ဘရာစီယာကို နေ့စဉ်လျှော်ဖွတ်ကာ မဝတ်လျှင် ဖြစ်နိုင်သောအရာများ
အလုပ်များသော အမျိုးသမီးများနှင့် သန့်ရှင်းမှုအားနည်းသူများတွင် နေ့စဉ် ဘရာစီယာမလျှော်ဘဲ ဝတ်လျှင် ဘာဖြစ်မလဲဆိုသော အကြောင်းအရာများက သိထားသင့်ပါတယ်။
ချွေးထွက်များသောသူများနှင့် အရေပြားမတည့်မှု ရှိနိုင်သောသူများတွင် ဘရာစီယာကို မလျှော်ဘဲဝတ်မိပါက ဖြစ်နိုင်သောအချက်ခြောက်ချက်ရှိပါတယ်။
(၁) ပိုးမွှားများ၊ အညစ်အကြေးများစုပြုံနေခြင်း
ဘက်တီးရီးယားများ၊ အဆီ၊ ချေးများ၊ လိုရှင်းများ၊ မမြင်နိုင်သောပိုးမွှားများ စသည့် အားလုံးသောအရာများသည် ဘရာစီယာတွင် ကပ်ငြိနေပါတယ်။ အချိန်ကြာမြင့်စွာ မလျှော်ဖွတ်လျှင် အဆိုပါအရာများသည် သင်သတိမထားမိချိန်အတွင်း စုပြုံလာပါလိမ့်မယ်။ အဆိုပါအရာများသည် သာမန်အားဖြင့် စိုးရိမ်စရာမရှိဟု ထင်မှတ်နိုင်သော်လည်း စုပြုံများပြားလာသောအခါ အလွန်ဒုက္ခပေးနိုင်ပါတယ်။ ရောဂါမျိုးစုံ ဖြစ်လာနိုင်ပါတယ်။ (ဥပမာ – ယားနာ)
(၂) အနံ့ဆိုးထွက်ခြင်း
အဝတ်များကို ပုံမှန်လျှော်သော်လည်း နေ့စဉ် ဘရာစီယာမလျှော်သောအခါ ဘယ်လောက်ပဲ အနံ့ပျောက်ရန် ရေမွှေးဆွတ်သော်ငြားလည်း သင့်အနံ့သည် ထူးခြားစွာပြောင်းလဲကာ ချွေးများနှင့် ရောထွေးကာ အနံ့ထွက်နိုင်ပါတယ်။ အနံ့သည် အခြားအဝတ်များပါ ကူးစက်နံ့စေပါတယ်။ မိမိလုပ်ဖော်ကိုင်ဘက် သူငယ်ချင်းများက သတိထားမိလောက်အောင် အနံ့ပြင်းတတ်ပါတယ်။
(၃) ဘရာစီယာအရောင်ပြောင်းခြင်း
ဆပ်ပြာမူန့်သည် အဝတ်များဖြူစင်ရန် အကောင်းဆုံးအရာပါ။ သို့သော် ဘရာစီယာကို ဆပ်ပြာဖြင့်သေချာမလျှော်လျှင် ချွေးများ ချေးများဖြင့် မပြောင်းဘဲအရောင်သာ ပြောင်းနိုင်ပါတယ်။
(၄) အရေပြား ဝက်ခြံထွက်ခြင်း
အတွင်းခံအပြည့်ဝတ်သူများတွင် အဖြစ်များလေ့ရှိပါတယ်။ ချွေးထွက်ပြီး ဘရာစီယာလည်း နေ့စဉ်မလျှော်ပါက အရေပြားတွင် ဝက်ခြံများပေါက်လာနိုင်ပါတယ်။ တင်းကျပ်ပြီး ချွေးထွက်များသော အတွင်းခံသည် ဝက်ခြံအဖြစ်များဆုံးဖြစ်စေပါတယ်။ အတွင်းခံကြပ်ထုတ်ပြီး ပွန်းရာပဲ့ရာများကြောင့် ဘက်တီးရီးယားပိုးများ ကပ်ငြိကာ ဝက်ခြံဖြစ်စေပါတယ်။ နံရိုးအပေါ်အရေပြားများတွင် တစ်ခါတစ်ရံ အဖုအပိန့်တွေဖြစ်နေတတ်ပါတယ်။ အားကစားလုပ်သူများ ပိုမိုဂရုတစ်စိုက်လျှော်သင့်ပါတယ်။
(၅) အနီကွက်ပေါ်ခြင်းနှင့် အရေပြားပိုး ကူးစက်ခြင်း
အဝတ်အစားများသည် အရေပြားယားယံစေနိုင်သော အဓိကအရာများဖြစ်ပါတယ်။ ချွေးများနှင့် အမြဲတစေရှိနေသော ဘရာစီယာသည် မှိုရောဂါပိုးစိတ်ကြိုက်နေနိုင်သော နေရာဖြစ်လာနိုင်ပါတယ်။ အမြဲမလျှော်ပါက မှိုပိုးများသည် အရေပြားယားနာမျိုးစုံဖြစ်လာပြီး သာမန်ယားနာမှတစ်ဆင့် အရေပြားရောဂါထိ ဖြစ်နိုင်ချေရှိပါတယ်။ အလွန်အမင်းယာယံသောကြောင့် အမြဲတစေကုတ်နေရပြီး ရောဂါများလည်း ပိုမိုပွားစေပါတယ်။
(၆) ရင်သားပွန်းပဲ့ခြင်း
ဘရာစီယာ နေ့စဉ်မလျှော်ဘဲ တင်းကျပ်စွာ ဝတ်ဆင်ပါက ရင်သားများသည်လည်း ပွန်းရာများ ကျန်နိုင်ပါတယ်။ အထူးသဖြင့် နို့သီးခေါင်းသည် ပိုမိုယားယံစေနိုင်ပါတယ်။ ချွေးများမှတဆင့် ဘက်တီရီယားကို ပိုမိုဝင်လွယ်စေပြီး အမြဲတစေယားယံခြင်း ဖြစ်စေပါသည်။ ယားယံမှုကြောင့် စိတ်ကသိကအောက်ဖြစ်ခြင်း၊ ကုတ်ဖဲ့သောကြောင့် ဒဏ်ရာဒဏ်ချက်များ များလာစေပါတယ်။
ထို့ကြောင့် တစ်ကိုယ်ရည်သန့်ရှင်းမှုသည် လူတိုင်းအတွက် အရေးကြီးပါတယ်။ အမျိုးသမီးများအဖို့ ဘရာစီယာ နေ့စဉ်လျှော်ဖွတ်ရန်သည် အထူးအရေးကြီးပါတယ်။ အောက်ခံမမြင်နိုင်သော အခြေအနေဟုဆိုသော်ငြားလဲ အရေပြားရောဂါကို အဓိကသယ်ဆောင်ပေးသောအရာဟု ဆိုနိုင်ပါတယ်။ ထို့ကြောင့် ဘရာစီယာကို အမြဲသေချာလျှော်ဖွတ်ကာ ဝတ်ဆင်သင့်ပါတယ်။
Dr. Kyaw
