တစ်နေ့သော ညနေခင်းတွင် ဇီဝက ဆေးခန်းသို့ ခေါင်းကိုက်လို့လာပြတဲ့ ဒေါ်ဘုမ တစ်ယောက် ပြန်ခါနီး ဟိုကြည့် ဒီကြည့်နဲ့ ဆရာလေးကို
တိုင်ပင်စရာရှိလို့ဆိုပြီး တိုးတိုးနဲ့ ဇီဝကကို ဆိုလေ၏ ။
ဇီဝက ။ ။ဆိုပါဦး ၊ဒေါ်ဘုမရဲ့ ။ဘာတွေ တိုင်ပင်ချင်တာတုံး ။
ဒေါ်ဘုမ။ ။ ဒီလို ဆရာလေးရေ ။ကျွန်မ သမီး ပေါက်ကျော်မ အငယ်မလေးလေ ။ခုတလော ငြိမ်ချက်သားကောင်းပြီး ၊ရှိုးတိုးရှန့်တန့်တွေဖြစ်။အလှအပလည်းကြိုက်လာတယ် ။သူ့သူငယ်ချင်းကောင်လေးတွေနဲ့စကားပြောရင်လည်း မပွင့်တပွင့် ။အရင်လို သိပ်မဆော့တော့ဘူး ။ကျွန်မအထင် သူအပျိုဖော်ဝင်တာလား မသိ ။အဲ့တာ ဘယ်လိုလုပ်ရမလဲ ၊ဆရာလေး ။သူ့ကို ဆရာလေးတို့ ကျန်းမာရေးအမြင်နဲ့ ဘယ်လို ပြောပြရမလဲ ။စောင့်ရှောက်ရမလဲ ။
ဇီဝက ။ ။ဘယ်လို ပြောပြရမလဲ မပြောခင် အရင်ဆုံး အပျိုဖော် ဘာကြောင့်ဝင်တယ်ဆိုတာ သိဖို့လိုတယ် ဒေါ်ဘုမရဲ့ ။
ဒေါ်ဘုမ။ ။ဆရာလေးပြောမှ အဒေါ်လည်း မသိဘူး ။ပြောပြပါဦး ။
ဇီဝက ။ ။အပျိုဖော် ဝင်လာတဲ့ အကြောင်းအရင်း အစက မိန်းကလေးတွေရဲ့ ကိုယ်ထဲမှာ မဟိုမုန်းလ်ဓာတ်ဖြစ်တဲ့ အီစထရိုဂျင်များလာလို့ အဒေါ်ရဲ့ ။
ဒေါ်ဘုမ။ ။ဆရာလေးပြောတဲ့ ဟိုမုန်းလ် ဓာတ်က ဘာတွေဖြစ်စေတာတုန်း ။
ဇီဝက ။ ။ကိုယ်ခန္ဓာတွေ ကြီးထွားဖွံ့ဖြိုးလာမယ် ။အသက် ၉နှစ်နဲ့ ၁၁ နှစ်အတွင်းဆို ၁နှစ်ရင် အရပ် ၄လက်မရှည်မယ်။ အမွေးလေးတွေ ပေါက်လာမယ်။ ချိုင်းမွေး ၊ခြေထောက် နဲ့ ဆီးစပ်နေရာမှာ အမွေးနုတွေ စပေါက်လာမယ် ။အရေပြား အဆီများလာမယ် ။ဝက်ခြံတွေ ထွက်လာမယ်။ ချွေးပိုထွက်လာမယ် ။ချိုင်းချွေးနံ့ပျောက်ဆေးတောင့်တွေ လိမ်းခိုင်း။ရင်သားတွေ စပြီးဖွံ့ဖြိုးလာမယ် ။အရင်လို လွတ်လွတ်လပ်လပ် ဝတ်လို့ မရတော့ဘူး ။ရှမီး အကျီ ၤလေးတွေ ဝတ်ခိုင်းရတော့မယ် ။
ရင်သားထိပ်ကလေးတွေဟာလည်း အရောင် ၊ပုံပန်း ပြောင်းလာရော ။မိန်းမလိင်အင်္ဂါလေးတွေလည်း ပြောင်းလာရော ။အင်္ဂါနှုတ်ခမ်းသားတွေ ကြီးလာမယ် ။နှုတ်ခမ်းသားကြီးမှာ အမွေးကလေးတွေ စပေါက်လာမယ် ။မိန်းမကိုယ်ထဲမှာလည်း စိုတိုတို ဖြစ်လာမယ် ။ဖြူတာ ဝါတာ ၊ကြည်တာ ၊ခပ်ပျစ်ပျစ်တွေ ဆင်းနိုင်တယ် ။ဒါက ပုံမှန်ပါပဲ ။ရာသီသွေးဆိုတဲ့ဓမ္မတာတွေ စဆင်းမယ် ။စဆင်းဆင်းချင်း မလန့်ဖို့ ကိုယ့်ကလေးကိုသေချာ ဂရုတစိုက် ရှင်းပြ ။ ကိုယ့်မိခင် ရာသီသွေးစဆင်းတဲ့အရွယ် လောက်မှာပဲ စဆင်းမယ် ။စိတ်တွေလည်း ပြောင်းလဲ တတ်လာတယ်။
ကိုယ်နံ့ ၊ခံတွင်းနံ့ လည်းပြောင်းလာမယ် ။တစ်ကိုယ်ရေသန့် ရှင်းရေးက ပိုအရေးကြီးလာတယ် ။ခါးသေးရင်ချီ ဆိုသလို ခန္ဓာကိုယ် အချိုးအစား ပြောင်းလာမယ် ။တင်နေရာက ကားလာ စွင့်လာမယ် ။ခုပြောပြတာတွေကို ကလေးကို ဖြည်းဖြည်းချင်း နားလည်အောင် ဒေါ်ဘုမက ပြောပြ ။တခြားရွယ်တူ ယောကျာၤးကလေးတွေနဲ့ မတူပုံကို သေချာ ရှင်းပြပေါ့ဗျာ ။ဟုတ်ပြီလား ။
ဒေါ်ဘုမ။ ။ဟုတ်ကဲ့ ၊ဆရာလေးရေ ။ဆရာလေးပြောမှ သေချာ ဃဃနန နားလည်တော့တယ် ။ကျွန်မသမီးလေးကို ဆရာလေးပြောသလို သေချာပြောပြ
လိုက်မယ် ။ကျေးဇူးပါပဲ ၊ဆရာလေးရေ ။
Author : ခေတ်သစ် ဇီဝက
