(Zawgyi)
အိမ္ေထာင္သည္အမ်ိဳးသမီးေတြ အိမ္ေထာင္က်စျဖစ္ေစ အိမ္ေထာင္က်တာၾကာၿပီးမွ လတ္တေလာကေလးယူေတာ့မယ္ဆိုၿပီးျဖစ္ေစ ေတြးတတ္ၾကတာေလးေတြ ရွိတတ္ၾကတယ္။
ရာသီေပၚရက္ အတူေနရင္ကေလးရမယ္ ထင္တတ္ၾကတယ္။ ဘာေၾကာင့္လဲဆိုရင္ ကေလးယူမယ္ေျပာလိုက္တိုင္း ရာသီမွန္လား ဆိုတဲက ေမးခြန္းက အေမးခံရေတာ့ ရာသီေပၚရက္မွာ အတူေနရင္ကေလးရမယ္လို႔ထင္တတ္ၾကတယ္။ ရာသီကေတာက္ေလွ်ာက္ရက္မွန္ေနတယ္။ ပုံမွန္လည္းဆင္းေနတယ္ဆို ရာသီရက္ေတြမွာ အတူေနတာက ကေလးမရတတ္ပါဘူး။ ဒါေပမယ့္ ရာသီေပၚတဲ့ရက္မွာ အတူေနရင္ ကေလးလုံးဝမရဘူးလို႔ေတာ့ မေျပာပါဘူး။ တစ္ခါတစ္ေလမွာ ရာသီ မမွန္တာေတြ နည္းနည္းစီဆင္းေနတတ္တာေတြမွာ အတူေနမိရင္ ကေလးရသြားႏိုင္ပါတယ္။
ကေလးရဖို႔ရာသီေပၚရက္က အေရးႀကီးလားဆိုရင္ အေရးႀကီးပါတယ္။ ရာသီေပၚရက္မွန္ေနမွ သားဥေႂကြတဲ့ရက္ကိုတြက္ႏိုင္ပါတယ္။ ရာသီေပၚတယ္ဆိုတာ ကိုယ္ဝန္ေဆာင္ဖို႔အတြက္ ေဟာ္မုန္းေတြရဲ႕ ျဖစ္စဥ္နဲ႔ သားအိမ္နံရံမွာ လတိုင္းျပင္ဆင္ေပးထားတဲ့ အလႊာေတြက ကိုယ္ဝန္မေဆာင္ျဖစ္တဲ့အခါမွာ ျပန္ၿပီးကြာက်တဲ့သေဘာပါ။ မသန႔္တဲ့ေသြးေတြလည္းမဟုတ္ပါဘူး။
ရာသီေပၚရက္နဲ႔ တြက္ၿပီးသားဥေႂကြတဲ့ရက္ကိုမွန္းႏိုင္ပါတယ္။ ၂၈ရက္တစ္ခါ ရာသီေပၚေနက် သူတစ္ေယာက္အတြက္ေတာ့ ရာသီစေပၚၿပီး ၁၄ရက္ေျမာက္ေန႔မွာ သားဥေႂကြတတ္ပါတယ္။ ရာသီစက္ဝန္းအတိုအရွည္ေပၚမူတည္ၿပီး သားဥေႂကြတဲ့ရက္ကအေျပာင္းအလဲရွိမွာပါ။ ဒါေၾကာင့္လည္း ကိုယ္ဝန္ယူေတာ့မယ္ဆိုရင္ ရာသီရက္မွန္လားဆိုတဲ့ေမးခြန္းကို ေမးေနၾကတာပါ။
ေနာက္တစ္ခုကေတာ့ ကေလးယူဖို႔ဆိုၿပီး ဆုံးျဖတ္ထားတဲ့အိမ္ေထာင္သည္ေတြ ေမးတဲ့ေမးခြန္းရွိပါတယ္။ သားအိမ္အားေဆးေသာက္ဖို႔လိုလားဆိုၿပီးပါ။ တကယ္က သားအိမ္အားေဆးဆိုတာမရွိပါဘူး ။ FOLIC ACID က သားအိမ္အားေဆးမဟုတ္ပါဘူး။ အားေဆးတစ္မ်ိဳးပါပဲ။ ေသြးအားေကာင္းေစတယ္။ ကေလးရတဲ့အခါကိုယ္ဝန္စရွိတဲ့ ပထမသုံးပတ္မွာေသခ်ာေသာက္ေပးရင္ ကေလးမွာေမြးရာပါ ကိုယ္လက္အဂၤါအစိတ္အပိုင္းခ်ိဳ႕တဲ့တာေတြ မျဖစ္ေစေတာ့ပါဘူး။ ဒါေၾကာင့္လည္းသားဖြားမီးယပ္အမ်ားစုက ႀကိဳေသာက္ထားလို႔ရလို႔ေပးလိုက္တာပါ။ VITAMIN E လည္း အားေဆးသက္သက္ပါပဲ။ ဆံပင္နဲ႔ အသားအရည္အတြက္လည္းေကာင္းေစတယ္။ လူနဲ႔လည္းတည့္ပါတယ္။ ဒါေၾကာင့္ ေသာက္ဖို႔ေပးထားတာပါ သားအိမ္အားေဆးေတြေတာ့မဟုတ္ပါဘူး။
အတူေနတဲ့အခါမွာလည္း ဘယ္လိုပုံစံေနမွ ကေလးရပါမယ္ဆိုတာမရွိပါဘူး။ ဘယ္လိုပုံစံပဲေနေန သုတ္ပိုးနဲ႔ သားဥနဲ႔ေတြ႕တယ္ဆို ကေလးရႏိုင္ပါတယ္။
အႁမႊာကေလးလိုခ်င္လို႔ ဘယ္လိုလုပ္ရမလဲ ဆိုတာလည္းရွိတယ္။ အႁမႊာဘာေၾကာင့္ျဖစ္လဲ အႁမႊာလို႔ေျပာတဲ့ေနရာမွာ သားအိမ္ထဲမွာပဲ ေရမႊာအိတ္တစ္အိတ္ထဲ ေပါင္းေနတာလည္းျဖစ္ႏိုင္တယ္။ တစ္ေယာက္တစ္အိတ္စီလည္းျဖစ္ႏိုင္တယ္။ အႁမႊာျဖစ္ဖို႔က သားဥနဲ႔ သုတ္ပိုးပမာဏေပၚ မူတည္တတ္ပါတယ္။
ကေလးယူတဲ့အခါမွာလည္း ေယာက်ာ္းေလးမွ လိုခ်င္တယ္။ မိန္းကေလးမွလိုခ်င္တယ္လည္း မရပါဘူး။ သားဥနဲ႔ေတြတဲ့ဘသုတ္ပိုးေပၚမွာပဲ မူတည္ပါတယ္။ ဖန္ႁပြန္စနစ္လို သားဥထဲကို သုတ္ပိုးထည့္တဲ့နည္းလမ္းနဲ႔ဆိုရင္ေတာ့ လုပ္လို႔ရႏိုင္ပါလိမ့္မယ္။
ႀကဳံေတြ႕ေနရတာေလးေတြပါ။
Author: Dr. CST
(Unicode)
အိမ်ထောင်သည်အမျိုးသမီးတွေ အိမ်ထောင်ကျစဖြစ်စေ အိမ်ထောင်ကျတာကြာပြီးမှ လတ်တလောကလေးယူတော့မယ်ဆိုပြီးဖြစ်စေ တွေးတတ်ကြတာလေးတွေ ရှိတတ်ကြတယ်။
ရာသီပေါ်ရက် အတူနေရင်ကလေးရမယ် ထင်တတ်ကြတယ်။ ဘာကြောင့်လဲဆိုရင် ကလေးယူမယ်ပြောလိုက်တိုင်း ရာသီမှန်လား ဆိုတဲက မေးခွန်းက အမေးခံရတော့ ရာသီပေါ်ရက်မှာ အတူနေရင်ကလေးရမယ်လို့ထင်တတ်ကြတယ်။ ရာသီကတောက်လျှောက်ရက်မှန်နေတယ်။ ပုံမှန်လည်းဆင်းနေတယ်ဆို ရာသီရက်တွေမှာ အတူနေတာက ကလေးမရတတ်ပါဘူး။ ဒါပေမယ့် ရာသီပေါ်တဲ့ရက်မှာ အတူနေရင် ကလေးလုံးဝမရဘူးလို့တော့ မပြောပါဘူး။ တစ်ခါတစ်လေမှာ ရာသီ မမှန်တာတွေ နည်းနည်းစီဆင်းနေတတ်တာတွေမှာ အတူနေမိရင် ကလေးရသွားနိုင်ပါတယ်။
ကလေးရဖို့ရာသီပေါ်ရက်က အရေးကြီးလားဆိုရင် အရေးကြီးပါတယ်။ ရာသီပေါ်ရက်မှန်နေမှ သားဥကြွေတဲ့ရက်ကိုတွက်နိုင်ပါတယ်။ ရာသီပေါ်တယ်ဆိုတာ ကိုယ်ဝန်ဆောင်ဖို့အတွက် ဟော်မုန်းတွေရဲ့ ဖြစ်စဉ်နဲ့ သားအိမ်နံရံမှာ လတိုင်းပြင်ဆင်ပေးထားတဲ့ အလွှာတွေက ကိုယ်ဝန်မဆောင်ဖြစ်တဲ့အခါမှာ ပြန်ပြီးကွာကျတဲ့သဘောပါ။ မသန့်တဲ့သွေးတွေလည်းမဟုတ်ပါဘူး။
ရာသီပေါ်ရက်နဲ့ တွက်ပြီးသားဥကြွေတဲ့ရက်ကိုမှန်းနိုင်ပါတယ်။ ၂၈ရက်တစ်ခါ ရာသီပေါ်နေကျ သူတစ်ယောက်အတွက်တော့ ရာသီစပေါ်ပြီး ၁၄ရက်မြောက်နေ့မှာ သားဥကြွေတတ်ပါတယ်။ ရာသီစက်ဝန်းအတိုအရှည်ပေါ်မူတည်ပြီး သားဥကြွေတဲ့ရက်ကအပြောင်းအလဲရှိမှာပါ။ ဒါကြောင့်လည်း ကိုယ်ဝန်ယူတော့မယ်ဆိုရင် ရာသီရက်မှန်လားဆိုတဲ့မေးခွန်းကို မေးနေကြတာပါ။
နောက်တစ်ခုကတော့ ကလေးယူဖို့ဆိုပြီး ဆုံးဖြတ်ထားတဲ့အိမ်ထောင်သည်တွေ မေးတဲ့မေးခွန်းရှိပါတယ်။ သားအိမ်အားဆေးသောက်ဖို့လိုလားဆိုပြီးပါ။ တကယ်က သားအိမ်အားဆေးဆိုတာမရှိပါဘူး ။ FOLIC ACID က သားအိမ်အားဆေးမဟုတ်ပါဘူး။ အားဆေးတစ်မျိုးပါပဲ။ သွေးအားကောင်းစေတယ်။ ကလေးရတဲ့အခါကိုယ်ဝန်စရှိတဲ့ ပထမသုံးပတ်မှာသေချာသောက်ပေးရင် ကလေးမှာမွေးရာပါ ကိုယ်လက်အင်္ဂါအစိတ်အပိုင်းချို့တဲ့တာတွေ မဖြစ်စေတော့ပါဘူး။ ဒါကြောင့်လည်းသားဖွားမီးယပ်အများစုက ကြိုသောက်ထားလို့ရလို့ပေးလိုက်တာပါ။ VITAMIN E လည်း အားဆေးသက်သက်ပါပဲ။ ဆံပင်နဲ့ အသားအရည်အတွက်လည်းကောင်းစေတယ်။ လူနဲ့လည်းတည့်ပါတယ်။ ဒါကြောင့် သောက်ဖို့ပေးထားတာပါ သားအိမ်အားဆေးတွေတော့မဟုတ်ပါဘူး။
အတူနေတဲ့အခါမှာလည်း ဘယ်လိုပုံစံနေမှ ကလေးရပါမယ်ဆိုတာမရှိပါဘူး။ ဘယ်လိုပုံစံပဲနေနေ သုတ်ပိုးနဲ့ သားဥနဲ့တွေ့တယ်ဆို ကလေးရနိုင်ပါတယ်။
အမြွှာကလေးလိုချင်လို့ ဘယ်လိုလုပ်ရမလဲ ဆိုတာလည်းရှိတယ်။ အမြွှာဘာကြောင့်ဖြစ်လဲ အမြွှာလို့ပြောတဲ့နေရာမှာ သားအိမ်ထဲမှာပဲ ရေမွှာအိတ်တစ်အိတ်ထဲ ပေါင်းနေတာလည်းဖြစ်နိုင်တယ်။ တစ်ယောက်တစ်အိတ်စီလည်းဖြစ်နိုင်တယ်။ အမြွှာဖြစ်ဖို့က သားဥနဲ့ သုတ်ပိုးပမာဏပေါ် မူတည်တတ်ပါတယ်။
ကလေးယူတဲ့အခါမှာလည်း ယောကျာ်းလေးမှ လိုချင်တယ်။ မိန်းကလေးမှလိုချင်တယ်လည်း မရပါဘူး။ သားဥနဲ့တွေတဲ့ဘသုတ်ပိုးပေါ်မှာပဲ မူတည်ပါတယ်။ ဖန်ပြွန်စနစ်လို သားဥထဲကို သုတ်ပိုးထည့်တဲ့နည်းလမ်းနဲ့ဆိုရင်တော့ လုပ်လို့ရနိုင်ပါလိမ့်မယ်။
ကြုံတွေ့နေရတာလေးတွေပါ။
Author: Dr. CST
