fbpx

Download OnDoctor App on Google Play

Myanmar (Covid-19 Stats)

😷 12,425 Total Cases
😥 284 Deaths
😇 3,391 Recovered

အမျိုးသမီးများနှင့် နှလုံးအောင့်ရောဂါ

(Zawgyi)

လူလတ္ပိုင္းအမ်ိဳးသမီးေတြမွာ ႐ုတ္တရက္ႏွလုံးေအာင့္ျခင္း ျဖစ္တတ္ပါတယ္။ ႏွလုံးစူးကနဲေအာင့္ျခင္းႏွင့္ ႐ုတ္တရက္ အျပင္းအထန္ နာက်င္စြာ ေအာင့္ျခင္းတို႔ျဖစ္တယ္။ သည္အပတ္ မဂၤလာေမာင္မယ္စကားဝိုင္းမွာ အမ်ိဳးသမီးမ်ားႏွင့္ ႏွလုံးေအာင့္ေရာဂါ အေၾကာင္း ေဆြးေႏြးထားပါတယ္။

ေမာင္ – ႏွလုံးဘာေၾကာင့္ ေအာင့္ရတာလဲဆရာ။
ေဒါက္တာမဂၤလာ – ႏွလုံးအေထာက္အကူျပဳတဲ့ ႏွလုံးေသြးလႊတ္ေၾကာမ်ားဟာ ေသြးခဲစ (သို႔) အဆီဖတ္မ်ား ပိတ္ဆို႔မႈေၾကာင့္ တျဖည္းျဖည္း က်ဥ္းေျမာင္းလာတဲ့အတြက္ ေသြးေၾကာမ်ားအတြင္း စီးဝင္မယ့္ ေသြးပမာဏ ေလ်ာ့နည္းလာလို႔ ႏွလုံးႂကြက္သားမွာ ေအာက္စီဂ်င္ လုံလုံေလာက္ေလာက္ မရတဲ့အခါ ႏွလုံးဟာ ပုံမွန္ထက္ အလုပ္ပိုရလို႔ ႏွလုံးေအာင့္ျခင္း ျဖစ္ပါတယ္။ အမ်ိဳးသမီးေတြမွာ ပိုမို ခံစားရၿပီး ေသဆုံးႏႈန္းျမင့္တယ္။

မယ္ – စစခ်င္းေတာ့ ခံႏိူင္ရည္ ရွိမွာေပါ့ဆရာ။
ေဒါက္တာမဂၤလာ – စစခ်င္းမွာ ခံႏိူင္ရည္ရွိေပမယ့္ ပိုမိုေသြးေၾကာက်ဥ္းလာေလ ႏွလုံးေအာင့္တာ ပိုဆိုးေလျဖစ္တယ္။ ဖိစီးမႈမ်ားျခင္းနဲ႔ အစားမ်ားမ်ား စားၿပီးခ်ိန္မွာ ပိုမိုျဖစ္တတ္ပါတယ္။

ေမာင္ – ေသမတတ္ခံစားရႏိူင္တာေပါ့ဆရာ။
ေဒါက္တာမဂၤလာ – အဓိကလကၡဏာက ႏွလုံးရဲ႕အေပၚပိုင္းမွာ တင္းက်ပ္စြာ ဖ်စ္ညႇစ္ထားသလို ခံစားရျခင္းနဲ႔အတူ စူးၿပီးေအာင့္ျခင္း၊ ေဝဒနာခံစားရကာ ေခတၱနားလိုက္ရင္ သက္သာသြားတတ္ပါတယ္။

မယ္ – အမ်ိဳးသမီးဘယ္အ႐ြယ္မွာ ပို ျဖစ္သလဲ ဆရာ။
ေဒါက္တာမဂၤလာ – အမ်ိဳးသမီးႏွလုံးေရာဂါရွင္မ်ားဟာ အမ်ိဳးသား ႏွလုံးေရာဂါရွင္မ်ားထက္ ပိုမ်ားေပမယ့္ အမ်ားအားျဖင့္ အမ်ိဳးသမီးေသြးဆုံးခ်ိန္ ေနာက္ပိုင္းမွာ ပိုျဖစ္တတ္ပါသည္။ ႏွလုံးေသြးေၾကာထဲ အဆီ ကပ္ၿငိရင္ ခႏၶာကိုယ္ ခုခံအားစနစ္ ေလ်ာ့နည္းကာ ႏွလုံးေသြးေၾကာမ်ား ေရာင္ရမ္းၿပီး ေသြးေၾကာမာလာတယ္။

ေမာင္ – အမ်ိဳးသမီးေတြ ဘာေၾကာင့္ ေနာက္က်မွ ႏွလုံးေရာဂါျဖစ္ရသလဲ ဆရာ။
ေဒါက္တာမဂၤလာ – အမ်ိဳးသားမ်ားဟာ အမ်ိဳးသမီးထက္ ၁၀ႏွစ္ခန႔္ ေစာၿပီး ျဖစ္တတ္တယ္။အမ်ိဳးသမီးမ်ား ေစာေစာ ႏွလုံးေရာဂါမျဖစ္ရျခင္းမွာ အမ်ိဳးသမီးေဟာ္မုန္း အီစႀတိဳဂ်င္ အကာကြယ္ေပးထားလို႔ပဲ။

မယ္ – ႏွလုံးေသြးေၾကာက်ဥ္းေရာဂါ ဘာေၾကာင့္ျဖစ္ရသလဲဆရာ။
ေဒါက္တာမဂၤလာ – ေဆးလိပ္ေသာက္ျခင္း၊ ေသြးေပါင္တက္ျခင္း၊ အဝလြန္ျခင္း၊ စိတ္ဖိစီးမႈမ်ားျခင္း၊ ကိုယ္လက္စထေရာ ပမာဏ ေသြးအတြင္းျမင့္တက္ေနျခင္း၊ ေသြးအားနည္းျခင္း၊ ဆီးခ်ိဳ၊ ေသြးခ်ိဳ ေရာဂါေၾကာင့္ပဲ။

ေမာင္ – အမ်ိဳးသမီးေတြ ႏွလုံးေအာင့္ျခင္း ပိုမိုျဖစ္ေစတဲ့အခ်က္ေတြကေရာ ဆရာ။
ေဒါက္တာမဂၤလာ – အဆီမ်ားတဲ့ အစားအစာမ်ား၊ အလြန္အကြၽံစားျခင္း၊ ကိုယ္လက္လႈပ္ရွားေလ့က်င့္ခန္းယူမႈ နည္းပါးျခင္း၊ အဝလြန္ေရာဂါ၊ ဆီးခ်ိဳေရာဂါ၊ ပဋိသေႏၶတားေဆးေသာက္သုံးျခင္း၊ ကိုယ္ဝန္အဆိပ္တက္ျခင္း၊ ကိုယ္ဝန္ေဆာင္စဥ္ ဆီးခ်ိဳေရာဂါျဖစ္ျခင္း၊ စိတ္ဖိစီးမႈမ်ားျခင္း၊ လုပ္ငန္းခြင္ဖိအား၊ မိသားစုတာဝန္တစ္ဖက္ႏွင့္ အခ်ိန္လုၿပီး အလုပ္လုပ္ရျခင္း၊ သူတစ္ပါး မနာလိုစိတ္မ်ားျခင္း၊ အလိုေလာဘႀကီးျခင္းတို႔ေၾကာင့္ ျဖစ္တယ္။

မယ္ – ႏွလုံးေသြးေၾကာက်ဥ္းျခင္း ပိုမိုျဖစ္ပြားေစတဲ့ အခ်က္အလက္မ်ားကေရာ ဆရာ။
ေဒါက္တာမဂၤလာ – ၾကက္သြန္ျဖဴဟာ ခႏၶာကိုယ္ထဲရွိ ေကာင္းတဲ့ ကိုလက္စထေရာကို ထိန္းညႇိေပးလို႔ စားသင့္တယ္။ ေသြးေပါင္တက္ျခင္းနဲ႔ ဆီးခ်ိဳတက္ျခင္းတို႔က ႏွလုံးေရာဂါေသြးေၾကာက်ဥ္း ပိုမိုျဖစ္ေစလို႔ ေသြးေပါင္ပုံမွန္ျဖစ္ေစဖို႔ ဆီးခ်ိဳေဖာက္စစ္ဖို႔ ေဆးေသာက္ဖို႔ လိုအပ္တယ္။

ေမာင္ – အရက္နဲ႔ ေကာ္ဖီ၊ ေဆးလိပ္ကေရာ ဆရာ။
ေဒါက္တာမဂၤလာ – အရက္၊ ဘီယာ (သို႔) အရက္ပါတဲ့ အရည္ကို ေရွာင္ၾကဥ္ရမယ္။ ကဖိန္းဓာတ္ပါဝင္တဲ့ အခ်ိဳရည္အမ်ိဳးမ်ိဳးကို မေသာက္သုံးသင့္ပါဘူး။ ပဋိသေႏၶစားေဆး အစား အျခားနည္းနဲ႔ ကိုယ္ဝန္မရေအာင္ လုပ္ေဆာင္သင့္တယ္။

မယ္ – ဆရာဝန္နဲ႔ ဘယ္အခ်ိန္ ျပသင့္သလဲ ဆရာ။
ေဒါက္တာမဂၤလာ – အမ်ိဳးသမီးဟာ အေၾကာင္းအမ်ိဳးမ်ိဳးေၾကာင့္ ႏွလုံးေအာင့္ျခင္း ျဖစ္ရင္ ဆရာဝန္နဲ႔ ျပသမႈ ခံယူကာ အနားယူကာ ကုသမႈ ခံယူသင့္ပါတယ္။ အမ်ိဳးသမီးဟာ အမ်ိဳးသားထက္ Heart Attach ေရာဂါ ပိုမိုခံစားရႏိူင္လို႔ လူေနမႈပုံစံ ေအးေအးခ်မ္းခ်မ္း ဘဝေျပာင္းလဲ သင့္ပါတယ္။

Author; Dr.Mingalar , Healthcare Journal ,(12.8.16) vol 7,no 30

(Unicode)

လူလတ်ပိုင်းအမျိုးသမီးတွေမှာ ရုတ်တရက်နှလုံးအောင့်ခြင်း ဖြစ်တတ်ပါတယ်။ နှလုံးစူးကနဲအောင့်ခြင်းနှင့် ရုတ်တရက် အပြင်းအထန် နာကျင်စွာ အောင့်ခြင်းတို့ဖြစ်တယ်။ သည်အပတ် မင်္ဂလာမောင်မယ်စကားဝိုင်းမှာ အမျိုးသမီးများနှင့် နှလုံးအောင့်ရောဂါ အကြောင်း ဆွေးနွေးထားပါတယ်။

မောင် – နှလုံးဘာကြောင့် အောင့်ရတာလဲဆရာ။
ဒေါက်တာမင်္ဂလာ – နှလုံးအထောက်အကူပြုတဲ့ နှလုံးသွေးလွှတ်ကြောများဟာ သွေးခဲစ (သို့) အဆီဖတ်များ ပိတ်ဆို့မှုကြောင့် တဖြည်းဖြည်း ကျဉ်းမြောင်းလာတဲ့အတွက် သွေးကြောများအတွင်း စီးဝင်မယ့် သွေးပမာဏ လျော့နည်းလာလို့ နှလုံးကြွက်သားမှာ အောက်စီဂျင် လုံလုံလောက်လောက် မရတဲ့အခါ နှလုံးဟာ ပုံမှန်ထက် အလုပ်ပိုရလို့ နှလုံးအောင့်ခြင်း ဖြစ်ပါတယ်။ အမျိုးသမီးတွေမှာ ပိုမို ခံစားရပြီး သေဆုံးနှုန်းမြင့်တယ်။

မယ် – စစချင်းတော့ ခံနိူင်ရည် ရှိမှာပေါ့ဆရာ။
ဒေါက်တာမင်္ဂလာ – စစချင်းမှာ ခံနိူင်ရည်ရှိပေမယ့် ပိုမိုသွေးကြောကျဉ်းလာလေ နှလုံးအောင့်တာ ပိုဆိုးလေဖြစ်တယ်။ ဖိစီးမှုများခြင်းနဲ့ အစားများများ စားပြီးချိန်မှာ ပိုမိုဖြစ်တတ်ပါတယ်။

မောင် – သေမတတ်ခံစားရနိူင်တာပေါ့ဆရာ။
ဒေါက်တာမင်္ဂလာ – အဓိကလက္ခဏာက နှလုံးရဲ့အပေါ်ပိုင်းမှာ တင်းကျပ်စွာ ဖျစ်ညှစ်ထားသလို ခံစားရခြင်းနဲ့အတူ စူးပြီးအောင့်ခြင်း၊ ဝေဒနာခံစားရကာ ခေတ္တနားလိုက်ရင် သက်သာသွားတတ်ပါတယ်။

မယ် – အမျိုးသမီးဘယ်အရွယ်မှာ ပို ဖြစ်သလဲ ဆရာ။
ဒေါက်တာမင်္ဂလာ – အမျိုးသမီးနှလုံးရောဂါရှင်များဟာ အမျိုးသား နှလုံးရောဂါရှင်များထက် ပိုများပေမယ့် အများအားဖြင့် အမျိုးသမီးသွေးဆုံးချိန် နောက်ပိုင်းမှာ ပိုဖြစ်တတ်ပါသည်။ နှလုံးသွေးကြောထဲ အဆီ ကပ်ငြိရင် ခန္ဓာကိုယ် ခုခံအားစနစ် လျော့နည်းကာ နှလုံးသွေးကြောများ ရောင်ရမ်းပြီး သွေးကြောမာလာတယ်။

မောင် – အမျိုးသမီးတွေ ဘာကြောင့် နောက်ကျမှ နှလုံးရောဂါဖြစ်ရသလဲ ဆရာ။
ဒေါက်တာမင်္ဂလာ – အမျိုးသားများဟာ အမျိုးသမီးထက် ၁၀နှစ်ခန့် စောပြီး ဖြစ်တတ်တယ်။အမျိုးသမီးများ စောစော နှလုံးရောဂါမဖြစ်ရခြင်းမှာ အမျိုးသမီးဟော်မုန်း အီစတြိုဂျင်
အကာကွယ်ပေးထားလို့ပဲ။

မယ် – နှလုံးသွေးကြောကျဉ်းရောဂါ ဘာကြောင့်ဖြစ်ရသလဲဆရာ။
ဒေါက်တာမင်္ဂလာ – ဆေးလိပ်သောက်ခြင်း၊ သွေးပေါင်တက်ခြင်း၊ အဝလွန်ခြင်း၊ စိတ်ဖိစီးမှုများခြင်း၊ ကိုယ်လက်စထရော ပမာဏ သွေးအတွင်းမြင့်တက်နေခြင်း၊ သွေးအားနည်းခြင်း၊ ဆီးချို၊ သွေးချို ရောဂါကြောင့်ပဲ။

မောင် – အမျိုးသမီးတွေ နှလုံးအောင့်ခြင်း ပိုမိုဖြစ်စေတဲ့အချက်တွေကရော ဆရာ။
ဒေါက်တာမင်္ဂလာ – အဆီများတဲ့ အစားအစာများ၊ အလွန်အကျွံစားခြင်း၊ ကိုယ်လက်လှုပ်ရှားလေ့ကျင့်ခန်းယူမှု နည်းပါးခြင်း၊ အဝလွန်ရောဂါ၊ ဆီးချိုရောဂါ၊ ပဋိသန္ဓေတားဆေးသောက်သုံးခြင်း၊ ကိုယ်ဝန်အဆိပ်တက်ခြင်း၊ ကိုယ်ဝန်ဆောင်စဉ် ဆီးချိုရောဂါဖြစ်ခြင်း၊ စိတ်ဖိစီးမှုများခြင်း၊ လုပ်ငန်းခွင်ဖိအား၊ မိသားစုတာဝန်တစ်ဖက်နှင့် အချိန်လုပြီး အလုပ်လုပ်ရခြင်း၊ သူတစ်ပါး မနာလိုစိတ်များခြင်း၊ အလိုလောဘကြီးခြင်းတို့ကြောင့် ဖြစ်တယ်။

မယ် – နှလုံးသွေးကြောကျဉ်းခြင်း ပိုမိုဖြစ်ပွားစေတဲ့ အချက်အလက်များကရော ဆရာ။
ဒါက်တာမင်္ဂလာ – ကြက်သွန်ဖြူဟာ ခန္ဓာကိုယ်ထဲရှိ ကောင်းတဲ့ ကိုလက်စထရောကို ထိန်းညှိပေးလို့ စားသင့်တယ်။ သွေးပေါင်တက်ခြင်းနဲ့ ဆီးချိုတက်ခြင်းတို့က နှလုံးရောဂါသွေးကြောကျဉ်း ပိုမိုဖြစ်စေလို့ သွေးပေါင်ပုံမှန်ဖြစ်စေဖို့ ဆီးချိုဖောက်စစ်ဖို့ ဆေးသောက်ဖို့ လိုအပ်တယ်။

မောင် – အရက်နဲ့ ကော်ဖီ၊ ဆေးလိပ်ကရော ဆရာ။
ဒေါက်တာမင်္ဂလာ – အရက်၊ ဘီယာ (သို့) အရက်ပါတဲ့ အရည်ကို ရှောင်ကြဉ်ရမယ်။ ကဖိန်းဓာတ်ပါဝင်တဲ့ အချိုရည်အမျိုးမျိုးကို မသောက်သုံးသင့်ပါဘူး။ ပဋိသန္ဓေစားဆေး အစား အခြားနည်းနဲ့ ကိုယ်ဝန်မရအောင် လုပ်ဆောင်သင့်တယ်။

မယ် – ဆရာဝန်နဲ့ ဘယ်အချိန် ပြသင့်သလဲ ဆရာ။
ဒေါက်တာမင်္ဂလာ – အမျိုးသမီးဟာ အကြောင်းအမျိုးမျိုးကြောင့် နှလုံးအောင့်ခြင်း ဖြစ်ရင် ဆရာဝန်နဲ့ ပြသမှု ခံယူကာ အနားယူကာ ကုသမှု ခံယူသင့်ပါတယ်။ အမျိုးသမီးဟာ အမျိုးသားထက် Heart Attach ရောဂါ ပိုမိုခံစားရနိူင်လို့ လူနေမှုပုံစံ အေးအေးချမ်းချမ်း ဘဝပြောင်းလဲ သင့်ပါတယ်။

Author; Dr.Mingalar , Healthcare Journal ,(12.8.16) vol 7,no 30

ဆက်စပ် ဆောင်းပါးများ