အခုလိုအဆုတ်ကိုထိခိုက်စေနိင်တဲ့ ရောဂါတွေပိုမိုများပြားလာတဲ့အချိန်မှာ အဆုတ်ကိုပိုကျန်းမာစေတဲ့နည်းလမ်းတွေကို ပိုသိဖို့လိုအပ်လာပါတယ်။
တီဘီဆေး သောက်ပြီးသွားသောအခါ၊ အဆုတ်ထဲရေဝင်လို့ ထုတ်ထားသောအခါ၊ ဆေးလိပ်ကို ကြာရှည်စွာ သောက်သုံးမိသောအခါ၊ အဆုတ်ပြန်လည်ကျန်းမာစေရန် မည်သို့ ပြုမူနေထိုင်ရမလဲဆိုတဲ့ မေးခွန်းကလည်း အမြဲမေးလေ့ရှိသောမေးခွန်းတစ်ခုပါ။
အဆုတ်သန့်စင်စေနိုင်သော သဘာဝနည်းလမ်းများ
အသက်ရှုလေ့ကျင့်ခန်းနဲ့ နေထိုင်မှုပုံစံပြောင်းလဲခြင်းဟာ အဆုတ်ထဲက အချွဲများ ဖယ်ထုတ်ခြင်းနှင့် အသက်ရှုခြင်းကို ပိုမိုအားကောင်းစေနိုင်ပါတယ်။
(1) ရေနွေးငွေ့ရှုခြင်း
ရေနွေးငွေ့ရှုခြင်းဟာ အဆုတ်လမ်းကြောင်းပွင့်စေပြီ အချွဲများ ပျော်စေပါတယ်။ အဆုတ်မကောင်းသောသူများတွေ အေးတဲ့အချိန် သို့မဟုတ် ပူတဲ့အချိန်မှာ မိမိအဆုတ်လက္ခဏာ ပိုဆိုးတတ်ကြောင်း သတိပြုမိတတ်ပါတယ်။ ရာသီဥတုအပြောင်းအလဲကြောင့် အဆုတ်မှာ ချွဲဆို့တတ်ပါတယ်။ ရေနွေးငွေ့ကြောင့် လေကို စိုစွတ်နွေးစေပြီး ပျော်ဝင်လွယ်ပါတယ်။ ရေနွေးငွေ့ရှုခြင်းဟာ ချွဲပိတ်ခြင်း ချက်ချင်းသက်သာကာ အသက်ရှုလို့ ပိုကောင်းပါတယ်။ လေပြွန်ကျဉ်းလူနာများကို လေ့လာချက်အရ ရေနွေးငွေ့ရှုနေသောသူများဟာ သိသာစွာ အသက်ရှုနူန်းနှင့် နှလုံးခုန်ထိန်းနိုင်ကြောင်း တွေ့ရှိရပါတယ်။ ဒီနည်းလမ်းဟာ ယာယီအထောက်အကူပြုပါတယ်။
(2) ချောင်းဟန့်စေခြင်း
ချောင်းဟန့်ခြင်းဟာ ချွဲထဲရှိ မကောင်းတဲ့အဆိပ်အတောက်တွေကို သဘာဝနည်းဖြင့် အပြင်ထုတ်ခြင်းဖြစ်ပါတယ်။ ချွဲပိတ်နေလျှင် ချောင်းဟန့်ထုတ်ပေးပါ။ လေပြွန်ကျဉ်းလူနာတွေဟာ ချောင်းဟန့်ထုတ်တဲ့ နည်းလမ်းကို အသုံးပြုကာ အဆုတ်ကို ရှင်းလင်းပေးပါတယ်။
ဒါပေမဲ့ အနားမှာလူမရှိစေဖို့တော့ သတိထားပါ။
(3) အဆုတ်ထဲရှိ ချွဲများကို ထွက်စေခြင်း
လှဲလျောင်းတဲ့ ပုံစံအနေအထားပေါ်မူတည်၍ အဆုတ်ထဲရှိ ချွဲများထွက်အောင် ပြုလုပ်ပေးပါ။
(4) လေ့ကျင့်ခန်းလုပ်ခြင်း
နေ့စဉ်ပုံမှန် လေ့ကျင့်ခန်းလုပ်ခြင်းဟာ စိတ်ရောကိုယ်ပါ ကျန်းမာရေးအတွက် အထူးအထောက်အကူ ပေးပါတယ်။ လေ့ကျင့်ခန်းပြုလုပ်ခြင်းဟာ နှလုံးရောဂါနှင့် လေဖြတ်ခြင်းကိုလည်း ကာကွယ်မှု ပေးပါတယ်။ ဒါ့ပြင် ကြွက်သားများကို သန်စွမ်းစေကာ အသက်ရှုနှုန်းကို မြန်စေပြီး သွေးလည်ပတ်မှု ကောင်းစေပါတယ်။
လေ့ကျင့်ခန်းလုပ်ခြင်းဟာ သွေးလည်ပတ်မှုကောင်းစေသောကြောင့် မလိုလားအပ်တဲ့ ကာဗွန်ဒိုင်အောက်ဆိုဒ်ကို ပိုမိုစွန့်ထုတ်ပေးပါတယ်။ မိမိလုပ်နိုင်တဲ့လေ့ကျင့်ခန်းကို ပြုလုပ်ပါ။ ကြွက်သားတွေဟာ အောက်ဆီဂျင်ကို သုံးကာ ကာဗွန်ဒိုင်အောက်ဆိုဒ်ကို စွန့်ထုတ်ပေးပါတယ်။ လေပြွန်ကျဉ်းလူနာများ၊ အဆုတ်ခဲလူနာများနှင့် ရင်ကျပ်သူများတွင် လေ့ကျင့်ခန်းလုပ်ခြင်းသည် ရောဂါကို ရာခိုင်နှုန်း များများသက်သာစေပါတယ်။
(4) လက်ဖက်စိမ်း
လက်ဖက်စိမ်းမှာ ပါဝင်တဲ့ ဓာတ်တိုးဆန့်ကျင်ပစ္စည်းများ ပါဝင်သောကြောင့် အဆုတ်ရောင်ရမ်းခြင်းကို သက်သာစေပါတယ်။ ၎င်းဒြပ်ပေါင်းဟာ အဆုတ်ကို အငွေ့အမှုန် အန္တရာယ်မှ ကာကွယ်ပေးပါတယ်။ တစ်နေ့ လက်ဖက်စိမ်း ၂ ခွက်သောက်ခြင်းဟာ အဆုတ်ပိုမိုအားကောင်းကြောင်း တွေ့ရှိရပါတယ်။
(5) အဆုတ်အားကောင်းစေတဲ့ အစာအစားများ
လေပြွန်ရောင်ရမ်းခြင်းဟာ အသက်ရှုရန်ခက်ခဲစေပြီး အဆုတ်ကို ပိုမိုကျပ်စေပါတယ်။ အဆုတ်ရောင်ရမ်းမှု သက်သာစေတဲ့အစာအစားများမှာ
– နနွင်း
– အစိမ်းရောင်ရှိသောအရွက်များ
– ချယ်ရီသီး၊ ဘယ်ရီသီး
– သံလွင်သီးနဲ့ ပဲအမျိးမျိုး
– ဗိုက်တာမင်စီ ကြွယ်ဝတဲ့ အစားအသောက်များ
– အားဆေးတစ်ခုခု
(6) အဆုတ်ကို ပုတ်ပေးပါ
အဆုတ်အတွင်းမှ ချွဲများဖယ်ရှားရန် အဆုတ်ကို ပုတ်ပေးပါ။ နားလည်တတ်ကျွမ်းသော ဆရာဝန်ဆီမှ သင်ယူပါ။ သင်လက်ကို ခွက်ပုံစံပြုလုပ်ကာ အဆုတ်နံရံများကို စည်းချက်ညီညီ နေရာအနှံ့ပုတ်ပေးပါ။ ဒီနည်းဖြင့် နာတာရှည်အိပ်ရာထဲလှဲနေရသော လူနာများအတွက် အဆုတ်အတွင်းမှ ချွဲများပျော်စေပါတယ်။
ဆေးလိပ်နဲ့ပတ်ဝန်းကျင်မှ အငွေ့အမှုန်တွေဟာ အဆုတ်ထဲသို့ ရောက်ကာ ကျန်းမာရေးကို ဆိုးရွားစွာ ထိခိုက်စေပါတယ်။ အဆိုပါအဆိပ်များသည် ချွဲများမှာ ကပ်ညှိစေပါတယ်။ အသက်ရူလမ်းကြောင်း ကောင်းမွန်မှုဟာ အဆုတ်ထဲမှာ အချွဲများမရှိခြင်းပေါ် မူတည်ပါတယ်။ ဒါကြောင့် အထက်ပါနည်းလမ်းများ အသုံးပြုကာ အဆုတ်ထဲရှိ ချွဲများကင်းစင်ရန် ပြုလုပ်နိုင်ကြောင်း ရေးသားလိုက်ပါတယ်။
AuthorDr. Pyae Shin
