သင့်အသားအရေ ထိန်းသိမ်းဖို့အတွက် သဘာဝအဆီများ

သဘာဝအဆီတွေဟာ အသားအရေအတွက် ဘာကြောင့်ကောင်းတာလဲ?

သဘာဝအဆီတွေမှာ အသားအရေနုပျိုကျန်းမာစေသော ဓာတ်တိုးဆန့်ကျင်ဓာတ်များ၊ အရောင်ရမ်းမှုကျစေသော ဓာတ်များအပြင် Vitamin A၊ Vitamin C၊ Vitamin E၊ Vitamin D၊ Polyphenols၊ Flavonoids၊ Botanical antioxidants၊ Coenzyme Q10၊ Omega-3 Fatty acids တွေ များစွာပါဝင်တဲ့အတွက် အသားအရေအတွက် အလွန်ကောင်းမွန်စေပါတယ်။

စစ်တမ်းများအရ သဘာဝအဆီများဟာ သင်တို့ရဲ့ အသားအရေအား –

(၁) ရေဓာတ်ထိန်းပေးခြင်း
(၂) ချောမွေ့စေခြင်း
(၃) Antioxidant အာနိသင်ဖြစ်သော ဓာတ်တိုးဆန့်ကျင်ဓာတ် free radicals များကြောင့် ပျက်စီးမှုများမှ ကာကွယ်ပေးခြင်း
(၄) အရောင်အရမ်းကျစေခြင်း နှင့်
(၅) ဘတ်တီးရီးယားများဒဏ်မှ ကာကွယ်ပေးခြင်း
(၆) အမာရွတ်များကို မှေးမှိန်သက်သာစေခြင်း
(၇) UV ကြောင့် အသားအရေ ပျက်စီးမှုများပိုလျှော့ချပေးခြင်း စသည့် အကျိုးကျေးဇူးများ ရစေပါတယ်

သင့်အသားအရေအတွက် ရွေးချယ်စရာ အကောင်းဆုံး သဘာဝအဆီများ

၁။ Olive Oil

– သံလွင်ဆီတွင် Vitamin A,D,E,K ဓာတ်များ ကြွယ်ဝစွာ ပါဝင်ပါတယ်။

– ၂၀၁၆ ခုနှစ်၊ အောက်တိုဘာလတွင် ထုတ်ဝေခဲ့တဲ့ Journal of Nanomaterials and Nanotechnology တွင် သံလွင်ဆီမှာ အစိုဓာတ်ထိန်းပေးနိုင်တဲ့ moisturizer အာနိသင်ရှိတယ်လို့ ဆိုပါတယ်။

– သံလွင်ဆီပါသော မျက်နှာသစ်ဆေး သို့မဟုတ် သံလွင်ဆီပါသော ဆပ်ပြာဆိုလျှင်ပင် သင့်အသားအရေကို ခြောက်သွေ့ခြင်းမဖြစ်အောင် ကူညီနိုင်ပါလိမ့်မယ်။

– ထို့အပြင် သံလွင်ဆီဟာ နေရောင်ကြောင့်ဖြစ်ပေါ်လာသော အမဲစက်များနှင့် အရေးအကြောင်းများကို သက်သာစေတယ်လို့ ဆိုပါတယ်။

၂၊ Jojoba Oil

– Jojoba (ဟဟိုးဘားဟု ခေါ်သည်) အပင်တွေဟာ မက္ကဆီကိုနိုင်ငံ နှင့် အမေရိကန် အနောက်တောင်ဒေသတွေမှာ တွေ့ရသောအပင်တွေဖြစ်ပါတယ်။

– ဒီ ဟဟိုးဘားအစေ့မှရသော ဟဟိုးဘားအဆီမှာ ရောင်ရမ်းသက်သာစေသောဓာတ်များအပြင် အနာအကျက်မြန်စေသော အကျိုးအာနိသင်တွေရှိတယ်လို့ Italian Society of Dermatology and Sexually Transmitted Diseases ဂျာနယ်မှာ ဆိုထားပါတယ်။

– ဒါ့အပြင် ဟဟိုးဘားဆီဟာ သဘာဝအဆီများစွာထဲမှာ လူ့အရေပြားတည်ဆောက်ပုံနှင့် အနီးစပ်ဆုံး တူညီတာကြောင့် မျက်နှာအဆီဓာတ်ထုတ်လုပ်မှုကို ထိန်းညှိပေးနိုင်သည့်အတွက် ဝက်ခြံထွက်ခြင်းများကိုပါ သက်သာစေတယ်လို့ဆိုပါတယ်။

– ဟဟိုးဘားဆီကို ပုံမှန်အသားအရေပိုင်ရှင်များသာမက နေလောင်ခြင်း နှင့် psoriasis အရေပြားဝေဒနာရှင်များပင် သုံးနိုင်ပါတယ်။

၃။ Tea Tree Oil

– Tea Tree Oil တွင် အရောင်အရမ်းကျစေခြင်းနှင့် အရေပြားမှိုစွဲခြင်းမဖြစ်အောင် ကူညီပေးနိုင်ခြင်းတို့ကြောင့် ဝက်ခြံထွက်ခြင်းကို လျော့နည်းစေချင်သည့်အခါ သုံးလေ့ရှိကြပါတယ်။

– ဝက်ခြံအတွက်ရည်ရွယ်ပြီး ထုတ်လုပ်သော skin care အများစုတွင် Tea Tree Oil ကို ထည့်၍ ထုတ်လုပ်လေ့ရှိကြပါတယ်။

၄။ Safflower Oil

– Safflower Oil ကိုတော့ Safflower လို့ခေါ်တဲ့ ဆူပန်းပင်၏အစေ့မှ ထုတ်ယူပါတယ်။

– Antioxidants ဓာတ်များ ကြွယ်ဝစွာပါဝင်နေပြီး အသားအရေစိုပြေစေခြင်းနှင့် ကြည်လင်စေခြင်း အာနိသင်ကို ရရှိစေတယ်လို့ ဆိုပါတယ်။

၅။ Coconut Oil

– Coconut oil လို့ခေါ်တဲ့ အုန်းဆီဟာ အရေပြားအတွင်းသို့ အလွယ်တကူစိမ့်ဝင်နိုင်ပြီး Vitamin E၊ Vitamin K ဓာတ်များအပြင် အရေပြားမှိုစွဲခြင်းနှင့် antbacterial properties လို့ခေါ်တဲ့ ဘတ်တီးရီးယားများဒဏ်မှ ကာကွယ်ပေးတဲ့အကျိုးအာနိသင်များရှိနေတာကြောင့် အရေပြားအတွက် အများကြီးအကျိုးရှိစေသော သဘာဝအဆီတစ်မျိုးဖြစ်တယ်လို့ ဆိုပါတယ်။

– အဆီအရမ်းပြန်သော အသားအရေပိုင်ရှင်များနှင့် ဝက်ခြံအရမ်းထွက်တတ်သော အရေပြားပိုင်ရှင်များမှလွဲ၍ လူတိုင်းအတွက် ရွေးချယ်သင့်သော သဘာဝအဆီတစ်မျိုးဖြစ်ပါတယ်။

၆။ Almond Oil

– Almond oil မှာတော့ အရေပြားအတွက်ကောင်းမွန်စေသော vitamin E၊ zinc၊ Omega-3 နှင့် potassium ဓာတ်များပါဝင်ပါတယ်။

– ဒီဓာတ်များဟာ သင့်အသားအရေကို နူးညံ့စိုပြေစေပြီး အစိုဓာတ်ကို ထိန်းညှိပေးပါတယ်။

၇။ Grapeseed Oil

– Grapeseed oil မှာတော့ Vitamin E၊ Essential fatty acid များအပြင် ရောင်ရမ်းတာကို အရောင်ကျစေတဲ့ ဓာတ်တွေများစွာပါတယ်လို့ ဆိုပါတယ်။

၈။ Sunflower Seed Oil

– နေကြာဆီမှာ Vitamin E ကြွယ်ဝစွာပါဝင်ပြီး အရေပြားမှ အလွယ်တကူစုပ်ယူနိုင်ခြင်းကြောင့် သဘာဝ moisturizer အနေနှင့် အရွေးချယ်သင့်ဆုံး အဆီတစ်မျိုးလည်းဖြစ်ပါတယ်။

– ဓာတ်မတည့်မှုဖြစ်စေမှုနည်းတာကြောင့် atopic dermatitis လို့ခေါ်တဲ့ အရေပြားရောင်ရမ်းတတ်သော ဝေဒနာရှင်များကိုတောင် သုံးနိုင်တယ်လို့ဆိုပါတယ်။

၉။ Argan Oil

– Argan oil ကိုတော့ Moroccan argan tree မှ ထုတ်ယူတာဖြစ်ပြီး အသားအရေစိုပြေနူးညံ့စေရန် သုံးလေ့ရှိပါတယ်။

– ဒီအဆီတွင် Vitamin E၊ Antioxidanta နှင့် Essential Fatty acids များစွာပါဝင်ပြီး စေးကပ်ခြင်းလည်းနည်းတာကြောင့် သာမန်လူများသာမက Eczema နှင့် Rosacea အရေပြားဝေဒနာရှင်များပင် သုံးနိုင်ပါတယ်။

– အသားအရေ လှပမှုအတွက် အလွန်အကျိုးရှိစေတာမို့ liquid gold လို့တောင် တင်စားခေါ်ဝေါ်ကြပါတယ်။

၁၀။ Rose Hip Seed Oil

– Rose hip seed oil များဟာ မျက်နှာအသားအရေအတွက်ထုတ်သော skincare များတွင် တော်တော်များများထည့်သွင်းလာသော သဘာဝအဆီတစ်မျိုးဖြစ်ပါတယ်။

– Essential fatty acids၊ Antioxidants၊ Viramin C၊ Vitamin E နှင့် Provitamin A တို့ပါဝင်တာကြောင့် အစိုဓာတ်ထိန်းပေးရုံသာမက ရောင်ရမ်းမှုကို ကျစေသည့်အပြင် အရွယ်မတိုင်ခင် အိုမင်းရင့်ရော်မှုများပါ လျော့နည်းစေပါတယ်။

– ဒါ့အပြင် အသားအရေကို တင်းတင်းရင်းရင်းဖြစ်စေပြီး အမဲစက်များနှင့် အမာရွတ်များကိုပါမှေးမှိန်စေတယ်လို့ဆိုပါတယ်။

၁၁။ Marula Oil

– Marula oil ကို African marula အသီးမှထုတ်ပြီး အသားခြောက်ခြင်းနှင့် ရောင်ရမ်းခြင်းများကို သက်သာစေပါတယ်။

– Marula oil မှာ fatty acids အပြင် အခြားသဘာဝအဆီများထက် antioxidants များ (၆၀%) အပိုပါတာကြောင့် နေရောင်ကြောင့် အသားအရေပျက်စီးခြင်းများနှင့် အရွယ်မတိုင်ခင် အိုမင်းခြင်းများကို သက်သာစေတယ်ပါတယ်။

၁၂။ Camellia Seed Oil

– Camellia seed oil တွင် Omega 6 နှင့် Omega 9 ဓာတ်များကြွယ်ဝစွာပါဝင်ပြီး စေးကပ်ခြင်းမရှိတာကြောင့် သင့်မျက်နှာအသားအရေအတွက် နေ့ရောညပါ လိမ်းသင့်တဲ့အဆီတစ်မျိုးဖြစ်တယ်လို့ဆိုပါတယ်။

– အသားအရေကို နူးညံ့ဝင်းအိစေပြီး အစိုဓာတ်ထိန်းပေးခြင်း အကျိုးအာနိသင်ရရှိစေပါတယ်။

Author: Dr. Yin Yin Win