ဇီဝကတို့ တတွေ အနည်းနဲ့အများတော့ ဘဝတွင် တစ်ကြိမ်မဟုတ်
တစ်ကြိမ်တော့ အံကြိတ်ဖူးကြပါလိမ့်မယ် ။တစ်ခါတစ်လေကျရင် ကိုယ့်ဘာသာကိုယ် အံကြိတ်နေမှန်းတောင် သတိထားမိကြမယ် မထင်ပါဘူး ။အဲ့လို မိမိရဲ့သွားတွေ မိမိ
ကိုယ်တိုင်သိလျက်ဖြစ်စေ ၊မသိလျက်ဖြစ်စေ အားနဲ့ ကြိတ်မိနေပြီဆိုရင် အံကြိတ် ခြင်း Bruxism ဖြစ်နေပြီလို့ ဆိုနိုင်ပါတယ် ။
နေ့ ညမရွေးဖြစ်နိုု်င်ပါတယ် ။ဒါပေမယ့် ညဘက်မှာ ပိုဖြစ်လေ့ရှိပါတယ် ။ ပိုပြီးအားနဲ့ ကြိတ်မိလေ့ရှိတယ် ။ဘယ်လောက်တောင် အားပါလဲ ဆိုရင် ပုံမှန် အစာ
ဝါးတဲ့အချိန် ပေါင် ၅၀ကနေ ပေါင် ၁၀၀ကြားပဲ အားသုံးပေမယ့် ညဘက် အံကြိတ် ရင်တော့ ပေါင် ၃၀၀အားထိ အားပါတတ်ပါတယ် ။ဘာလို့လဲဆိုရင် မသိစိတ်နဲ့ မေး
ရိုးကြွက်သားတွေက အားနဲ့ ပိုကြိတ်မိလို့ပါ ။သေချာနားထောင်ရင် သွားချင်းကြိတ် သံ တကျိကျိနဲ့ ကြားနိုင်တယ် ။
အံကြိတ်ခြင်းရဲ့ လက္ခဏာတွေဟာ ဘာပါလဲ ။
-သွားချင်းကြိတ်သံ (ဘေးလူ လန့်နိုးရတဲ့အထိ ဖြစ်နိုင်)
-တဖြည်းဖြည်းနဲ့ သွားကြွေလွှာပြုန်းတီးပါးလွှာလာခြင်း
-အံသွားမျက်နှာပြင် ပြားလာခြင်း
-သွားများတိုလာခြင်း
-သွားများ ကျင်လာခြင်း
-သွားကွဲအက်ခြင်း
-သွားဖုံးအစပ်ရှိ သွားအခြေတွင် ဗွီပုံစံ ချိုင့်ခွက်ပေါ်လာခြင်း
-မေးရိုးကြွက်သားများတင်းပြီး နာကျင်လာခြင်း ၊တစ်နည်း နားထင်ကျောများပါ
နာလာတတ်ခြင်း
-သွားများ မကြာခဏကြိတ်တော့ သွားတွေသွေးသလိုဖြစ်ကာ ရှပြီးထက်လာ ၊
ထက်လာတဲ့သွားတွေကြောင့် ပါးစောင်အတွင်းသားတို့ ၊လျှာတို့မှာ အနာဖြစ်လာ
ခြင်း
-နှစ်တွေကြာလာတဲ့အခါ မေးရိုးဆစ်ခိုင်လာသလို ဖြစ်လာပြီး ပါးစပ်ကောင်းကောင်း
မဟနိုင်ခြင်း
စတာတွေ ဖြစ်လာနိုင်တယ် ။
ဘာကြောင့်ဖြစ်တာလဲ ။
-ကလေးများ သွားပေါက်စအချိန် ၊မေးရိုးကြီးထွားဖွံ့ဖြိုးချိန်
-အပေါ်အောက် သွားများ မညီတဲ့အခါ
-စိတ်တင်းကျပ်ဖိစီးမှုများတဲ့အခါ ၊တစ်နည်း Stress များတဲ့အခါ
-စိတ် အလိုမကျဖြစ်တဲ့အခါ
-ဒေါသဖြစ်တဲ့အခါ
-ပင်ကိုယ်ကိုယ်ရေကိုယ်သွေးက ပြိုင်ဆိုင်မှုပြင်းထန်တဲ့အခါ
-ပါကင်ဆန်ဆိုတဲ့ အာရုံကြောရောဂါရှိတဲ့အခါ
တွေမှာ ပိုဖြစ်တတ်ပါတယ် ။
မိမိဘာသာ ဘာလုပ်ထားနိုင်လဲ ။
-စိတ်ဖိစီးမှု စတာတွေ ဖြေလျှော့ပါ ။
-မေးရိုးကြွက်သားပြေလျှော့ စေရန် မေးရိုးလေ့ကျင့်ခန်းလုပ်ပါ ။
-ညအချိန် သွားကြိတ်ချင်း ဒဏ်သက်သာစေရန် သွားရဲ့ ဝါးတဲ့မျက်နှာပြင်တွေကို
အုပ်ထားပေးထားတဲ့ mouth guard နဲ့ အိပ်ပါ ။
ဘယ်အချိန်မှာ မိမိ မိသားစုဆရာဝန်နဲ့ တိုင်ပင်မလဲ ။
-နှစ်နဲ့ ချီပြီး အံကြိတ်ဝေဒနာ ခံစားနေရက
-သွားကြွေလွှာပြုန်းတီးခြင်းနဲ့ နောက်ဆက်တွဲ ဝေဒနာများ ခံစားနေရက
-မေးရိုးခိုင်လာခြင်း ဖြစ်က
-ပါကင်ဆန် အာရုံကြောရောဂါနဲ့ တွဲဖြစ်က
မိမိ မိသားစုဆရာဝန် နဲ့ တိုင်ပင် သင့်ပါတယ် ။သွားတွေ သိပ်မတိုခင် စောစောပြဖို့
လည်း သတိပြုရပါ့မယ် ။
သင့်ဆရာဝန်က CBT ဆိုတဲ့ စိတ်ကုထုံး ၊သွားတွေ မညီက သွားညှိပေး
ခြင်း ၊မေးရိုးကြွက်သားများ ပြေလျော့စေရန် ဆေးပေးကုသခြင်း စတာတွေနဲ့ ကုသ
ပေးပါလိမ့်မယ် ။
Author: ခေတ်သစ် ဇီဝက
