ဒူးနာခြင်းကို ဖြစ်ပေါ်စေသော အကြောင်းအရာများစွာရှိပါသည်။ အရိုး၊ အရိုးနု၊ အရွတ်၊ နှင့် အရိုးတွင်းအရည်အိတ်များ တွင် ထိခိုက်ဒဏ်ရာရခြင်းကြောင့်ဖြစ်နိုင်သည်။ ဘောလုံးသမားများနှင့် အားကစားသမားများတွင် ဒူးကိုထိခိုက်မှုကြောင့် အရွတ်ပြဲတာ၊ အရိုးနု ပြဲတာ၊ အရိုးအက်ခြင်း၊ အရိုးကျိုးခြင်း၊ ခုံညင်းရိုးရောင်ခြင်းနှင့် ဒူးအတွင်းရှိ အရည်အိတ်ရောင်ခြင်းတို့ ဖြစ်ပွားတတ်သည်။ အသက်ကြီးလို့ အရိုးအဆစ်နာခြင်း၊ အ၀လွန်၍ ဒူးနာခြင်း၊ ဒူးအတွင်း ရောဂါပိုး၀င်းခြင်း၊ ကင်ဆာရောဂါ၊ ေဂါက်ရောဂါနှင့် လေးဖက်နာအဆစ်အမြစ်ရောင်ရောဂါတို့သည်လည်း နာတာရှည်ဒူးနာရောဂါများ ဖြစ်သည်။
ဖြစ်ပွားသည့်ရောဂါပေါ် မူတည်၍ ကုသမှုသည်လည်း ကွဲပြားခြားနားသည်။ အကိုက်အခဲပျောက်ဆေးသောက်ခြင်း၊ ဒူးဆစ်ထဲ ဆေးထိုးခြင်းနှင့် ဒူးဆစ် အစားထိုးကုသခြင်း ဟူ၍ ရောဂါပေါ် မူတည်ပြီး ကုသနည်းမျိုးစုံရှိပါသည်။ ထို့အပြင် အနေအထိုင်၊ အစားအသောက်နှင့် လေ့ကျင့်ခန်းလုပ်ခြင်းများသည်လည်း နာတာရှည်
ဒူးနာခြင်းကို သက်သာစေပါသည်။
၁။ ဒူးစွပ် စွပ်ထားခြင်းသည်လည်း ဒူးနာခြင်းကို သက်သာစေပါသည်။ ရေရှည်စွပ်ထားခြင်းသည် ဒူးပတ်၀န်းကျင်ရှိ ကြွက်သားများကို အားနည်းစေသောကြောင့် အမြဲ စွပ်ထားရန်မလိုပေ။
၂။ ရေနွေးအိတ်ကပ်ပေးခြင်းသည်လည်း ဒူးနာခြင်းကို သက်သာစေပါသည်။ အရေပြားအပူလောင်မည်ကို သတိပြုရမည်။
၃။ အ၀လွန်၍ ဒူးနာနေလျှင် ကိုယ်အလေးချိန် လျောချကာ ဒူးပေါ် သက်ရောက်နေသော၀န်ကို လျော့ချ ပေးခြင်းဖြင့်လည်းဒူးနာခြင်းကို သက်သာစေပါသည်။ ဒူးနာနေသည့် အချိန်တွင် ပြင်းပြင်းထန်ထန်လေ့ကျင့်ခန်းမျိုး မပြုလုပ်သင့်ပါ။ ဘောလုံးကန်ခြင်း၊ ပြေးခြင်း၊ နှင့် ဘော်လီဘော ကစားခြင်းမျိုးကို ရှောင်ကြဥ်ရမည်။ ရေကူးအားကစားသည် ဒူးပေါ်တွင် ဖိအားသက်ရောက်မှု မရှိသော အားကစားဖြစ်သောကြောင့် ကစားသင့်သောအားကစားတစ်မျိုးဖြစ်သည်။
၄။ ဒူးအရမ်းနာကျင်၍ ရောင်ရမ်းမှုတွေရှိနေလျှင် ဒူးကို အနားပေးထားရမည်။ လှေကားတက်တာမျိုးရှောင်ကြဥ်
ရမည်။ သို့သေ် မကြာခဏ လမ်းလျှောက်ပေးတာမျိုးနှင့် ဒူးကို ဘယ်ညာလှုပ်ရှားပေးတာမျိုးပြုလုပ်ပေးရမည်။
၅။ ေဒါက်မြင့် ဖိနပ် စီးခြင်းကို ရှောင်ကြဥ်၍ သက်တောင့်သက်သာရှိသောဖိနပ်မျိုး စီးသင့်သည်။
၆။ ဒူးကို ၀န်မပိစေရန်အတွက် တုတ်ကောက် အသုံးပြုသင့်သည်။
၇။ အထိုင်အထ မကြာခဏ ပြုလုပ်ခြင်းနှင့် ဆောင့်ကြောင့်ထိုင်ခြင်းများကို ရှောင်ကြဥ်ရမည်။
၈။ နာကျင်မှုကို သက်သာစေသော လိမ်းဆေးများလိမ်းပေးခြင်းဖြင့်လည်း ဒူးနာခြင်းကို သက်သာစေပါသည်။
၉။ ဂေါက်ရောဂါကြောင့် နာကျင်နေလျှင် uric acid များသော မျှစ်ချဥ်၊ ပဲပင်ပေါက်နှင့် ကလီစာများ စားသုံးခြင်းကို ရှောင်ကြဥ်ရမည်။
အထက်ပါ အလေ့အကျင့်များနှင့် မသက်သာပါက နားလည်တတ်ကျွမ်းသော ဆရာ၀န်နှင့်ပြသကာ ကုသမှုခံယူသင့်သည်။
Author : Dr. Aye Chan Moe
