ကော်ဖီသောက်ခြင်းသည် ကျန်းမာရေးအပေါ် အကျိုးသက်ရောက်မှုရှိသည်ဆိုခြင်းနှင့် ပတ်သတ်၍ မတူညီသောလက်ခံမှုများ ရှိသည်။ ကော်ဖီသည် တချို့သော ရောဂါများ ဖြစ်ပွါးမှုကို လျော့နည်းစေသည်ဟု ဆိုသည်။ တချို့သော ရောဂါများဖြစ်ပွားမှုကို လျော့နည်းစေသည်ဟု ဆိုသည်။ တချို့သော သုတေသန ပညာရှင်များက ကော်ဖီ၏ကျန်းမာရေးအပေါ်အန္တရာယ်ပြုနိုင်မှုများကို ထောက်ပြခဲ့ကြသည်။
ကော်ဖီပမာဏမည်မျှသောက်သုံးလျှင်အန္တရာယ်ကင်းပြီး၊မည်မျှဆိုလျှင်အန္တရာယ်ရှိသည်ဆိုခြင်းကို လေ့လာသူတချို့က ဖေါ်ထုတ်တင်ပြထားသည်။ ကော်ဖီတွင် ကဖင်းဓာတ် (Caffeine) ပါဝင်မှုမှာ အဓိက ကျသည်ဟု ဆိုသည်။ ကဖင်းဓာတ်မည်မျှဆိုလျှင် အန္တရာယ်ကင်းသည်ကို သိရှိထားသင့်သည်။ ကဖင်းပါဝင်မှုမှာ ကော်ဖီခွက်အရွယ်အစား၊ ကော်ဖီမှုန့်ပြင်ဆင်ပုံ၊ အရောင်အသွေး၊ သောက်သုံးသည့်နည်း စသည်တို့ပေါ်တွင် မှီတည်သည်။ ကော်ဖီမည်မျှ သောက်သည်ဆိုသည့် အလေ့အကျင့်နှင့် ကော်ဖီစေ့ အမျိုးအစားတို့သည်လည်းကဖင်းသုံးစွဲမှုပမာဏအပေါ်လွှမ်းမိုးသည်။ကဖင်းဓာတ်ကိုလက်ဖက်ရည်၊ ချောကလက်၊အချိုရည်များနှင့် တချို့သောဆေးဝါးများတွင် တွေ့ရနိုုင် သေးသည်။ ကဖင်းဓာတ်အပေါ်လူတို့၏ တုံပြန်မှုမှာလည်း တစ်ဦးနှင့်တစ်ဦးမတူကြပေ။ တချို့လူများ တွင် အလွန်အကျွံ တုံ့ပြန်မှုမျိုးတွေ့ရပြီး၊ တချို့တွင် ခံနိုင်ရည်ရှိကြသည်။ ကဖင်းသုံးစွဲမှုကို ကိုယ်ဝန်ဆောင် အမျိုးသမီးများ ဂရုစိုက်ဆင်ခြင်ရန် အရေးကြီးသည်။ ကဖင်းသုံးစွဲမှုမှာ နေ့စဉ်အားဖြင့် ၂၀၀ မီလီဂရမ်ထက်မပိုသင့်ဟု ဆိုသည်။ ကော်ဖီ သာမန်ခွက် ၄ ခွက် သို့မဟုတ် ခွက်ကြီး ၂ ခွက်ထက်မပိုသင့်ပေ။ ကိုယ်ဝန်ဆောင်စဉ် ကော်ဖီအလွန်အကျွံ သောက်ပါကကိုယ်ဝန်ပျက်ခြင်းသို့မဟုတ်ကိုယ်အလေးချိန်မပြည့်သော (ပေါင်မပြည့်သော) ကလေးမွေးဖွားခြင်း ကြုံတွေ့ ရနိုင်သည်။ Food Standards Agency ကနေ့စဉ်ကဖင်းသုံးစွဲမှုပမာဏကို ၃၀၀ မီလီဂရမ်ဟု သတ်မှတ်ခဲ့ဖူး သည်။ ကဖင်းဓာတ်များလွန်းလျှင် အချင်းသို့ သွေးဝင်စီးဆင်းမှု လျော့နည်းနိုင်ပြီး၊သန္ဓေသားဖွံ့ဖြိုးမှုကိုညံ့ဖျင်း စေသည်။
ကော်ဖီသည်ကျန်းမာရေးအပေါ် အထောက်အကူဖြစ်စေသော အချက်များစွာ တွေ့ရသည်။ တက်ကြွလန်းဆန်းစေသည်။ စွမ်းဆောက်ရည်မြင့်မားစေသည်။စိတ်ခွန်အားကို မြှင့်တင်ပေးနိုင်သည်။ ကော်ဖီ နေ့စဉ်၂ခွက်နှင့်အထက်သောက်သော အမျိုးသမီးများသည် စိတ်ကျဝေဒနာဖြစ်ပွားမှု နည်းနိုင်ကြသည်။ ကော်ဖီသည် ဆီးကျိတ်ကင်ဆာ၊ ရင်သားကင်ဆာ၊ အယ်လ်ဆိုင်းမား ရောဂါဖြစ်ပွားမှုတို့ကို ကာကွယ်မှု ပေးနိုင် သည်ဟု ဆိုသည်။ ကော်ဖီသောက်ခြင်းသည် စွဲလန်းစေသောသဘောရှိသည်။ တချို့သော ကျွမ်းကျင်ပညာရှင်များက ကော်ဖီ ၄ ခွက် သို့မဟုတ် ၅ ခွက်၊ ကဖင်သုံးစွဲမှု ၄၀၀ မီလီဂရမ် အထိ အန္တရာယ်မရှိဟုပြောထားသည်။ Food Standards Agency ကကျန်းမာသောသူများအဖို့ ကော်ဖီသည် အန္တရာယ်မရှိဟုဆိုသည်။ အစားအစာများတွင်ကဖင်းပါဝင်မှု Instant Coffee ခွက်ကြီး တစ်ခွက် ၁၀၀ မီလီဂရမ် Filter Coffee ခွက်ကြီး တစ်ခွက် ၁၄၀ မီလီဂရမ် Cola ကိုလာတစ်ဗူး ၄၀ မီလီဂရမ် လက်ဖက်ရည်ခွက်ကြီး တစ်ခွက် ၇၅ မီလီဂရမ် စွမ်းအားဖြည့်အချိုရည် တစ်ဘူး ၈၀ မီလီဂရမ် Plain Chocolate ၅၀ မီလီဂရမ်တစ်တောင့် ၅၀ မီလီဂရမ် Milk Chocolate ၅၀ မီလီဂရမ်တစ်တောင့် ၅၀ မီလီဂရမ် အကယ်၍ သင်သည် Plain Chololate တစ်ထောင့်နှင့် filter Coffee တစ်ခွက်သောက်လျှင် (သို့မဟုတ်) လက်ဖက်ရည်နှစ်ခွက် နှင့် ကိုလာတစ်ဘူးသောက်လျှင် (သို့မဟုတ်) Instant Coffee တစ်ခွက်နှင့် စွမ်းအားဖြည့်အချိုရည်နှင့် တစ်ဘူးသောက်လျှင် သင်ခန္ဓာကိုယ်အတွင်းသို့ ကဖင်းဓာတ် ၂၀၀ မီလီဂရမ်မျှ ဝင်ရောက်မည်။
Author – ဒေါက်တာဇာနည်