ဗီတာမင်ဘီဝမ်းချို့တဲ့ရောဂါကို ကိုယ်ဝန်ဆောင်နဲ့ နို့တိုက်မိခင်တို့မှာ တွေ့ရများပါတယ်။ ကလေးတွေမှာ ဖြစ်ရင် ဘယ်ရီဘယ်ရောဂါနဲ့ အစားအစာ အာဟာရ ချို့တဲ့ရောဂါများဖြစ်ပေါ်စေပါတယ်။ ဘီဝမ်းချို့တဲ့ရောဂါ လက္ခဏာများ- ခြေလက်များထုံကျဉ်ခြင်း၊ ခြေလက်ကြွက်သားများနာကျဉ်ခြင်း၊ အားနည်းချည့်နဲ့ခြင်း၊ မူးဝေခြင်း အစား ရှောင်လေ့ရှိခြင်းတို့မှာ တွေ့ရတယ်။
အုပ်စု – ကိုယ်ဝန်ဆောင်မိခင်နဲ့ နို့တိုက်မိခင်၊ သူငယ်နာ၊ ဘယ်ရီဘယ်ရီ၊ အခြားဗီတာမင်ဘီဝမ်း ချို့တဲ့သူများမှာ တွေ့ရနိုင်ပါတယ်။
ကုသခြင်း – ရောဂါပြင်းထန်ရင် အလွန်မောခြင်း၊ ဖောရောင်ခြင်း၊ နှလုံးခုန်မြန်ခြင်း၊ အသည်းကြီးခြင်း၊ လမ်းမလျှောက်နိုင်ခြင်း၊ ဒယီးဒယိုင်ဖြစ်ခြင်း၊ ခြေကုန်လက်ပန်းကျခြင်းဖြစ်ရင် ဘီဝမ်း ၅၀ မီလီဂရမ် ၁၀၀ မီလီဂရမ်ထိ နေ့စဉ်စားပေးပြီး ဆရာဝန်နဲ့ ပြသသင့်တယ်။ ရောဂါမပြင်းထန်ရင် (သို့) ဆေးရုံကစားဆေးပေးပြီး ပြန်လာရင် ညွှန်ကြားချက်အတိုင်း ဘီဝမ်းသောက်ရမယ်။ တစ်နေ့တစ်ပြား။ တစ်ကြိမ်မှ နှစ်ကြိမ်ထိ နှစ်ပတ်ကျော် သောက်ပေးသင့်ပါတယ်။
သူငယ်နာ ဘယ်ရီဘယ်ရီကို ဘီဝမ်းထိုးဆေးအရင်ထိုးပေးပြီး ၁၀မီလီဂရမ် ဆေးပြားတစ်နေ့နှစ်ကြိမ်နဲ့နှစ် ပတ်တိုက်ပေးသင့်ပါတယ်။ တစ်နေ့နှစ်ကြိမ်၊ တစ်ကြိမ်တစ်ပြားနှုန်း တိုက်သင့်ပါတယ်။
ကလေးငယ်ဘီဝမ်းချို့တဲ့ခြင်း – ကလေးငယ်ဘီဝမ်းချို့တဲ့ရင် တစ်လမှ ခြောက်လအတွင်းဖြစ်နေမယ်။ မိခင်နို့တစ်မျိုးတည်း သောက်စို့နေရမယ်။ အဆက်မပြတ်ငိုညည်းနေရမယ်။ ငိုညည်းရင် အသံသိမ်သွားပြီး အသံပျောက်သွားတယ်။ ပြာနှမ်းခြင်း၊ အသက်ရှုခက်ခြင်း၊ သိသိသာသာ အသည်းကြီးခြင်း၊ တက်ခြင်း၊ အဖျားမရှိဘဲငယ်ထိပ်မဖောင်း၊ ဇာတ်မတောင့်ဘဲ တက်ခြင်း၊ သတိလစ်ခြင်းတွေ ရနိုင်ပါတယ်။ ယင်းမှာ အဓိက လက္ခဏာတွေဖြစ်တယ်။
သာမန်လက္ခဏာများ – ၄၈ နာရီအတွင်း နို့စို့နည်းသွားခြင်း၊ ၄၈ နာရီအတွင်းဆီးနည်းသွားခြင်း၊ အန်ခြင်း၊ ဝမ်းချုပ်ခြင်း၊ အခြားရောဂါလက္ခဏာများရှိခြင်း၊ ကျီးကန်းပါးစပ်ရှိခြင်းတွေ့ရတယ်။
အဓိကလက္ခဏာသုံးခု – သာမန်လက္ခဏာနှစ်ခုနှင့် မိခင်ဘက်ကတစ်ခု ပါဝင်နေရင် ဘီဝမ်းချို့တဲ့ရောဂါရတယ် လို့သိရှိနိုင်ပါတယ်။ ဘယ်ရီဘယ်ရီဖြစ်ရင် ကလေးငယ်ဟာ အသက်မရှုနိုင်၊ ဖွင့်အောင်လုပ်ပေးရမယ်။ လိုအပ်ရင် အောက်ဆီဂျင်ပေးရမယ်။ ဗီတာမင်ဘီဝမ်းထိုးဆေး ၅၀မီလီဂရမ်သာသာ ဆေးထိုးပေးရမယ်။ ဆက်လက်နေ့စဉ် ဘီဝမ်း ၁၀မီလီဂရမ်တစ်ကြိမ်နှုန်းနဲ့ တစ်လတိုက်ကျွေးရမယ်။
ကိုယ်ဝန်ဆောင်နို့တိုက်မိခင် – မိခင်မှာ ဗီတာမင်ဘီဝမ်း ချို့တဲ့ပြင်းထန်ရင် အလွန်မောခြင်း၊ ဖောရောင်ခြင်း၊ နှလုံးခုန်မြန်ခြင်း၊ လမ်းမလျှောက်နိုင်ခြင်း၊ ဒယိမ်းဒယိုင်ဖြစ်ခြင်း၊ ခြေကုန်လက်ပန်းကျခြင်း၊ အသည်းကြီးခြင်း၊ ရှိတတ်တယ်။ ဘီဝမ်းထိုးဆေး ၅၀ မှ ၁၀၀ မီလီဂရမ်နေ့စဉ် ထိုးပေးပြီး စားဆေးပါ နှစ်လပေးရမယ်။
ဗီတာမင်ဘီဝမ်း ချို့တဲ့ရောဂါ မပြင်းထန်ရင် ခြေလက်များထုံကျဉ်ခြင်း၊ ခြေလက်ကြွက်သားနာကျင်ခြင်း၊ အားနည်းချည့်နဲ့ခြင်း၊ မူးဝေခြင်း၊ အစားရှောင်လေ့ရှိခြင်း၊ ရှိရင် ဘီဝမ်းစားဆေး ၅၀ မီလီဂရမ်ဆေးပြား တစ်နေ့ တစ်ပြားနှုန်း နှစ်ပတ်သောက်ခိုင်းရမယ်။ တစ်နေ့ ၁၀ မီလီဂရမ် တစ်ပြားနှုန်းနဲ့ ကောင်းတဲ့အထိ သောက်ရမယ်။
ဘားပလက်မတည့်ဘူးဆိုတာ ဘီတူးမတည့်တာဖြစ်နိုင်ပြီး ဘီဝမ်းစားဆေးထိုးဆေးစမ်းပြီးမှ တိုက်ကျွေးရမယ်။
Author – Credit to: ဒေါက်တာလွင်သန့် Health Care Journal (Vol – 7 / No – 27)
