(Zawgyi)
အိမ္ေထာင္ျပဳတယ္ဆိုတာ တစ္ေယာက္နဲ႔တစ္ေယာက္ ခ်စ္ခင္ၾကင္နာၾကလို႔ပါ။ တစ္အိုးတစ္အိမ္နဲ႔ မိသားစု သိုက္သုိက္၀န္း၀န္း ျဖစ္ခ်င္ၾကလို႔ပါ။ အိမ္ေထာင္သည္ျဖစ္လာရင္ ခ်က္ခ်င္းမဟုတ္ေတာင္ တစ္ခ်ိန္ခ်ိန္ေတာ႔ သားသမီးလိုခ်င္လာတတ္ၾကပါတယ္။ လိုခ်င္တဲ႔အခါ ကေလးမရရင္စိတ္ဆင္းရဲတတ္ၾကတယ္။ ငါ႔အျပစ္လား၊ သူ႔အျပစ္လားေတြးတတ္ၾကတယ္။ ဘာေၾကာင္႔ကေလးမ ရၾကတာလဲ။
ကေလးမရဘူးဆိုတဲ႔ေနရာမွာ တားနည္းတစ္စံုတစ္ရာမွမသံုးဘဲ တစ္ႏွစ္ေက်ာ္ေလာက္ပံုမွန္လိင္ဆက္ဆံေနၾက ပါလ်က္နဲ႔ က ေလးမရတဲ႔အခါမွဆိုလိုတာပါ။ တစ္ခါမွမရဘူးတာလား။ ပထမကေလးရၿပီးမွ ထပ္မရေတာ႔တာ လား လည္းရွိတတ္ၾကပါတယ္။
ႏွစ္ေယာက္လံုးနဲ႔ဆိုင္တဲ႔အခ်က္ေတြကေတာ႔ အတူေနတဲ႔အခါအဆင္မေျပျခင္းေတြ၊ အတူေနတဲ႔ရက္ အပိုင္းအျခားနဲ႔အတူေနၿပီး ေရေဆးမိျခင္းေတြနဲ႔လည္း ဆိုင္တတ္တယ္။ ႏွစ္ေယာက္စလံုးမွာ စိတ္ဖိစီးမႈေတြမ်ားေနရင္ လည္းျဖစ္ႏိုင္တယ္။
အမ်ိဳးသားေၾကာင္႔ျဖစ္ႏိုင္တဲ႔အခ်က္ေတြက သုက္လႊတ္ျမန္ေနျခင္း၊ သုက္လႊတ္ေပမယ္႔ေနာက္ျပန္စီးေနျခင္း၊ သုက္ပိုးလံုး၀မပါ ျခင္း၊ သုက္ပိုးမျပည္႔မီျခင္း၊ ေမြးရာပါေ၀ွးေစ႔မပါျခင္း၊ ေသးျခင္း၊ ပိုး၀င္ဖူးျခင္း၊ ထိခိုက္ဒဏ္ရာရ ဖူးျခင္း၊ ခြဲစိပ္ဖူးျခင္း၊ ဓာတ္ေရာင္ ျခည္ခံဖူးျခင္း၊ ဂႏိုေရာဂါနဲ႔ TB ေရာဂါမ်ား၊ တခ်ိဳ႕ေသာေဆးေတြစြဲေသာက္ေနရ ျခင္းေတြေၾကာင္႔ ျဖစ္ႏိုင္တယ္။
အမ်ိဳးသမီးေတြေၾကာင္႔ ျဖစ္ႏိုင္တဲ႔အခ်က္ေတြက သားဥမေၾကြျခင္း၊ သားဥအိမ္နဲ႔ဆိုင္တဲ႔ေရာဂါမ်ား၊ သားဥျပြန္ ပိတ္ေနျခင္း၊ ေမြး ရာပါသားအိမ္မပါျခင္း၊ သားအိမ္တြင္အလံုးရွိေနျခင္း၊ သားအိမ္တြင္ေခါင္းခၽြဲေျမွးမရွိျခင္း၊ ျပစ္လြန္းျခင္း၊ မိန္းမကိုယ္လမ္း ေၾကာင္းပိတ္ျခင္း စတာေတြေၾကာင္႔ျဖစ္ႏိုင္ပါတယ္။ အရင္ကခြဲစိပ္ဖူးတာေတြရွိခဲ႔ရင္ လည္း အတြင္းကအဂၤါအစိတ္အပိုင္းေတြ တစ္ခုနဲ႔တစ္ခုကပ္ေနတတ္တယ္။ အဲလိုအခါေတြမွာလည္း ကေလးရဖို႔ ေႏွာင္႔ေနွးတတ္တယ္။ တခ်ိဳ႕ေတြၾကေတာ႔ ေဟာ္မုနး္ဆိုင္ ရာေရာဂါေတြေၾကာင္႔ ျဖစ္ႏိုင္တယ္။
ကေလးမရႏိုင္လို႔စစ္ေဆးရင္ အမ်ိဳးသားေရာအမ်ိဳးသမီးေရာစစ္ေဆးရတယ္။ နွစ္ေယာက္စလံုးမွာ ေသြးစစ္၊ ဆီးစစ္၊ ဓာတ္မွန္ ရိုက္၊ ultrasound ရိုက္ဖို႔လိုတယ္။ ေဟာ္မုန္းေတြလည္းစစ္ဖို႔လိုရင္ စစ္ရမယ္။ အမ်ိဳးသားေတြ သုက္ပိုးစစ္ဖို႔လိုတယ္။ အမ်ိဳးသမီး ေတြ သားဥေၾကြမေၾကြ၊ သားဥျပြန္ပိတ္မပိတ္စစ္ရတယ္။ ႏွစ္ေယာက္လံုးလို အပ္ရင္အသားစေတြ စစ္ဖို႔အထိလုပ္ရတတ္တယ္။
ကေလးမရတဲ႔အေၾကာင္းကိုရွာၿပီးမွ ရႏုိင္လား၊ မရႏုိင္ဘူးလား သိရမွာပါ။ တခ်ိဳ႕ကကုလို႔ရတယ္။ ကေလးျပန္ရႏိုင္တယ္။ တခ်ိဳ႕ က်ေတာ႔လည္း မရႏုိင္ေတာ႔ဘူး။ ကေလးမရေသးတဲ႔ အိမ္ေထာင္သည္ေတြက သားဖြားမီးယပ္ အထူးကုေတြနဲ႔တိုင္ပင္ၿပီး စစ္ေဆးဖို႔လိုပါတယ္။ လိုအပ္လာရင္အထူးကု သမားေတာ္ေတြနဲ႔ပါ တုိင္ပင္ရပါမယ္။
Author – Dr. CST
(Unicode)
အိမ်ထောင်ပြုတယ်ဆိုတာ တစ်ယောက်နဲ့တစ်ယောက် ချစ်ခင်ကြင်နာကြလို့ပါ။ တစ်အိုးတစ်အိမ်နဲ့ မိသားစု သိုက်သိုက်ဝန်းဝန်း ဖြစ်ချင်ကြလို့ပါ။ အိမ်ထောင်သည်ဖြစ်လာရင် ချက်ချင်းမဟုတ်တောင် တစ်ချိန်ချိန်တော့ သားသမီးလိုချင်လာတတ်ကြပါတယ်။ လိုချင်တဲ့အခါ ကလေးမရရင်စိတ်ဆင်းရဲတတ်ကြတယ်။ ငါ့အပြစ်လား၊ သူ့အပြစ်လားတွေးတတ်ကြတယ်။ ဘာကြောင့်ကလေးမ ရကြတာလဲ။
ကလေးမရဘူးဆိုတဲ့နေရာမှာ တားနည်းတစ်စုံတစ်ရာမှမသုံးဘဲ တစ်နှစ်ကျော်လောက်ပုံမှန်လိင်ဆက်ဆံနေကြ ပါလျက်နဲ့ က လေးမရတဲ့အခါမှဆိုလိုတာပါ။ တစ်ခါမှမရဘူးတာလား။ ပထမကလေးရပြီးမှ ထပ်မရတော့တာ လား လည်းရှိတတ်ကြပါတယ်။
နှစ်ယောက်လုံးနဲ့ဆိုင်တဲ့အချက်တွေကတော့ အတူနေတဲ့အခါအဆင်မပြေခြင်းတွေ၊ အတူနေတဲ့ရက် အပိုင်းအခြားနဲ့အတူနေပြီး ရေဆေးမိခြင်းတွေနဲ့လည်း ဆိုင်တတ်တယ်။ နှစ်ယောက်စလုံးမှာ စိတ်ဖိစီးမှုတွေများနေရင် လည်းဖြစ်နိုင်တယ်။
အမျိုးသားကြောင့်ဖြစ်နိုင်တဲ့အချက်တွေက သုက်လွှတ်မြန်နေခြင်း၊ သုက်လွှတ်ပေမယ့်နောက်ပြန်စီးနေခြင်း၊ သုက်ပိုးလုံးဝမပါ ခြင်း၊ သုက်ပိုးမပြည့်မီခြင်း၊ မွေးရာပါဝှေးစေ့မပါခြင်း၊ သေးခြင်း၊ ပိုးဝင်ဖူးခြင်း၊ ထိခိုက်ဒဏ်ရာရ ဖူးခြင်း၊ ခွဲစိပ်ဖူးခြင်း၊ ဓာတ်ရောင် ခြည်ခံဖူးခြင်း၊ ဂနိုရောဂါနဲ့ TB ရောဂါများ၊ တချို့သောဆေးတွေစွဲသောက်နေရ ခြင်းတွေကြောင့် ဖြစ်နိုင်တယ်။
အမျိုးသမီးတွေကြောင့် ဖြစ်နိုင်တဲ့အချက်တွေက သားဥမကြွေခြင်း၊ သားဥအိမ်နဲ့ဆိုင်တဲ့ရောဂါများ၊ သားဥပြွန် ပိတ်နေခြင်း၊ မွေး ရာပါသားအိမ်မပါခြင်း၊ သားအိမ်တွင်အလုံးရှိနေခြင်း၊ သားအိမ်တွင်ခေါင်းချွဲမြှေးမရှိခြင်း၊ ပြစ်လွန်းခြင်း၊ မိန်းမကိုယ်လမ်း ကြောင်းပိတ်ခြင်း စတာတွေကြောင့်ဖြစ်နိုင်ပါတယ်။ အရင်ကခွဲစိပ်ဖူးတာတွေရှိခဲ့ရင် လည်း အတွင်းကအင်္ဂါအစိတ်အပိုင်းတွေ တစ်ခုနဲ့တစ်ခုကပ်နေတတ်တယ်။ အဲလိုအခါတွေမှာလည်း ကလေးရဖို့ နှောင့်နှေးတတ်တယ်။ တချို့တွေကြတော့ ဟော်မုန်းဆိုင် ရာရောဂါတွေကြောင့် ဖြစ်နိုင်တယ်။
ကလေးမရနိုင်လို့စစ်ဆေးရင် အမျိုးသားရောအမျိုးသမီးရောစစ်ဆေးရတယ်။ နှစ်ယောက်စလုံးမှာ သွေးစစ်၊ ဆီးစစ်၊ ဓာတ်မှန် ရိုက်၊ ultrasound ရိုက်ဖို့လိုတယ်။ ဟော်မုန်းတွေလည်းစစ်ဖို့လိုရင် စစ်ရမယ်။ အမျိုးသားတွေ သုက်ပိုးစစ်ဖို့လိုတယ်။ အမျိုးသမီး တွေ သားဥကြွေမကြွေ၊ သားဥပြွန်ပိတ်မပိတ်စစ်ရတယ်။ နှစ်ယောက်လုံးလို အပ်ရင်အသားစတွေ စစ်ဖို့အထိလုပ်ရတတ်တယ်။
ကလေးမရတဲ့အကြောင်းကိုရှာပြီးမှ ရနိုင်လား၊ မရနိုင်ဘူးလား သိရမှာပါ။ တချို့ကကုလို့ရတယ်။ ကလေးပြန်ရနိုင်တယ်။ တချို့ ကျတော့လည်း မရနိုင်တော့ဘူး။ ကလေးမရသေးတဲ့ အိမ်ထောင်သည်တွေက သားဖွားမီးယပ် အထူးကုတွေနဲ့တိုင်ပင်ပြီး စစ်ဆေးဖို့လိုပါတယ်။ လိုအပ်လာရင်အထူးကု သမားတော်တွေနဲ့ပါ တိုင်ပင်ရပါမယ်။
Author – Dr. CST
