အခံရခက္တဲ့ နာတာရွည္အေရျပားေရာဂါ(Psoriasis)
ဆိုရီေရးဆစ္ အေရျပားေရာဂါကို ျမန္မာလိုေခၚတဲ႔နာမည္ေတာ႔မရွိပါဘူး။
ဆိုရီေရးဆစ္အေရျပားေရာဂါဟာ အေရျပားဆဲလ္အသစ္ေတြကို ပံုမွန္ျဖစ္ေပၚရမယ္႔အခ်ိန္ထက္ေစာျပီး လ်င္ျမန္စြာျဖစ္ေပၚလာေစတာေၾကာင္႔ အေရျပားေပၚမွာ အေရျပားဆဲလ္ေတြဟာရွိသင္႔တဲ႔ပမာဏာထက္မ်ားလာပါတယ္။
အဲ႔အခါမွာ ပိုေနတဲ႔အေရျပားဆဲလ္ေတြေၾကာင္႔ အေရျပားေပၚမွာ အေၾကးခြံလိုအဖတ္မ်ား နဲ႔ အနီေရာင္အကြက္ေတြျဖစ္ေပၚလာပါတယ္။
အဲ႔ဒီအေၾကးခြံလိုအဖတ္ေတြနဲ႔အနီေရာင္အကြက္ ေနရာေတြဟာ ယားယံေလ႔ရွိျပီး တခါတရံမွာ နာက်င္မႈကိုပါ ခံစားရေစနိုင္ပါတယ္။
ဒီေရာဂါဟာအျဖစ္မ်ားတဲ႔ နာတာရွည္အေရျပားေရာဂါတခုပါ။အရွင္းေပ်ာက္ဖို႔ခက္ခဲျပီး ေတာက္ေလွ်ာက္ျဖစ္ေနတာ သို႔မဟုတ္ ျဖစ္လိုက္ ေပ်ာက္လိုက္နဲ႔ ျဖစ္ေနတာ မ်ိဳးေတြျဖစ္တတ္ပါတယ္။
အသက္အရြယ္က်ားမမေရြးျဖစ္ပြားနိုင္ပါတယ္။အမ်ားအားျဖင္႔ေတာ႔ အသက္၁၀ နွစ္ နဲ႔ အသက္၂၀ၾကား၊ အသက္၅၀ နဲ႔ ၆၀ ၾကားအရြယ္ေတြမွာ ပိုအျဖစ္မ်ားတတ္ပါတယ္။
ခႏၶာကိုယ္ေနရာအနွံ႕ ဦးေရျပား၊လက္သည္းေျခသည္းေတြမွာပါ ျဖစ္တတ္ျပီး အမ်ိဳးအစားကြဲေတြအေနနဲ႔လည္း Plaque psoriasis,Nail psoriasis,Guttate psoriasis,Inverse psoriasis,Pustular psoriasis ဆိုျပီးစသျဖင္႔ အမ်ားၾကီးရွိပါတယ္။
မိမိရဲ႕ခုခံအားစနစ္က မိမိရဲ႕အေရျပားဆဲလ္ေတြကိုျပန္တိုက္ခိုက္ျပီး ဆဲလ္ေတြအလ်င္အျမန္အသစ္ျဖစ္လာေအာင္ လုပ္ျခင္းေၾကာင္႔ ဒီေရာဂါျဖစ္လာရျခင္းျဖစ္ပါတယ္။
ဒီလို မိမိခုခံအားစနစ္က မိမိကိုယ္ကို ျပန္တိုက္ရတဲ႔အေၾကာင္းရင္းအတိအက်ကိုေတာ႔ မသိေသးပါ။
မိသားစုထဲမွာ တေယာက္ေယာက္မွာဒီေရာဂါျဖစ္ခဲ႔ဖူးတဲ႔မ်ိဳးရိုးရွိသူေတြ
စိတ္ဖိစီးမႈမ်ားတဲ႔သူေတြ
အ၀လြန္သူေတြ
ေဆးလိပ္ေသာက္တဲ႔သူေတြ
ဗီတာမင္ဒီခ်ိဳ႕တဲ႔သူေတြ
အရက္အလြန္အကြ်ံ႕ေသာက္သူေတြ မွာဆိုရင္
Psoriasis အေရျပားေရာဂါဟာ ျဖစ္နိုင္ေျခပိုမ်ားပါတယ္။
Psoriasis အေရျပားေရာဂါဟာ အေရျပားဆရာ၀န္နဲ႔ေသခ်ာျပသေနဖို႔လိုတဲ႔ေရာဂါပါ။
ေရာဂါအေျခအေနေပၚမူတည္ျပီး ေသာက္ေဆး၊လိမ္းေဆးနဲ႔ ကုသတာရွိသလို အလင္းေရာင္ျခည္ကုထံုး နဲ႔ ကုတာ နွစ္နည္းသံုးနည္းေပါင္းကုသတာေတြလည္းရွိပါတယ္။
ဒီေရာဂါဟာ အေပၚမွာတခါေျပာခဲ႔တဲ႔အတိုင္း နာတာရွည္ေရာဂါ သို႔မဟုတ္ ျဖစ္လိုက္ေပ်ာက္လိုက္နဲ႔ျဖစ္ေနတတ္တဲ႔ေရာဂါမ်ိဳးျဖစ္တဲ႔အတြက္ အေရျပားဆရာ၀န္နဲ႔ေရရွည္ေသခ်ာျပေနဖို႔ေတာ႔လိုပါတယ္။
လူနာအမ်ားစုအေနနဲ႔က အရွင္းေပ်ာက္ခ်င္ေဇာအားၾကီးတဲ႔အတြက္ နွစ္ခါ သံုးခါ ကုလို႔မေပ်ာက္ရင္ သို႔မဟုတ္ ေပ်ာက္ျပီး ျပန္ျပန္ျဖစ္ေနတာမ်ိဳးဆိုရင္ ဆက္မျပေတာ႔ဘဲ ေဆးျမီးတိုေတြ စမ္းၾကတာမ်ားပါတယ္။
ဒါဟာမလုပ္သင္႔ပါဘူး။ဒီPsoriasis အေရျပားေရာဂါဟာ မိမိခုခံအားစနစ္က မိမိအေရျပားဆဲလ္ေတြကို ျပန္တိုက္ခိုက္ျပီး အေရျပားဆဲလ္အသစ္ေတြလ်င္ျမန္စြာျဖစ္ေပၚေစတဲ႔ ခုခံအားစနစ္နဲ႔ဆိုင္တဲ႔ေရာဂါျဖစ္တဲ႔အတြက္ အရွင္းေပ်ာက္ဖို႔မလြယ္ပါ။
အရွင္းမေပ်ာက္ဘူး။ျပန္ျပန္ျဖစ္တယ္ဆိုျပီး ေသခ်ာစနစ္တက် ဆက္မကုဘဲ ေနပါက ေနာက္ဆက္တြဲအေနနဲ႔ Psoriatic Arthritis ေခၚ အဆစ္အျမစ္ေရာင္ရမ္းတာ၊Type 2 DM ေခၚ အမ်ိဳးအစား၂ဆီးခ်ိဳေရာဂါျဖစ္တာ၊ေသြးေပါင္ခ်ိန္တက္ျပီးနွလံုးေသြးေၾကာဆိုင္ရာေရာဂါေတြျဖစ္တာ စတဲ႔ေနာက္ဆက္တြဲဆိုးက်ိဳးေတြ ခံစားရနိုင္ေျခပိုမ်ားလာနိုင္ပါတယ္။
Dr 528
Unicode Version
အခံရခက်တဲ့ နာတာရှည်အရေပြားရောဂါ(Psoriasis)
ဆိုရီရေးဆစ် အရေပြားရောဂါကို မြန်မာလိုခေါ်တဲ့နာမည်တော့မရှိပါဘူး။
ဆိုရီရေးဆစ်အရေပြားရောဂါဟာ အရေပြားဆဲလ်အသစ်တွေကို ပုံမှန်ဖြစ်ပေါ်ရမယ့်အချိန်ထက်စောပြီး လျင်မြန်စွာဖြစ်ပေါ်လာစေတာကြောင့် အရေပြားပေါ်မှာ အရေပြားဆဲလ်တွေဟာရှိသင့်တဲ့ပမာဏာထက်များလာပါတယ်။
အဲ့အခါမှာ ပိုနေတဲ့အရေပြားဆဲလ်တွေကြောင့် အရေပြားပေါ်မှာ အကြေးခွံလိုအဖတ်များ နဲ့ အနီရောင်အကွက်တွေဖြစ်ပေါ်လာပါတယ်။
အဲ့ဒီအကြေးခွံလိုအဖတ်တွေနဲ့အနီရောင်အကွက် နေရာတွေဟာ ယားယံလေ့ရှိပြီး တခါတရံမှာ နာကျင်မှုကိုပါ ခံစားရစေနိုင်ပါတယ်။
ဒီရောဂါဟာအဖြစ်များတဲ့ နာတာရှည်အရေပြားရောဂါတခုပါ။အရှင်းပျောက်ဖို့ခက်ခဲပြီး တောက်လျှောက်ဖြစ်နေတာ သို့မဟုတ် ဖြစ်လိုက် ပျောက်လိုက်နဲ့ ဖြစ်နေတာ မျိုးတွေဖြစ်တတ်ပါတယ်။
အသက်အရွယ်ကျားမမရွေးဖြစ်ပွားနိုင်ပါတယ်။အများအားဖြင့်တော့ အသက်၁၀ နှစ် နဲ့ အသက်၂၀ကြား၊ အသက်၅၀ နဲ့ ၆၀ ကြားအရွယ်တွေမှာ ပိုအဖြစ်များတတ်ပါတယ်။
ခန္ဓာကိုယ်နေရာအနှံ့ ဦးရေပြား၊လက်သည်းခြေသည်းတွေမှာပါ ဖြစ်တတ်ပြီး အမျိုးအစားကွဲတွေအနေနဲ့လည်း Plaque psoriasis,Nail psoriasis,Guttate psoriasis,Inverse psoriasis,Pustular psoriasis ဆိုပြီးစသဖြင့် အများကြီးရှိပါတယ်။
မိမိရဲ့ခုခံအားစနစ်က မိမိရဲ့အရေပြားဆဲလ်တွေကိုပြန်တိုက်ခိုက်ပြီး ဆဲလ်တွေအလျင်အမြန်အသစ်ဖြစ်လာအောင် လုပ်ခြင်းကြောင့် ဒီရောဂါဖြစ်လာရခြင်းဖြစ်ပါတယ်။
ဒီလို မိမိခုခံအားစနစ်က မိမိကိုယ်ကို ပြန်တိုက်ရတဲ့အကြောင်းရင်းအတိအကျကိုတော့ မသိသေးပါ။
မိသားစုထဲမှာ တယောက်ယောက်မှာဒီရောဂါဖြစ်ခဲ့ဖူးတဲ့မျိုးရိုးရှိသူတွေ
စိတ်ဖိစီးမှုများတဲ့သူတွေ
အဝလွန်သူတွေ
ဆေးလိပ်သောက်တဲ့သူတွေ
ဗီတာမင်ဒီချို့တဲ့သူတွေ
အရက်အလွန်အကျွံ့သောက်သူတွေ မှာဆိုရင်
Psoriasis အရေပြားရောဂါဟာ ဖြစ်နိုင်ခြေပိုများပါတယ်။
Psoriasis အရေပြားရောဂါဟာ အရေပြားဆရာဝန်နဲ့သေချာပြသနေဖို့လိုတဲ့ရောဂါပါ။
ရောဂါအခြေအနေပေါ်မူတည်ပြီး သောက်ဆေး၊လိမ်းဆေးနဲ့ ကုသတာရှိသလို အလင်းရောင်ခြည်ကုထုံး နဲ့ ကုတာ နှစ်နည်းသုံးနည်းပေါင်းကုသတာတွေလည်းရှိပါတယ်။
ဒီရောဂါဟာ အပေါ်မှာတခါပြောခဲ့တဲ့အတိုင်း နာတာရှည်ရောဂါ သို့မဟုတ် ဖြစ်လိုက်ပျောက်လိုက်နဲ့ဖြစ်နေတတ်တဲ့ရောဂါမျိုးဖြစ်တဲ့အတွက် အရေပြားဆရာဝန်နဲ့ရေရှည်သေချာပြနေဖို့တော့လိုပါတယ်။
လူနာအများစုအနေနဲ့က အရှင်းပျောက်ချင်ဇောအားကြီးတဲ့အတွက် နှစ်ခါ သုံးခါ ကုလို့မပျောက်ရင် သို့မဟုတ် ပျောက်ပြီး ပြန်ပြန်ဖြစ်နေတာမျိုးဆိုရင် ဆက်မပြတော့ဘဲ ဆေးမြီးတိုတွေ စမ်းကြတာများပါတယ်။
ဒါဟာမလုပ်သင့်ပါဘူး။ဒီPsoriasis အရေပြားရောဂါဟာ မိမိခုခံအားစနစ်က မိမိအရေပြားဆဲလ်တွေကို ပြန်တိုက်ခိုက်ပြီး အရေပြားဆဲလ်အသစ်တွေလျင်မြန်စွာဖြစ်ပေါ်စေတဲ့ ခုခံအားစနစ်နဲ့ဆိုင်တဲ့ရောဂါဖြစ်တဲ့အတွက် အရှင်းပျောက်ဖို့မလွယ်ပါ။
အရှင်းမပျောက်ဘူး။ပြန်ပြန်ဖြစ်တယ်ဆိုပြီး သေချာစနစ်တကျ ဆက်မကုဘဲ နေပါက နောက်ဆက်တွဲအနေနဲ့ Psoriatic Arthritis ခေါ် အဆစ်အမြစ်ရောင်ရမ်းတာ၊Type 2 DM ခေါ် အမျိုးအစား၂ဆီးချိုရောဂါဖြစ်တာ၊သွေးပေါင်ချိန်တက်ပြီးနှလုံးသွေးကြောဆိုင်ရာရောဂါတွေဖြစ်တာ စတဲ့နောက်ဆက်တွဲဆိုးကျိုးတွေ ခံစားရနိုင်ခြေပိုများလာနိုင်ပါတယ်။
Dr 528
