fbpx

Download OnDoctor App on Google Play

Myanmar (Covid-19 Stats)

😷 357 Total Cases
😥 6 Deaths
😇 305 Recovered

အူပိတ်ခြင်း

အူပိတ်ခြင်း(Intestinal Obstruction)

Q.အူပိတ်ခြင်းအခြေအနေတစ်ခုကိုကြားဖူး၊ကြုံဖူးကြပါသလာ:?

-အူပိတ်ခြင်းဟာအသက်အန္တရာယ်ရှိတဲ့အခြေအနေတစ်ခုဖြစ်ပါတယ်။

-ဆေးရုံသို့အရေးပေါ်သွားရောက်ကုသရန်လိုအပ်ပါတယ်။

-သင့်ခန္ဓာကိုယ်ထဲမှာရှိတဲ့အူသိမ်နှင့်အူမကြီးတို့ဟာ ခြေဖျက်ထားသောအစာများမှအာဟာရကိုစုပ်ယူခြင်းနှင့် မခြေဖျက်နိုင်သောအစာဟောင်းများကို အူလှုပ်ရှားမှုပြုလုပ်ခြင်းဖြင့် ဝမ်းအိမ်ထဲသို့ပေးပို့ပေးပြီး ဝမ်းအနေနှင်ွစွန့်ထုတ်စေပါတယ်။

-အူပိတ်သွားသည့်အခြေအနေတွင် ပိတ်နေသည့်နေရာအထက်တွင် အစာအဟောင်းများဖြင့် တဖြေးဖြေးစုပုံပြည့်တင်းလာပြီး အူပေါက်သွားတတ်ပါတယ်။

-အချိန်မှီမကုသသော အူပိတ်ခြင်းဟာ အသက်အန္တရာယ်ရှိပါတယ်။

Q.အူပိတ်ခြင်းရှေ့ပြေးလက္ခဏာများ

-လက္ခဏာများဟာ အူလမ်းကြောင်းပိတ်သည့်နေရာ၊အူလမ်းကြောင်းပိတ်သည့်ပမာဏ၊အူပိတ်နေသည့်ကြာချိန်ပေါ် မူတည်ပြီး မျိုးစုံဖြစ်နိုင်ပါတယ်။

-ယေဘုယျအားဖြင့်

1.ဆိုရွားစွာလှိမ့်၍ဗိုက်ထိုးထိုးနာခြင်း

2.အလွန်အမင်းဗိုက်ကယ်ခြင်း

3.ပျို့ခြင်း

4.အန်ခြင်း

5.လေလုံးဝမလည်ခြင်း

6.ဝမ်းမသွားနိုင်ခြင်း

7.ဗိုက်ဖောင်းနေခြင်း

8.အစားအသောက်ပျက်ခြင်း

Q.အူပိတ်ခြင်းဖြစ်စေသောအကြောင်းအရင်းများ

1.ဗိုက်ခွဲဖူးသောဒဏ်ရာမှအမာရွတ်အမျှင်များတွယ်လာရာမှအူပိတ်သွားခြင်း

2.အူလိမ်သွားခြင်း

3.အူစွပ်ခြင်း

4.အူကျခြင်း

5.မွေးရာပါအူလမ်းကြောင်းရောဂါများ

6.အူလမ်းကြောင်းတွင်အလုံးအကျိတ်များရှိနေခြင်း

7.အူလမ်းကြောင်းရေရှည်ရောင်ရမ်းမှုဖြစ်စေသောရောဂါများ

8.အရာဝတ္ထုများမျိုချမိခြင်း

9.ဝမ်းများဖြင့်ပိတ်နေခြင်း

10.မျိုးဥအိမ်ကင်ဆာ

11.အူမကြီးကင်ဆာ

12.အကြောင်းအရင်းတစ်ခုခုကြောင့်အူလှုပ်ရှားမှုခေတ္တရပ်ခြင်း

(ဗိုက်နှင့်တင်ပါးစုံခွဲစိတ်မှုလုပ်သည့်အခါ၊ မူးယစ်ဆေးဝါးသုံးခြင်း၊ မျှခြေဓာတ်နည်းသွားခြင်း)

13အခြားရောဂါများ

-အာရုံကြောထိစေသောရောဂါများ eg-ဆီးချိုရောဂါ

-သိုင်းရွိုက်ဟော်မုန်းနည်းသူများ

-ပါကင်ဆန်ရောဂါ

-Multiple Sclerosisရောဂါ

Q.အူပိတ်ခြင်းနောက်ဆက်တွဲဆိုးကျိုးများ

1.ရေဓာတ်ဆုံးရှုံးခြင်း

2.မျှခြေဓာတ်များမညီမညာဖြစ်ခြင်း

3.အူပေါက်ခြင်း

4.အူပုပ်ခြင်း

5.ကျောက်ကပ်ထိခြင်း

6.သွေးဆိပ်တက်ခြင်း

7.ဗိုက်တွင်းအမှေးပါးနံရံရောင်ခြင်း

8.အသက်အန္တရာယ်ရှိခြင်း

Q.အူပိတ်ကြောင်းဘယ်လိုသိနိုင်မလဲ?

-ရောဂါရာဇဝင်မေးမြန်းခြင်း

-စမ်းသပ်ခြင်း

-စစ်ဆေးခြင်း

*သွေးစစ်ဆေးခြင်း

*ဗိုက်ဓာတ်မှန်ရိုက်ခြင်း(X ray)

*ဗိုက်တယ်လီဗီးရှင်းဓာတ်မှန်ရိုက်ခြင်း(USG)

*ဗိုက်ကွန်ပြူတာဓာတ်မှန်ရိုက်ခြင်း (CT)

*မှန်ပြောင်းကြည့်ခြင်း(Scope)

* လေ သို့မဟုတ် ဘေရီယန်ထည့်၍ ရိုက်ခြင်း(Air or Barium enema)

Q.ကုသခြင်း

-အူပိတ်ခြင်းဟာ ဆေးရုံတွင်သာကုသရပါတယ်။

-အူပိတ်ပါက အရေးပေါ်ဆေးရုံသွားရပါတယ်။

-ပိတ်နေသော အူလမ်းကြောင်းကို ပွင့်အောင်လုပ်ရသည့်အပြင် အူပိတ်စေသောအကြောင်းအရင်းကိုပါ တွဲ၍ကုသရပါတယ်။

– အူပိတ်ခြင်းပမာဏအရမ်းမများလျှင်(တစ်စိတ်တစ်ပိုင်းပိတ်ခြင်း)၊အူပုပ်သည့်လက္ခဏာမတွေ့လျှင်

*ဓာတ်ဆားရည်ချိတ်ပြီးအစာအိမ်နှင့်အူလမ်းကြောင်းအားအနားပေးခြင်း

*နှာခေါင်းပိုက်မှအစာဟောင်းများစုပ်ထုတ်ခြင်းဖြင့်

စောင့်ကြည့်ကုသပါတယ်။

-အူလမ်းကြောင်းလုံးဝပိတ်လျှင်တော့ အချိန်မှီခွဲစိတ်ကုသရပါတယ်။

-အူပုပ်ခြင်းရှိလျှင် အချိန်မှီ ပုပ်သွားသောအူအစိတ်အပိုင်းကိုဖြတ်ထုတ်ကုသရပါတယ်။

*အချုပ်အားဖြင့် အူပိတ်သည်ဟုသံသယရှိလျှင် နီးစပ်ရာဆေးရုံဆေးခန်းသို့ အမြန်ဆုံးသွားရောက်ပြသပြီးစောလျင်စွာကုသမှုခံယူရပါမယ်။

Dr.Yin Yin Win

M.B.,B.S(YGN)

Dip.Med.Sc(Family Medicine)

ဆက်စပ် ဆောင်းပါးများ