ဝလာတယ်

Zawgyi

” အိမ္ေထာင္က်ၿပီးမွ ပိုဝလာတယ္ေနာ္။ အမ်ိဳးသားက ေပ်ာ္ေအာင္ထားတယ္နဲ႔တူတယ္ ”
တစ္ေန႔က လမ္းတြင္ ေတြ႕ေသာ အသိတစ္ေယာက္ကား လွလွ အား ႏႈတ္ဆက္ရင္း စလိုက္သည္။ 
”ဟုတ္ကဲ့အမ ” ဟု အလိုက္သင့္ျပန္ေျပာလိုက္သည္။ ကိုယ့္ကိုကိုယ္ ဝလာမွန္းလည္းသိသည္။ အရင္ က ေပါင္ ၁၁၀ သာ ရွိေသာ လွလွ တစ္ေယာက္ အိမ္ေထာင္က်ၿပီး တစ္ႏွစ္အတြင္း ေပါင္ ၂၀ ေက်ာ္တက္လာခဲ့သည္။

တစ္ရိပ္ရိပ္တက္လာေသာ weight ကား ကုန္ေဈးႏႈန္းႏွင့္ အၿပိဳင္ျဖစ္သည္။ အစားေလ်ာ့ေတာ့လည္း weight မက်သျဖင့္ စိတ္ေတြလည္း ညစ္လွၿပီ။
သူမ်ားေတြလိုမ်ိဳး အစားေတြလည္း အမ်ားႀကီးစားတတ္တဲ့သူမဟုတ္ပါ။ ဝေနမွန္းသိလို႔ညေနဖက္ဆိုလွ်င္ ထမင္းမစားတာ သုံးေလး လရွိေနၿပီ။ သို႔ေပမဲ့လည္း ဝိတ္က မက်။ အလုပ္မ်ားသျဖင့္ ေလ့က်င့္ခန္းမလုပ္ျဖစ္ေပမဲ့ အိမ္အလုပ္ ႐ုံးအလုပ္ႏွင့္ တစ္ေနကုန္ မနားရသည္ကိုလည္း ကိုယ္ကိုတိုင္ပဲသိသည္။
” ဝလိုက္တာ သမီးရယ္ weight ေလး ဘာေလးခ်ပါဦး။ ေတာ္ၾကာ အမ်ိဳးသား ပစ္ ေျပးသြားဦးမယ္”
ဒီလိုမ်ိဳးစကားေတြ ၾကားျပန္ေတာ့လည္း ႀကိဳးစားၿပီး ကိုယ္လက္လႈပ္ရွားမႈေတြလုပ္ပါသည္။ အိမ္ေထာင္ဦးတြင္ လင္မယားႏွစ္ေယာက္ အလုပ္ကိုယ္စီလုပ္ၿပီး စုေစာင္းေနရေသာအခ်ိန္။

weight က မတိုးလာေပမဲ့ က်မသြား။ 
”အမယ္ေလးေတာ္ ေဖာင္းကားေနတာပဲ ” တစ္ေန႔က မေတြ႕တာၾကာၿပီျဖစ္ေသာ အမတစ္ေယာက္ လွလွ အား ေတြ႕ေသာအခါ အားမနာတန္း ေဝဖန္သြားသည္။ 
”ဟုတ္ကဲ့အမ ” လို႔သာ ျပန္ေျပာလိုက္ရသည္။ စိတ္ထဲတြင္ မေက်နပ္။ ဒါ သတ္သတ္မဲ့ ေစာ္ကားတာလို႔ပဲထင္သည္။ ညေနဖက္ အိမ္ျပန္ေရာက္တဲ့အထိ ေျပာသြားေသာ စကားကို ၾကားေရာင္ေနဆဲ။ လူၾကားသူၾကားထဲမွာ အေျပာခံလိုက္ရသည့္အတြက္ ရွက္တာလည္း ပါသည္။

စိတ္နာခ်င္သလိုလိုေတာင္ျဖစ္လာသည္။ ေျပာသြားတဲ့သူက အမွတ္မထင္ရွိေနေပမဲ့ အေျပာခံရသူအတြက္ေတာ့ ရင္ထဲတြင္ တနင့္တပိုး။
weight ခ်ရန္အတြက္ အစာေလ်ာ့စားရမည္။ ေလ့က်င့္ခန္းလုပ္မည္ဟု သတ္မွတ္ထားလိုက္သည္။ မနက္ေစာေစာ ႐ုံးမသြားခင္တြင္ youtube မွ download ဆြဲထားေသာ exercise မ်ားအား ႀကိဳးစားလုပ္ပါသည္။ သို႔ေသာ္ weight ကား က်မလာ။ စိတ္ဓာတ္လည္း က်ခ်င္သလိုလို ျဖစ္လာသည္။ တစ္ေန႔ အေမ့အိမ္အျပန္ အေမႏွင့္ အမတို႔အား မိမိ အျဖစ္ကို ဖြင့္ေျပာမိသည္။ 
” ညဥ္း သေႏၶတားေဆးေတြ ေသာက္ေနတယ္မဟုတ္လား။”
”ဟုတ္ကဲ့အေမ ကေလးယူဖို႔ အဆင္မေျပေသးတာနဲ႔တားေဆးေတြ ေသာက္ေနတယ္ “
”တားေဆးေတြ ေၾကာင့္ ညဥ္းဝေနတာေပါ့။ ”
အမက ေၾကးမႈန္အား ဝင္ေျပာသည္။

” ဟုတ္လို႔လား အမရယ္” အမကား ေၾကးမႈန္ကို မ်က္ေစာင္းထိုးလိုက္သည္။ သူသည္လည္း ကေလး သုံးေယာက္ေမြးထားေသာ မိခင္တစ္ေယာက္။ အမႏွင့္ ေၾကးမႈန္က ဆယ္ႏွစ္ေက်ာ္ ကြာေသာ ညီအမႏွစ္ေယာက္ ျဖစ္သည္။ ေၾကးမႈန္ႏွင့္ အမကား ညီအမဆိုေပမဲ့ ေၾကးမႈန္ေမြးၿပီးကတည္းက အမက ေၾကးမႈန္ကို ထိန္းေၾကာင္းခဲ့ရတာေၾကာင့္ ေၾကးမႈန္ကို သမီးတစ္ေယာက္လိုပဲျမင္သည္။
” ဟဲ့ ငါက ကေလးအေမပါ။ ငါလည္း ငယ္ငယ္က ညဥ္းအရင္ပုံစံအတိုင္း ပိန္ပိန္ေလးပဲ။ အိမ္ေထာင္က်ၿပီး တားေဆးေတြ ေသာက္မွ ဝလာတာ။ တားေဆးျဖတ္လိုက္မွ ျပန္ပိန္သြားတာ” 
”တကယ္လား အမ တားေဆးျဖတ္လိုက္ရင္ ျပန္ပိန္လား “
” ခ်က္ခ်င္းႀကီးေတာ့ မပိန္ေပမဲ့ တားေဆးျဖတ္လိုက္ရင္ေတာ့ ပိန္တယ္”
” တားေဆးျဖတ္လိုက္လို႔ ကေလး ရသြားမွာလည္း စိုးရိမ္ေသးတယ္အမရယ္။ ”

“အမယ္ေလးေတာ္ ။ ညဥ္းႏွယ္ ငါ့လို အဘြားႀကီးေတာင္ သိတဲ့ဟာကို ညဥ္းက မသိဘူး။ ဟုတ္လား။ ကေလးမရေစခ်င္လို႔ သေႏၶတားတာ တစ္ျခားနည္းလမ္းေတြရွိတာပဲေလ။ လက္ေမာင္းထဲ ထည့္တဲ့ ပစၥည္းတို႔ သုံးလခံထိုးေဆးတို႔ ဆိုတာမ်ိဳးကလည္း ေဟာ္မုန္းေတြပါတဲ့အတြက္ ေသာက္ေဆးေတြလိုမ်ိဳး ဝတတ္တယ္။ လူတိုင္းဝတယ္လို႔ေတာ့ ပုံေသမေျပာေပမဲ့။ ဝတတ္တယ္။ သားအိမ္ထဲ ထည့္တဲ့ပစၥည္းဆိုရင္ ေဟာ္မုန္းေဆးေတြ မပါတဲ့ အတြက္ လူကို မဝေစဘူး။ “
” အမက ဒီအေၾကာင္းေတြ ဘယ္လိုလုပ္သိလဲ။ ငါသူငယ္ခ်င္းေတြ တစ္ခ်ိဳ႕ထည့္ထားၾကတာပဲေလ။ ငါက သားအိမ္ထုတ္ထားလို႔သာေပါ့။

ဒါေပမဲ့ သားအိမ္ထဲ ထည့္တဲ့ပစၥည္းဆိုရင္ေတာ့ OG ဆီသြားၿပီးထည့္ရမယ္”
” ဟုတ္လား ထည့္ရင္နာလားအမ”
” နာေတာ့ မနာေလာက္ဘူး။ ဒါေၾကာင့္ လူေတာ္ေတာ္မ်ားမ်ား ထည့္ထားၾကတာေပါ့။ ဆရာဝန္ကိုယ္တိုင္ထည့္ေပးမွရတယ္။ ကိုယ္ကေလး ယူခ်င္တဲ့အခ်ိန္က်ရင္ ျပန္ထုတ္လို႔ရတယ္။ တျခားတားေဆး ေတြလိုမ်ိဳး ေလး ငါး ေျခာက္လ ၾကာမွ ကေလး ရတာမ်ိဳးမရွိဘူး။ အရမ္းေကာင္းတယ္”
”ဒါဆို သမီးထည့္မယ္အမ။ ဒါမွ ကိုယ္အေလးခ်ိန္က်သြားမယ္။ “
”ခ်က္ခ်င္းႀကီးေတာ့လည္း က်ခ်င္မွ က်မွာေနာ္။ အခ်ိန္အတိုင္းအတာ တစ္ခုထိေတာ့ ေစာင့္ရတယ္။ “
”ဟုတ္ကဲ့ အမရယ္။ ညီမကို လိုက္ပို႔ေပးပါေနာ္ “
”ဒီတစ္ပတ္ ႐ုံးပိတ္ရက္ ေဆးခန္းသြားၾကတာေပါ့ ”
ေၾကးမႈန္ တစ္ေယာက္ အေတြးမ်ားႏွင့္ ေပ်ာ္႐ႊင္ေနသည္။ အရင္လို ခႏၶာကိုယ္မ်ိဳးေလး ျပန္ရရင္ ေက်နပ္ပါၿပီဟု စိတ္ကူးရင္း ဒီညလည္း အိပ္မေပ်ာ္ေပ။

Author: Dr.ေအးခ်မ္းမိုး

Unicode
” အိမ်ထောင်ကျပြီးမှ ပိုဝလာတယ်နော်။ အမျိုးသားက ပျော်အောင်ထားတယ်နဲ့တူတယ် ”
တစ်နေ့က လမ်းတွင် တွေ့သော အသိတစ်ယောက်ကား လှလှ အား နှုတ်ဆက်ရင်း စလိုက်သည်။ 
”ဟုတ်ကဲ့အမ ” ဟု အလိုက်သင့်ပြန်ပြောလိုက်သည်။ ကိုယ့်ကိုကိုယ် ဝလာမှန်းလည်းသိသည်။ အရင် က ပေါင် ၁၁၀ သာ ရှိသော လှလှ တစ်ယောက် အိမ်ထောင်ကျပြီး တစ်နှစ်အတွင်း ပေါင် ၂၀ ကျော်တက်လာခဲ့သည်။

တစ်ရိပ်ရိပ်တက်လာသော weight ကား ကုန်ဈေးနှုန်းနှင့် အပြိုင်ဖြစ်သည်။ အစားလျော့တော့လည်း weight မကျသဖြင့် စိတ်တွေလည်း ညစ်လှပြီ။
သူများတွေလိုမျိုး အစားတွေလည်း အများကြီးစားတတ်တဲ့သူမဟုတ်ပါ။ ဝနေမှန်းသိလို့ညနေဖက်ဆိုလျှင် ထမင်းမစားတာ သုံးလေး လရှိနေပြီ။ သို့ပေမဲ့လည်း ဝိတ်က မကျ။ အလုပ်များသဖြင့် လေ့ကျင့်ခန်းမလုပ်ဖြစ်ပေမဲ့ အိမ်အလုပ် ရုံးအလုပ်နှင့် တစ်နေကုန် မနားရသည်ကိုလည်း ကိုယ်ကိုတိုင်ပဲသိသည်။
” ဝလိုက်တာ သမီးရယ် weight လေး ဘာလေးချပါဦး။ တော်ကြာ အမျိုးသား ပစ် ပြေးသွားဦးမယ်”
ဒီလိုမျိုးစကားတွေ ကြားပြန်တော့လည်း ကြိုးစားပြီး ကိုယ်လက်လှုပ်ရှားမှုတွေလုပ်ပါသည်။ အိမ်ထောင်ဦးတွင် လင်မယားနှစ်ယောက် အလုပ်ကိုယ်စီလုပ်ပြီး စုစောင်းနေရသောအချိန်။

weight က မတိုးလာပေမဲ့ ကျမသွား။ 
”အမယ်လေးတော် ဖောင်းကားနေတာပဲ ” တစ်နေ့က မတွေ့တာကြာပြီဖြစ်သော အမတစ်ယောက် လှလှ အား တွေ့သောအခါ အားမနာတန်း ဝေဖန်သွားသည်။ 
”ဟုတ်ကဲ့အမ ” လို့သာ ပြန်ပြောလိုက်ရသည်။ စိတ်ထဲတွင် မကျေနပ်။ ဒါ သတ်သတ်မဲ့ စော်ကားတာလို့ပဲထင်သည်။ ညနေဖက် အိမ်ပြန်ရောက်တဲ့အထိ ပြောသွားသော စကားကို ကြားရောင်နေဆဲ။ လူကြားသူကြားထဲမှာ အပြောခံလိုက်ရသည့်အတွက် ရှက်တာလည်း ပါသည်။

စိတ်နာချင်သလိုလိုတောင်ဖြစ်လာသည်။ ပြောသွားတဲ့သူက အမှတ်မထင်ရှိနေပေမဲ့ အပြောခံရသူအတွက်တော့ ရင်ထဲတွင် တနင့်တပိုး။
weight ချရန်အတွက် အစာလျော့စားရမည်။ လေ့ကျင့်ခန်းလုပ်မည်ဟု သတ်မှတ်ထားလိုက်သည်။ မနက်စောစော ရုံးမသွားခင်တွင် youtube မှ download ဆွဲထားသော exercise များအား ကြိုးစားလုပ်ပါသည်။ သို့သော် weight ကား ကျမလာ။ စိတ်ဓာတ်လည်း ကျချင်သလိုလို ဖြစ်လာသည်။ တစ်နေ့ အမေ့အိမ်အပြန် အမေနှင့် အမတို့အား မိမိ အဖြစ်ကို ဖွင့်ပြောမိသည်။ 
” ညဉ်း သန္ဓေတားဆေးတွေ သောက်နေတယ်မဟုတ်လား။”
”ဟုတ်ကဲ့အမေ ကလေးယူဖို့ အဆင်မပြေသေးတာနဲ့တားဆေးတွေ သောက်နေတယ် “
”တားဆေးတွေ ကြောင့် ညဉ်းဝနေတာပေါ့။ ”
အမက ကြေးမှုန်အား ဝင်ပြောသည်။

” ဟုတ်လို့လား အမရယ်” အမကား ကြေးမှုန်ကို မျက်စောင်းထိုးလိုက်သည်။ သူသည်လည်း ကလေး သုံးယောက်မွေးထားသော မိခင်တစ်ယောက်။ အမနှင့် ကြေးမှုန်က ဆယ်နှစ်ကျော် ကွာသော ညီအမနှစ်ယောက် ဖြစ်သည်။ ကြေးမှုန်နှင့် အမကား ညီအမဆိုပေမဲ့ ကြေးမှုန်မွေးပြီးကတည်းက အမက ကြေးမှုန်ကို ထိန်းကြောင်းခဲ့ရတာကြောင့် ကြေးမှုန်ကို သမီးတစ်ယောက်လိုပဲမြင်သည်။
” ဟဲ့ ငါက ကလေးအမေပါ။ ငါလည်း ငယ်ငယ်က ညဉ်းအရင်ပုံစံအတိုင်း ပိန်ပိန်လေးပဲ။ အိမ်ထောင်ကျပြီး တားဆေးတွေ သောက်မှ ဝလာတာ။ တားဆေးဖြတ်လိုက်မှ ပြန်ပိန်သွားတာ” 
”တကယ်လား အမ တားဆေးဖြတ်လိုက်ရင် ပြန်ပိန်လား “
” ချက်ချင်းကြီးတော့ မပိန်ပေမဲ့ တားဆေးဖြတ်လိုက်ရင်တော့ ပိန်တယ်”
” တားဆေးဖြတ်လိုက်လို့ ကလေး ရသွားမှာလည်း စိုးရိမ်သေးတယ်အမရယ်။ ”

“အမယ်လေးတော် ။ ညဉ်းနှယ် ငါ့လို အဘွားကြီးတောင် သိတဲ့ဟာကို ညဉ်းက မသိဘူး။ ဟုတ်လား။ ကလေးမရစေချင်လို့ သန္ဓေတားတာ တစ်ခြားနည်းလမ်းတွေရှိတာပဲလေ။ လက်မောင်းထဲ ထည့်တဲ့ ပစ္စည်းတို့ သုံးလခံထိုးဆေးတို့ ဆိုတာမျိုးကလည်း ဟော်မုန်းတွေပါတဲ့အတွက် သောက်ဆေးတွေလိုမျိုး ဝတတ်တယ်။ လူတိုင်းဝတယ်လို့တော့ ပုံသေမပြောပေမဲ့။ ဝတတ်တယ်။ သားအိမ်ထဲ ထည့်တဲ့ပစ္စည်းဆိုရင် ဟော်မုန်းဆေးတွေ မပါတဲ့ အတွက် လူကို မဝစေဘူး။ “
” အမက ဒီအကြောင်းတွေ ဘယ်လိုလုပ်သိလဲ။ ငါသူငယ်ချင်းတွေ တစ်ချို့ထည့်ထားကြတာပဲလေ။ ငါက သားအိမ်ထုတ်ထားလို့သာပေါ့။

ဒါပေမဲ့ သားအိမ်ထဲ ထည့်တဲ့ပစ္စည်းဆိုရင်တော့ OG ဆီသွားပြီးထည့်ရမယ်”
” ဟုတ်လား ထည့်ရင်နာလားအမ”
” နာတော့ မနာလောက်ဘူး။ ဒါကြောင့် လူတော်တော်များများ ထည့်ထားကြတာပေါ့။ ဆရာဝန်ကိုယ်တိုင်ထည့်ပေးမှရတယ်။ ကိုယ်ကလေး ယူချင်တဲ့အချိန်ကျရင် ပြန်ထုတ်လို့ရတယ်။ တခြားတားဆေး တွေလိုမျိုး လေး ငါး ခြောက်လ ကြာမှ ကလေး ရတာမျိုးမရှိဘူး။ အရမ်းကောင်းတယ်”
”ဒါဆို သမီးထည့်မယ်အမ။ ဒါမှ ကိုယ်အလေးချိန်ကျသွားမယ်။ “
”ချက်ချင်းကြီးတော့လည်း ကျချင်မှ ကျမှာနော်။ အချိန်အတိုင်းအတာ တစ်ခုထိတော့ စောင့်ရတယ်။ “
”ဟုတ်ကဲ့ အမရယ်။ ညီမကို လိုက်ပို့ပေးပါနော် “
”ဒီတစ်ပတ် ရုံးပိတ်ရက် ဆေးခန်းသွားကြတာပေါ့ ”
ကြေးမှုန် တစ်ယောက် အတွေးများနှင့် ပျော်ရွှင်နေသည်။ အရင်လို ခန္ဓာကိုယ်မျိုးလေး ပြန်ရရင် ကျေနပ်ပါပြီဟု စိတ်ကူးရင်း ဒီညလည်း အိပ်မပျော်ပေ။

Author: Dr.အေးချမ်းမိုး