fbpx

Download OnDoctor App on Google Play

Myanmar (Covid-19 Stats)

😷 11,631 Total Cases
😥 256 Deaths
😇 3,073 Recovered

လေထိုးလေအောင့်ခြင်း

-လေထိုးလေအောင့်ခြင်း ဝေဒနာဟာ မွေးကာစကလေးငယ်များတွင်အလွန်ဖြစ်လေ့ရှိသောဝေဒနာတစ်ခုဖြစ်တယ်။

-မွေးကာစကလေး၅ယောက်တွင် တစ်ယောက်နှုန်းခန့် ခံစားရလေ့ရှိပါတယ်။

-ယေဘုယျအားဖြင့် ကလေးသည်အကြောင်းအရင်းမရှိပဲ အချိန်ကြာမြင့်စွာ မကြာခဏငိုခြင်း ဖြစ်နေလျှင် လေထိုးလေအောင့် ခံစားရနေတာမျိုး ဖြစ်နိုင်ပါတယ်။

-တစ်နေ့လျှင် ၃ခေါက်နီးပါးထထငိုပြီး တစ်ပတ်လျှင် ၃ရက်နီးပါးခန့်ဖြစ်နေပြီဆိုလျှင် ကလေးငယ်သည် လေထိုးလေအောင့်ခြင်းခံစားရတာ ပို၍ဖြစ်နိုင်ပါတယ်။

-လူကြီးများတွင်လည်း လေထိုးလေအောင့်ဝေဒနာဖြစ်တတ်ပါတယ်။

-ကိုယ်ဝန်ဆောင်စဉ် မိခင်ဆေးလိပ်သောက်ခြင်းဟာ မွေးကာစကလေးငယ်ကို လေထိုးလေအောင့်ပိုဖြစ်စေနိုင်ပါတယ်။

Q.ရောဂါသဘာဝ

-လေထိုးလေအောင့်ခြင်ဟာ မွေးပြီးရသတ္တပတ် အနည်းငယ်အတွင်းစပြီးဖြစ်လေ့ရှိပါတယ်။

-ကလေးအသက် 3လ-၄လအထိ ခံစားရနိုင်ပါတယိ။

-လေထိုးလေအောင့်ခြင်းဟာ ကလေးငယ်ကို ဆိုးရဝါးစွာငိုနေနိုင်စေသော်လည်း အသက်အန္တရာယ်ရှိစေနိုင်သော ဝေဒနာတစ်ခုတော့မဟုတ်ပါ။

Q.ဘာကြောင့်လေထိုးလေအောင့်ဖြစ်ရတာလဲ?

ယေဘုယျအားဖြင့်

-ကလေးနို့စို့စဉ်လေများမျိုချမိခြင်း

– အစာမကြေခြင်း

အခြား

-နို့နှင့် ဓာတ်မတည့်ခြင်း

(Milk allergy,Lactose Intolerance)

-မိခင်ဆေးလိပ်သောက်ခြင်း

Q.ကလေးတွင်တွေ့ရမည့်လက္ခဏာများ

1.ပြင်းထန်စွာလှိမ့်၍ငိုခြင်း

*မျက်နှာနီရဲသည်အထိခြစ်အော်ငိုနေခြင်း

*အကြောင်းအရင်းမရှိပဲရုတ်တရတ်ထထငိုခြင်း

*နေ့စဉ်အချိန်မှန်နီးပါး ထ၍ငိုခြင်း

*အထူးသဖြင့် နေလည်ခင်းနှင့် ညနေများ

*ငိုနေစဉ်လေလည်ခြင်း

2.ကလေးအနေအထား

*လက်သီးဆုပ်ထားခြင်း

*ဗိုက်တင်းနေခြင်း

*ဒူးကွေးထားခြင်း

*ခန္ဓာကိုယ်ခပ်ကွေးကွေးလေးနေနေခြင်း

3.အိပ်စက်ခြင်း

*ကောင်းကောင်းမအိပ်ပဲ ကြားဖောက် ထထငိုခြင်း

4.နို့စို့ခြင်း

*နို့စို့နေစဉ်အတွင်း ထထငိုခြင်း

*နို့စို့ခြင်းကိုအနှောင့်အယှက်ဖြစ်စေသော်လည်း နို့ဝင်အောင်စို့နိုင်သည့်ပမာဏ ပုံမှန်အတိုင်းရှိနေခြင်း

Q.ကုသခြင်း

-မွေးကင်းစ ခလေးငယ်အချို့မှာ လေထိုးလေအောင့်ခြင်းဟာ ပုံမှန်ဝေဒနာတစ်ခုအနေနဲ့ဖြစ်လေ့ရှိပါတယ်။

-ဆေးဖြင့်ကုသရန် ယေဘုယျအားဖြင့် ညွှန်ကြားချက်မရှိပါ။

-အသေအချာ ကလေးလေထိုးလေအောင့်ပျောက်စေသောဆေးဟူ၍မရှိပါ။

-အကောင်းဆုံးနည်းလမ်းမှာ ကလေးငယ်အား နို့တိုက်ပြီးတိုင်း လေထုတ်ပေးခြင်း၊ နို့တိုက်သည့် ဖော်မြူလာပြောင်းပေးခြင်း၊မိခင်အစားအသောက်ဆင်ခြင်ခြင်း တို့ဖြစ်တယ်။

1.ကလေးငယ်အားဂရုစိုက်ရန်နည်းလမ်းများ

-နို့တိုက်ပြီးတိုင်း လေထုတ်ပေးပါ။

(*ကလေးငယ်ကို ထိုင်သည့်အနေအထားဖြင့် သို့မဟုတ် ပခုံးပေါ်မှီတင်ပေးထာပြီး ကြောလေးပုတ်ပေးပါ။

ချီလိုက်ချလိုက်လုပ်လျှင်ပိုဆိုးစေပါတယ်။

တစ်ခါတစ်ရ့လေနှင့်အတူ နို့ပါနည်းနည်းပြန်ထွက်တတ်ပါတယ်။

စိုးရိမ်စရာမလိုပါ။

ပုံမှန်အခြေအနေတစ်ခုသာဖြစ်ပါတယ်။)

-ငိုနေစဉ် စောင်ထဲတွင် နွေးနွေးထွေးထွေးထုပ်ထားပါ။

ချီထားပါ။

-ဆူညံခြင်းမရှိသော၊အလင်းမစုသော နေရာတွင် ချီပြီး လမ်းလျှောက်ပေးပါ။

-ကလေးငယ်အားရေနွေးနွေးဖြင့် ရေချိုးပေးပြီး နှိပ်နယ်ပေးပါ။

-နို့ဘူးတိုက်သောကလေးငယ်များဆိုလျှင် ကလေးပါးစပ်နှင့်သင့်တော်မည့် နို့သီးခေါင်း အရွယ်အစားကိုသေချာရွေးပါ။

-တစ်ကြိမ်တည်းအမျာကြီးတိုက်မည့်အစား နဲနဲနှင့်ခဏခဏတိုက်ပါ ။

-ကလေးသည် နွားနို့မှရသည့်ဓာတ်နှင့်ဓာတ်မတည့်ခြင်းရှိလျှင် သုံးသည့် နို့မှုန့်ဖော်မြူလာကိုပြောင်းပါ။ ဓာတ်မတည့်မှုနည်းစေသော အထူးလုပ်ထားသည့် နို့မှုန့်ကိုသာပြောင်းလဲတိုက်ပါ။

2.မိခင်

-ဆေးလိပ်ဖြတ်ပါ။

-အရက်ရှောင်ပါ။

-လက်ဖက်ရည်၊ကော်ဖီ ရှောင်ပါ။

-စပ်သည့်အစားအသောက်များရှောင်ပါ။

-သား၊ငါး၊အသီးအရွက်၊အသီးအနှံ အကုန်စားနိုင်ပါတယ်။

3.ဆေးများ

-Simethicone အစက်ချဆေးရည်

-Lactase အစက်ချဆေးရည်

Q.ဘယ်အချိန်ဆရာဝန်နှင့်ပြမလဲ?

-စိတ်ပူလျှင်

-ကလေးအသက် ၄လကျော်သည်အထိ လေထိုးလေအောင့်ခြင်း ဆက်တိုက်ရှိနေလျှင်

-ငိုသံပုံမှန်မဟုတ်လျှင်

-အိမ်တွင်းနည်းလမ်းများနှင်မသက်သာလျှင်

-ဝမ်းထဲသွေးတွေ့လျှင်

-အဖျားရှိလျှင်

-ဗိုက်တွင် အလုံးစမ်းမိလျှင်

-အန်လျှင်

-ဗိုက်တွင်အူလှုပ်သည့်ပုံစံမျိုးလှိုင်းတွန့်ထနေသည်ကိုမြင်ရလျှင်

 

Dr.Yin Yin Win

M.B.,B.S (YGN)

Dip.Med.Sc(Family Medicine)

ဆက်စပ် ဆောင်းပါးများ