ကဖင်းဓာတ် Caffeine သည် ဇီဝကတို့ မြန်မာတွေ ကြိုက်နှစ်သက်
တဲ့ ကော်ဖီ ၊လက်ဖက်ရည်တွေထဲမှာ ပါဝင်သလို ချောကလက် ၊တချို့သောဆေးဝါး
များတွင်လည်း ပါဝင်ပါတယ် ။ပါဝင်တဲ့ ပမာဏ ပေါ်မူတည်ပြီး ကဖင်းဓာတ်အာနိသင်
သက်ရောက်မှု ကွာပါတယ် ။အများဆုံး ၁၆၀ မီလီဂရမ် အဖြစ် အားဖြည့်အချိုရည်ထဲ
ပါသလို အနည်းဆုံး ၄ မီလီဂရမ် အဖြစ် ချောကလက်ထဲတွင် ပါဝင်ပါတယ် ။
(၁) ကဖင်းသည် စွဲတတ်သလား ။
ကဖင်းဓာတ်သည် မစွဲတတ်ပါဘူးဟု ဆိုလျှင် မမှန်ရာ ကျပါတယ် ။
ကဖင်းဓာတ်သည် လူတို့ရဲ့ ဦးနှောက်နဲ့ အာရုံကြောကို နိုးကြားအောင် လှုံ့ဆော်
ပေးနိုင်စွမ်း ရှိပါတယ် ။ပုံမှန် ကဖင်းဓာတ် သုံးစွဲသူတွေ အနေနဲ့ ရုပ်ပိုင်းဆိုင်ရာ
စွဲလန်းမှုတော့ အနည်းအများ ဆိုသလို ရှိတတ်ပါတယ် ။
တစ်ရက်ကို ပုံမှန် ကော်ဖီ ၂ခွဲနဲ့ အထက် သောက်သုံးသူတွေ အနေနဲ့
ရုတ်တရက် ကော်ဖီသောက်တာ ရပ်လိုက်က ကဖင်းဓာတ်ဖြတ်တဲ့ လက္ခဏာတွေ
ခံစားရနိုင်တယ် ။ဘာတွေလဲဆိုရင် ခေါင်းကိုက် ၊နေရထိုင်ရတာ မအီမသာ ၊နုန်းချိ ၊
စိတ်ဆတ် ၊စိတ်ဓာတ်ကျ ၊အာရုံစူးစိုက်ရခက်တာတွေ ခံစားရတတ်ပါတယ် ။
ရက်အနည်းငယ်တော့ ခံစားရတတ်ပါတယ် ။ဒါပေမယ့် တခြားဆေးစွဲသူတွေလို
ကျန်းမာရေးထိခိုက်လောက်တဲ့ အထိ မဖြစ်တတ်ပါဘူး ။
ဒါကြောင့် ကဖင်းဓာတ်ဖြတ်လျှင် ဖြည်းဖြည်းချင်း ဖြတ်ပါ ။အရင်
၃ခွက်သောက်က ၂ခွက်ကို တစ်ပတ်လောက်လျော့သောက် ၊နောက်တစ်ပတ်ကျ
ရင် ၂ခွက်ကနေ ၁ခွက်ထိ လျော့သောက် ၊နောက်တစ်ပတ်ကျရင် ခွက်ဝက်လောက်
ထိ လျော့သောက်ပြီး ဖြည်းဖြည်းချင်း ဖြတ်နိုင်ပါတယ် ။
(၂) ကဖင်းဓာတ်သည် အိပ်မပျော်စေတတ် ။
ဒီအချက်ဟာ မှန်သင့်သလောက် မှန်ပါတယ် ။ကဖင်းဓာတ်ကို လူ့
ခန္ဓာကိုယ်ထဲ ရောက်တာနဲ့ မြန်မြန်စုပ်ယူပြီး မြန်မြန်ပဲ ခန္ဓာကိုယ်အပြင်ဘက်ကို
ပြန်လည် စွန့်ထုတ်ပါတယ် ။ခန္ဓာကိုယ်ထဲ ရောက်တာနဲ့ အသည်းက အဓိက
ဖျက်စီးပေးပါတယ် ။ကဖင်းဓာတ် သုံးစွဲပြီး ၅-၈နာရီလောက်ဆိုရင် ကဖင်းဓာတ်
တစ်ဝက်လောက်ကို ခန္ဓာကိုယ်က ချေဖျက်ပြီးသားပါ ။နောက် ၁၀နာရီလောက်ဆို
ရင်တော့ ၇၅ရာခိုင်နှုန်းလောက်ဟာ ခန္ဓာကိုယ်ထဲမှာ မရှိတော့ပါ ။
ကဖင်းဓာတ်ဟာ အိပ်မပျော်ခြင်းကို ဖြစ်စေသလားဆိုတော့ မနက်ပိုင်း
နေ့လည်ပိုင်း ကဖင်းဓာတ်သောက်သုံးသူတွေမှာ ညအိပ်မပျော်ခြင်းကို မဖြစ်စေပါ ။
ဒါပေမယ့် ညအိပ်ခါနီး ၆နာရီအလိုလောက်မှာ ကဖင်းဓာတ် သောက်သုံးတွေမှာ
တော့ အိပ်မပျော်ခြင်းကို ဖြစ်စေပါတယ် ။ဒါပေမယ့် ဒါဟာလည်း တစ်ယောက်နဲ့
တစ်ယောက်မတူနိုင်ပါ ။ဘာကြောင့်လဲဆိုရင် ဇီဝရုပ်ဖြစ်ပျက်မှု မတူလို့ပါ ။အထူး
သဖြင့် ကဖင်းဓာတ်ကို တုန့်ပြန်မှုကောင်းသူများက အိပ်မပျော်ခြင်းအပြင် ကတုန်
ကယင်ဖြစ်ခြင်း ၊ရင်ထဲလှပ်လှပ်နဲ့ ဗိုက်နာသလို အစာမကြေသလိုနဲ့ ပိုပြီး ခံစားရ
တတ်ပါတယ် ။
(၃) ကဖင်းဓာတ်နဲ့ အရိုးပွခြင်း
တစ်နေ့ကို ကော်ဖီ ၃ခွက်နဲ့ အထက်သောက်သုံးသူတွေ ၊ဒါမှမဟုတ်
ကဖင်းဓာတ် ၃၀၀ မီလီဂရမ်နဲ့ အထက် သုံးစွဲသူတွေမှာ အရိုးအတွက် လိုအပ်တဲ့
ကယ်လ်စီယမ်နဲ့ မက်ဂနီဆီယမ်ဓာတ်တွေ ဆီးထဲကတဆင့် ဆုံးရှုံးစေပါတယ် ။
ဒါကြောင့် အသက်ကြီးတဲ့သူတွေ ၊အထူးသဖြင့် အမျိုးသမီးတွေသည် ကော်ဖီကို
၃ခွက်အောက် ပဲသောက်ပါ ။ကဖင်းဓာတ်ကို ၃၀၀ မီလီဂရမ်အောက်ပဲ သုံးစွဲပါ ။
ကယ်လ်စီယမ်ဓာတ်ပါတဲ့ နွားနို့ကို တစ်နေ့ တစ်ခွက် သောက်သုံးပါ ။
(၄) ကဖင်းဓာတ်နဲ့ နှလုံးကျန်းမာရေး
ကဖင်းဓာတ်ဟာ နှလုံးခုန်နှုန်းမြန်စေသလို သွေးပေါင်ကိုလည်း
အနည်းငယ်တက်စေပါတယ် ။စမ်းသပ်လေ့လာချက်များအရတော့ ကဖင်းဓာတ်ဟာ
သွေးတွင်းအဆီဓာတ် ၊ပုံမမှန်နှလုံးခုန်တဲ့ရောဂါတွေ ၊နှလုံးရောဂါတွေနဲ့ တိုက်ရိုက်
ပတ်သက်မှုမရှိလို့ ဆိုထားပါတယ် ။ဒါပေမယ့် သွေးတိုးရောဂါအခံ ရှိသူတွေ ၊နှလုံး
ရောဂါအခံ ရှိသူတွေ အနေနဲ့ ကဖင်းဓာတ်ကို လျော့သောက်သင့်ပါတယ် ။
(၅) ကဖင်းဓာတ်နဲ့ ကင်ဆာ
ထောင်ပေါင်းများစွာသော လေ့လာစမ်းသပ်ချက်များအရတော့
ကဖင်းဓာတ်ဟာ ကင်ဆာကို မဖြစ်စေပါ ။
ဆက်ပါဦးမယ်……………………………………
Author: ခေတ်သစ် ဇီဝက
