HIV ပိုး ရွိတဲ့အမ်ိဳးသမီးက ကိုယ္ဝန္ရွိခဲ့ရင္ ကေလးေမြးခဲ့ရင္ ဘာေတြလုပ္ရမလဲ။
အပိုင္း(၁)
HIV ဆိုတာ Human Immunodeficiency Virus လို႔ေခၚတဲ့ ခုခံအားက်ဆင္းေစတဲ့ ဗိုင္းရပ္စ္ပိုးတမ်ိဳးပါ။ အေပ်ာ္အပါးလိုက္စားရာကေနတဆင့္ပဲကူးႏိုင္တာ မဟုတ္ပါဘူး။ ဒါေပမယ့္ကြၽန္ေတာ္တို႔ႏိုင္ငံမွာရွိတဲ့လူေတြအေတာ္မ်ားမ်ားကေတာ့ ဒီေရာဂါရွိတဲ့သူဆိုရင္ အေပ်ာ္လိုက္စားတဲ့သူလို႔ပဲ သတ္မွတ္လိုက္ၾကတာမ်ားပါတယ္။ အထူးသျဖင့္ ေရာဂါပိုးရွိတဲ့သူက အမ်ိဳးသမီးဆိုရင္ ပိုအထင္ေသး ႏွာေခါင္းရႈံတတ္ၾကပါတယ္။ ဒါမ်ိဳးေတြ မလုပ္သင့္ပါဘူး။ ဒီလိုေတြလုပ္တာဟာ မွားပါတယ္။ ဝိုင္းဝန္းေဖးမ ကူညီၿပီး ေစာင့္ေရွာက္ရမွာပါ။
အိတ္အိုင္ဗြီပိုး ကူးစက္နည္းေတြကေတာ့
ေရာဂါပိုးရွိသူနဲ႔ အကာကြယ္မဲ့ လိင္ဆက္ဆံရာကေန တဆင့္ေသာ္လည္းေကာင္း မသန႔္ရွင္းတဲ့ အပ္စူးမိရာကေနေသာ္လည္းေကာင္း၊ ေရာဂါပိုးရွိသူရဲ႕ေသြးနဲ႔ မိမိကိုယ္ခႏၶာက ၿပဲကြဲဒဏ္ရာနဲ႔ ထိမိရင္ေသာ္လည္းေကာင္း စတဲ့နည္းလမ္းေတြနဲ႔ လူတေယာက္မွ တေယာက္သို႔ကူးစက္ႏိုင္ပါတယ္။ ဒါ့အျပင္ ေရာဂါပိုးရွိသူ ကိုယ္ဝန္ေဆာင္မိခင္ကေန သေႏၶသားဆီကိုလည္း အိတ္အိုင္ဗြီပိုးကူးႏိုင္ပါတယ္။
သင့္ေတာ္တဲ့ေဆးဝါးကုသမႈမခံယူပါက HIV ရွိတဲ့ မိခင္ကေန သူမရဲ႕ဗိုက္ထဲက သေႏၶသားေလး ဆီကို ေရာဂါပိုးကူးႏိုင္တဲ့ရာခိုင္ႏႈန္းဟာ ၄၀ ရာခိုင္ႏႈန္းထိ ရွိပါတယ္။ ကိုယ္ဝန္ေဆာင္ေနစဥ္အခ်ိန္မွာ ကူးစက္ႏိုင္မႈက ၅ရာခိုင္ႏႈန္းကေန ၁၀ ရာခိုင္ႏႈန္းရွိၿပီး ကေလးေမြးဖြားဖို႔ဗိုက္နာေနစဥ္(ေရမႊာေပါက္စဥ္)မွာ ကူးစက္ႏိုင္မႈ ၁၅ရာခိုင္ႏႈန္းရွိပါတယ္။
ဒါ့အျပင္ မိခင္ႏို႔တိုက္ေနစဥ္မွာလည္း မိခင္ကေန ကေလးဆီကို ကူးစက္ႏိုင္ေျခက ၅ ရာခိုင္ႏႈန္းကေန ၁၅ရာခိုင္ႏႈန္းထိရွိပါတယ္။
သင့္ေတာ္တဲ့ေဆးဝါးကုသမႈမခံယူပါက မိခင္ကေန ကေလးဆီကို အိတ္အိုင္ဗြီပိုး ကူးစက္ႏိုင္ေျခဟာ အရမ္းျမင့္မားပါတယ္။ ဒါေၾကာင့္ ဒီလိုျမင့္မားတဲ့ ကူးစက္ႏိုင္ေျခကို ေလွ်ာ့ခ်ဖို႔အတြက္ Anti-retroviral prophylaxis(PMCT – Prevention Of Mother to Child Transmission) ဆိုတဲ့ မိခင္ကေန ကေလးကို ကူးစက္မႈအား ကာကြယ္တဲ့ အစီအစဥ္နဲ႔ကုထုံး အဆင့္ေတြ ကိုရယူဖို႔လိုပါတယ္။
ဒီအစီအစဥ္နဲ႔ ကုထုံးေတြကို ခံယူမယ္ဆိုပါက မိခင္ကေန ကေလးဆီကို အိတ္အိုင္ဗြီပိုးကူးစက္ႏိုင္တဲ့ ကူးစက္ႏိုင္ေျခ ျမင့္မားမႈကို ၂ ရာခိုင္ႏႈန္းကေန ၁၀ ရာခိုင္ႏႈန္းထိ ကို ေလွ်ာ့ခ်ႏိုင္ပါတယ္။
ဒီ Anti-retroviral prophylaxis (PMCT – Prevention Of Mother to Child Transmission) အစီအစဥ္နဲ႔ ကုထုံးေတြကို သက္ဆိုင္ရာ ၿမိဳ႕နယ္ေဒသအလိုက္ ၿမိဳ႕နယ္ တိုက္နယ္ ျပည္သူ႔ေဆး႐ုံႀကီးမ်ား ေဒသႏၲရေဆးခန္းမ်ား အင္ဂ်ီအိုအဖြဲ႕အစည္းမ်ားဆီသို႔သြားေရာက္ျပသကာ ႏွစ္သိမ့္ေဆြးေႏြးပညာေပးမႈကိုခံယူရင္း ရယူႏိုင္ပါတယ္။
ဒါေၾကာင့္မို႔ အိတ္အိုင္ဗြီပိုးရွိတဲ့ အမ်ိဳးသမီးမ်ားအေနနဲ႔ ကိုယ္ဝန္ရွိခဲ့တယ္ဆိုရင္ မိမိရဲ႕ရင္ေသြးေလးအတြက္ကိုထည့္စဥ္းစားၿပီး ရွိရွိခ်င္းမွာပဲ သက္ဆိုင္ရာေဆး႐ုံ သို႔မဟုတ္ က်န္းမာေရးဌာနမ်ားဆီကို သြားေရာက္ျပသၾကပါလို႔တိုက္တြန္းခ်င္ပါတယ္။
ဆက္လက္ေဖာ္ျပပါဦးမည္
Author : Dr. 528
HIV ပိုး ရှိတဲ့အမျိုးသမီးက ကိုယ်ဝန်ရှိခဲ့ရင် ကလေးမွေးခဲ့ရင် ဘာတွေလုပ်ရမလဲ။
အပိုင်း(၁)
HIV ဆိုတာ Human Immunodeficiency Virus လို့ခေါ်တဲ့ ခုခံအားကျဆင်းစေတဲ့ ဗိုင်းရပ်စ်ပိုးတမျိုးပါ။ အပျော်အပါးလိုက်စားရာကနေတဆင့်ပဲကူးနိုင်တာ မဟုတ်ပါဘူး။ ဒါပေမယ့်ကျွန်တော်တို့နိုင်ငံမှာရှိတဲ့လူတွေအတော်များများကတော့ ဒီရောဂါရှိတဲ့သူဆိုရင် အပျော်လိုက်စားတဲ့သူလို့ပဲ သတ်မှတ်လိုက်ကြတာများပါတယ်။ အထူးသဖြင့် ရောဂါပိုးရှိတဲ့သူက အမျိုးသမီးဆိုရင် ပိုအထင်သေး နှာခေါင်းရှုံတတ်ကြပါတယ်။ ဒါမျိုးတွေ မလုပ်သင့်ပါဘူး။ ဒီလိုတွေလုပ်တာဟာ မှားပါတယ်။ ဝိုင်းဝန်းဖေးမ ကူညီပြီး စောင့်ရှောက်ရမှာပါ။
အိတ်အိုင်ဗွီပိုး ကူးစက်နည်းတွေကတော့
ရောဂါပိုးရှိသူနဲ့ အကာကွယ်မဲ့ လိင်ဆက်ဆံရာကနေ တဆင့်သော်လည်းကောင်း မသန့်ရှင်းတဲ့ အပ်စူးမိရာကနေသော်လည်းကောင်း၊ ရောဂါပိုးရှိသူရဲ့သွေးနဲ့ မိမိကိုယ်ခန္ဓာက ပြဲကွဲဒဏ်ရာနဲ့ ထိမိရင်သော်လည်းကောင်း စတဲ့နည်းလမ်းတွေနဲ့ လူတယောက်မှ တယောက်သို့ကူးစက်နိုင်ပါတယ်။ ဒါ့အပြင် ရောဂါပိုးရှိသူ ကိုယ်ဝန်ဆောင်မိခင်ကနေ သန္ဓေသားဆီကိုလည်း အိတ်အိုင်ဗွီပိုးကူးနိုင်ပါတယ်။
သင့်တော်တဲ့ဆေးဝါးကုသမှုမခံယူပါက HIV ရှိတဲ့ မိခင်ကနေ သူမရဲ့ဗိုက်ထဲက သန္ဓေသားလေး ဆီကို ရောဂါပိုးကူးနိုင်တဲ့ရာခိုင်နှုန်းဟာ ၄၀ ရာခိုင်နှုန်းထိ ရှိပါတယ်။ ကိုယ်ဝန်ဆောင်နေစဉ်အချိန်မှာ ကူးစက်နိုင်မှုက ၅ရာခိုင်နှုန်းကနေ ၁၀ ရာခိုင်နှုန်းရှိပြီး ကလေးမွေးဖွားဖို့ဗိုက်နာနေစဉ်(ရေမွှာပေါက်စဉ်)မှာ ကူးစက်နိုင်မှု ၁၅ရာခိုင်နှုန်းရှိပါတယ်။
ဒါ့အပြင် မိခင်နို့တိုက်နေစဉ်မှာလည်း မိခင်ကနေ ကလေးဆီကို ကူးစက်နိုင်ခြေက ၅ ရာခိုင်နှုန်းကနေ ၁၅ရာခိုင်နှုန်းထိရှိပါတယ်။
သင့်တော်တဲ့ဆေးဝါးကုသမှုမခံယူပါက မိခင်ကနေ ကလေးဆီကို အိတ်အိုင်ဗွီပိုး ကူးစက်နိုင်ခြေဟာ အရမ်းမြင့်မားပါတယ်။ ဒါကြောင့် ဒီလိုမြင့်မားတဲ့ ကူးစက်နိုင်ခြေကို လျှော့ချဖို့အတွက် Anti-retroviral prophylaxis(PMCT – Prevention Of Mother to Child Transmission) ဆိုတဲ့ မိခင်ကနေ ကလေးကို ကူးစက်မှုအား ကာကွယ်တဲ့ အစီအစဉ်နဲ့ကုထုံး အဆင့်တွေ ကိုရယူဖို့လိုပါတယ်။
ဒီအစီအစဉ်နဲ့ ကုထုံးတွေကို ခံယူမယ်ဆိုပါက မိခင်ကနေ ကလေးဆီကို အိတ်အိုင်ဗွီပိုးကူးစက်နိုင်တဲ့ ကူးစက်နိုင်ခြေ မြင့်မားမှုကို ၂ ရာခိုင်နှုန်းကနေ ၁၀ ရာခိုင်နှုန်းထိ ကို လျှော့ချနိုင်ပါတယ်။
ဒီ Anti-retroviral prophylaxis (PMCT – Prevention Of Mother to Child Transmission) အစီအစဉ်နဲ့ ကုထုံးတွေကို သက်ဆိုင်ရာ မြို့နယ်ဒေသအလိုက် မြို့နယ် တိုက်နယ် ပြည်သူ့ဆေးရုံကြီးများ ဒေသန္တရဆေးခန်းများ အင်ဂျီအိုအဖွဲ့အစည်းများဆီသို့သွားရောက်ပြသကာ နှစ်သိမ့်ဆွေးနွေးပညာပေးမှုကိုခံယူရင်း ရယူနိုင်ပါတယ်။
ဒါကြောင့်မို့ အိတ်အိုင်ဗွီပိုးရှိတဲ့ အမျိုးသမီးများအနေနဲ့ ကိုယ်ဝန်ရှိခဲ့တယ်ဆိုရင် မိမိရဲ့ရင်သွေးလေးအတွက်ကိုထည့်စဉ်းစားပြီး ရှိရှိချင်းမှာပဲ သက်ဆိုင်ရာဆေးရုံ သို့မဟုတ် ကျန်းမာရေးဌာနများဆီကို သွားရောက်ပြသကြပါလို့တိုက်တွန်းချင်ပါတယ်။
ဆက်လက်ဖော်ပြပါဦးမည်
Author : Dr. 528
