(Zawgyi)
အမ်ိဴးသမီးသားေၾကာျဖတ္ျခင္းဆိုတာက တားေဆးေသာက္တာ၊ထိုးတာ၊ကြန္ဒုံးသုံးတာ စတဲ့သားဆက္ျခားနည္းလမ္းေတြထဲက နည္းလမ္းတခုပဲျဖစ္ပါတယ္။
အၾကမ္းအားျဖင့္ေျပာရရင္ သေႏၶေအာင္ရန္(ကေလးရရန္)အတြက္ မမ်ိဳးဥတခု(Ovum)ဟာ သားဥႁပြန္ကိုျဖတ္သန္းသြားရၿပီး သားအိမ္တြင္ သုတ္ေကာင္နဲ႔ေတြ႕ရပါတယ္။
သားေၾကာျဖတ္တယ္ဆိုတာက ထိုမမ်ိဴးဥျဖတ္သန္းသြားရေသာလမ္းေၾကာင္း
ျဖစ္သည့္သားဥႁပြန္ေလးေတြကို (Fallopian Tubes) ကိုျဖတ္ေတာက္ၿပီးထုံးထားလိုက္တာျဖစ္ပါတယ္။ဒီလိုျဖတ္ေတာက္ထုံးထားလိုက္တဲ့အတြက္ မမ်ိဴးဥဟာသုတ္ေကာင္နဲ႔ မေတြ႕ႏိုင္ေတာ့တာေၾကာင့္ ကိုယ္ဝန္လည္းမရႏိုင္ေတာ့ပါဘူး။
သားေၾကာျဖတ္တာကိုဗိုက္ခြဲၿပီးသားဥႁပြန္ေတြကိုျဖတ္ေတာက္ထုံးျခင္းျဖင့္လုပ္ႏိုင္သလို အခုေနာက္ပိုင္းေခတ္မွီလာတာနဲ႔အမွ်
-Hysteroscopic Method
-Electrocautery/diathermy
-Laser
-Clips
-Fallope ring စတဲ့နည္းလမ္းေတြနဲ႔လည္းလုပ္ႏိုင္ပါတယ္။
သားေၾကာျဖတ္တယ္ဆိုတာက သားအိမ္ကိုပါထုတ္လိုက္တာမဟုတ္တဲ့အတြက္ ပုံမွန္ရာသီေသြးကေတာ့ တလတခါေပၚရမွာပါ။
သို႔ေသာ္ သားေၾကာျဖတ္ၿပီးရာသီေသြးမေပၚတဲ့အေျခအေနေတြလည္းရွိပါတယ္။ဥပမာ-ကေလးေမြးရင္းနဲ႔ တခါတည္း သားေၾကာျဖတ္
ခဲ့ေသာ ေမြးၿပီးကေလးကိုလည္းမိခင္ႏို႔တိုက္ေနေသာ အမ်ိဴးသမီးဆိုရင္ ေလးလနဲ႔ ေျခာက္လေလာက္ထိ ရာသီေသြး မေပၚဘဲ ရွိေနတတ္တယ္။ ဒါကသားေၾကာျဖတ္လိုက္လို႔ ရာသီမလာတာမဟုတ္ပါ။ ကေလးေမြးၿပီး ကေလးကိုမိခင္ႏို႔တိုက္ေနလို႔ ရာသီမလာတာပါ။
ေနာက္ၿပီး
သားေၾကာျဖတ္တဲ့အခ်ိန္က ေသြးဆုံးေတာ့မယ့္အခ်ိန္နဲ႔တိုက္ဆိုင္သြားတဲ့အခါက်ရင္လည္း ျဖတ္ၿပီးရင္ ရာသီမေပၚတတ္ပါဘူး။
အဲ့လိုမ်ိဴးအခါမွာ တခ်ိဳ႕လူေတြက သားေၾကာျဖတ္လို႔ ရာသီမလာေတာ့ဘူးဆိုၿပီး အထင္မွားတတ္ပါတယ္။(ထန္းသီးေႂကြခိုက္ က်ီးနင္းခိုက္ေပါ့)
ဒီအေျခအေနေတြမရွိဘဲနဲ႔ သားေၾကာျဖတ္ၿပီးေနာက္ ရာသီေသြးမေပၚဘူးဆိုရင္ေတာ့ ဆရာဝန္နဲ႔ျပသဖို႔လိုပါတယ္။ဘာလို႔လဲဆိုေတာ့ တခ်ိဳ႕တေလမွာ သားေၾကာ ျဖတ္ထားလ်က္နဲ႔ အထဲမွာ ေျပသြားၿပီး ျပန္ဆက္သြား
တာမ်ိဳးလည္း ျဖစ္တတ္တယ္။ ဒါက စစ္တမ္းေတြအရ အေယာက္ ၂၀၀ မွာ တေယာက္ႏႈန္းေလာက္ပဲ ျဖစ္တတ္ပါတယ္။ တကယ္ကို ရွားရွားပါးပါးပါပဲ။ရွားေပမယ့္ အဲ့တေယာက္က ကံဆိုးစြာနဲ႔ ကိုယ္လည္းျဖစ္ေနႏိုင္ပါတယ္။
သားေၾကာျဖတ္ျခင္းရဲ႕ေကာင္းက်ိဴးေတြကေတာ့ တျခားသေႏၶတားနည္းေတြျဖစ္တဲ့တားေဆးေသာက္တာ၊ေဆးထိုးတာတို႔လို ေဟာ္မုန္းရဲ႕ဆိုးက်ိဴးေတြကိုမခံစားရဘူးေပါ့။ဒါ့အျပင္ တျခားတားနည္းေတြထက္ ကေလးမရဖို႔ပိုစိတ္ခ်ရပါတယ္။
ဆိုးက်ိဴးအေနနဲ႔ကေတာ့ ခြဲစိတ္တဲ့အခါမွာ ႀကဳံရတဲ့ ထုံေဆး၊ေမ့ေဆးအႏၲရာယ္ရွိႏိုင္တယ္။သားေၾကာျဖတ္ရင္းနဲ႔အဲ့နားတဝိုက္က အစိတ္အပိုင္းေတြကိုထိခိုက္မႈလည္းရွိႏိုင္တယ္။
တခုအႀကံေပးခ်င္တာကေတာ့ ဒီတသက္မွာ ဘယ္လို အေၾကာင္းေၾကာင္းေၾကာင့္မွ ကေလးထပ္မယူေတာ့
ဘူးလို႔ အခိုင္အမာ ဆုံးျဖတ္ခ်က္ ခ်ထားတဲ့သူေတြသာ သားေၾကာျဖတ္ၿပီး သေႏၶတားတဲ့နည္းလမ္းကိုေ႐ြးခ်ယ္သင့္တယ္လို႔ထင္တယ္။ ျဖတ္ၿပီးရင္ျပန္ဆက္လို႔မရတတ္လို႔ပါ။
အသက္ငယ္တဲ့အမ်ိဴးသမီးေတြ၊ကေလးတေယာက္ပဲရွိတဲ့အမ်ိဴးသမီးေတြဆိုမျဖတ္သင့္ဘူးလို႔ထင္ပါတယ္။ဘာလို႔လဲဆိုေတာ့ အသက္က ငယ္တဲ့အမ်ိဴးသမီးဆိုရင္ ကေလးဘယ္ႏွစ္ေယာက္ပဲရွိရွိ ပထမအိမ္ေထာင္နဲ႔ကြဲခဲ့လို႔ေနာက္ထပ္ အိမ္ေထာင္ျပဳတာမ်ိဳး၊တပင္လဲလို႔တပင္ထူတာမ်ိဴးဆိုရင္ ပထမေယာက်ာ္းနဲ႔က ကေလး ဘယ္ႏွေယာက္ပဲရွိရွိ ကေလး ထပ္လိုခ်င္တာမ်ိဳးေတြ ျဖစ္လာႏိုင္တယ္။ကေလးတေယာက္ပဲရွိတဲ့အမ်ိဴးသမီးဆိုရင္လည္း မေမွ်ာ္လင့္ဘဲ ကိုယ္ေမြးထားတဲ့ ကေလးက မေတာ္တဆ ထိခိုက္မႈေတြေၾကာင့္ ဆုံးပါးသြားမယ္ဆိုရင္ ကေလး ျပန္လို
ခ်င္တာမ်ိဳးေတြ ျဖစ္လာႏိုင္ပါတယ္။
သားေၾကာျဖတ္တာ(sterilization)က အမ်ိဴးသမီးေတြမွာပဲ လုပ္လို႔ရတာမဟုတ္ပါ။အမ်ိဴးသားေတြမွာလည္း sterilization လုပ္တာရွိပါတယ္။အဲ့ဒါကိုက် male vasectomy လို႔ေခၚပါတယ္။ သို႔ေသာ္ တည္ဆဲဥပေဒေတြအရ ကြၽန္ေတာ္တို႔ျမန္မာႏိုင္ငံမွာ အမ်ိဴးသားေတြသားေၾကာျဖတ္တာကိုလုံး၀ ခြင့္မျပဳထားပါ။
အမ်ိဴးသမီးေတြသားေၾကာျဖတ္တာေတာင္မွ သတ္မွတ္ထားတဲ့မူဝါဒေတြနဲ႔ကိုက္ညီဖို႔လိုပါတယ္။
ကိုက္ညီမွသာဗဟိုအမ်ိဴးသမီးေဆး႐ုံမွာေလွ်ာက္လႊာဝယ္ၿပီး ေလွ်ာက္လႊာတင္လို႔ရပါတယ္။တင္ထားတဲ့ေလွ်ာက္လႊာေတြကိုတလတခါစိစစ္ေရးဘုတ္အဖြဲ႕ကစိစစ္ၿပီး ခြင့္ျပဳသင့္တဲ့ မူဝါဒနဲ႔ကိုက္ညီတဲ့ေလွ်ာက္လႊာေတြကိုခြင့္ျပဳခ်က္ေပးပါတယ္။
စိစစ္ေရးအဖြဲ႕ရဲ႕
ခြင့္ျပဳခ်က္ရရွိမွသာ တရားဝင္ခြဲစိတ္ႏိုင္မွာျဖစ္ပါတယ္။ ခြင့္ျပဳခ်က္ရၿပီး ငါးႏွစ္အတြင္း တရားဝင္ခြဲစိတ္ႏိုင္ပါတယ္။
အခုလက္ရွိထုတ္ျပန္ထားတဲ့ သားေၾကာျဖတ္မူဝါဒဆယ္ခ်က္ကေတာ့ေအာက္ပါအတိုင္းျဖစ္ပါတယ္။
သားေၾကာျဖတ္မူဝါဒ(၁၀)ခ်က္(Criteria for authorized female sterilization)
၁။ ယခင္ အလ်ားလိုက္ခြဲစိတ္အမာ႐ြတ္ႏွစ္ခုရွိေသာ ကိုယ္ဝန္ေဆာင္သည္
(Pregnant woman with 2 lower segment caesarean section scars)
၂။ သားအိမ္တြင္ ေဒါင္လိုက္ခြဲစိတ္ထားေသာအမာ႐ြတ္ရွိ ကိုယ္ဝန္ေဆာင္သည္
(Previous one classical scar)
၃။၅ေယာက္ေျမာက္ကိုယ္ဝန္နဲ႔ ၅ေယာက္အထက္ကိုယ္ဝန္ေဆာင္သည္
(Grandmultip irrespective of age)
၄။အသက္၃၅ႏွစ္ တိတိျပည့္ၿပီး လက္ရွိအသက္ရွင္လ်က္ ကေလး၃ေယာက္ရွိေသာအမ်ိဴးသမီး
(Multipara with 35 completed years of age with 3 alive children)
၅။အသက္၃၈ႏွစ္ တိတိျပည့္ၿပီး လက္ရွိအသက္ရွင္လ်က္ ကေလး၂ေယာက္ရွိေသာအမ်ိဴးသမီး
(Multipara with 38 completed years of age with 2 alive children)
၆။အသက္၄၀ႏွစ္ တိတိျပည့္ၿပီး လက္ရွိအသက္ရွင္လ်က္ ကေလး၁ေယာက္ရွိေသာအမ်ိဴးသမီး
(40 completed years old with one alive child)
၇။ယခင္ေမြးထားေသာကေလးတြင္ မ်ိဴး႐ိုးဗီဇနဲ႔ဆိုင္ေသာေရာဂါတခုခုပါလာၿပီး ေနာက္ကိုယ္ဝန္တြင္လည္း ထိုေရာဂါထပ္ျဖစ္ႏိုင္ေခ်မ်ားေသာအမ်ိဴးသမီး
(Previous child with genetic and chromosomal disorders that have a high risk of recurrence)
၈။သမားေတာ္ႀကီး သို႔မဟုတ္ ခြဲစိတ္အထူးကုဆရာဝန္ႀကီးမွ ေထာက္ခံခ်က္ေပးေသာ ေနာက္ထပ္ကိုယ္ဝန္မေဆာင္သင့္သည္နာမက်န္းေရာဂါတခုခုရွိသူမ်ား
(Any medical disorder endorsed by respective speciality (at least consultant level) that contraindicate future pregnancy)
၉။ကိုယ္ဝန္ေဆာင္ပါက မိမိမွာရွိေသာမီးယပ္ေရာဂါသည္ မိမိအသက္ကိုဒုကၡေပးႏိုင္တဲ့အဆင့္ေရာက္သြားႏိုင္တဲ့ မီးယပ္ေရာဂါအခံရွိေသာအမ်ိဴးသမီးမ်ား
(Gynaecological diseases that can harm maternal health)
၁၀။ယခင္မီးဖြားစဥ္ကအေရးေပၚအေျခအေနရွိခဲ့သူမ်ား(ဥပမာ အေၾကာင္းတခုခုေၾကာင့္သားအိမ္ကြဲလို႔ခ်ဴပ္ခဲ့ရတာမ်ိဴး)
(Obstetric emergencies that can endanger the future pregnancy)
ဒီ၁၀ခ်က္ထဲက တခ်က္ခ်က္နဲ႔ကိုက္ညီရင္ ဗဟိုအမ်ိဴးသမီးေဆး႐ုံႀကီးမွာေလွ်ာက္လႊာတင္ၿပီး ခြင့္ျပဳခ်က္က်ပါက သားေၾကာျဖတ္ျခင္းကို တရားဝင္ေဆာင္႐ြက္ႏိုင္ပါတယ္။
Dr. 528
(Unicode)
အမျိူးသမီးသားကြောဖြတ်ခြင်းဆိုတာက တားဆေးသောက်တာ၊ထိုးတာ၊ကွန်ဒုံးသုံးတာ စတဲ့သားဆက်ခြားနည်းလမ်းတွေထဲက နည်းလမ်းတခုပဲဖြစ်ပါတယ်။
အကြမ်းအားဖြင့်ပြောရရင် သန္ဓေအောင်ရန်(ကလေးရရန်)အတွက် မမျိုးဥတခု(Ovum)ဟာ သားဥပြွန်ကိုဖြတ်သန်းသွားရပြီး သားအိမ်တွင် သုတ်ကောင်နဲ့တွေ့ရပါတယ်။
သားကြောဖြတ်တယ်ဆိုတာက ထိုမမျိူးဥဖြတ်သန်းသွားရသောလမ်းကြောင်း
ဖြစ်သည့်သားဥပြွန်လေးတွေကို (Fallopian Tubes) ကိုဖြတ်တောက်ပြီးထုံးထားလိုက်တာဖြစ်ပါတယ်။ဒီလိုဖြတ်တောက်ထုံးထားလိုက်တဲ့အတွက် မမျိူးဥဟာသုတ်ကောင်နဲ့ မတွေ့နိုင်တော့တာကြောင့် ကိုယ်ဝန်လည်းမရနိုင်တော့ပါဘူး။
သားကြောဖြတ်တာကိုဗိုက်ခွဲပြီးသားဥပြွန်တွေကိုဖြတ်တောက်ထုံးခြင်းဖြင့်လုပ်နိုင်သလို အခုနောက်ပိုင်းခေတ်မှီလာတာနဲ့အမျှ
-Hysteroscopic Method
-Electrocautery/diathermy
-Laser
-Clips
-Fallope ring စတဲ့နည်းလမ်းတွေနဲ့လည်းလုပ်နိုင်ပါတယ်။
သားကြောဖြတ်တယ်ဆိုတာက သားအိမ်ကိုပါထုတ်လိုက်တာမဟုတ်တဲ့အတွက် ပုံမှန်ရာသီသွေးကတော့ တလတခါပေါ်ရမှာပါ။
သို့သော် သားကြောဖြတ်ပြီးရာသီသွေးမပေါ်တဲ့အခြေအနေတွေလည်းရှိပါတယ်။ဥပမာ-ကလေးမွေးရင်းနဲ့ တခါတည်း သားကြောဖြတ်
ခဲ့သော မွေးပြီးကလေးကိုလည်းမိခင်နို့တိုက်နေသော အမျိူးသမီးဆိုရင် လေးလနဲ့ ခြောက်လလောက်ထိ ရာသီသွေး မပေါ်ဘဲ ရှိနေတတ်တယ်။ ဒါကသားကြောဖြတ်လိုက်လို့ ရာသီမလာတာမဟုတ်ပါ။ ကလေးမွေးပြီး ကလေးကိုမိခင်နို့တိုက်နေလို့ ရာသီမလာတာပါ။
နောက်ပြီး
သားကြောဖြတ်တဲ့အချိန်က သွေးဆုံးတော့မယ့်အချိန်နဲ့တိုက်ဆိုင်သွားတဲ့အခါကျရင်လည်း ဖြတ်ပြီးရင် ရာသီမပေါ်တတ်ပါဘူး။
အဲ့လိုမျိူးအခါမှာ တချို့လူတွေက သားကြောဖြတ်လို့ ရာသီမလာတော့ဘူးဆိုပြီး အထင်မှားတတ်ပါတယ်။(ထန်းသီးကြွေခိုက် ကျီးနင်းခိုက်ပေါ့)
ဒီအခြေအနေတွေမရှိဘဲနဲ့ သားကြောဖြတ်ပြီးနောက် ရာသီသွေးမပေါ်ဘူးဆိုရင်တော့ ဆရာဝန်နဲ့ပြသဖို့လိုပါတယ်။ဘာလို့လဲဆိုတော့ တချို့တလေမှာ သားကြော ဖြတ်ထားလျက်နဲ့ အထဲမှာ ပြေသွားပြီး ပြန်ဆက်သွား
တာမျိုးလည်း ဖြစ်တတ်တယ်။ ဒါက စစ်တမ်းတွေအရ အယောက် ၂၀၀ မှာ တယောက်နှုန်းလောက်ပဲ ဖြစ်တတ်ပါတယ်။ တကယ်ကို ရှားရှားပါးပါးပါပဲ။ရှားပေမယ့် အဲ့တယောက်က ကံဆိုးစွာနဲ့ ကိုယ်လည်းဖြစ်နေနိုင်ပါတယ်။
သားကြောဖြတ်ခြင်းရဲ့ကောင်းကျိူးတွေကတော့ တခြားသန္ဓေတားနည်းတွေဖြစ်တဲ့တားဆေးသောက်တာ၊ဆေးထိုးတာတို့လို ဟော်မုန်းရဲ့ဆိုးကျိူးတွေကိုမခံစားရဘူးပေါ့။ဒါ့အပြင် တခြားတားနည်းတွေထက် ကလေးမရဖို့ပိုစိတ်ချရပါတယ်။
ဆိုးကျိူးအနေနဲ့ကတော့ ခွဲစိတ်တဲ့အခါမှာ ကြုံရတဲ့ ထုံဆေး၊မေ့ဆေးအန္တရာယ်ရှိနိုင်တယ်။သားကြောဖြတ်ရင်းနဲ့အဲ့နားတဝိုက်က အစိတ်အပိုင်းတွေကိုထိခိုက်မှုလည်းရှိနိုင်တယ်။
တခုအကြံပေးချင်တာကတော့ ဒီတသက်မှာ ဘယ်လို အကြောင်းကြောင်းကြောင့်မှ ကလေးထပ်မယူတော့
ဘူးလို့ အခိုင်အမာ ဆုံးဖြတ်ချက် ချထားတဲ့သူတွေသာ သားကြောဖြတ်ပြီး သန္ဓေတားတဲ့နည်းလမ်းကိုရွေးချယ်သင့်တယ်လို့ထင်တယ်။ ဖြတ်ပြီးရင်ပြန်ဆက်လို့မရတတ်လို့ပါ။
အသက်ငယ်တဲ့အမျိူးသမီးတွေ၊ကလေးတယောက်ပဲရှိတဲ့အမျိူးသမီးတွေဆိုမဖြတ်သင့်ဘူးလို့ထင်ပါတယ်။ဘာလို့လဲဆိုတော့ အသက်က ငယ်တဲ့အမျိူးသမီးဆိုရင် ကလေးဘယ်နှစ်ယောက်ပဲရှိရှိ ပထမအိမ်ထောင်နဲ့ကွဲခဲ့လို့နောက်ထပ် အိမ်ထောင်ပြုတာမျိုး၊တပင်လဲလို့တပင်ထူတာမျိူးဆိုရင် ပထမယောကျာ်းနဲ့က ကလေး ဘယ်နှယောက်ပဲရှိရှိ ကလေး ထပ်လိုချင်တာမျိုးတွေ ဖြစ်လာနိုင်တယ်။ကလေးတယောက်ပဲရှိတဲ့အမျိူးသမီးဆိုရင်လည်း မမျှော်လင့်ဘဲ ကိုယ်မွေးထားတဲ့ ကလေးက မတော်တဆ ထိခိုက်မှုတွေကြောင့် ဆုံးပါးသွားမယ်ဆိုရင် ကလေး ပြန်လို
ချင်တာမျိုးတွေ ဖြစ်လာနိုင်ပါတယ်။
သားကြောဖြတ်တာ(sterilization)က အမျိူးသမီးတွေမှာပဲ လုပ်လို့ရတာမဟုတ်ပါ။အမျိူးသားတွေမှာလည်း sterilization လုပ်တာရှိပါတယ်။အဲ့ဒါကိုကျ male vasectomy လို့ခေါ်ပါတယ်။ သို့သော် တည်ဆဲဥပဒေတွေအရ ကျွန်တော်တို့မြန်မာနိုင်ငံမှာ အမျိူးသားတွေသားကြောဖြတ်တာကိုလုံး၀ ခွင့်မပြုထားပါ။
အမျိူးသမီးတွေသားကြောဖြတ်တာတောင်မှ သတ်မှတ်ထားတဲ့မူဝါဒတွေနဲ့ကိုက်ညီဖို့လိုပါတယ်။
ကိုက်ညီမှသာဗဟိုအမျိူးသမီးဆေးရုံမှာလျှောက်လွှာဝယ်ပြီး လျှောက်လွှာတင်လို့ရပါတယ်။တင်ထားတဲ့လျှောက်လွှာတွေကိုတလတခါစိစစ်ရေးဘုတ်အဖွဲ့ကစိစစ်ပြီး ခွင့်ပြုသင့်တဲ့ မူဝါဒနဲ့ကိုက်ညီတဲ့လျှောက်လွှာတွေကိုခွင့်ပြုချက်ပေးပါတယ်။
စိစစ်ရေးအဖွဲ့ရဲ့
ခွင့်ပြုချက်ရရှိမှသာ တရားဝင်ခွဲစိတ်နိုင်မှာဖြစ်ပါတယ်။ ခွင့်ပြုချက်ရပြီး ငါးနှစ်အတွင်း တရားဝင်ခွဲစိတ်နိုင်ပါတယ်။
အခုလက်ရှိထုတ်ပြန်ထားတဲ့ သားကြောဖြတ်မူဝါဒဆယ်ချက်ကတော့အောက်ပါအတိုင်းဖြစ်ပါတယ်။
သားကြောဖြတ်မူဝါဒ(၁၀)ချက်(Criteria for authorized female sterilization)
၁။ ယခင် အလျားလိုက်ခွဲစိတ်အမာရွတ်နှစ်ခုရှိသော ကိုယ်ဝန်ဆောင်သည်
(Pregnant woman with 2 lower segment caesarean section scars)
၂။ သားအိမ်တွင် ဒေါင်လိုက်ခွဲစိတ်ထားသောအမာရွတ်ရှိ ကိုယ်ဝန်ဆောင်သည်
(Previous one classical scar)
၃။၅ယောက်မြောက်ကိုယ်ဝန်နဲ့ ၅ယောက်အထက်ကိုယ်ဝန်ဆောင်သည်
(Grandmultip irrespective of age)
၄။အသက်၃၅နှစ် တိတိပြည့်ပြီး လက်ရှိအသက်ရှင်လျက် ကလေး၃ယောက်ရှိသောအမျိူးသမီး
(Multipara with 35 completed years of age with 3 alive children)
၅။အသက်၃၈နှစ် တိတိပြည့်ပြီး လက်ရှိအသက်ရှင်လျက် ကလေး၂ယောက်ရှိသောအမျိူးသမီး
(Multipara with 38 completed years of age with 2 alive children)
၆။အသက်၄၀နှစ် တိတိပြည့်ပြီး လက်ရှိအသက်ရှင်လျက် ကလေး၁ယောက်ရှိသောအမျိူးသမီး
(40 completed years old with one alive child)
၇။ယခင်မွေးထားသောကလေးတွင် မျိူးရိုးဗီဇနဲ့ဆိုင်သောရောဂါတခုခုပါလာပြီး နောက်ကိုယ်ဝန်တွင်လည်း ထိုရောဂါထပ်ဖြစ်နိုင်ချေများသောအမျိူးသမီး
(Previous child with genetic and chromosomal disorders that have a high risk of recurrence)
၈။သမားတော်ကြီး သို့မဟုတ် ခွဲစိတ်အထူးကုဆရာဝန်ကြီးမှ ထောက်ခံချက်ပေးသော နောက်ထပ်ကိုယ်ဝန်မဆောင်သင့်သည်နာမကျန်းရောဂါတခုခုရှိသူများ
(Any medical disorder endorsed by respective speciality (at least consultant level) that contraindicate future pregnancy)
၉။ကိုယ်ဝန်ဆောင်ပါက မိမိမှာရှိသောမီးယပ်ရောဂါသည် မိမိအသက်ကိုဒုက္ခပေးနိုင်တဲ့အဆင့်ရောက်သွားနိုင်တဲ့ မီးယပ်ရောဂါအခံရှိသောအမျိူးသမီးများ
(Gynaecological diseases that can harm maternal health)
၁၀။ယခင်မီးဖွားစဉ်ကအရေးပေါ်အခြေအနေရှိခဲ့သူများ(ဥပမာ အကြောင်းတခုခုကြောင့်သားအိမ်ကွဲလို့ချူပ်ခဲ့ရတာမျိူး)
(Obstetric emergencies that can endanger the future pregnancy)
ဒီ၁၀ချက်ထဲက တချက်ချက်နဲ့ကိုက်ညီရင် ဗဟိုအမျိူးသမီးဆေးရုံကြီးမှာလျှောက်လွှာတင်ပြီး ခွင့်ပြုချက်ကျပါက သားကြောဖြတ်ခြင်းကို တရားဝင်ဆောင်ရွက်နိုင်ပါတယ်။
စာဖတ်ပရိသတ်တို့အတွက် လျှောက်လွှာပုံစံပါ ဖော်ပြပေးလိုက်ပါတယ်။
Author: Dr 528
