“ကလေး မီးဖွားပြီးရင် ဘယ်အချိန်မှ အနာကျက်မလဲ”
“ဘယ်နှကြိမ်ထိ ဗိုက်ခွဲမွေးလို့ ရသလဲ”
“မီးဖွားပြီးရင် ဘယ်အချိန်အထိ သွေးဆင်းတတ်လဲ”
“မီးဖွားပြီးရင် သားအိမ်ခေါင်း ဘယ်အချိန်မှ ပိတ်မလဲ”
“မီးဖွားပြီးရင် သားအိမ် ဘယ်အချိန်မှ ပုံမှန် အရွယ်အစား ပြန်ရောက်မလဲ”
“ဘယ်အချိန်မှ ရာသီသွေး ပြန်ပေါ်မလဲ”
“ဘယ်အချိန် စပြီး သားဆက်ခြားသင့်သလဲ”
“ဘယ်အချိန်မှ ကလေးယူသင့်သလဲ”
“ဘယ်အချိန်မှ လိင်ဆက်ဆံသင့်သလဲ”
“ဘယ်အချိန်မှ ကိုယ်လက်လှုပ်ရှား အားကစား လုပ်သင့််သလဲ”
ထိုထိုသော အမေးများကို ဖြေပေးပါ့မယ် ။
“ကလေး မီးဖွားပြီးရင် ဘယ်အချိန်မှ အနာကျက်မလဲ”
-မွေးလမ်းကြောင်းမှ မွေးရင် မွေးလမ်းကြောင်း ချုပ်ရိုးသည် ၂ပတ်လောက်ဆိုရင် အနာကျပ်ပါတယ်။အများအားဖြင့် ချုပ်ရိုးသည် ပျော်ဝင်စေတဲ့ အမျိုးအစား ဖြစ်တဲ့အတွက် ချုပ်ရိုးဖြည်စရာ မလိုတတ်။ပထမ ၁ပတ်လောက်မှာ မီးနေသည် အများစုသည် မိန်းမကိုယ်နာတတ် ၊ အနည်းငယ် အနေရအထိုင်ရ ခက်တတ်။ ဗိုက်ခွဲမွေးက အနာကျက်ဖို့က ၆ပတ်လောက် လိုပါတယ်။ ဆေးရုံမှာ ဗိုက်ခွဲမွေးပြီး
၄-၅ ရက်လောက်အထိ ဆေးရုံမှာ စောင့်ကြည့်ဖို့ လိုတတ်ပါတယ်။
“ဘယ်နှကြိမ်ထိ ဗိုက်ခွဲမွေးလို့ ရသလဲ”
-အများအားဖြင့် ၃ကြိမ်ထက် ပိုပြီး ဗိုက်ခွဲ မမွေးသင့်ပါ။ ၃ကြိမ်ထိ ဗိုက်ခွဲမွေးပြီးရင်လည်း ထပ်ပြီး ကိုယ်ဝန်မဆောင်သင့်တော့ပါ ၊ မွေးလမ်းကြောင်းကနေလည်း မမွေးသင့်ပါ။
“မီးဖွားပြီးရင် ဘယ်အချိန်အထိ သွေးဆင်းတတ်လဲ”
-ကလေး မီးဖွားပြီးရင် ပထမ ၄-၅ ရက်လောက်အထိ သွေးဆင်းတတ်ပါတယ်။ ဘာလို့လဲ ဆိုရင် မွေးလမ်းကြောင်းဆီကို သွေးစီးမှု များနေဆဲမို့ပါ။ မိန်းမကိုယ် ဆွတ်ရုံကို မွေးပြီး ၄-၆ ပတ်အထိလည်း ဆင်းတတ်သေးတယ်။ သွေးဆင်းတာများရင် ၊ သွေးဆင်းတာ ၅ရက်ထက်ကျော်ရင် ၊ မိန်းမကိုယ်ဆွတ်ရုံကို ၆ပတ်ကျော်ထိ ဆင်းက၊ သွေးဆင်းတာ အနံ့ မကောင်းက သက်ဆိုင်ရာ ဆရာဝန်နဲ့ တိုင်ပင်ပါ။
“မီးဖွားပြီးရင် သားအိမ်ခေါင်း ဘယ်အချိန်မှ ပိတ်မလဲ”
-မီးဖွားပြီး ၆ပတ်ကျော်ရင် သားအိမ်ခေါင်း ပိတ်တတ်ပါတယ် ။
“မီးဖွားပြီးရင် သားအိမ် ဘယ်အချိန်မှ ပုံမှန် အရွယ်အစားပြန်ရောက်မလဲ”
-မီးဖွားစမှာ သားအိမ်သည် ချက်နားအထိ ရှိတတ်တယ်။ မီးဖွားပြီး ပထမ ၅ရက်မှာ ၁ရက်ကို ၂လက်မခွဲနှုန်းနဲ့ ပြန်သေးသွားပါတယ်။ တစ်ပတ်လောက်ရှိတာနဲ့ ဆီးခုံစပ်လောက်တင် စမ်းမိရုံလောက် အရွယ်အစားပဲ ရှိပါတော့တယ် ။
“ဘယ်အချိန်မှ ရာသီသွေး ပြန်ပေါ်မလဲ”
-မိခင်နို့မတိုက်ဘဲ နို့ဘူးတစ်မျိုးတည်း တိုက်မယ်ဆိုရင် မီးဖွားပြီး ၅ပတ်ကနေ ၃လအတွင်း ရာသီသွေးပြန်ပေါ်တတ်တယ်။ သတိပြုရန်မှာ ရာသီသွေး မပေါ်မီ ၂ပတ်လောက် အလိုကတည်းက ကိုယ်ဝန်ရနိုင်ခြေရှိတယ်။ မိခင်နို့ တစ်မျိုးတည်း အသက်၆လအထိ တိုက်ရင် မိခင်နို့ဖြတ်မှ ရာသီသွေး
ပြန်ပေါ်တတ်တယ် ။
“ဘယ်အချိန် စပြီး သားဆက်ခြားသင့်သလဲ”
ကလေးကို မိခင်နို့ မတိုက်က သားဆက်ခြားနည်းတစ်မျိုးကို ကလေးမီးဖွားပြီးတာ
နဲ့ သုံးနိုင်တယ်။ ကလေးကို မိခင်နို့ တစ်မျိုးတည်း တိုက်က ၆ပတ်ကြာ (၄၂ရက်ကြာ)မှ သားဆက်ခြားနည်း စတင် သုံးနိုင်တယ် ။
“ဘယ်အချိန်မှ ကလေးယူသင့်သလဲ”
-ကလေး မီးဖွားပြီး အနည်း ၆လနေမှ ကလေးပြန်ယူဖို့ စဉ်းစားသင့်ပါတယ်။ အကောင်းဆုံးက ၁နှစ်နေမှ ကလေးပြန်ယူပါ ။
“ဘယ်အချိန်မှ လိင်ဆက်ဆံသင့်သလဲ”
-ကလေးကို မည်သည့်နည်းနဲ့ မွေးပါစေ အနည်းဆုံး ၆ပတ်ကြာမှ လိင်ဆက်ဆံသင့်ပါတယ်။ ဒါပေမယ့် သွေးဆင်းမနေရပါ ။
“ဘယ်အချိန်မှ ကိုယ်လက်လှုပ်ရှား အားကစား လုပ်သင့််သလဲ”
-အနည်းဆုံး အနာကျက်ပြီးချိန် ကလေး မီးဖွားပြီး ၆ပတ်ကျော်မှ ပေါ့ပေါ့ပါးပါး ကိုယ်လက်လှုပ်ရှားမှုများ လုပ်ပါ။
Author : ခေတ်သစ် ဇီဝက
