အစေ့အဆန်များပေးတဲ့ ကျန်းမာရေးအကျိုးကျေးဇူးများ

အစေ့အဆန်တွေဟာ ကျန်းမာရေးကို အထောက်အကူပေးတဲ့ အစားအသောက်ထဲမှာ ပါပါတယ်။ အစေ့အဆန်ထဲမှာ ကျန်းမာရေးနဲ့ ညီညွတ်တဲ့ အဆီဓာတ် (Unsaturated Fat) တွေပါတဲ့ အတွက် အဆီလျှော့စားတဲ့အခါမှာ အဆီဓာတ် လိုအပ်သလောက်ရဖို့ အစားထိုးစားဖို့ သင့်လျော်တယ်။ Unsaturated Fat တွေကို လိုအပ်သလောက် ပုံမှန်စားပေးတာဟာ နှလုံးအဆီဖုံးတာကို လျှော့ပေးနိုင်ပါတယ်။

ဒီဘက်ခေတ်မှာ ကွန်ပျူတာ နဲ့ အလုပ်လုပ်ရတာတွေ များလာတယ် ။ ဒါပေမဲ့  လူတွေက ပိုအလုပ်ရှုပ်လာကြတယ် ။ အထိုင်တွေများလာတယ်။ လှုပ်ရှားမှုတွေ နည်းလာတယ်။ အချိန်မရတော့ ကိုယ့်ဘာသာ ထမင်းဟင်းချက်စားဖို့ထက် အပြင်ကနေ ဝယ်စားကြတယ်။ ဒီလိုအခါမှာ အစားအသောက် အနေအထိုင်အကျင့်တွေကြောင့် လူတွေက ဝသထက်ဝလာကြတယ် ။

ဝလာတာက အချိုးကျကျ ဆိုရင် တော်သေးတာပေါ့ … ခန္ဓာကိုယ် အချိုးအစားမမှန်ဘဲ ဝတာဆိုရင်တော့ ပုံဆိုးပန်းဆိုးဖြစ်တော့ ပိန်ဖို့ နည်းလမ်းမျိုးစုံ ကို ရှာကြတော့တယ်။ အမှန်တော့ စာရေးတဲ့ ဆရာမ ကိုယ်တိုင် ဝလည်း ဝခဲ့ဖူးပါတယ် ။ နည်းလမ်းမျိုးစုံလည်း လုပ်ကြည့်ဖူးတယ် ။ အခုခေတ် လူတွေအလုပ်များတဲ့ ညနေစာ မစားတာတွေလည်း လုပ်ခဲ့တယ်။ လိုချင်လောက်တဲ့ ရလဒ်တော့ မရခဲ့ဘူး…

ဟိုတစ်လောကမှ အမှန်လို့ ပြောရလောက်တဲ့ နည်းလမ်းတစ်ခု တွေ့ခဲ့တယ်။ နည်းလမ်းကတော့ ခန္ဓာကိုယ်အလေးချိန် အတိုင်း လိုအပ်သလောက် စားဖို့နဲ့ နေ့စဉ် ပုံမှန်တစ်နာရီလောက် လှုပ်ရှားပေးဖို့ပါပဲ။

ဒီနေ့ ပြောချင်တဲ့ အစေ့အဆန်အကြောင်းက ခန္ဓာကိုယ်အလေးချိန် အတိုင်း လိုအပ်သလောက် စားဖို့ ဆိုတဲ့ အကြောင်းနဲ့ နည်းနည်း ဆက်စပ်တယ်။ ပိန်ချင်တော့ အစားရှောင်ကြတယ်၊ အစားရှောင်တာဟာ လုံးဝမှားတယ်လိုတော့ မဆိုလိုပါဘူ။း ဒါပေမဲ့ အစားကို ရှောင်ကြတဲ့ အခါမှာ နည်းလမ်းမမှန်ခဲ့ရင် အာဟာရချို့တဲ့မှု တွေပြန်ဖြစ်နိုင်တယ်။ အစားရှောင်ပေမဲ့ တစ်နေ့တာအတွက် လိုအပ်တဲ့ အစာအာဟာရဓာတ် ခြောက်မျိုးကိုတော့ အချိုးညီညီဖြည့်တင်းပေးသင့်ပါတယ်။

အစေ့အဆန်ထဲမှာ လူအများစု သိကြတာကတော့ စူပါမားကက်တွေမှာ ထုပ်ပိုးပြီး ရောင်းတတ်တဲ့ ဗာဒံစေ့၊ သီဟိုဠ်စေ့ အစရှိတဲ့ အစေ့မျိုးစုံကို ဆိုလိုပါတယ်။

အစေ့အဆန်တွေဟာ ကျန်းမာရေးကို အထောက်အကူပေးတဲ့ အစားအသောက်ထဲမှာ ပါပါတယ်။ အစေ့အဆန်ထဲမှာ ကျန်းမာရေးနဲ့ ညီညွတ်တဲ့ အဆီဓာတ် (Unsaturated Fat) တွေပါတဲ့ အတွက် အဆီလျှော့စားတဲ့အခါမှာ အဆီဓာတ် လိုအပ်သလောက်ရဖို့ အစားထိုးစားဖို့ သင့်လျော်တယ်။ Unsaturated Fat တွေကို လိုအပ်သလောက် ပုံမှန်စားပေးတာဟာ နှလုံးအဆီဖုံးတာကို လျှော့ပေးနိုင်ပါတယ်။

ဒါပေမဲ့ ဒီအစေ့အဆန်တွေမှာ ပါဝင်တဲ့ အာဟာရဓာတ် (Calorie ) တွေက များတဲ့အတွက် လိုအပ်တာထက်တော့ ပိုစားဖို့ မသင့်တော်ပါဘူး ။ ဘယ်လို အဆီဓာတ်မျိုးပဲ ဖြစ်ပါစေ ကိုယ်မှာလိုအပ်တာထက် ပိုနေရင် ခန္ဓာကိုယ်က ပုံစံပြောင်းပြီး သိုလှောင်မို့ပါပဲ။ အစေ့အဆန်တွေမှာ Unsaturated Fat အပြင် Omega 3 လည်း ပါပါတယ်။ Omega 3 ဓာတ်ဟာလည်း နှလုံးကျန်းမာစေဖို့ အထောက်အကူပြုပေးတဲ့ ဓာတ်တစ်မျိုး ဖြစ်ပါတယ်။ ခန္ဓာကိုယ်ထဲမှာ ရှိတဲ့ မကောင်းတဲ့ အဆီဓာတ်တွေကို လည်း လျှော့ချပေးပါတယ်။

ပါဝင်တဲ့ Fiber ဓာတ်ဟာလည်း ကိုယ်တွင်းက Cholesterol တွေကို လျှော့ချပေးဖို့ အတွက် ကူညီပေးပါတယ်။  Antioxidant အာနိသင် ရှိတဲ့  Vitamin E ဟာ လည်း အစေ့အဆံ အတော်များများမှာပါပါတယ်။ Vitamin E ဓာတ်ဟာ ကိုယ်ခန္ဓာအလှအပအတွက်လည်း အရေးပါတဲ့ ဗီတာမင်တစ်မျိုး ဖြစ်သလို ကင်ဆာရောဂါတွေ နှလုံးရောဂါတွေ လျော့ချပေးတဲ့ နေရာမှာလည်း ပါပါတယ်။ အသားဓာတ်ကြွယ်ဝတဲ့အတွက်လည်း အဆီအစားထိုးအနေနဲ့သာမဟုတ်ဘဲ အသားဓာတ်အစားထိုးအနေနဲ့ ပါ စားလို့ရပါတယ်။

ဒါ့ပြင် အစေ့အဆefတွေမှာ Magnesium Phosphorus Copper Manganese Selenium အစရှိတဲ့ ခန္ဓာကိုယ် အတွက် လိုအပ်တဲ့ သတ္တုဓာတ်တွေလည်း ပါပါတယ်။ ဒါကြောင့်မို့ အစေ့အဆံတွေကို လိုအပ်သလောက် စားပေးမယ်ဆိုရင်  နှလုံးရောဂါ ဆီးချိုရောဂါတွေ အဝလွန်တာတွေကို တားဆီးပေးနိုင်မှာ အမှန်ပါပဲ။

Author: Dr. မွှေး