(Zawgyi)
အမ်ိဳးသားမ်ား၏ လိင္ပိုင္းဆိုင္ရာ ျပႆနာတစ္ခုမွာ ပန္းေသပန္းညႇိဳး၊ ပန္းၾကာရွည္မလန္းဆန္းႏိုင္ျခင္း ျဖစ္၏။ ေဆးပညာတြင္ ယင္းသို႔ျဖစ္ျခင္းကို Erectile Dysfunction (ED) ဟုေခၚသည္။ အမ်ိဳးသားမ်ားတြင္ ျဖစ္ပြားမႈအမ်ားဆုံး ျပႆနာဟု ဆိုႏိုင္သည္။ အမ်ိဳးသားအမ်ားစုမွာ မိမိတို႔၏ ဘဝသက္တမ္းတစ္ေလွ်ာက္တြင္ တစ္ႀကိမ္ သို႔မဟုတ္ တစ္ႀကိမ္ ပန္းေသပန္းညႇိဳး၊ ပန္းၾကာရွည္ မလန္းဆန္းမႈ ျပႆနာႀကဳံၾကရၿမဲျဖစ္သည္။
ပန္းေသပန္းညႇိဳးပန္းမလန္းဆန္းျခင္းမွာ အသက္ႀကီးသူမ်ားတြင္ ပိုမိုျဖစ္ပြားေလ့ရွိသျဖင့္ တခ်ိဳ႕ အမ်ိဳးသားမ်ားသည္ အသက္ႀကီးလို႔ျဖစ္တာပါ၊ ျပႆနာမရွိပါဘူး ဟူ၍ ေပါ့ေပါ့ဆဆသေဘာထားကာ ကုသမႈခံယူျခင္းမရွိဘဲ ေနတတ္ၾကသည္။ ပန္းေသပန္းညႇိဳး၊ ပန္းမလန္းျခင္းမွာ သာမန္အားျဖင့္ လိင္ျပႆနာတစ္ခုဟု ဆိုႏိုင္ေသာလည္း ခႏၶာကိုယ္ အေထြေထြက်န္းမာေရးႏွင့္လည္း သက္ဆိုင္မႈရွိေၾကာင္း သိထားသင့္ပါသည္။ ႐ုပ္ပိုင္းဆိုင္ရာ က်န္းမာေရးသာမက၊ စိတ္ပိုင္းဆိုင္ရာ က်န္းမာေရးႏွင့္လည္း ဆက္ႏႊယ္ပတ္သက္မႈ ရွိေနပါသည္။ အဓိကလိုခ်င္သည္မွာ ပန္းေသပန္းညႇိဳး၊ ပန္းမလန္းမႈ ႀကဳံေတြ႕ရပါလွ်င္လည္း ထိေရာက္ေသာ ကုသမႈရယူရန္ လိုအပ္မည္ျဖစ္ပါသည္။ပန္းေသပန္းညႇိဳးပန္းမလန္းျခင္းသည္ အသက္ႀကီးသူမ်ားတြင္ ျဖစ္ပြားမႈႏႈန္းမ်ားသည္ မွန္ေသာ္လည္း အသက္အ႐ြယ္မေ႐ြး ျဖစ္ႏိုင္ပါသည္။ အသက္အလိုက္ ပန္းေသပန္းညႇိဳး၊ ပန္းမလန္းမႈျဖစ္ပြားႏႈန္းကို ေအာက္တြင္ေဖာ္ျပေပးထားပါသည္။
အသက္ ျဖစ္ပြားမႈႏႈန္း
၂၀ ႏွစ္ ၃.၅ ရာခိုင္ႏႈန္း
၄၀ ႏွစ္ ၅ ရာခိုင္ႏႈန္း
၆၀ ႏွစ္ ၁၀ ရာခိုင္ႏႈန္း
၇၀ ႏွစ္ ၂၀ ရာခိုင္ႏႈန္း
၈၀ ႏွစ္ ၄၀ ရာခိုင္ႏႈန္း
၉၀ ႏွစ္ ၆၀ ရာခိုင္ႏႈန္း
ပန္းေသပန္းညႇိဳး၊ ပန္းမလန္းမႈမွာ အိမ္ေထာင္မရွိသူမ်ားတြင္ ပို၍ျဖစ္ပြားတတ္ေၾကာင္း ေတြ႕ရသည္။ပန္းေသပန္းညႇိဳး၊ ပန္းမလန္းျခင္းမွာ ေသြးတိုးေရာဂါ၊ ေသြးခ်ိဳဆီးခ်ိဳေရာဂါ၊ ေသြးေၾကာမ်ား မာေက်ာသည့္ေရာဂါ အာ႐ုံေၾကာခ်ိဳ႕ယြင္းမႈႏွင့္ ထိခိုက္ဒဏ္ရာရျခင္း၊ ေက်ာ႐ိုးအာ႐ုံေၾကာမႀကီး ခြဲစိတ္မႈ၊ အူမႀကီးခြဲစိတ္မႈ သံဓာတ္အဆိပ္သင့္ျခင္း၊ ေသြး၌ ကိုလက္စထေရာဓာတ္ လြန္ကဲျခင္းစသည္တို႔ေၾကာင့္ ျဖစ္ပြားႏိုင္သည္။ ေဆးလိပ္ေသာက္ျခင္းႏွင့္ အရက္အလြန္အကြၽံေသာက္သုံးမႈတို႔ေၾကာင့္လည္း ပန္းေသပန္းညႇိဳးျဖစ္တတ္ပါသည္။ပန္းေသပန္းညႇိဳး၊ ပန္းမလန္းျခင္းသည္ ႐ုပ္ပိုင္းဆိုင္ရာ ေရာဂါေဝဒနာမ်ားေၾကာင့္သာမက စိတ္ပိုင္းဆိုင္ရာျပႆနာမ်ားေၾကာင့္လည္း ျဖစ္ႏိုင္ပါေသးသည္။ ဥပမာအားျဖင့္ စိတ္က်ေဝဒနာႏွင့္ စိုးရိမ္ပူပင္ေသာကမ်ားျခင္းတို႔ေၾကာင့္ ပန္းေသပန္းညႇိဳး၊ ပန္းမလန္းျခင္း ျဖစ္တတ္ပါသည္။
ပန္းေသပန္းညႇိဳးပန္းမလန္းျခင္းကို
ေသာက္ေဆးမ်ားျဖင့္ ကုသျခင္း
ထိုးေဆးမ်ားသုံးစြဲျခင္း
ဆီးႁပြန္အတြင္း သြင္းေဆးသုံးျခင္း
ေလစုပ္စက္အကူအညီျဖင့္ ကုသျခင္း
ခြဲစိတ္ကုသျခင္းစသည္ျဖင့္ နည္းလမ္းအမ်ိဳးမ်ိဳးကို သုံးစြဲ၍ ကုသေပးႏိုင္ပါသည္။
Author: Dr. ေအးေက်ာ္, ပညာေပးေဆြးေႏြးလိင္က်န္းမာေရး
(Unicode)
အမျိုးသားများ၏ လိင်ပိုင်းဆိုင်ရာ ပြဿနာတစ်ခုမှာ ပန်းသေပန်းညှိုး၊ ပန်းကြာရှည်မလန်းဆန်းနိုင်ခြင်း ဖြစ်၏။ ဆေးပညာတွင် ယင်းသို့ဖြစ်ခြင်းကို Erectile Dysfunction (ED) ဟုခေါ်သည်။ အမျိုးသားများတွင် ဖြစ်ပွားမှုအများဆုံး ပြဿနာဟု ဆိုနိုင်သည်။ အမျိုးသားအများစုမှာ မိမိတို့၏ ဘဝသက်တမ်းတစ်လျှောက်တွင် တစ်ကြိမ် သို့မဟုတ် တစ်ကြိမ် ပန်းသေပန်းညှိုး၊ ပန်းကြာရှည် မလန်းဆန်းမှု ပြဿနာကြုံကြရမြဲဖြစ်သည်။
ပန်းသေပန်းညှိုးပန်းမလန်းဆန်းခြင်းမှာ အသက်ကြီးသူများတွင် ပိုမိုဖြစ်ပွားလေ့ရှိသဖြင့် တချို့ အမျိုးသားများသည် အသက်ကြီးလို့ဖြစ်တာပါ၊ ပြဿနာမရှိပါဘူး ဟူ၍ ပေါ့ပေါ့ဆဆသဘောထားကာ ကုသမှုခံယူခြင်းမရှိဘဲ နေတတ်ကြသည်။ ပန်းသေပန်းညှိုး၊ ပန်းမလန်းခြင်းမှာ သာမန်အားဖြင့် လိင်ပြဿနာတစ်ခုဟု ဆိုနိုင်သောလည်း ခန္ဓာကိုယ် အထွေထွေကျန်းမာရေးနှင့်လည်း သက်ဆိုင်မှုရှိကြောင်း သိထားသင့်ပါသည်။ ရုပ်ပိုင်းဆိုင်ရာ ကျန်းမာရေးသာမက၊ စိတ်ပိုင်းဆိုင်ရာ ကျန်းမာရေးနှင့်လည်း ဆက်နွှယ်ပတ်သက်မှု ရှိနေပါသည်။ အဓိကလိုချင်သည်မှာ ပန်းသေပန်းညှိုး၊ ပန်းမလန်းမှု ကြုံတွေ့ရပါလျှင်လည်း ထိရောက်သော ကုသမှုရယူရန် လိုအပ်မည်ဖြစ်ပါသည်။ပန်းသေပန်းညှိုးပန်းမလန်းခြင်းသည် အသက်ကြီးသူများတွင် ဖြစ်ပွားမှုနှုန်းများသည် မှန်သော်လည်း အသက်အရွယ်မရွေး ဖြစ်နိုင်ပါသည်။ အသက်အလိုက် ပန်းသေပန်းညှိုး၊ ပန်းမလန်းမှုဖြစ်ပွားနှုန်းကို အောက်တွင်ဖော်ပြပေးထားပါသည်။
အသက် ဖြစ်ပွားမှုနှုန်း
၂၀ နှစ် ၃.၅ ရာခိုင်နှုန်း
၄၀ နှစ် ၅ ရာခိုင်နှုန်း
၆၀ နှစ် ၁၀ ရာခိုင်နှုန်း
၇၀ နှစ် ၂၀ ရာခိုင်နှုန်း
၈၀ နှစ် ၄၀ ရာခိုင်နှုန်း
၉၀ နှစ် ၆၀ ရာခိုင်နှုန်း
ပန်းသေပန်းညှိုး၊ ပန်းမလန်းမှုမှာ အိမ်ထောင်မရှိသူများတွင် ပို၍ဖြစ်ပွားတတ်ကြောင်း တွေ့ရသည်။ပန်းသေပန်းညှိုး၊ ပန်းမလန်းခြင်းမှာ သွေးတိုးရောဂါ၊ သွေးချိုဆီးချိုရောဂါ၊ သွေးကြောများ မာကျောသည့်ရောဂါ အာရုံကြောချို့ယွင်းမှုနှင့် ထိခိုက်ဒဏ်ရာရခြင်း၊ ကျောရိုးအာရုံကြောမကြီး ခွဲစိတ်မှု၊ အူမကြီးခွဲစိတ်မှု သံဓာတ်အဆိပ်သင့်ခြင်း၊ သွေး၌ ကိုလက်စထရောဓာတ် လွန်ကဲခြင်းစသည်တို့ကြောင့် ဖြစ်ပွားနိုင်သည်။ ဆေးလိပ်သောက်ခြင်းနှင့် အရက်အလွန်အကျွံသောက်သုံးမှုတို့ကြောင့်လည်း ပန်းသေပန်းညှိုးဖြစ်တတ်ပါသည်။ပန်းသေပန်းညှိုး၊ ပန်းမလန်းခြင်းသည် ရုပ်ပိုင်းဆိုင်ရာ ရောဂါဝေဒနာများကြောင့်သာမက စိတ်ပိုင်းဆိုင်ရာပြဿနာများကြောင့်လည်း ဖြစ်နိုင်ပါသေးသည်။ ဥပမာအားဖြင့် စိတ်ကျဝေဒနာနှင့် စိုးရိမ်ပူပင်သောကများခြင်းတို့ကြောင့် ပန်းသေပန်းညှိုး၊ ပန်းမလန်းခြင်း ဖြစ်တတ်ပါသည်။
ပန်းသေပန်းညှိုးပန်းမလန်းခြင်းကို
- သောက်ဆေးများဖြင့် ကုသခြင်း
- ထိုးဆေးများသုံးစွဲခြင်း
- ဆီးပြွန်အတွင်း သွင်းဆေးသုံးခြင်း
- လေစုပ်စက်အကူအညီဖြင့် ကုသခြင်း
- ခွဲစိတ်ကုသခြင်းစသည်ဖြင့် နည်းလမ်းအမျိုးမျိုးကို သုံးစွဲ၍ ကုသပေးနိုင်ပါသည်။
Author: Dr. အေးကျော်, ပညာပေးဆွေးနွေးလိင်ကျန်းမာရေး
