(Zawgyi)
ႏွလုံးေရာဂါ ဆိုတာ ခ်က္ခ်င္းအသက္အႏၲရာယ္ ေပးႏိုင္တဲ့ေရာဂါေတြထဲကတစ္ခုပါ။ တခ်ိဳ႕ေတြမွာ နာတာရွည္ ႏွလုံးေရာဂါေတြျဖစ္တတ္ၾကတယ္။ ႏွလုံးႀကီးတာ ႏွလုံးေသြးေၾကာက်ဥ္းတာ စသျဖင့္ပါ။ တစ္ခါတစ္ေလက်ေတာ့လည္း ႏွလုံးေရာဂါက ႐ုတ္တရက္ကို အေရးေပၚအေျခအေနမ်ိဳး တန္းေရာက္တတ္တယ္။ နဂို ႏွလုံးေရာဂါရွိတဲ့သူလည္းျဖစ္ႏိုင္တယ္။ တစ္ခ်ိန္လုံးေတာက္ေလွ်ာက္အေကာင္းႀကီးကေန ထၿပီးျဖစ္တာလည္းျဖစ္ႏိုင္တယ္။
ေဆးခန္းထိုင္ေနတဲ့အေတာအတြင္းမွာ ႏွလုံးအေရးေပၚျဖစ္ၿပီးလာတဲ့ လူနာတစ္ခ်ိဳ႕ႀကဳံဖူးတယ္။ လူနာေတြမွာ ျဖစ္ေနတဲ့လကၡဏာက သင္ခဲ့တုန္းက နဲ႔ တူတာလည္းရွိသလို မတူတာလည္းရွိေနတတ္တယ္။ တစ္ႀကိမ္က ေန႔လည္ဖက္ႀကီးေဆးခန္းထိုင္ေနတုန္း အသက္ ေလးဆယ္ေက်ာ္ အမ်ိဳးသမီး ေမာေနလို႔ ဆိုၿပီး အိမ္ကလူေတြ လာပို႔တယ္။ လူနာကိုၾကည့္ေတာ့ ေမာေနလိုက္တာ။ အသက္ကို ရႈိက္ရႈရတယ္။ ေခြၽးေစးေတြလည္းျပန္လို႔ ေျခဖ်ားလက္ဖ်ားေတြေအးလို႔ လူနာကစကားကို တစ္ခါမွ တစ္လုံးေလာက္ပဲ ေျပာႏိုင္တယ္။ လုပ္ရင္းကိုင္ရင္းေမးေတာ့ ႐ုတ္တရက္ႀကီးရင္ဘတ္ထဲ တင္းက်ပ္လာတယ္။ ေမာလာၿပီးေခြၽးေစးျပန္လာတယ္။ အန္ခ်င္တာလည္းျဖစ္တယ္တဲ့။ အရင္က ဘာေရာဂါမွ မရွိလို႔ဘာေဆးမွလည္းေသာက္မေနတာေျပာတယ္။ ေသြးေပါင္တိုင္းေတာ့ ေသြးကတက္ေနတယ္။
အေပၚ၁၈၀ေအာက္ကေတာ့ ၉၀ ေလာက္ရွိတယ္။ ႏွလုံးခုန္မွန္တယ္။ ေအာက္ဆီဂ်င္ပမာဏက က်လို႔ ေဆးခန္းမွာ ECG စြဲတာရွိေတာ့ တစ္ခါတည္းစြဲၾကည့္ေတာ့မွ ေသြးေၾကာပိတ္ေနတာေတြ ေတြ႕တယ္။ လူနာကိုေအာက္ဆီဂ်င္ေပးၿပီး ေသြးက်ဲေဆးပါတစ္ခါတည္းတိုက္လိုက္တယ္။ လူနာနဲ႔ လူနာရွင္ေတြကို ေရာဂါအေၾကာင္းေျပာၿပီး ေဆး႐ုံႀကီး ျမန္ျမန္သြားဖို႔လိုေၾကာင္းပါထပ္ေျပာရတယ္။ ကားေတြစီစဥ္ၿပီးေဆးခန္းကေအာက္ဆီဂ်င္နဲ႔ တစ္ခါတညိးေဆး႐ုံလႊဲလိုက္ရတယ္။ ႏွလုံးေသြးေၾကာပိတ္တဲ့အခါ ေသြးေပါင္က က်တာလည္းျဖစ္ႏိုင္တယ္။ တက္ေနတာလည္းျဖစ္ႏိုင္တယ္ ဆိုတာ သိလိုက္ရတယ္။
ေနာက္တစ္ခါက ေဆးခန္းေရာက္ၿပီး သိပ္မၾကာဘူး။ ေမာတယ္ဆိုၿပီး လူနာတစ္ေယာက္လာတယ္။ အမ်ိဳးသမီးပဲ။ အသက္ေလးဆယ္ေက်ာ္ေလာက္ပဲ လူနာအိမ္ကေတာ့ ေမာေနတာ ႏွစ္ရက္ရွိၿပီလို႔ေျပာတယ္။ မေန႔ကလည္းေဆးခန္းသြားေသးတယ္တဲ့။ မသက္သာလို႔ ဆိုၿပီး ဒီမွာလာျပတာပါတဲ့။ဆီးခ်ိဳေရာဂါအခံလည္းရွိပါတယ္တဲ့။ လူနာေတြ ေမာတယ္ေျပာတိုင္း ေအာက္ဆီဂ်င္တိုင္းေနတတ္ေတာ့ ထုံးစံအတိုင္းေကာက္တိုင္းလိုက္တယ္။ ေအာက္ဆီဂ်င္ေကာင္းေနေပမယ့္ ႏွလုံးခုန္တာက ေႏွးလိုက္တာ။ ေလးဆယ္ပဲရွိတယ္။ ခ်က္ခ်င္း ECG စြဲဖို႔ျပင္ေနတုန္း ေသြးေပါင္တိုင္းေတာ့ ေသြးေပါင္ကက်။ လူနာကစကားေတာ့ေျပာႏိုင္တယ္။ ရင္ဘတ္ေအာင့္တာေတြ ဘာမွမရွိဘူးေျပာတယ္။ ေမာေနတာတစ္ခုပဲတဲ့။ ဆီးခ်ိဳစစ္လိုက္ေတာ့ ပုံမွန္ထက္နည္းနည္းပဲမ်ားေနတယ္။ ECG လည္းၾကည့္ေရာ ႏွလုံးခုန္ ေႏွးၿပီး ႏွလုံးပိတ္ခ်င္သလို Complete heart block ေတြ႕ရတယ္။ လူနာကို ေသြးေပါင္က်ေနတာေၾကာင့္ အေၾကာလိုင္းထည့္ေပးထားလိုက္တယ္။ ေအာက္ဆီဂ်င္မက်ေပမယ့္ ေအာက္ဆီဂ်င္ေလးနဲ႔ပဲ ေဆး႐ုံႀကီးကိုလႊဲလိုက္တယ္။
ေဆးခန္းမွာက သာမန္အဖ်ားေတြလာျပတာမ်ားေပမယ့္ တစ္ခါတစ္ေလမွာလည္းအေရးေပၚအေျခအေနေတြႀကဳံေတြ႕ႏိုင္တတ္ပါတယ္။ ဒီလိုအေရးေပၚအေျခအေနေတြဆို ကိုယ္လုပ္ႏိုင္သေလာက္လုပ္ေပးၿပီး သင့္ေတာ္ရာ ေဆး႐ုံႀကီးကိုပဲလႊဲပါတယ္။ ႏွလုံးေရာဂါနဲ႔ပက္သက္လာရင္ ေဆး႐ုံႀကီးကေတာ့ တစ္ျခားေနရာေတြထက္ ပိုၿပီးအသင့္ေတာ္ဆုံးပါပဲ။
Author : Dr. CST
(Unicode)
နှလုံးရောဂါ ဆိုတာ ချက်ချင်းအသက်အန္တရာယ် ပေးနိုင်တဲ့ရောဂါတွေထဲကတစ်ခုပါ။ တချို့တွေမှာ နာတာရှည် နှလုံးရောဂါတွေဖြစ်တတ်ကြတယ်။ နှလုံးကြီးတာ နှလုံးသွေးကြောကျဉ်းတာ စသဖြင့်ပါ။ တစ်ခါတစ်လေကျတော့လည်း နှလုံးရောဂါက ရုတ်တရက်ကို အရေးပေါ်အခြေအနေမျိုး တန်းရောက်တတ်တယ်။ နဂို နှလုံးရောဂါရှိတဲ့သူလည်းဖြစ်နိုင်တယ်။ တစ်ချိန်လုံးတောက်လျှောက်အကောင်းကြီးကနေ ထပြီးဖြစ်တာလည်းဖြစ်နိုင်တယ်။
ဆေးခန်းထိုင်နေတဲ့အတောအတွင်းမှာ နှလုံးအရေးပေါ်ဖြစ်ပြီးလာတဲ့ လူနာတစ်ချို့ကြုံဖူးတယ်။ လူနာတွေမှာ ဖြစ်နေတဲ့လက္ခဏာက သင်ခဲ့တုန်းက နဲ့ တူတာလည်းရှိသလို မတူတာလည်းရှိနေတတ်တယ်။ တစ်ကြိမ်က နေ့လည်ဖက်ကြီးဆေးခန်းထိုင်နေတုန်း အသက် လေးဆယ်ကျော် အမျိုးသမီး မောနေလို့ ဆိုပြီး အိမ်ကလူတွေ လာပို့တယ်။ လူနာကိုကြည့်တော့ မောနေလိုက်တာ။ အသက်ကို ရှိုက်ရှုရတယ်။ ချွေးစေးတွေလည်းပြန်လို့ ခြေဖျားလက်ဖျားတွေအေးလို့ လူနာကစကားကို တစ်ခါမှ တစ်လုံးလောက်ပဲ ပြောနိုင်တယ်။ လုပ်ရင်းကိုင်ရင်းမေးတော့ ရုတ်တရက်ကြီးရင်ဘတ်ထဲ တင်းကျပ်လာတယ်။ မောလာပြီးချွေးစေးပြန်လာတယ်။ အန်ချင်တာလည်းဖြစ်တယ်တဲ့။ အရင်က ဘာရောဂါမှ မရှိလို့ဘာဆေးမှလည်းသောက်မနေတာပြောတယ်။ သွေးပေါင်တိုင်းတော့ သွေးကတက်နေတယ်။
အပေါ်၁၈၀အောက်ကတော့ ၉၀ လောက်ရှိတယ်။ နှလုံးခုန်မှန်တယ်။ အောက်ဆီဂျင်ပမာဏက ကျလို့ ဆေးခန်းမှာ ECG စွဲတာရှိတော့ တစ်ခါတည်းစွဲကြည့်တော့မှ သွေးကြောပိတ်နေတာတွေ တွေ့တယ်။ လူနာကိုအောက်ဆီဂျင်ပေးပြီး သွေးကျဲဆေးပါတစ်ခါတည်းတိုက်လိုက်တယ်။ လူနာနဲ့ လူနာရှင်တွေကို ရောဂါအကြောင်းပြောပြီး ဆေးရုံကြီး မြန်မြန်သွားဖို့လိုကြောင်းပါထပ်ပြောရတယ်။ ကားတွေစီစဉ်ပြီးဆေးခန်းကအောက်ဆီဂျင်နဲ့ တစ်ခါတညိးဆေးရုံလွှဲလိုက်ရတယ်။ နှလုံးသွေးကြောပိတ်တဲ့အခါ သွေးပေါင်က ကျတာလည်းဖြစ်နိုင်တယ်။ တက်နေတာလည်းဖြစ်နိုင်တယ် ဆိုတာ သိလိုက်ရတယ်။
နောက်တစ်ခါက ဆေးခန်းရောက်ပြီး သိပ်မကြာဘူး။ မောတယ်ဆိုပြီး လူနာတစ်ယောက်လာတယ်။ အမျိုးသမီးပဲ။ အသက်လေးဆယ်ကျော်လောက်ပဲ လူနာအိမ်ကတော့ မောနေတာ နှစ်ရက်ရှိပြီလို့ပြောတယ်။ မနေ့ကလည်းဆေးခန်းသွားသေးတယ်တဲ့။ မသက်သာလို့ ဆိုပြီး ဒီမှာလာပြတာပါတဲ့။ဆီးချိုရောဂါအခံလည်းရှိပါတယ်တဲ့။ လူနာတွေ မောတယ်ပြောတိုင်း အောက်ဆီဂျင်တိုင်းနေတတ်တော့ ထုံးစံအတိုင်းကောက်တိုင်းလိုက်တယ်။ အောက်ဆီဂျင်ကောင်းနေပေမယ့် နှလုံးခုန်တာက နှေးလိုက်တာ။ လေးဆယ်ပဲရှိတယ်။ ချက်ချင်း ECG စွဲဖို့ပြင်နေတုန်း သွေးပေါင်တိုင်းတော့ သွေးပေါင်ကကျ။ လူနာကစကားတော့ပြောနိုင်တယ်။ ရင်ဘတ်အောင့်တာတွေ ဘာမှမရှိဘူးပြောတယ်။ မောနေတာတစ်ခုပဲတဲ့။ ဆီးချိုစစ်လိုက်တော့ ပုံမှန်ထက်နည်းနည်းပဲများနေတယ်။ ECG လည်းကြည့်ရော နှလုံးခုန် နှေးပြီး နှလုံးပိတ်ချင်သလို Complete heart block တွေ့ရတယ်။ လူနာကို သွေးပေါင်ကျနေတာကြောင့် အကြောလိုင်းထည့်ပေးထားလိုက်တယ်။ အောက်ဆီဂျင်မကျပေမယ့် အောက်ဆီဂျင်လေးနဲ့ပဲ ဆေးရုံကြီးကိုလွှဲလိုက်တယ်။
ဆေးခန်းမှာက သာမန်အဖျားတွေလာပြတာများပေမယ့် တစ်ခါတစ်လေမှာလည်းအရေးပေါ်အခြေအနေတွေကြုံတွေ့နိုင်တတ်ပါတယ်။ ဒီလိုအရေးပေါ်အခြေအနေတွေဆို ကိုယ်လုပ်နိုင်သလောက်လုပ်ပေးပြီး သင့်တော်ရာ ဆေးရုံကြီးကိုပဲလွှဲပါတယ်။ နှလုံးရောဂါနဲ့ပက်သက်လာရင် ဆေးရုံကြီးကတော့ တစ်ခြားနေရာတွေထက် ပိုပြီးအသင့်တော်ဆုံးပါပဲ။
Author : Dr. CST
