အထိုင်အထခက်သတဲ့လား
အထိုင်အထခက်တယ်ဆိုတာ တစ်ခါတစ်လေမှာ လူတော်တော်များများဖြစ်ဖူးကြတယ် ခါးနာတဲ့သူတွေ ဒူးနာတဲ့သူတွေ ထိုင်ရာကနေပြန်ထရင် တော်ရုံလို့မရတတ်ပါဘူး တစ်ချို့ကျတော့လည်း ကိုယ်အလေးချိန်များတာကြောင့်ပါတတ်တယ် တစ်ချို့အသက်ကြီးပိုင်းတွေကျတော့လည်း အရိုးအဆစ်တွေ မကျန်းမာတာလည်းဆိုင်တတ်ပါတယ် ။
အခု ပြောမယ့် အထိုင်အထခက်တာမျိုးကတော့ ဒူးနာခြင်း ခါးနာခြင်းလည်း မရှိဘဲ အသက်ကြီးပိုင်းလည်းမဟုတ်ဘဲ ကိုယ်အလေးချိန်လည်း ပုံမှန်ရှိတဲ့သူတွေမှာပဲ ဖြစ်တဲ့ ရောဂါကြောင့် အထိုင်အထခက်တာမျိုးပါ ။
အထိုင်အထခက်တာလို့ပြောရင် ဆောင့်ကြောင့်ထိုင်နေရာကနေ ပြန်ထတဲ့အခါ ထိုင်ခုံအနိမ့်ထိုင်ပြီးတာကနေ ပြန်ထတဲ့အခါ မထနိုင်တာပါ နာလို့လည်း မဟုတ်ဘဲ ပြန်ကြွဖို့ကို ခက်နေတာမျိုး ခြေထောက်ပြန်ထောက်ဖို့ကို ခက်နေတာမျိုးပါ ပြန်ထဖို့အတွက်ဆို အနားမှာရှိတဲ့ အရာတွေကိုအားပြုပြီးထရတာတောင် တော်တော်ခက်တတ်ပါတယ် ဘေးကိုင်စရာမရှိတဲ့အခါမှာတော့ အတည့်အတိုင်းရပ်လို့မရတော့ဘဲ ရတဲ့ပုံစံနဲ့ မနည်းကြိုးစားထရတ်ပါတယ် ။
ဒီလိုအထိုင်အထခက်ရတာက ပေါင်မှာရှိတဲ့ ကြွက်သားတွေ အားနည်းလို့ပါ ကြွက်သားတွေ တောင့်တင်းမှုမရှိတာကြောင့်ပါ proximal myopathy လို့ ခေါ်ပါတယ် တစ်ချို့တွေကျတော့ လက်မောင်းကကြွက်သားတွေနဲ့တူတူ တွဲဖြစ်တတ်ပါတယ် လက်မောင်းကြွက်သားတွေအားနည်းတဲ့အခါ လက်ကိုအပေါ်မြှောက်ဖို့ မလွယ်ကူတာတွေဖြစ်တတ်ပါတယ် ဘီးဖြီးမရတာမျိုးတွေ ဖြစ်တတ်ပါတယ်။
ဒီလိုကြွက်သားအားနည်းတဲ့ရောဂါက ကြွက်သားတွေမှာ ဖြစ်တတ်တဲ့ ရောဂါတွေအပြင် တစ်ခြားရောဂါတွေမှာလည်း တွေ့နိုင်တဲ့ ရောဂါလက္ခဏာတစ်ခုပါ ။
တစ်ချို့ကျတော့ မွေးရာပါဖြစ်တတ်တယ် Duchene myscular dystrophy နဲ့ Becker disease တွေမှာ ဖြစ်တတ်တယ် မွေးစမှာ ခြေထောက်နှစ်ဖက်ကြွက်သား မညီတာမျိုး တွေ့ရတတ်တယ် တစ်ကိုယ်လုံးမှာရှိတဲ့ကြွက်သားတွေ အားလုံးထိနိုင်ပါတယ် အသက်ရှုလမ်းကြောင်းဆိုင်ရာ ကြွက်သားတွေလည်းထိနိုင်ပါတယ် ။
တစ်ချို့တွေမှာ ကြွက်သားတွေယောင်တဲ့ ရောဂါတွေ အသက်လတ်ပိုင်းရောက်ရင် ဖြစ်လာတတ်တယ် Myositis ရောဂါတွေပါ ဒီလိုရောဂါတွေမှာလည်း ကြွက်သားတွေအားနည်းတတ်တယ် အားနည်းတာအပြင် ကြွက်သားတွေ နာတာ ခိုင်နေတာမျိုးတွေ ဖြစ်နိုင်ပါတယ် တစ်ခြားတွေအနေနဲ့ အဆစ်နာတာနဲ့ အရေပြားအနီကွက်တွေ ဖြစ်တတ်ပါတယ် ။
Vitamin D နည်းလို့ ဖြစ်လာတဲ့ အရိုးပျော့ရောဂါ Osteomalacia ရောဂါမှာလည်း အထိုင်အထိခက်တတ်ပါတယ် Vitamin D နည်းတာကြောင့် အရိုးတွေက သန်မာမှုမရှိဘဲ ပုံစံမမှန်ဘဲ ကွေးနေတာတွေ ဖြစ်နေတာကြောင့် ကြွက်သားလှုပ်ရှားမှုတွေမှာ ခက်ခဲလာတာပါ ငယ်စဉ်က နေရောင်ကောင်းစွာမရတဲ့သူတွေ နို့နဲ့ နို့ထွက်ပစ္စည်း မစားဖြစ်တဲ့သူတွေမှာ ဖြစ်လွယ်ပါတယ် ။
Myasthenia grevis လို့ခေါ်တဲ့ ကြွက်သားပျော့ရောဂါမှာလည်း အထိုင်အထခက်တတ်ပါတယ် ဒီရောဂါက ညနေပိုင်းတွေ လှုပ်ရှားမှုများထားပြီးတဲ့ အချိန်တွေမှာ ပိုဖြစ်လွယ်ပါတယ် အသက်ရှူ လမ်းကြောင်းမှာရှိတဲ့ ကြွက်သားလည်းထိခိုက်နိုင်ပါတယ် အပြီးပျောက်ဖို့တော့ ခက်ပါတယ် ဆေးနဲ့ပဲ တောက်လျှောက်ထိန်းရမှာပါ ။
တစ်ချို့ရောဂါတွေဖြစ်တဲ့ သိုက်ရွက်ရောဂါတွေနဲ့ steroid ဟော်မုန်းများတဲ့ Cushing ရောဂါတွေမှာလည်း ဖြစ်တတ်ပါတယ် ဒီလိုရောဂါတွေမှာ ပင်ကိုယ်ရောဂါအခံကိုပဲ သက်သာအောင်လုပ်ပေးရင်းပြန်သက်သာလာတတ်ပါတယ် ။
တစ်ချို့ဆေးတွေ သောက်ရင်လည်း ကြွက်သားနာကျင်တာတွေကနေ အထိုင်အထခက်တတ်ပါတယ် ဥပမာအားဖြင့် သွေးအဆီချဆေးတွေ steroid ဆေးတွေပါ ဒီဆေးတွေကြောင့်ဖြစ်တယ်ဆိုရင်တော့ လိုအပ်ခဲ့ရင် ဆေးရပ်တာတွေအထိ လုပ်ရပါတယ်။
ဒီလို အထိုင်အထခက်တတ်တဲ့ရောဂါတွေက ဖြစ်ရတဲ့ အကြောင်းပေါ်မူတည်ပြီး ပြန်ကုလို့ရတာရှိသလို ကုလို့မရတာလည်းဖြစ်နိုင်ပါတယ် မွေးရာပါဖြစ်တဲ့ရောဂါတွေမှာဆိုရင်ဖြင့် လမ်းတောင်သေချာမလျှောက်နိုင်တာတွေလည်း ဖြစ်နိုင်ပါတယ် ။
Dr. CST
