မစားကောင်းတဲ့အသီး(Why you should avoid oral sex)
အခုခေတ်ဟာ အရင်ခေတ်ကထက် အစစအရာရာမှာ လွတ်လပ်ပွင့်လင်းလာပြီး ဖုန်းတွေ အင်တာနက်တွေလည်း လူတိုင်းသုံးနိုင်လာကြပါတယ်။
ဒီအခါမှာ အင်တာနက်က အပြာ ဇာတ်ကားတွေကြည့်၊အပြာစာအုပ်တွေ ဖတ်ပြီး လိင်ဆက်ဆံရာမှာ အရင်ခေတ်ကလို ရိုးရိုးတန်းတန်း ဖိုအင်္ဂါ နဲ့ မအင်္ဂါဆက်ဆံတာမဟုတ်ဘဲ ပါးစပ်နဲ့ဆက်ဆံတာ၊စအိုနဲ့ဆက်ဆံတာမျိုးစတဲ့ပုံမှန်မဟုတ်တဲ့ဆက်ဆံနည်းတွေဟာ အခုနောက်ပိုင်းမှာ လူထုကြားမှာ တွင်ကျယ်လာပါတယ်။
ဒီတပတ်မှာ တော့ ပါးစပ်ဖြင့်လိင်ဆက်ဆံခြင်းအကြောင်းကို ရေးသားတင်ပြချင်ပါတယ်။
ပါးစပ်ဖြင့်လိင်ဆက်ဆံတယ်ဆိုတာဟာ လူတဦးက သူရဲ့ပါးစပ်၊နှုတ်ခမ်း၊လျှာ စတဲ့ပါးစပ်အင်္ဂါစိတ်အပိုင်းတွေကိုသုံးပြီး တခြားသူတဦးရဲ့လိင်အင်္ဂါအစိတ်အပိုင်းတွေကို နှိုးဆွကာ လိင်စိတ်အထွတ်အထိပ်ရောက်စေပြီး ပြီးမြှောက်မှုဖြစ်စေတာဖြစ်ပါတယ်။
ဆေးပညာအရတော့ oral sex လို့ခေါ်ပါတယ်။
oral sex လုပ်ခြင်းဖြင့် ဖိုအင်္ဂါနဲ့မအင်္ဂါဆက်ဆံသလိုကလေးမရနိုင်ဘူး။စိတ်ကျေနပ်မှုလည်းရတယ်။အေအိုင်ဒီအက်စ်၊ကာလသားစတဲ့ရောဂါတွေလည်းမကူးနိုင်ဘူး လို့ ထင်ကြတဲ့အတွက် ယခုခေတ် လူငယ်လူရွယ်တွေကြားမှာ ပါးစပ်ဖြင့်လိင်ဆက်ဆံခြင်းဟာ ခေတ်စားနေပါတယ်။
ပါးစပ်ဖြင့်လိင်ဆက်ဆံခြင်းဟာ ဖိုအင်္ဂါနဲ့မအင်္ဂါဆက်ဆံသလိုကလေးမရနိုင်ဘူး။စိတ်ကျေနပ်မှုလည်းရတယ် ဆိုတဲ့အချက်နှစ်ချက်ကတော့ မှန်ပေမယ့် အေအိုင်ဒီအက်စ်၊ကာလသားစတဲ့ရောဂါတွေမကူးစက်နိုင်ဘူးဆိုတာကတော့မဟုတ်ပါ။
Oral Sex ကနေ ကာလသားရောဂါကူးနိုင်သလို ဂနိုခေါ်ဆီးပူညောင်းကျရောဂါ၊လိင်အင်္ဂါရေယုန်၊လိင်အင်္ဂါကြွက်နို့ ရောဂါတွေကူးနိုင်ပါတယ်။
ဒါ့အပြင် အသည်းရောင်အသားဝါဘီပိုးစီပိုး လည်းကူးနိုင်ပါတယ်။
အေအိုင်ဒီအက်စ်ကူးနိုင်ခြေအနေနဲ့တော့ ကူးစက်နိုင်ခြေ ၁ရာခိုင်နှုန်းသာရှိတယ်လို့ ဖော်ပြတဲ့သုတေသနတွေလည်းရှိသလို ကူးစက်နိုင်ခြေ ၈ရာခိုင်နှုန်းအထိရှိတယ်လို့ ဖော်ပြတဲ့သုတေသနတွေလည်းရှိပါတယ်။
Oral Sex လုပ်တဲ့အခါ
လုပ်ပေးတဲ့သူက တကိုယ်ရေသန့်ရှင်းမှုမရှိရင်၊ပါးစပ်၊လည်ချောင်း၊လျှာ၊နှုတ်ခမ်းတွေမှာ အနာတွေရှိရင် အလုပ်ခံတဲ့သူကို လိင်မှတဆင့်ကူးစက်ရောဂါတွေကူးစက်နိုင်ခြေဟာပိုများသလို
အလုပ်ခံတဲ့သူကတကိုယ်ရေသန့်ရှင်းမှုမရှိရင်၊လိင်အင်္ဂါမှာအနာရှိရင်၊ရာသီလာနေရင်၊လုပ်ပေးတဲ့သူပါးစပ်ထဲမှာသုတ်လွှတ်ရင်လည်း လုပ်ပေးတဲ့သူကို လိင်မှတဆင့်ကူးစက်ရောဂါတွေကူးစက်နိုင်ခြေဟာ ပိုများပါတယ်။
ဒီလိုမျိုးကူးစက်ရောဂါတွေကိုကာကွယ်ဖို့အတွက် ကွန်ဒုံးသုံးနိုင်ပေမယ့် ဖိုအင်္ဂါ မအင်္ဂါဆက်ဆံတာမဟုတ်ဘဲ ပါးစပ်နဲ့ဆက်ဆံတာဖြစ်တဲ့အတွက် ကွန်ဒုံးပေါက်တာပြဲတာဖြစ်နိုင်ခြေက များပါတယ်။
ဒါကြောင့် အဆုံးသတ်အနေနဲ့အကြံပေးရရင်တော့ ပါးစပ်ဖြင့်ဆက်ဆံခြင်းကို ရှောင်ပါ။မရှောင်နိုင်လို့ ဆက်ဆံမည်ဆိုပါက ကိုယ်နဲ့ဆက်ဆံဖက်က ကိုယ့်အပြင်တခြားဆက်ဆံဖက်များမများ၊ တကို်ယ်ရည်သန့်ရှင်းမှုရှိမရှိ၊ရောဂါရှိမရှိ၊အနာရှိမရှိ သေချာသိမှဆက်ဆံပါ။ကွန်ဒုံးသုံးပါ။ရာသီလာနေချိန်မှာမဆက်ဆံပါနဲ့။
Dr 528
