ရွှေရင်မထိတ်အောင် ကြိုတင်ကာကွယ် ပဋိသန္ဓေတားနည်းအသွယ်သွယ် (၁၀) တားဆေး ထိုးဆေးများ

၁လ ခံဆေး Combined Progestin and Estrogen Injectables

ဒီဆောင်းပါးမှာတော့ လုံမငယ်တို့ အသုံးများတဲ့ တားဆေး ထိုးဆေး
များထဲမှ ဟိုမုန်းဓာတ်နှစ်မျိုးပါတဲ့ တားဆေးထိုးဆေး ဖြစ်တဲ့ Combined Injectable
Contraceptives (CIC) အကြောင်း ပြောပြပါ့မယ် ။
လုံမငယ်တို့ ကိုယ်ထဲမှာ ပင်ကိုယ် သဘာဝအရ ထွက်တဲ့ ဟိုမုန်းဓာတ်
တွေဖြစ်တဲ့ အီစထရိုဂျင် (Estrogen) နဲ့ ပရိုဂျပ်စတိုဂျင် (Progestogen) တို့နည်း
တူ ပြင်ပမှ ဖော်စပ်ထားတဲ့ အလားတူ ဟိုမုန်းတွေ ပါဝင်တဲ့ တားဆေးထိုးဆေး
ကို Combined Injectable Contraceptives (CIC) တစ်လခံဆေး ဖြစ်ပါတယ် ။

ဘယ်လို နည်းနဲ့ ပဋိသန္ဓေကို တားသလဲ ။
တားဆေး ဟိုမုန်းဆေး တွေသည် လုံမငယ်တို့ ခန္ဓာကိုယ်ထဲရောက်
တာနဲ့ လုံမငယ်တို့ရဲ့ သားဥအိမ် (Ovary) မှ သားဥများ (ovum) မထွက်အောင်
တားပေးပါတယ် ။ဒီလိုနဲ့ ပဋိသန္ဓေကို တားပါတယ် ။

ဘယ်လောက် အာနိသင် ရှိသလဲ ။
အာနိသင် ဘယ်လောက်ရှိသလဲ ဆိုတာ အတိအကျ ပြောဖို့တော့ ခက်ပါတယ် ။အဓိက ကတော့ သုံးစွဲသူ အပေါ် များစွာ မူတည်ပါတယ် ။တစ်လခံထိုး
ဆေးတွေ ထိုးတဲ့ မိန်းမပျို အယောက် ၁၀၀ထဲမှာ ၃ယောက်သာ ကိုယ်ဝန်ရနိုင်ပါတယ် ။
အချိန်မှန် ၄ပတ်ပြည့်တိုင်း ထိုးရင်တော့ အယောက် ၁၀၀မှာ ၁ယောက်သာ ကိုယ်ဝန်ရ
နိုင်ပါတယ် ။

ဘေးထွက် အာနိသင်များ
-ရာသီ မမှန်တာ(လာတာ ပမာဏာ နည်းသွားတာ ၊လာတဲ့ ရက်နည်းသွားတာ၊ရာသီ
ရက်မမှန်တော့တာ ၊ရာသီထိန်သွားတာ)
-ခေါင်းကိုက်တာ
-ခေါင်းမူးတာ
-ရင်သားတင်းရင်းတာ ၊နာတတ်တာ

သိသာသည့် ကျန်းမာရေး အကျိုးကျေးဇူးများ
-ပဋိသန္ဓေကို တားတယ်
-သားအိမ်ကင်ဆာကို ဖြစ်ပွားနှုန်းနည်းစေတယ်
-သားဥအိမ် အရည်အိတ်တည်တာ လျော့နည်းစေ
-ရာသီလာစဉ် ကိုက်ခဲတာ နာတာ သက်သာစေ
-ရာသီ မမှန်တဲ့ တချို့သော အခြေအနေတွေမှာ ရာသီမှန်စေ

သိသာသည့် ကျန်းမာရေး အကျိုးအပြစ်များ(အလွန်ရှားပါတယ်)
-သွေးပျစ်တာ
-လေဖြတ်တာ
-နှလုံးသွေးကြောပိတ်တာ

သိသာသည့် ကျန်းမာရေး အကျိုးအပြစ်များ
-မရှိပါ
ဆေးဘယ်လိုထိုးမလဲ။
-ရာသီ စလာပြီး ၇ရက်အတွင်းထိုးပါ ။
-ရာသီ စလာပြီး ၇ရက်ကျော်မှ ထိုးမည်ဆိုက ကိုယ်ဝန်မရှိတာ သေချာအောင်
အရင်လုပ်ပါ ။မရှိတာ သေချာရင် ကြိုက်တဲ့ရက် စထိုးပါ ။ဒါပေမယ့် ကွန်ဒုံး ၇
ရက် သုံးပါ ။
-အကယ်လို့ ရှိ ၊မရှိ မသေချာရင် ရာသီလာတဲ့ရက်ကို စောင့်ပြီးမှထိုးပါ ။ကွန်ဒုံး သုံးပါ ။

တားဆေးထိုး ဆေးနဲ့ ပတ်သက်သည့် လုံမတို့၏ အယူအဆမှားများ
-တားဆေး ဟိုမုန်းဓာတ်တွေသည် လုံမတို့ ကိုယ်ထဲမှာ စုမနေပါ ။ဒါကြောင့် ရပ်
လိုက် ထိုးလိုက် လုပ်စရာမလိုပါ ။ရာသီထိန်လို့ ရာသီ ပြန်ပေါ်အောင် အနား
ပေးစရာ မလိုပါ ။
-ရာသီထိန်လို့ ကိုယ်ထဲ သွေးလုံးကြီး ဖြစ်ကျန်နေတာလည်း မရှိပါ ။အပုပ်ဆန်တက်
ခြင်းလည်း မရှိပါ ။
-မိမိတို့ ကြင်ဖော်ကြင်ဖက်နဲ့ အတူနေတဲ့ ရက်မှ ထိုးရတာ မဟုတ်ပါ ။လုံမတို့
အနေနဲ့ ၄ပတ် တစ်ခါ အချိန်မှန် ထိုးရတာပါ ။
-ကလေး အမြွှာကိုလည်း မမွေးစေပါ ။
-အခန့်မသင့်လို့ ကိုယ်ဝန်ဆောင်နေစဉ် ထိုးမိရင်လည်း လုံမတို့ ရင်သွေးကို
မထိခိုက်ပါ ။
-တားဆေးထိုးဆေး ထိုးလို့ မြုံသွားခြင်း မရှိပါ။
ဆက်ပါဦးမည်…………..

Author: Dr. SHM