ဖေဖော်ဝါရီ ၁ ရက်တွင် ကျန်းမာရေးနှင့်အားကစားဝန်ကြီးဌာနက ထုတ်ပြန်သောညွှန်ကြား ချက်တွင် ကျောင်းကို သုံးနှစ်ပြည့်မီ အောင်မတက်ပါက လျော်ကြေးပေးရန်၊ ကျောင်းပြီး၍ အစိုးရ လုပ်ငန်းခွင်တွင် လုပ်သက်သုံးနှစ် မပြည့်ဘဲ အလုပ်ထွက်ပါက လိုင်စင်မထုတ်ပေးရန်နှင့် လိုင်စင် မရှိသောသူနာပြုတွေကို ပုဂ္ဂလိကဆေးရုံများတွင် အလုပ်ခန့်ထားခြင်းမပြုရန်က စည်းကမ်းချက်အသစ် ထုတ်ပြန်ခဲ့သည်။ အဆိုပါထုတ်ပြန်ချက်အပေါ် ရန်ကုန်သူနာပြုတက္ကသိုလ် ကျောင်းသား များသမဂ္ဂနှင့် သူနာပြုတက္ကသိုလ် ကျောင်းသားများ ခုနစ်ရာခန့်က မတ်လ ၁၅ ရက်တွင် ရန်ကုန် မြို့တွင် ဆန္ဒထုတ်ဖော်ခဲ့ကြပါတယ်။ ဆန္ဒဖော်ထုတ်ကြရာတွင် ကျောင်းပြီးပါက လိုင်စင်ချက်ချင်း ထုတ်ပေးရန်၊ ဝန်ကြီးဌာနက ထုတ်ပြန်ခဲ့တဲ့ညွှန်ကြားချက်တွေကို ချက်ချင်းရုပ်သိမ်းပေးရန်နဲ့ မြန်မာနိုင်ငံသူနာပြုနှင့် သားဖွားကောင်စီဥပဒေတွင်ပါရှိသော သူနာပြုများအား အကာအကွယ်ပေး ရန်ဆိုတဲ့အချက်ကို လက်တွေ့ကျကျ အကောင်အထည်ဖော်ပေးရန်ဟူ၍ အချက်သုံးချက်တောင်း ဆိုခဲ့ကြပါတယ်။
ဆန္ဒဖော်ထုတ်တာနဲ့ပတ်သက်ပြီး မတ်လ ၁၆ ရက်မှာတော့ နေပြည်တော်ပြုလုပ်တဲ့ သတင်းစာရှင်းလင်းပွဲမှာ ကျန်းမာရေးဝန်ကြီးဌာနရှိ တာဝန်ရှိသူတွေက အစိုးရဆေးရုံတို့တွင် တာဝန်ထမ်းဆောင်သည့် သူနာပြုနည်းပါးနေသည့်အတွက် ၆ လကနေ ၃နှစ်ကို ပြောင်းလဲလိုက်ရ ခြင်းဖြစ်တယ်လို့ ဝန်ကြီးဌာနက ရှင်းလင်းပြောဆိုခဲ့ပါတယ်။ ယခင်နှစ်များတွင် တစ်နှစ်လျှင် သူနာ ပြုဦးရေ ၁၅၀၀ ခန့် မွေးထုတ်ပေးနေရာကနေ ဦးရေ ၂၂၀၀ ခန့် မွေးထုတ်နိုင်ရန် အစီအစဉ် ချမှတ် ထားပြီးဖြစ်ကြောင်း၊ သူနာပြု သင်တန်းကျောင်းတွေ တိုးချဲ့ဖွင့်လှစ်ရန်လည်း စတင် ဆောင်ရွက် နေပြီဖြစ်ကြောင်း၊ ဥပဒေနည်းဥပဒေများဖြင့် အာဆီယံအဆင့်မီစေရန် ပံ့ပိုးသွားဖို့ရှိတယ်လို့ ဒေါက် တာမြင့်ဟန်က မတ်လ ၁၆ ရက်က ပြုလုပ်ခဲ့တဲ့ နေပြည်တော်တွင် သတင်းစာရှင်းလင်းပွဲမှာ မီဒီယာတွေကို ပြောကြားခဲ့ပါတယ်။
အဆိုပါ စာနယ်ဇင်းရှင်းလင်းပွဲကို တက်ရောက်လာတဲ့ သူနာပြု ဆရာမတစ်ဦးကတော့ တိကျရေရာတဲ့အဖြေမျိုးကို မရသေးဘူးလို့ ဆိုပါတယ်။ သူနာပြုကျောင်းသူ၊ ကျောင်းသားတွေရဲ့တောင်းဆိုချက်ကိုနားထောင်ပြီး သူတို့ရဲ့လိုလားချက်တွေကို ညှိနှိုင်းဆောင် ရွက်ပေးမှာဖြစ်ပြီး သူနာပြုနဲ့ သားဖွားကိစ္စရပ်တွေအတွက် ဆက်သွယ်ဆောင်ရွက်ရန် ပညာရှင် ခုနစ်ဦးပါတဲ့အဖွဲ့ကို တာဝန်ပေးအပ်ထားတယ်လို့ သိရပါတယ်။
