ျပည့္ဝဆီနဲ႔ က်န္းမာေရးဆိုးက်ိဳးမ်ား
ဇီဝကတို႔ ေန႔စဥ္ ခ်က္ျပဳတ္စားေသာက္ရာမွာ စားသုံးဆီ ဆိုတာနဲ႔မကင္းပါ။ စားတဲ့အထဲမွာပဲျဖစ္ျဖစ္ ၊ခ်က္တဲ့အထဲမွာပဲ ျဖစ္ျဖစ္ အဆီဓာတ္ေတြပါစၿမဲပါ။ ထိုအဆီဓာတ္ေတြထဲမွာ ဘယ္အဆီဓာတ္ကျဖင့္ မိမိတို႔အတြက္ သင့္ေတာ္လဲဆိုတာ လူတိုင္းသိထားသင့္ပါတယ္။
တကယ္ေတာ့ ဆီသည္ က်န္းမာေရးအတြက္ မရွိမျဖစ္ လိုအပ္သည့္ အာဟာရဓာတ္ တစ္မ်ိဳးျဖစ္သည္။ ကိုယ္ခႏၶာရွိ ဆဲလ္မ်ား ပုံမွန္ လုပ္ငန္းေဆာင္တာ လုပ္ေဆာင္ရာတြင္ အဆီဓာတ္က လိုအပ္သည္။ အဆီတြင္သာ ေပ်ာ္ဝင္ႏိုင္သည့္ ဗီတာမင္မ်ားျဖစ္သည့္ ဗီတာမင္ေအ၊ ဗီတာမင္ဒီ၊ ဗီတာမင္ အီးႏွင့္ ဗီတာမင္ေကဓာတ္တို႔ကို အူမွစုပ္ယူႏိုင္ ရန္အတြက္ အဆီဓာတ္က လိုသည္။ ကိုယ္တြင္းရွိ
တစ္သွ်ဴးမ်ား၊ ဟိုမုန္းမ်ား တည္ေဆာက္ေရးတြင္လည္း အဆီဓာတ္က အေရးႀကီးေသာ ေနရာမွ ပါဝငေပသည္။
လူသားတို႔အတြက္ မသင့္ေတာ္တဲ့အဆီကို ျပည့္ဝဆီ Saturated Fat ရယ္လို႔ ေဆးပညာအရ ေခၚပါတယ္။
ျပည့္ဝဆီ ဆိုတာ ဘာလဲ
-Chemical ဓာတုေဗဒအရ ဓာတ္ခြဲၾကည့္မယ္ဆိုရင္ အဆီဓာတ္ေတြၾကားမွာ ကာဗြန္နဲ႔ ေပါင္းစပ္ထားျခင္း double bonds မရွိဘဲ ဟိုက္ဒ႐ိုဂ်င္ bond နဲ႔သာ ေပါင္းစပ္ထားေသာ အဆီဓာတ္ေတြကို ျပည့္ဝဆီ Saturated fat ရယ္လို႔ ေခၚပါတယ္။
-အဆိုပါ ျပည့္ဝဆီေတြဟာ အခန္း အပူခ်ိန္မွာ ခဲေနတတ္ပါတယ္။ ဘာေၾကာင့္လဲဆိုရင္ အထက္ပါ ဟိုက္ဒ႐ိုဂ်င္ bond ေတြနဲ႔ ျပည့္ဝေနလို႔ပါ။
ဘယ္လို အစားအေသာက္ေတြမွာ ျပည့္ဝဆီ ပါသလဲ
-အမဲသား ၊သိုးသား ၊ဝက္သားမ်ားမွ ရေသာ တိရိစာၦန္ အဆီေတြ
-ၾကက္ ၊ဘဲ အေရျပားေတြ
-ႏို႔နဲ႔ ႏို႔ထြက္ပစၥည္းမ်ား ( ဥပမာ-ခ်ိစ္ ၊ေထာပတ္ )
-ဆီေၾကာ္မ်ား
-ဆီအုန္းနဲ႔ အုန္းဆီမ်ား
ျပည့္ဝဆီေတြက လူသားတို႔ က်န္းမာေရးကို ဘယ္လို ဆိုးက်ိဳးမ်ား ျဖစ္ေစလဲ
-ခႏၶာကိုယ္ထဲမွာ မေကာင္းတဲ့ ကိုလက္စထေရာ္မ်ားကို တက္ေစတယ္။ ဒါေၾကာင့္ ႏွလုံးေသြးေၾကာနဲ႔ ပတ္သက္ေသာေရာဂါမ်ား (ႏွလုံး ေသြးေၾကာက်ဥ္းျခင္း ) ၊ ဦးေႏွာက္ေသြးေၾကာနဲ႔ ပတ္သက္ေသာေရာဂါမ်ား(ေလျဖတ္ျခင္း) ကို ျဖစ္ေစပါတယ္။ ထိုသို႔မျဖစ္ရေအာင္ ျပည့္ဝဆီမ်ားကို ေလ်ာ့စားသင့္ပါတယ္။
ျပည့္ဝဆီကို ဘယ္ေလာက္ စားသင့္သလဲ
-အေမရိကန္ ႏွလုံးေရာဂါနဲ႔ ပတ္သက္တဲ့ အဖြဲ႕အစည္း American Heart Associtiation က မိမိတို႔ တစ္ေန႔တာ လိုအပ္တဲ့ ကယ္လိုရီပမာဏာရဲ႕ ၅ ရာခိုင္ႏႈန္းကိုသာ ျပည့္ဝဆီမ်ား စားသုံးျခင္းကေန ရယူသင့္ပါတယ္လို႔ ဆိုပါတယ္။ ခန႔္မွန္းေျခအရ တစ္ေန႔ကို လူတစ္ေယာက္လွ်င္ ၁၃ ဂရမ္ထက္ ပိုမစားသင့္ပါ။
ျပည့္ဝဆီ အစားထိုး ဘာေတြ စားသင့္သလဲ
-အဆီနည္းေသာ ငါးမ်ား
-သစ္သီးသစ္ဖုမ်ား ၊ဟင္းသီးဟင္း႐ြက္မ်ားမွ ရေသာ အဆီမ်ား
-အေစ့အဆန္မ်ားမွ ရေသာ အဆီမ်ား
Author : ေခတ္သစ္ ဇီဝက
ပြည့်ဝဆီနဲ့ ကျန်းမာရေးဆိုးကျိုးများ
ဇီဝကတို့ နေ့စဉ် ချက်ပြုတ်စားသောက်ရာမှာ စားသုံးဆီ ဆိုတာနဲ့မကင်းပါ။ စားတဲ့အထဲမှာပဲဖြစ်ဖြစ် ၊ချက်တဲ့အထဲမှာပဲ ဖြစ်ဖြစ် အဆီဓာတ်တွေပါစမြဲပါ။ ထိုအဆီဓာတ်တွေထဲမှာ ဘယ်အဆီဓာတ်ကဖြင့် မိမိတို့အတွက် သင့်တော်လဲဆိုတာ လူတိုင်းသိထားသင့်ပါတယ်။
တကယ်တော့ ဆီသည် ကျန်းမာရေးအတွက် မရှိမဖြစ် လိုအပ်သည့် အာဟာရဓာတ် တစ်မျိုးဖြစ်သည်။ ကိုယ်ခန္ဓာရှိ ဆဲလ်များ ပုံမှန် လုပ်ငန်းဆောင်တာ လုပ်ဆောင်ရာတွင် အဆီဓာတ်က လိုအပ်သည်။ အဆီတွင်သာ ပျော်ဝင်နိုင်သည့် ဗီတာမင်များဖြစ်သည့် ဗီတာမင်အေ၊ ဗီတာမင်ဒီ၊ ဗီတာမင် အီးနှင့် ဗီတာမင်ကေဓာတ်တို့ကို အူမှစုပ်ယူနိုင် ရန်အတွက် အဆီဓာတ်က လိုသည်။ ကိုယ်တွင်းရှိ
တစ်သျှူးများ၊ ဟိုမုန်းများ တည်ဆောက်ရေးတွင်လည်း အဆီဓာတ်က အရေးကြီးသော နေရာမှ ပါဝငပေသည်။
လူသားတို့အတွက် မသင့်တော်တဲ့အဆီကို ပြည့်ဝဆီ Saturated Fat ရယ်လို့ ဆေးပညာအရ ခေါ်ပါတယ်။
ပြည့်ဝဆီ ဆိုတာ ဘာလဲ
-Chemical ဓာတုဗေဒအရ ဓာတ်ခွဲကြည့်မယ်ဆိုရင် အဆီဓာတ်တွေကြားမှာ ကာဗွန်နဲ့ ပေါင်းစပ်ထားခြင်း double bonds မရှိဘဲ ဟိုက်ဒရိုဂျင် bond နဲ့သာ ပေါင်းစပ်ထားသော အဆီဓာတ်တွေကို ပြည့်ဝဆီ Saturated fat ရယ်လို့ ခေါ်ပါတယ်။
-အဆိုပါ ပြည့်ဝဆီတွေဟာ အခန်း အပူချိန်မှာ ခဲနေတတ်ပါတယ်။ ဘာကြောင့်လဲဆိုရင် အထက်ပါ ဟိုက်ဒရိုဂျင် bond တွေနဲ့ ပြည့်ဝနေလို့ပါ။
ဘယ်လို အစားအသောက်တွေမှာ ပြည့်ဝဆီ ပါသလဲ
-အမဲသား ၊သိုးသား ၊ဝက်သားများမှ ရသော တိရိစ္ဆာန် အဆီတွေ
-ကြက် ၊ဘဲ အရေပြားတွေ
-နို့နဲ့ နို့ထွက်ပစ္စည်းများ ( ဥပမာ-ချိစ် ၊ထောပတ် )
-ဆီကြော်များ
-ဆီအုန်းနဲ့ အုန်းဆီများ
ပြည့်ဝဆီတွေက လူသားတို့ ကျန်းမာရေးကို ဘယ်လို ဆိုးကျိုးများ ဖြစ်စေလဲ
-ခန္ဓာကိုယ်ထဲမှာ မကောင်းတဲ့ ကိုလက်စထရော်များကို တက်စေတယ်။ ဒါကြောင့် နှလုံးသွေးကြောနဲ့ ပတ်သက်သောရောဂါများ (နှလုံး သွေးကြောကျဉ်းခြင်း ) ၊ ဦးနှောက်သွေးကြောနဲ့ ပတ်သက်သောရောဂါများ(လေဖြတ်ခြင်း) ကို ဖြစ်စေပါတယ်။ ထိုသို့မဖြစ်ရအောင် ပြည့်ဝဆီများကို လျော့စားသင့်ပါတယ်။
ပြည့်ဝဆီကို ဘယ်လောက် စားသင့်သလဲ
-အမေရိကန် နှလုံးရောဂါနဲ့ ပတ်သက်တဲ့ အဖွဲ့အစည်း American Heart Associtiation က မိမိတို့ တစ်နေ့တာ လိုအပ်တဲ့ ကယ်လိုရီပမာဏာရဲ့ ၅ ရာခိုင်နှုန်းကိုသာ ပြည့်ဝဆီများ စားသုံးခြင်းကနေ ရယူသင့်ပါတယ်လို့ ဆိုပါတယ်။ ခန့်မှန်းခြေအရ တစ်နေ့ကို လူတစ်ယောက်လျှင် ၁၃ ဂရမ်ထက် ပိုမစားသင့်ပါ။
ပြည့်ဝဆီ အစားထိုး ဘာတွေ စားသင့်သလဲ
-အဆီနည်းသော ငါးများ
-သစ်သီးသစ်ဖုများ ၊ဟင်းသီးဟင်းရွက်များမှ ရသော အဆီများ
-အစေ့အဆန်များမှ ရသော အဆီများ
Author : ခေတ်သစ် ဇီဝက
