မျှော့ပါတာ မျှော့မပါတာ ဘာကွာမှာလဲ
မိန်းမလိင်အင်္ဂါနှင့် ပါတ်သတ်၍ ………………………………
မိန်းမလိင်အင်္ဂါ အကျဉ်း အကျယ် ပြဿနာကလည်း ဒီနေ့ခေတ်ဖြစ်နေတဲ့ ကာမပြဿနာတွေထဲမှာ တခုအပါအဝင်ဘဲ။
မိန်းမလိင်အင်္ဂါရဲ့ အကျဉ်းအကျယ်က ပုံမှန်မရှိဘူး။ တယောက်နဲ့ တယောက်မတူဘူး။ နဂိုကတည်းကကို လိင်အင်္ဂါကြွက်သားတွေ ပျော့နေလို့ ကျယ်နေသယောင်ဖြစ်နေတဲ့ သူတွေလည်း ရှိတယ်။ လိင်အင်္ဂါကြွက်သား တင်းတဲ့သူတွေကတော့ နဂိုထက်ပိုကျဉ်းတယ်လို့ ခံစားရတယ်။
တချို့ဆိုရင် လိင်အင်္ဂါကြွက်သားတွေက အားကောင်းလွန်းတော့ လိင်ဆက်ဆံတဲ့အခါ အရမ်းကျပ်နေလို့ မျှော့ပါတယ်ဆိုပြီး ပြောကြတာတောင် ကြားဖူးသေးတယ်??။
ယောက်ျားလေးတွေက မိန်းမတယောက်နဲ့ လိင်ဆက်ဆံလို့ ကျယ်နေတယ်လို့ ခံစားရတဲ့အခါ ဒီမိန်းမက အပျိုမဟုတ်ဘူး ဘာညာ စွပ်စွဲကြတဲ့ ပြဿနာတွေ ကြားနေရတယ်။
မိန်းမတယောက်ရဲ့ လိင်အင်္ဂါက သားရေကွင်းလိုဘဲဗျ။ လိင်ဆက်ဆံတဲ့အခါ သို့မဟုတ် sex toy လို့ခေါ်တဲ့အရာတွေနဲ့ ထိုးသွင်းပြီး ကာမအာသာဖြေတဲ့အခါ မိန်းမလိင်အင်္ဂါဟာ သူ့အထဲဝင်လာတဲ့ လိင်တံ သို့မဟုတ် လိင်တံနဲ့တူတဲ့အရာရဲ့ အရွယ်အစားအလျှောက် ကျယ်သွားတယ်။ ဒါပေမယ့် အဲ့လိုကျယ်သွားတာဟာ အချိန်တခုအထိဘဲ။ တသက်လုံး အဲ့လောက်အရွယ်အစား ကျယ်သွားတော့မှာ မဟုတ်ဘူး။ အချိန်တခု ကြာပြီးတဲ့အခါမှာတော့ နဂိုအရွယ်အစားကို ပြန်ရောက်သွားတာပါပဲ။
မိန်းမလိင်အင်္ဂါကို ကျယ်စေတဲ့အချက် ၂ ခုဘဲရှိတယ်။
၁) ကလေးမွေးခြင်း
၂) အသက်အရွယ်
ကလေးကို မွေးလမ်းကြောင်းကနေ မွေးတဲ့အခါ မိန်းမအင်္ဂါက နဂိုထက် အများကြီး ကျယ်ပေးရတာလေ။ အဲတော့ သူက အကျယ်ကြီးဆွဲဆန့်ခံလိုက်ရတဲ့ သားရေကွင်းလို နဂိုအရွယ်ထက် နည်းနည်း ပိုကျယ်သွားတာပေါ့ဗျာ။ ကလေးမွေးတာ များရင် များသလောက် မိန်းမအင်္ဂါက အနည်းငယ်ဆီ ပိုပိုကျယ်သွားတတ်တယ်။
နောက်တခုက အသက်အရွယ်။ အသက်အရွယ် ကြီးလာတဲ့အခါ မိန်းမရဲ့ လိင်အင်္ဂါ ကြွက်သားတွေဟာ လျှော့လာတယ်။ အဲ့အခါ နဂိုထက် ပိုကျယ်သွားရော။
လိင်အင်္ဂါကျယ်နေလို့ စိတ်ညစ်နေသော မိန်းကလေးများအတွက်
……………………………………………………………….
အကောင်းဆုံးကတော့ လေ့ကျင့်ခန်းပါဘဲ။ လေ့ကျင်းခန်းလုပ်ရင် ကြွက်သားတွေသန်မာလာတာ သဘာဝဘဲလေ။ ရှူရှူးပေါက်နေတုန်း တဝက်လောက်အရောက်မှာ ရှူရှူးကိုထပ်မထွက်အောင် ကြွက်သားတွေရှုံ့ပြီး ထိန်းနိုင်ပါသလား။ အဲ့လိုလုပ်နိုင်ရင် လိင်အင်္ဂါ ကြွက်သားတွေ ကောင်းနေပါသေးတယ်။ ကြွက်သားတွေ အဲ့ထက်ပိုသန်မာလာအောင်လည်း လေ့ကျင့်ခန်း လုပ်လို့ရတယ်။
စိတ်ကို လိင်အင်္ဂါကြွက်သားတွေမှာ စုစည်းထားပြီ ရှူရှူး မထွက်ကျအောင် ထိန်းသလိုမျိုး ၁၀ စက္ကန့်လုပ်ပါ ပြီးရင် ၁၀ စက္ကန့်နားပါ အေးဆေးအသက်ရှူပါ။ အဲ့လေ့ကျင့်ခန်းက ထိုင်နေရင်း ဘယ်သူမှ မသိအောင်လုပ်လို့ရတဲ့ ကြွက်သားလေ့ကျင့်ခန်း တခုပါဘဲ။
လိင်အင်္ဂါ အကြီး အသေး အကျဉ်း အကျယ် နဲ့ပါတ်သတ်ပြီး ဒီလောက်နဲ့ဘဲ နားလိုက်ပါတယ်။ ကာမပြဿနာများ ကင်းရှင်းကြပါစေ။ ။
လေးစားစွာဖြင့်
ဒေါက်ပြည့်
