လူကြားသူကြားထဲမှာ တဘူဘူနဲ့ ပေါက်တဲ့အီး ၊အနံ့အသက်လည်းဆိုးလိုက်တာ ဆိုသူတွေ ဘာလုပ်လို့ ဘာကိုင်ရမှန်းမသိသူတွေ အတွက် ဒီဆောင်းပါးလေးရေးဖြစ်တာပါ ။
တကယ်တော့ အီးပေါက်တယ်ဆိုတာ ဇီဝကတိုု့ ကိုယ်ထဲမှာ ပိုလျှံနေတဲ့ လေတွေကို စွန့်ထုတ်တာပါ။ အသုံးမလိုလို့ပေါ့။ အဲ့တော့ ကိုယ်ထဲကို ဘယ်ကလေတွေက ရောက်လာသလဲ ဆိုရင် ဇီဝကတို့ တစ်ခုခု စားရင်း သောက်ရင်းနဲ့ ပြောရင်းဆိုရင်းနဲ့ လေတွေကို မသိလိုက်ဘဲ မျိုချမိတတ်တယ်။ ဒါ့အပြင် ပုံမှန်အားဖြင့်လည်း အစာအိမ်နဲ့ အူလမ်းကြောင်းမှာ ရှိတဲ့ ဘတ်တီးရီးယားပိုးလေးတွေက စားကြွင်းစားကျန်လေးတွေကို ချေဖျက်ရင်း လေတွေ ထုတ်တတ်ပါသေးတယ်။
ဇီဝကတို့ ဘူခနဲဆိုပြီး စွန့်ထုတ်လိုက်တဲ့ အီးမှာ လေထုထဲက နိုက်ထရိုဂျင်ဓာတ် ၊ကိုယ်ထဲက ဘတ်တီးရီးယားပိုးတွေက အစာချေဖျက်ရင်း ထုတ်တဲ့ အောက်ဆီဂျင် ၊ကာဘွန်ဒိုင်အောက်ဆိုက် ၊ဟိုက်ဒရိုဂျင်နဲ့ မီသိန်းဓာတ် တွေပါဝင်ပါတယ်။ ဒါ့အပြင် အနံ့အသက်ရစေတဲ့ ဆာလ်ဖာဓာတ်လည်း အနည်းငယ်ပါပါတယ်။
ဒါကြောင့် ပေါက်တဲ့ အီးတိုင်းဟာ အနည်းနဲ့ အများ နံတာပါ။ ဆာလ်ဖာပါတာများရင် ပိုနံတယ်။ ဟိုက်ဒရိုဂျင်နဲ့ မီသိန်းဓာတ်ပါတဲ့ အတွက် ပေါက်လိုက်တဲ့ အီးတွေဟာ မီးလောင်နိုင်စွမ်းရှိပါတယ်။ ဒါပေမယ့် မီသိန်းဓာတ်ကို လူတိုင်း မထုတ်နိုင်။ တချို့သူတွေသာ ထုတ်နိုင်ပါတယ်။ ဒါကြောင့် အီးတိုင်းတော့ မီးမလောင်ဘူးပေါ့ ။
ဘယ်သူတွေက ပိုပြီး အီးပေါက်သလဲဆိုရင်
-တစ်ခုခု စားရင်းသောက်ရင်း စကားဖောင်ဖွဲ့ ပလုံစီအောင် ပြောတတ်သူတွေ
-ကာဗွန်ပါတဲ့ အအေးဘူးတွေ သောက်တတ်သူတွေ ၊ဘီယာဘူးသောက်သူတွေ
-အစာမကြေတဲ့သူတွေ
-ဝမ်းချုပ်တဲ့ သူတွေ
-အူလမ်းကြောင်းရောင်တဲ့ ရောဂါ ရှိသူတွေ
-နို့နဲ့ နို့ထွက်ပစ္စည်း အစားများသူတွေ
-ဥအမျိုးမျိုး စားသုံးသူတွေ
-ဂျုံနဲ့ ဂျုံထွက်ပစ္စည်း စားသုံးသူတွေ
-ဆီကြော်စာတွေ အစားများသူတွေ
-အာလူး ၊ပဲအမျိုးမျိုး ၊ပန်းဂေါ်ဖီ ဂေါ်ဖီထုတ် ၊ရေကညွတ် ၊သခွားသီး ၊ကြက်သွန် ၊
ငှက်ပျောသီး ၊ဖရဲသီး ၊သစ်တော်သီး စတဲ့ လေပွစာတွေ အစားများသူတွေမှာ ပိုဖြစ်ပါတယ်။
လေမပွ ၊လေမထ ၊အီးပေါက်သက်သာအောင် ၊အနံ့သက်သာအောင် ဘယ်လိုလုပ်မလဲ ဆိုရင်
-အစာကြေလွယ်စာတွေပဲ စားပါ။
-အပူအစပ် အနံ့အသက်ပြင်းတဲ့ ငါးပိ ငါးခြောက် ငံပြာရည် ရှောင်ပါ။
-ဆီကြော်စာတွေ ရှောင်ပါ။
-လေပွစာတွေ ရှောင်ပါ။
-ကာဗွန်ပါတဲ့ အအေးဘူးတွေ ၊ဘီယာတွေ ရှောင်ပါ။
-ဝမ်းမချုပ်အောင် ဂရုစိုက်ပါ။ ရေများများသောက်ပါ။ လမ်းလျှောက်ပါ။ အမျှင်ဓာတ်ပါတာများများ စားပါ။
-စားသောက်နေစဉ် စကား အများကြီး ပြောခြင်း ရှောင်ပါ။
-အနံ့အသက် သက်သာအောင် ဘစ်စမက် Bisthmus ပါတဲ့ လေဆေးတွေ ၊အီးပေါက်တာ သက်သာအောင် simethicone ပါသော အစာအိမ်ဆေး လေဆေးတွေ သောက်ပေးနိုင်တယ်။ မသက်သာရင် ၊ပိုဆိုးရင်တော့ သင့်ရဲ့ မိသားစု ဆရာဝန်နဲ့ တိုင်ပင်ပါ။
Author : ခေတ်သစ် ဇီဝက
