fbpx

Download OnDoctor App on Google Play

Myanmar (Covid-19 Stats)

😷 12,425 Total Cases
😥 284 Deaths
😇 3,391 Recovered

သေရာပါနိုင်တဲ့ အမာရွတ်များ (Keloids)

သေရာပါနိုင်တဲ့ အမာရွတ်များ (Keloids)

အရေပြားမှာ အနာတစ်ခုခုကြောင့်ဖြစ်စေ ခွဲစိတ်ထားတာကြောင့်ဖြစ်စေ ထိခိုက်မိထားတဲ့အခါ အနာကနေပြီး အမာရွတ်ဖြစ်ကျန်နေခဲ့တာ ပုံမှန်ပါ။ ဒါပေမယ့် တစ်ချို့သူတွေမှာတော့ အမာရွတ်က ဖြစ်တဲ့ အနာထက်အဆမတန်ပိုပြီး ကြီးထွားလာတတ်ပါတယ်။ ဒါကို ကီးလွိုက် (Keloid)လို့ ခေါ်ပါတယ် ။
ကီးလွိုက်တွေက ရင်ဘတ် ပခုံး နား နဲ့ မျက်နှာတွေမှာ အများဆုံးပိုဖြစ်တယ်။ ဒါပေမယ့်လည်း ကီးလွိုက်ဖြစ်တဲ့ လူနာမှာ ဘယ်နေရာမှာဖြစ်ဖြစ် အမာရွတ်ဖြစ်တိုင်း ကီးလွိုက်ဖြစ်နိုင်ချေရှိတာကြောင့် ကီးလွိုက်က နေရာတိုင်းမှာဖြစ်နိုင်ပါတယ် ။
အမာရွတ်ကနေ ကီးလွိုက်တစ်ခုဖြစ်လာစေဖို့ လနဲ့ချီကြာတတ်ပါတယ်။ ကီးလွိုက်တွေက အနည်းငယ်တော့ ယားတတ်တာကလွဲပြီး အန္တရာယ် မရှိတတ်ပါဘူး။ ကီးလွိုက်ဖြစ်တဲ့နေရာက အဝတ်အထည်တွေနဲ့ ပွတ်တိုက်မိတယ်ဆိုရင်တော့ အနာဖြစ်တာတွေ သွေးထွက်တာတွေ ဖြစ်နိုင်ပါတယ်။ တစ်ခါတစ်လေမှာတော့ ကီးလွိုက်တွေက မာမာတင်းတင်းကြီးတွေဖြစ်ပြီး ကိုယ်ခန္ဓာ လှုပ်ရှားမှုကို အဟန့်အတားဖြစ်စေပါတယ် ။
ကီးလွိုက်တွေက အမာရွတ်ကနေ ဆက်ဖြစ်လာပေမယ့် အသားလိုမျိုး ဖြစ်နေပြီး အနီရောင်ရှိပါတယ်။ အမာရွတ်ဆိုတာပျောက်ပြီး အရေပြားကနေ ကီးလွိုက်ပဲ အပြင်ကို ဖုထွက်နေတတ်ပါတယ်။ ကိုင်ကြည့်ရင် မာပါတယ်။ တစ်ခါတစ်လေတော့ ယားယံတတ်ပါတယ် ။
နေရောင်ခြည်နဲ့ ထိတွေ့ရလေလေ ကီးလွိုက်တွေက ဘေးအရေပြားတွေထက် အရောင်ပိုရင့်ပြီး ပိုသိသာတတ်ပါတယ်။ ဒါကြောင့် ကီးလွိုက်ဖြစ်တဲ့ နေရာတွေကို နေရောင်မထိအောင် ကာကွယ်ထားဖို့ လိုပါတယ် ။
ကီးလွိုက် က ယောကျ်ားမိန်းမ မရွေးဖြစ်နိုင်ပါတယ်။ အသက် ၃၀အောက်တွေမှာ စဖြစ်တတ်ပါတယ်။ အသားအရောင်ရင့်တဲ့သူတွေမှာ ပိုဖြစ်လွယ်ပါတယ် ။
ကီးလွိုက်တွေက တစ်ယောက်နဲ့ တစ်ယောက် မကူးတတ်ပါဘူး။ ထိမိလည်း မကူးပါဘူး။ အဖေအမေမှာ ဖြစ်လို့ သားသမီးဖြစ်တယ်ဆိုတာလည်း မရှိပါဘူး။ ဖြစ်ချင်တဲ့သူမှာ ဖြစ်တာပါ။ ကီးလွိုက်စဖြစ်တဲ့သူကတော့ နားဖောက်တာတွေ ဆေးမင်ကြောင်ထိုးတာတွေ မလုပ်ရပါဘူး။ ကီးလွိုက်မဖြစ်ခင်က ဒဏ်ရာတွေက ကိစ္စမရှိပေမယ့် ဖြစ်ပြီးမှ အရေပြားထိခိုက်တာဖြစ်တိုင်း ကီးလွိုက်ဖြစ်နိုင်ချေ ရှိပါတယ် ။
ကီးလွိုက်တွေက ပုံမှန်အားဖြင့်တော့ အန္တရာယ်မရှိပေမယ့် ကြီးထွားမှုအရမ်းမြန်လာတယ်ဆို ကင်ဆာကို စစ်ဆေးဖို့ အသားစ ပို့ရန်လိုပါတယ် ။
ကီးလွိုက်တွေကို လုံးဝပျောက်ကင်းအောင်လုပ်ဖို့ဆိုတာတော့ မလွယ်လှပါဘူ။း တစိချို့တွေက ကီးလွိုက်ထဲကို ဆေးထိုးပါတယ်။ Steroid ပါတဲ့ ဆေးတွေပါ။ တစ်ခါတည်းထိုးရုံက မရတတ်ဘူ။း ဆေးထိုးပြီး သေးလာလားကို ပြန်ကြည့်ပါတယ်။ တစ်ချို့တွေကတော့ ကီးလွိုက်တွေအပေါ်ကနေ lotion တွေ လိမ်းကြတယ် မာနေတာတွေ ပျော့သွားတတ်တယ် ။
ကီးလွိုက်တွေကို အရွယ်သေးငယ်လာအောင်တော့ လေဆာပစ်ကြတာလည်းရှိသလို ဓာတ်ရောင်ခြည်ခံကြတာလည်းရှိပါတယ် အလှအပဆေးခန်းတွေမှာ လုပ်ပေးတတ်ပါတယ် ။
တစ်ချို့ကတော့ ကီးလွိုက်တွေကို ဝိုက်လှီးပါတယ်။ ကီးလွိုက်ဖြစ်ထားဖူးသားသူမှာ အရေပြားထပ်ပြီး ဒဏ်ရာဖြစ်ရင် ကီးလွိုက်ထပ်ဖြစ်နိုင်ပါတယ် ဒါကြောင့် ဝိုက်လှီးတဲ့သူတွေက လှီးပြီးစဖြစ်လာတဲ့ အမာရွတ်ကို ဆေးထိုးတတ်ကြတယ်။ တစ်ချို့ကတော့ ဆီလီကွန် gelတွေ သုံးပြီး ကပ်ကြတယ် ။
ကီးလွိုက်တွေကို မလိုချင်လို့ ဆေးခန်းပြမယ်ဆိုရင် အထွေထွေ ခွဲစိတ်ဆရာဝန်တွေ ပြလို့ရပါတယ်။ တစ်ချို့တွေကတော့ အလှအပရေးရာ ဆရာဝန်တွေပြကြပါတယ်။ ကီးလွိုက်ဖျောက်ဖို့ တစ်ဆင့်ပြီးတစ်ဆင့် လုပ်ကြပေမယ့်လည်း အပြီးပျောက်တယ်ဆိုတာ ရှိတော့ရှိပေမယ့် ရှားပါတယ် ။

Dr. CST

Unicode Version

ဆက်စပ် ဆောင်းပါးများ