ရာသီဥတုပြောင်းလဲခြင်းကြောင့် အစာမကြေ၊ ရင်ပြည့်ရင်ကယ်များခံစားရနိုင်ပါသည်။ အစားအ သောက်များလွန်ကဲစွာ စားသောက်မိခြင်းနှင့် အစာမှားခြင်းကြောင့်လည်းလေပွခြင်း၊ လေထခြင်း၊ လေအောင့် ခြင်းနှင့် ဝမ်းချုပ်ခြင်းစသည်တို့သည်လည်း ဖြစ်တတ်ပါသည်။ ထို့ကြောင့် အစာကြေပြီးကျန်းမာစေရန်အတွက် အာဟာရပြည့်ဝပြီး ကျန်းမာရေးနှင့်ညီညွှတ်သော ဓာတုဆေးဝါးကင်းစင်သည့် အစားအစာများကို ရွေးချယ်စား သောက်ရပါမည်။
မုန်လာဥနီနှင့်တရုတ်နံနံများကို အစိမ်းစားခြင်း
မုန်လာဥနီနှင့် တရုတ်နံနံကဲ့သို့သော ဟင်းသီးဟင်းရွက်စိမ်းများကိုစားသုံးခြင်းဖြင့် အစာကြေပြီးကျန်း မာစေပါသည်။ ၎င်းတို့ကိုကြော်လှော်ချက်ပြုတ်ပါက ဗီတာမင်နှင့်သတ္ထုဓာတ်များ လျော့နည်းသွားတတ်သည်ကို သတိပြုရပါမည်။
ပဲပင်ပေါက်၊ ပဲသီးနှင့်ပဲတောင့်ရှည်များစားခြင်း
သဘာဝအစာခြေအင်ဇိုင်းများပါရှိသော ပဲပင်ပေါက်၊ ပဲသီး၊ ပဲတောင့်ရှည်၊ ပဲနီလေးနှင့်ပဲစေ့များသည်အ စာကြေလွယ်သောကြောင့် စားပေးရပါမည်။
ဖရဲသီး၊ သင်္ဘောသီး၊ သခွားသီးများစားခြင်း
အမျှင်ဓာတ်ကြွယ်ဝသော ဖရဲသီး၊ သင်္ဘောသီး၊ သခွားသီးနှင့်အခွံမာသီးများသည် အူလုပ်ငန်းဆောင် တာများကိုတိုးတက်ကောင်းမွန်စေပြီး အစာကြေညက်ကာဝမ်းမှန်စေပါသည်။ အစာကြေသောအင်ဇိုင်းများ လည်းပေါကြွယ်ဝပါသည်။ နှမ်းစေ့၊ အုတ်ဂျုံ၊ ဖွဲနု၊ နေကြာစေ့များသည်လည်း အစာကြေပြီးကျန်းမာစေပါသည်။
ဒိန်ချဉ်စားခြင်း
သဘာဝနည်းဖြင့်အချဉ်ဖောက်ထားသော အစားအစာများသည်အနံ့အရသာ ကောင်းမွန်စေပြီးအာဟာ ရတန်ဖိုးရှိခြင်းကြောင့် ခုခံအားစနစ်ကိုကောင်းစေပါသည်။ ထို့ကြောင့် ဒိန်ချဉ်ကိုစားသုံးခြင်းဖြင့် အစာကြေလွယ် ပြီးကျန်းမာစေပါသည်။
ပန်းသီး၊ ဆန်လုံးညိုများစားသုံးခြင်း
ပန်းသီးကဲ့သို့ အခွံချွတ်မထားသောသီးနှံများတွင် ဓာတ်တိုးဆန့်ကျင်စေသည့် ပစ္စည်းများစွာပါဝင်ပါ သည်။ အခွံမချွတ်ထားသော ဆန်လုံးညိုများတွင်လည်း အသားဓာတ်၊ ကာဗိုဟိုက်ဒြိတ်ဓာတ်၊ အမျှင်ဓာတ်၊ အ ဆီဓာတ်၊ ဗီတာမင်ဘီနှင့်အီး၊ သတ္ထုဓာတ်များစုံလင်စွာပါဝင်သောကြောင့် အစာကြေလွယ်ပြီးကျန်းမာစေပါ သည်။
ကဖင်းဓာတ်ပါဝင်သော အစားအသောက်နှင့်အချိုရည်များကိုရှောင်ခြင်း
ကဖင်းဓာတ်ပါဝင်သော အစားအသောက်များသည် အစာအိမ်ကိုမအီမသာဖြစ်စေပါသည်။ အချိုရည် များတွင်ပါဝင်သော သကြားဓာတ်သည်လည်းမစာမကြေဘဲ ဖြစ်စေပါသည်။ အစာလည်းဆေး၊ ဆေးလည်းအ စာဆိုသည့်အတိုင်း အစားအသောက် ဟော့ဒေါ့၊ ချောကလက်၊ ပီဇာ၊ ဟန်ဘာဂါစသည်တို့သည် အစာကြေ ညက်မှုမလွယ်သောကြောင့် အလွန်အကျွံမစားသင့်ပါ။ အာလူးကြော်များ၊ အကင်များ၊ ထောပတ်များဝိုင်နှင့်အ ခြားအစာမကြေလွယ်သော အစားအသောက်များကိုရှောင်ကြဉ်သင့်ကြောင်း အကြံပြုအပ်ပါသည်။
Author: ဒေါက်တာမြင့်သန်းထွန်း (ပြည်သူ့ကျန်းမာရေး) Vol-8 / No-6 Healthcare Journal
