာနဲ႔ ေတြ႕ႀကံဳရစျမဲပါ။ ေဗာက္ေပ်ာက္ပါတယ္ဆိုတဲ့ ေခါင္းေလွ်ာ္ရည္ေတြလည္း မႏိုင္ေတာ့ဘူးဆိုၿပီး ဒီအတိုင္း ပစ္ထားလိုက္ဖို႔ေတာ့ စိတ္မကူးလိုက္ပါနဲ႔။ ဂရုမစိုက္ဘဲထားလိုက္ရင္ ေဗာက္ဖတ္ေတြပိုျဖစ္ၿပီး ထူထပ္လာကာ ယားယံၿပီး ကုတ္မိရင္ အနာျဖစ္ကာ ေရာဂါပိုးမႊားေတြ ဝင္လာတတ္ပါတယ္။ ဒီျပႆနာေတြက ကင္းေဝးရေအာင္ . . . ။
မၾကာခဏ ေခါင္းေလွ်ာ္ေပးပါ။ ေဗာက္ထတာဟာ အဆီျပန္တဲ့ဦးေရျပားေၾကာင့္ျဖစ္တာမို႔ ေခါင္းေလွ်ာ္ရည္ အေပ်ာ့စား baby shampoo နဲ႔ေန႔စဥ္ ေခါင္းေလွ်ာ္ေပးပါ။ ဆံပင္တိုသူမ်ား၊ ေဗာက္အရမ္းထတတ္သူမ်ား ႏွစ္ရက္တစ္ခါေလာက္ေတာ့ ေခါင္းေလွ်ာ္သင့္ပါတယ္။ ဒါ့ျပင္ေခါင္းေလွ်ာ္တဲ့အခါ ဦးေရျပားကို ေခါင္းေလွ်ာ္ရည္ကို ေရနဲ႔ဆတူေရာၿပီးမွ ဆံႏြယ္ေတြကို ေလာင္းၿပီး ေလွ်ာ္ေပးတာက ေဗာက္ထတာကို သက္သာေစႏိုင္သလို ဦးေရျပား အဆီျပန္တာကိုလည္း သက္သာေစပါတယ္။
ေခါင္းေလွ်ာ္ရည္ကိုလည္း ေျပာင္းေျပာင္းၿပီး သံုးေပးပါ။ ဦးေရျပားက အၿမဲေလွ်ာ္ေနတဲ့ ေခါင္းေလွ်ာ္ရည္ အမ်ိဴးအစားေတြကို ယဥ္ပါးသြားတတ္ကာ ေဗာက္ျပန္ထတတ္တဲ့အတြက္ ေနာက္တစ္မ်ိဳး ေျပာင္းၿပီး သံုးေပးပါ။ ရံဖန္ရံခါ ေဗာက္ေပ်ာက္တဲ့ formula ပါတဲ့ ေခါင္းေလွ်ာ္ရည္ကို သံုးပါ။ ဆီလီနီယမ္ဆာလဖိတ္ ဒါမွမဟုတ္ Zinipyrithine ပါတဲ့ ေခါင္းေလွ်ာ္ရည္ေတြဟာ ဦးေရျပားက ဆဲလ္ပြားႏႈန္းကို ေႏွးေကြးေစတဲ့အတြက္ ေဗာက္ထမႈကို အျမန္ဆံုး သက္သာေစပါတယ္။ Antibacteria ပါဝင္တဲ့ ေခါင္းေလွ်ာ္ရည္ေတြဟာ ဘက္တီးရီးယား ေပါက္ပြားမႈႏႈန္းကို နည္းေစပါတယ္။ Salicylic Acid နဲ႔ ဆာလဖာပါဝင္တဲ့ ေခါင္းေလွ်ာ္ရည္ေတြဟာ ေဗာက္ဖတ္ေပ်ာ္ဝင္ႏိုင္တဲ့အတြက္ အလြယ္တကူ ေဆးေၾကာသန္႔စင္ႏိုင္ပါတယ္။
ေဗာက္ေပ်ာက္ခ်င္ေဇာနဲ႔ အၿမဲတန္း ေဗာက္ေပ်ာက္ေခါင္းေလွ်ာ္ရည္နဲ႔ အၿမဲေခါင္းေလွ်ာ္ျခင္းကို ေရွာင္ပါ။ ေဗာက္ေပ်ာက္ေခါင္းေလွ်ာ္ရည္ဟာ ျပင္းတဲ့အတြက္ ရိုးရိုးေခါင္းေလွ်ာ္ရည္နဲ႔ တစ္လွည့္စီသံုးပါ။
ေခါင္းေလွ်ာ္တဲ့အခါ ဆံပင္ကို ေရဆြတ္ၿပီးခ်ိန္မွာ ေခါင္းေလွ်ာ္ရည္နဲ႔ ေခါင္းကို အျမဳပ္ထေအာင္ပြတ္ေပးၿပီး ၅ မိနစ္ ၁၀ မိနစ္ေလာက္ထားၿပီးမွ ေရေဆးခ်ပါ။ ထို႔ေနာက္ ဒုတိယအႀကိမ္ ေခါင္းေလွ်ာ္ရည္ထည့္ၿပီး ခ်က္ခ်င္းေခါင္းထပ္ေလွ်ာ္ပါ။ ဒီနည္းလမ္းဟာ ေခါင္းေလွ်ာ္ရည္ရဲ႕ အာနိသင္ျပဖို႔ အခ်ိန္ရတဲ့အတြက္ ဆံႏြယ္က ေခ်းေတြ အဆီေတြ ကုန္စင္သြားၿပီး ေဗာက္ျဖစ္ျခင္းက ကာကြယ္ႏိုင္မွာပါ။
ဒ့ါျပင္ ေဗာက္ေပ်ာက္ ေခါင္းေလွ်ာ္ရည္သံုးတဲ့အခါ ပိုမိုထိေရာက္ေစရန္ အျမဳပ္ထေအာင္ပြတ္အၿပီးမွာ ေခါင္းစြပ္ေလး shower cup ေဆာင္းၿပီး ၁၅ မိနစ္ေလာက္ထားရင္ ေဗာက္ေတြေပ်ာ္ဝင္ၿပီး ေဆးေၾကာတဲ့အခါ ပါသြားႏိုင္ပါတယ္။ ေခါင္းေလွ်ာ္ေနစဥ္မွာ ကုတ္ဖဲ့တာမ်ိဳးမလုပ္ဘဲ လက္ေခ်ာင္းေလးေတြ အသံုးျပဳၿပီး ဦးေရျပားကို ႏွိပ္နယ္ေပးပါ။
ေဗာက္ေပ်ာက္ ေခါင္းေလွ်ာ္ရည္ကို ပံုမွန္အသံုးျပဳေပမယ့္ ေဗာက္ဖတ္ေတြက ပိုမိုဆိုးရြားေစၿပီး ထူလာခဲ့ၿပီဆိုရင္ ဆရာဝန္နဲ႔ တိုင္ပင္သင့္ပါတယ္။ အဝါေရာင္သန္းတဲ့ေဗာက္မ်ိဳးျဖစ္လာရင္၊ အနီေရာင္အကြက္ေတြထလာၿပီး လည္ပင္းတစ္ေလ်ာက္ထိ ေရာက္လာရင္၊ ဦးေရျပားပြန္းၿပီး ပူေလာင္ေနရင္ေတာ့ အေရျပားဆရာဝန္နဲ႔ တိုင္ပင္ေဆြးေႏြးသင့္ပါတယ္။
ကဲ . . . အားလံုးပဲ ဦးေရျပား သန္႔ရွင္းၿပီးေဗာက္ထျခင္း ကင္းေဝးကာ ေမႊးပ်ံ႕တဲ့ ဆံေကသာေလးေတြ ပိုင္ဆိုင္ႏုိင္ၾကပါေစလို႔ ဆႏၵျပဳလိုက္ပါတယ္။
Author: ညီညီေက်ာ္, Healthcare Journal vol 8, no 49 (22.12.17) Pg 18
Unicode
ဆံနွယ်ရှိသူ မည်သူမဆို ဗောက်ထတဲ့ပြဿနာနဲ့ တွေ့ကြုံရစမြဲပါ။ ဗောက်ပျောက်ပါတယ်ဆိုတဲ့ ခေါင်းလျှော်ရည်တွေလည်း မနိုင်တော့ဘူးဆိုပြီး ဒီအတိုင်း ပစ်ထားလိုက်ဖို့တော့ စိတ်မကူးလိုက်ပါနဲ့။ ဂရုမစိုက်ဘဲထားလိုက်ရင် ဗောက်ဖတ်တွေပိုဖြစ်ပြီး ထူထပ်လာကာ ယားယံပြီး ကုတ်မိရင် အနာဖြစ်ကာ ရောဂါပိုးမွှားတွေ ဝင်လာတတ်ပါတယ်။ ဒီပြဿနာတွေက ကင်းဝေးရအောင် . . . ။
မကြာခဏ ခေါင်းလျှော်ပေးပါ။ ဗောက်ထတာဟာ အဆီပြန်တဲ့ဦးရေပြားကြောင့်ဖြစ်တာမို့ ခေါင်းလျှော်ရည် အပျော့စား baby shampoo နဲ့နေ့စဉ် ခေါင်းလျှော်ပေးပါ။ ဆံပင်တိုသူများ၊ ဗောက်အရမ်းထတတ်သူများ နှစ်ရက်တစ်ခါလောက်တော့ ခေါင်းလျှော်သင့်ပါတယ်။ ဒါ့ပြင်ခေါင်းလျှော်တဲ့အခါ ဦးရေပြားကို ခေါင်းလျှော်ရည်ကို ရေနဲ့ဆတူရောပြီးမှ ဆံနွယ်တွေကို လောင်းပြီး လျှော်ပေးတာက ဗောက်ထတာကို သက်သာစေနိုင်သလို ဦးရေပြား အဆီပြန်တာကိုလည်း သက်သာစေပါတယ်။
ခေါင်းလျှော်ရည်ကိုလည်း ပြောင်းပြောင်းပြီး သုံးပေးပါ။ ဦးရေပြားက အမြဲလျှော်နေတဲ့ ခေါင်းလျှော်ရည် အမျိူးအစားတွေကို ယဉ်ပါးသွားတတ်ကာ ဗောက်ပြန်ထတတ်တဲ့အတွက် နောက်တစ်မျိုး ပြောင်းပြီး သုံးပေးပါ။ ရံဖန်ရံခါ ဗောက်ပျောက်တဲ့ formula ပါတဲ့ ခေါင်းလျှော်ရည်ကို သုံးပါ။ ဆီလီနီယမ်ဆာလဖိတ် ဒါမှမဟုတ် Zinipyrithine ပါတဲ့ ခေါင်းလျှော်ရည်တွေဟာ ဦးရေပြားက ဆဲလ်ပွားနှုန်းကို နှေးကွေးစေတဲ့အတွက် ဗောက်ထမှုကို အမြန်ဆုံး သက်သာစေပါတယ်။ Antibacteria ပါဝင်တဲ့ ခေါင်းလျှော်ရည်တွေဟာ ဘက်တီးရီးယား ပေါက်ပွားမှုနှုန်းကို နည်းစေပါတယ်။ Salicylic Acid နဲ့ ဆာလဖာပါဝင်တဲ့ ခေါင်းလျှော်ရည်တွေဟာ ဗောက်ဖတ်ပျော်ဝင်နိုင်တဲ့အတွက် အလွယ်တကူ ဆေးကြောသန့်စင်နိုင်ပါတယ်။
ဗောက်ပျောက်ချင်ဇောနဲ့ အမြဲတန်း ဗောက်ပျောက်ခေါင်းလျှော်ရည်နဲ့ အမြဲခေါင်းလျှော်ခြင်းကို ရှောင်ပါ။ ဗောက်ပျောက်ခေါင်းလျှော်ရည်ဟာ ပြင်းတဲ့အတွက် ရိုးရိုးခေါင်းလျှော်ရည်နဲ့ တစ်လှည့်စီသုံးပါ။
ခေါင်းလျှော်တဲ့အခါ ဆံပင်ကို ရေဆွတ်ပြီးချိန်မှာ ခေါင်းလျှော်ရည်နဲ့ ခေါင်းကို အမြုပ်ထအောင်ပွတ်ပေးပြီး ၅ မိနစ် ၁၀ မိနစ်လောက်ထားပြီးမှ ရေဆေးချပါ။ ထို့နောက် ဒုတိယအကြိမ် ခေါင်းလျှော်ရည်ထည့်ပြီး ချက်ချင်းခေါင်းထပ်လျှော်ပါ။ ဒီနည်းလမ်းဟာ ခေါင်းလျှော်ရည်ရဲ့ အာနိသင်ပြဖို့ အချိန်ရတဲ့အတွက် ဆံနွယ်က ချေးတွေ အဆီတွေ ကုန်စင်သွားပြီး ဗောက်ဖြစ်ခြင်းက ကာကွယ်နိုင်မှာပါ။
ဒ့ါပြင် ဗောက်ပျောက် ခေါင်းလျှော်ရည်သုံးတဲ့အခါ ပိုမိုထိရောက်စေရန် အမြုပ်ထအောင်ပွတ်အပြီးမှာ ခေါင်းစွပ်လေး shower cup ဆောင်းပြီး ၁၅ မိနစ်လောက်ထားရင် ဗောက်တွေပျော်ဝင်ပြီး ဆေးကြောတဲ့အခါ ပါသွားနိုင်ပါတယ်။ ခေါင်းလျှော်နေစဉ်မှာ ကုတ်ဖဲ့တာမျိုးမလုပ်ဘဲ လက်ချောင်းလေးတွေ အသုံးပြုပြီး ဦးရေပြားကို နှိပ်နယ်ပေးပါ။
ဗောက်ပျောက် ခေါင်းလျှော်ရည်ကို ပုံမှန်အသုံးပြုပေမယ့် ဗောက်ဖတ်တွေက ပိုမိုဆိုးရွားစေပြီး ထူလာခဲ့ပြီဆိုရင် ဆရာဝန်နဲ့ တိုင်ပင်သင့်ပါတယ်။ အဝါရောင်သန်းတဲ့ဗောက်မျိုးဖြစ်လာရင်၊ အနီရောင်အကွက်တွေထလာပြီး လည်ပင်းတစ်လျောက်ထိ ရောက်လာရင်၊ ဦးရေပြားပွန်းပြီး ပူလောင်နေရင်တော့ အရေပြားဆရာဝန်နဲ့ တိုင်ပင်ဆွေးနွေးသင့်ပါတယ်။
ကဲ . . . အားလုံးပဲ ဦးရေပြား သန့်ရှင်းပြီးဗောက်ထခြင်း ကင်းဝေးကာ မွှေးပျံ့တဲ့ ဆံကေသာလေးတွေ ပိုင်ဆိုင်နိုင်ကြပါစေလို့ ဆန္ဒပြုလိုက်ပါတယ်။
Author: ညီညီကျော်, Healthcare Journal vol 8, no 49 (22.12.17) Pg 18
