ရေကျောက်အမာရွတ်တွေ သက်သာပျောက်ကင်းစေမယ့်နည်းလမ်း

​ရေ​ကျောက်​ပေါက်ခြင်းဟာ တစ်သက်မှာတစ်ခါသာဖြစ်​တတ်တယ်ဆိုတာကို ကြားဖူးကြမှာပါ။ အထူးသဖြင့် ​ရေ​ကျောက်ဟာ ငယ်ရွယ်စဥ်က​လေးဘဝမှာ အဖြစ်များကြပါတယ်။ ​ရေ​ကျောက်ဟာ အ​ရေပြား​ပေါ်မှာ အရည်ကြည်ဖုအနာ​လေး​တွေတစ်ကိုယ်လုံးအနှံ့​ပေါက်ခြင်းဖြစ်ပါတယ်။ တစ်ဦးနဲ့တစ်ဦးအ​ရေပြားချင်းထိမှကူးတာမဟုတ်ဘဲ အသက်ရှူလမ်း​ကြောင်းမှတစ်ဆင့်ကူးစက်တတ်တဲ့​ရောဂါဖြစ်တာ​ကြောင့် ကူးစက်လွယ်တဲ့​ရောဂါဘဲဖြစ်ပါတယ်။ Varicella-zoster  လို့​ခေါ်တဲ့ ဗိုင်းရပ်စ်ပိုး​ဟာ ​ရေ​ကျောက်ဖြစ်​စေတဲ့ တရားခံပဲဖြစ်ပါတယ်။

​ရေ​ကျောက်ဟာ က​လေး​တွေမှာအဖြစ်များ​ပေမဲ့ အချို့လူကြီး​တွေမှာလည်း ဖြစ်တတ်​လေ့ရှိပါတယ်။ အရည်ကြည်ဖု​လေး​တွေ​ပေါက်ရင် ၁၀ရက်က​နေ ၂၁ရက်​​လောက်ထိကြာမြင့်နိုင်ပါတယ်။ ဗိုင်းရပ်စ်ပိုး​ကြောင့်ဖြစ်တဲ့အတွက်အဖျားလည်း တက်နိုင်ပါတယ်။ အရည်ကြည်ဖု​လေး​တွေ​ပေါက်ထွက်သွားရင်​တော့ အမာရွတ်​တွေကျန်ခဲ့​လေ့ရှိပါတယ်။ ပျမ်းမျှအားဖြင့်အမာရွတ်​တွေ​ပျောက်ကင်းဖို့ ၆ လက​နေ ၁ နှစ်လောက်ထိ ကြာမြင့်နိုင်ပါတယ်။

တချို့​ရေ​ကျောက်အမာရွတ်​တွေဆိုရင် အချိန်​အ​တော်ကြာမြင့်တဲ့အထိမ​ပျောက်ဘဲကျန်​နေတာမျိုး​တွေလည်းရှိတတ်ပါတယ်။ အနာဖြစ်​နေစဥ် ယားလို့ကုတ်ထားတဲ့အခါ ပိုကြီးပြီးပိုနက်​တဲ့အမာရွတ်​တွေဖြစ်လာစေတတ်ပါတယ်။ ဒီလိုအမာရွတ်​တွေဟာ သိသာထင်ရှားတဲ့​နေရာ​တွေဖြစ်တဲ့ မျက်နှာ၊ လည်ပင်း၊ လက်စတာ​တွေမှာ ထင်ရှား​နေမယ်ဆိုရင် အလွန်စိတ်အ​နှောင့်အယှက်ဖြစ်​စေနိုင်ပါတယ်။ ဒါ​ကြောင့် အမာရွတ်​တွေသက်သာ​စေနိုင်ဖို့ မိမိအိမ်မှာတင် အလွယ်တကူပြုလုပ်နိုင်မယ့် နည်းလမ်း​လေး​တွေကို ​ဖော်ပြ​ပေးသွားပါမယ်။

၁။ ရှား​စောင်းလက်ပပ်

ရှား​စောင်းလက်ပက်ဟာ ​ရေဓာတ်ဖြည့်ဆည်းပေးနိုင်တဲ့ နာမည်ကြီး သဘာဝပစ္စည်း​​ဖြစ်ပါတယ်။ ဒါ့ပြင် ရှား​စောင်းလက်ပပ်ဟာ ဗိုင်းရပ်စ်ပိုး​တွေကိုသတ်နိုင်စွမ်းရှိပြီး Anti Oxidants ​​တွေလည်းပါဝင်လို့ အပြစ်အနာအဆာ​တွေကို သက်သာ​စေပါတယ်။ ရှား​စောင်းလက်ပက်မှာပါဝင်တဲ့ အင်ဇိုင်း​တွေဟာ အ​ရေပြားထဲကို စိမ့်ဝင်သွားတဲ့အခါ အ​ရေပြားအတွင်းပိုင်းကဆဲလ်​လေး​တွေကို ​ရေဓာတ်ဖြည့်တင်း​ပေးပြီး ဆဲလ်အသစ်ရှင်သန်နိုင်​အောင်လည်း အား​ပေးပါတယ်။

ရှား​စောင်းလက်ပပ်ကို အမာရွတ်ရှိတဲ့​နေရာ​ပေါ်မှာ ၅ မိနစ်ခန့်ကြာ​အောင်ပွတ်လိမ်း​ပေးရပါမယ်။ ​၁၀ မိနစ်ခန့်ထပ်​စောင့်ပြီး​နောက် ​ရေ​ဆေးချရပါမယ်။ ဒီနည်းအတိုင်း ၁​​နေ့ ၃ ကြိမ်အထိပြုလုပ်​ပေးနိုင်ပါတယ်။

၂။ ပျားရည်

ပျားရည်မှာလည်း​ရေဓာတ်ဖြည့်တင်းနိုင်စွမ်းရှိပြီး ​ရေ​ကျောက်အမာရွတ်​တွေကို အ​ရောင်​​ဖျော့သွား​​စေနိုင်ပါတယ်။ ပျားရည်ကိုလည်း ရှား​စောင်းလက်ပက်ကဲ့သို့ ၁၀မိနစ်ထားပြီး​နောက်​​ရေ​ဆေးချရပါမယ်။

၃။ သံပရာသီး

သံပရာသီးမှာပါဝင်တဲ့ ဗီတာမင်စီဟာ အသားအ​ရေကြည်လင်နုပျိုနိုင်ဖို့ Collagen ထုတ်လုပ်မှုကိုအား​ပေးပြီး မ​ကောင်းတဲ့ Free Radicals ​တွေထုတ်လုပ်ခြင်းကိုလည်း တားဆီး​ပေးပါတယ်။ ဒါ့ပြင် အ​ရေပြားကို အာဟာရဓာတ်​တွေဖြည့်တင်း​ပေးနိုင်ပြီး ​ရေ​ကျောက်အမာရွတ်​တွေသက်သာ​စေကာ အသားအ​ရေကိုဝင်းလက်လာ​စေပါတယ်။

၄။ အုန်းဆီ

အုန်းဆီဟာ အနာ​တွေကိုလျင်မြန်စွာ​ခြောက်​သွေ့​စေနိုင်တဲ့ အစွမ်းရှိပါတယ်။ ​ရေ​ကျောက်​ပေါက်နေစဥ်ဖြစ်တတ်တဲ့ နီမြန်းမှုနဲ့ ယားယံမှု​တွေကိုလည်း သက်သာ​စေနိုင်ပါတယ်။

၅။ ​ထောပတ်သီး

ထောပတ်သီးမှာ ဗီတာမင်အီး များစွာပါဝင်​နေပါတယ်။ ​ရေ​ကျောက်အမာရွတ်​တွေကို​မှေးမှိန်​စေပြီး အ​ရေပြားအတွက် ​ရေဓာတ်နဲ့အာဟာရဓာတ်​တွေကိုလည်း လုံ​လောက်​အောင်ဖြည့်တင်း​ပေးနိုင်ပါတယ်။

အမာရွတ်​ပေါ်ကို ထောပတ်သီး​လေးနဲ့ သုတ်လိမ်းထားပြီး ညင်သာစွာနှိပ်နယ်​ပေးနိုင်ပါတယ်။

၆။ သခွားသီး

သခွားသီးဟာ အ​ရေပြားကို နူးညံ့​​ချောမွတ်​စေပြီး ​ရေဓာတ်ပြည့်ဝ​အောင်ဖြည့်တင်း​ပေးနိုင်ပါတယ်။ သခွားသီးကို​ချေပြီး သံပရာသီးနဲ့​ရောလိမ်းပါက ​ရေ​ကျောက်အမာရွတ်​တွေကို သက်သာလာ​စေမှာဖြစ်ပါတယ်။

၇။ မုန့်ဖုတ်ဆိုဒါ

ရေကျောက်ဖြစ်တဲ့အခါ အမာရွတ်ဖြစ်ရခြင်းမှာ ယားယံမှုကိုသက်သာစေရန် အရည်ကြည်ဖု​တွေကိုကုတ်ခြစ်ခြင်းကြောင့် ဖြစ်ပါတယ်။  မုန့်ဖုတ်ဆိုဒါဟာ ယားယံမှု​တွေကို သက်သာစေပြီး အမာရွတ်များဖြစ်ပေါ်ခြင်းကို ကာကွယ်ပေးပါသည်။  အရေပြားရဲ့ pH အဆင့်ကိုလည်း ထိန်းညှိ​ပေးပါတယ်။  မုန့်ဖုတ်ဆိုဒါနဲ့ ရေ​ရောစပ်ပြီးလိမ်း​ပေးပါက အရေပြားပေါ်က ဆဲလ်သေတွေကို ဖယ်ရှားပေးပြီး အမာရွတ်တွေသက်သာ​စေနိုင်ပါတယ်။

​အထက်ပါသဘာဝပစ္စည်း​လေး​တွေဟာ ရေ​ကျောက်အမာရွတ်​တွေကို သက်သာ​လာအောင် ပြုလုပ်​​ပေးနိုင်ပြီး အသားအ​ရေကိုလည်း စို​ပြေကြည်လင်လာ​စေနိုင်ပါတယ်။

Author: Dr. Aye Myat