`ခါးနာတာကြာပြီဆရာမရယ် အရိုးကြောင့်လည်းမဟုတ် ကျောက်ကပ်ကြောင့်လား´ဟု လူမေးများသော မေးခွန်းတစ်ခုပဲ ဖြစ်ပါတယ်။ ကျောက်ကပ်သည် ကျောရိုးရဲ့ ဘေးတစ်ဖက်စီမှာရှိသော အင်္ဂါတစ်စုံဖြစ်ပါတယ်။ သွေးများကို သန့်စင်ပေးပြီး အဆိပ်အတောက်များ ဖယ်ရှားပေးပြီး ဆီးအဖြစ် ဆီးအိမ်မှတစ်ဆင့် ဖယ်ရှားပေးပါတယ်။ ကျောက်ကပ်ပျက်ဆီးခဲ့လျှင် သွေးထဲမှ အဆိပ်များ ဖယ်ရှားမှု ပြုခြင်းမလုပ်နိုင်တော့ပါဘူး။
(1)ကျောက်ကပ်ပျက်စီးစေသော အကြောင်းအရင်းများ
-ပတ်ဝန်းကျင်မှ အဆိပ်အတောက်များနှင့် ထိတွေ့ခြင်း သို့မဟုတ် အချို့ဆေးကုသမှုများ
-အခြားသောရောဂါများ
-ပြင်းထန်စွာ ရေဓာတ်ခန်းခြောက်ခြင်း
-ကျောက်ကပ်ထိခိုက်ဒဏ်ရာရခြင်း
သင့်ကိုယ်ထဲတွင် အဆိပ်အတောက်များ စုပြုံလာသောအခါ အဆိုပါ အဆိပ်အတောက်များ ပုံမှန်မဖယ်ရှားနိုင်တော့ဘဲ ကျောက်ကပ်ပျက်စီးခြင်းသို့ ရောက်ရှိကာ သေချာမကုသဘဲ ထားပါက အသက်အန္တရာယ် ထိခိုက်သည်အထိ ရောက်ရှိနိုင်ပါတယ်။
(2) ကျောက်ကပ်အလုပ်မလုပ်နိုင်လျှင် ဖြစ်သောလက္ခဏာများ
တချို့ လူများမှာ လက္ခဏာ အနည်းငယ်သာပေါ်တတ်ပေမဲ့ တချို့မှာကတော့ လက္ခဏာမပေါ်နိုင်တာလည်း ရှိပါတယ်။
ဖြစ်နိုင်သောလက္ခဏာများမှာ –
-ဆီးနည်းခြင်း
-ရေဓာတ်မစွန့်ထုတ်နိုင်သောကြောင့် ခြေထောက်၊ ခြေကျင်းဝတ်နှင့် ခြေဖဝါးများ ရောင်ရမ်းခြင်း
-မောပန်းခြင်း
-မူးမောခြင်း၊ အားအင်ကုန်ခမ်းခြင်း
-ပျို့အန်ခြင်း
-မှတ်ဉာဏ်ရောထွေးခြင်း
-ရင်ဘတ်အောင့်ခြင်း
-တက်ခြင်းနှင့် သတိမေ့ပျောက်ခြင်း စသည်တို့ပဲ ဖြစ်ပါတယ်။
(3) ကျောက်ကပ် အလုပ်မလုပ်နိုင်စေသော အကြောင်းရင်းများ
-ကျောက်ကပ်သို့ သွေးအလုံအလောက် မရောက်ရှိသောရောဂါများမှာ
-နှလုံးရုတ်တရက်ဖောက်ခြင်း
-နှလုံးရောဂါများ
-အသည်းပျက်ဆီးခြင်း
-ရေဓာတ်ခန်းခြောက်ခြင်း
-ပြင်းထန်စွာ အပူလောင်ခြင်း
-ဓာတ်မတည့်မှုဖြစ်ခြင်း
-ပိုးဆိပ်တက်ခြင်း စသည်တို့အပြင် သွေးတိုးခြင်းနဲ့ ရောင်ရမ်းမှု လျော့ကျစေတဲ့ ဆေးဝါးအချို့က ကျောက်ကပ်သို့ သွေးရောက်ရှိမှုကို လျော့ကျစေပါတယ်။
(4)ဆီးစွန့်ထုတ်မှု ပြဿနာများ
ကိုယ်ခန္ဓာမှ ဆီးမထွက်လျှင် အဆိပ်အတောက်များ ကျောက်ကပ်အတွင်း မြှင့်တက်လျှက်ရှိပါတယ်။ တချို့ကင်ဆာတွေဟာ ဆီးလမ်းကြောင်း ပိတ်ဆို့မှု ဖြစ်စေပါတယ်။ ဥပမာ-ဆီးကျိတ်၊ အူမကြီး၊သားအိမ်ခေါင်းနှင့် ဆီးအိမ်ကင်ဆာများ
ဆီးထွက်မှုကို ပြဿနာဖြစ်စေသော ရောဂါများမှာ
-ကျောက်ကပ် ကျောက်တည်ခြင်း
-ဆီးကျိတ်ကြီးခြင်း
-ဆီးလမ်းကြောင်း သွေးခဲခြင်း နှင့် အာရုံကြောထိခိုက်ခြင်း စသည်တို့ကြောင့် ဆီးမထွက်နိုင်ဘဲ ကျောက်ကပ်ပျက်ဆီးခြင်း ဖြစ်စေပါတယ်။
(5)အခြားသောရောဂါများ
-ကျောက်ကပ်သွေးခဲပိတ်ခြင်း
-ပိုးဝင်ခြင်း
-အဆိပ်အတောက်များစုပုံခြင်း
-အရက်နှင့်ဆေးဝါးများ
-သွေးကြောရောင်ခြင်း
-မွေးရာပါအရေပြားရောဂါများ
-ကင်ဆာဆေးအချို့
-ဆိုးဆေးများ
-ဆီးချိုရောဂါနှင့် ပိုးသတ်ဆေးဝါးတို့ကြောင့် ကျောက်ကပ်ပျက်ဆီးစေပါတယ်။
(6)ကျောက်ကပ် အလုပ်မလုပ်နိုင်သော အမျိုးအစား ၅ မျိုး
-ကျောက်ကပ်သို့ သွေးလုံလောက်စွာ မရောက်ရာက အဆိပ်အတောက်မတွေ မဖယ်ရှားနိုင်သောကြောင့် ကျောက်ကပ်ပျက်ဆီးခြင်း ဖြစ်နိုင်ပါတယ်။ အကြောင်းရင်းကို ဖယ်ရှားကုသ၍ ရပါတယ်။
-ကျောက်ကပ် ထိခိုက်ဒဏ်ရာရ၍ ကျောက်ကပ်ပျက်စီးခြင်း၊ သွေးအလွန်အမင်းထွက်ခြင်း၊သွေးပေါင်ကျခြင်း၊ ကျောက်ကပ် သွေးကြောပိတ်ခြင်းနဲ့ ကျောက်ကပ်ရောင်ခြင်းတို့ကြောင့်ကျောက်ကပ်အလုပ်မလုပ်နိုင်ပါဘူး။
(7)ကျောက်ကပ် အလုပ်မလုပ်ခြင်းကို ရှာဖွေသိရှိနိုင်သော စစ်ဆေးမှုများ
-ဆီးစစ်ခြင်း
-သွေးစစ်ခြင်း
-အာထရာဆောင်းရိုက်ခြင်း၊ CT နဲ့ MRI ရိုက်ခြင်း စသဖြင့် ရှာဖွေစစ်ဆေးလို့ ရပါတယ်။
(8)ကုသနည်းများ
ကျောက်ကပ်အလုပ်မလုပ်ခြင်းရဲ့ အကြောင်းရင်းပေါ် မူတည်ကုသရပါတယ်။ ကျောက်ကပ်ဆေးခြင်းနှင့် ကျောက်ကပ်အစားထိုးသည် အထိ ပြုလုပ်ကုသရပါတယ်။
(9)ကာကွယ်နည်းများ
ကျောက်ကပ် ရောဂါမဖြစ်အောင် ရေများများသောက်ပါ၊ မလိုအပ်ဘဲ ဆေးမသောက်သင့်ပါ၊ ပိုးသတ်ဆေးများနှင့် ထိတွေ့ခြင်း ရှောင်ပါ၊ ဆေးလိပ်အရက် ရှောင်ပါ ၊ ကျောက်ကပ်ထိခိုက်သောအစားအစာများ ရှောင်ပါ။
Author : Dr. ပြည့်ရှင်း
