စိတ်ဖိစီးမှုများလာရင် ဘာတွေဖြစ်နိုင်လဲ?

စိတ်ဖိစီးမှုကို လူတိုင်းလိုလို ကြုံဖူးကြပါတယ်။ လုပ်ငန်းခွင်မှာ အလုပ်တွေရှုပ်လာတဲ့အခါ၊ မိသားစုပြဿနာအရှုပ်အထွေး၊ ငွေရေးကြေးရေး စိတ်ပူနေရတဲ့အခါ စသဖြင့် အကြောင်းအမျိုးမျိုးကြောင့် စိတ်ဖိစီးမှုခံစားရတာဟာ ပုံမှန်ပါပဲ။ ဒါပေမယ့် စိတ်ဖိစီးမှု လွန်ကဲ‌လာတဲ့အခါမှာ မိမိရဲ့ စိတ်ပိုင်းဆိုင်ရာကိုသာမက ရုပ်ပိုင်းဆိုင်ရာ ကျန်းမာရေးကိုပါ ထိခိုက်လာနိုင်ပါတယ်။

စိတ်ဖိစီးမှုဆိုတာဟာ ထိတ်လန့်စရာ အကြောင်းအရာတစ်ခုကြုံလာတဲ့အခါ လူ့ခန္ဓာကိုယ်ကနေ တုံပြန်မှုအနေနဲ့ stress hormones လို့ခေါ်တဲ့ စိတ်ဖိစီးမှုကိုဖြစ်စေတဲ့ ဟော်မုန်းတွေထွက်လာပါတယ်။ ထိုဟော်မုန်းတွေဟာ မိမိကြောက်လန့်လာတဲ့အခါ ရင်ဆိုင်မလား ထွက်ပြေးမလားဆိုတဲ့ flight or fight reaction ကို ခန္ဓာကိုယ်ကနေ ချက်ချင်းတုံပြန်နိုင်အောင် လုပ်ဆောင်ပေးပါတယ်။ ရလဒ်အနေနဲ့ ရင်တုန်ခြင်း၊ အသက်ရှူမြန်ခြင်း၊ သွေးပေါင်ချိန်တက်ခြင်း၊ ကြွက်သားများတောင့်တင်းခြင်း စတာတွေဖြစ်လာပါတော့တယ်။ လူတစ်ဦးနဲ့တဦး ဖြတ်သန်းရတဲ့ ဘဝ အခြေအနေဟာ မတူတာကြောင့် စိတ်ဖိစီးမှုဖြစ်စေတဲ့ အကြောင်းအမျိုးမျိုးဟာလည်း တစ်ဦးနှင့်တစ်ဦးမတူညီနိုင်ကြပါဘူး။ လူအများစုက အလွယ်တကူဖြေရှင်းနိုင်တဲ့ပြဿနာလို့ ထင်ကြတဲ့ပြဿနာအချို့ဟာ အချို့‌ သောသူများအတွက်‌တော့ ခက်ခဲနိုင်ကြပါတယ်။ ဒါကြောင့် စိတ်ဖိစီးမှုကိုရင်ဆိုင်ကြရတဲ့အခါ အချို့က ရင်ဆိုင်ကျော်ဖြတ်နိုင်ပေမယ့် အချို့‌လူ တွေမှာတော့ စိတ်ဖိစီးမှုတွေ များသထက်များလာကာ စိတ်ပိုင်းဆိုင်ရာ ဝေဒနာရတဲ့အထိ ဖြစ်လာရပါတော့တယ်။ ဒါကြောင့် မိမိ စိတ်ဖိစီးနေပြီဆိုတာ သတိထားမိချိန်ကစပြီး သည်စိတ်ဖိစီးမှုကို ပြေပျောက်အောင် ဘယိလိုကိုင်တွယ်ရမလဲ သိရှိနေဖို့အရေးကြီးပါတယ်။

စိတ်ဖိစီးမှုရဲ့ စိတ်ပိုင်းဆိုင်ရာလက္ခဏာတွေကတော့ –

ဒါ့အပြင် အပြုအမူပိုင်းဆိုင်ရာ လက္ခဏာတွေဖြစ်တဲ့

အစားအသောက်ပျက်ခြင်း၊

ပျင်းရိပျင်းတွဲဖြစ်ပြီး တာဝန်ယူစိတ်များ ပျောက်ပျက်ခြင်း စတာတွေ ခံစားရနိုင်ပါတယ်။

ကြာရှည် စိတ်ဖိစီးလာတဲ့အခါ နောက်ဆက်တွဲ ဘာတွေဆက်ဖြစ်နိုင်သလဲ?

‌

စိတ်ဖိစီးမှုကြာရှည် ခံစားရလာတာနဲ့အမျှ ရုပ်ပိုင်းဆိုင်ရာ ကျန်းမာရေးဟာလည်း အနည်းနဲ့အများ ထိခိုက်လာပါတယ်။ ဘာတွေဖြစ်နိုင်မလဲဆိုရင် –

စတာတွေ ခံစားလာရနိုင်ပါတယ်။

 ဒါကြောင့် သည်လိုဆိုးရွားတဲ့ အခြေအနေထိ ဖြစ်မလာခင် မိမိစိတ်ဖိစီးနေတာကို သတိထားမိတာနဲ့ အမြန်ဆုံး စိတ်ဖိစီးမှုကို ပြေပျောက်အောင် ဖြေလျှော့သင့်ပါတယ်။