မီးဖွားပြီး ဝိတ်ပြန်ချကြမယ်
ကိုယ်ဝန်သည် အမျိုးသမီးတွေအများစုမှာ မီးဖွားပြီးတဲ့အခါ ကိုယ်အလေးချိန်တွေ မတရားတိုးလာတတ်တယ်။ ကိုယ်ဝန်မှာ ကလေးအတွက် အာဟာရများအောင် အားရှိတာအစုံစားတာတွေ အားဆေးတွေကြောင့်လည်းပါတယ်။ မီးဖွားပြီးတော့လည်း ကလေးပဲ မွေးလိုက်တာ ကျန်တဲ့ ဝိတ်က မီးနေသည်ဆီမှာပဲ ကျန်ခဲ့တာကြောင့် ကိုယ်အလေးချိန်က ပြန်ကျဖို့မလွယ်ပါဘူး။
မီးနေသည်တစ်ယောက်က ဘယ်လောက်ပဲဝိတ်တက်နေပါစေ ကလေးကို အမေနို့တစ်မျိုးပဲတိုက်နေတုန်းမှာတော့ အစားတွေ တမင်ရှောင်နေလို့မရပါဘူး။ မိခင်အစားရှောင်တာကြောင့် ကလေးမှာ အာဟာရမပြည့်စုံမှာစိုးလို့ပါ မီးဖွားပြီးကာစမှာတော့ ချက်ချင်း ဝိတ်ပြန်ချဖို့မကြိုးစားစေချင်ပါဘူး။ အစားကို အာဟာရပြည့်အောင်ဆက်စားပါ အိပ်ပါ မိခင်အားရှိမှ ကလေးအားရှိမှာပါ။
မီးဖွားပြီးစမှာလုပ်လို့ရတာကတော့ ဗိုက်စည်းစည်းတာပါပဲ ခွဲမွေးတာဖြစ်ဖြစ် ရိုးရိုးမွေးတာဖြစ်ဖြစ် ဗိုက်စည်းစည်းလို့ရပါတယ်။ ခွဲမွေးတဲ့မီးနေသည်တွေကတော့ အပြင်ချုပ်ရိုးကျက်အောင်ခဏစောင့်ပါ ခွဲပြီးနှစ်ပတ်လောက်နေမှ ဗိုက်စည်းစပြီးအသုံးပြုပါ ဗိုက်စည်းတွေက အမျိုးမျိုးလာပါတယ်။ ပိတ်နဲ့လုပ်တာလည်းရှိသလို ကော်ပြားလိုမျိုးတွေလည်းရှိပါတယ်။ ကြိုးချည်ရတာရှိသလို ကပ်ခွာ နဲ့ ချိတ်တပ်ရတာလည်းရှိပါတယ် ဗိုက်စည်းစည်းတဲ့အခါ တင်းနေအောင်စည်းရတယ် ဆိုပေမယ့် ကိုယ်ခံနိုင်သလောက်ပမာဏကိုစစည်းပါ ဗိုက်စည်းစည်းတဲ့အခါ တစ်နေ့ကို ၈နာရီတောက်လျှောက်စည်းထားပါ မနက် ၈နာရီစစည်းတယ်ဆို ညနေလေးလောက်ထိ စသည်းပါ အိပ်တာစားတာ ထမင်းစားတာတောက်လျှောက်စည်းထားရပါမယ်။
ဒါကြောင့် အရမ်းလည်းမတင်းစေချင်သလို အရမ်းလည်းမချောင်စေချင်ပါဘူး။ တင်းလွန်းတဲ့အခါ ဗိုက်အရေပြားမှာ မလိုလားတဲ့ အနာတွေ ဖြစ်လာစေနိုင်ပါတယ်။ ဗိုက်စည်းစည်းထားရင်းလည်းသံလွင်ဆီလိမ်းစေချင်ပါတယ်။ ကျပ်လွန်းတဲ့ ဗိုက်စည်းကြောင့် ဗိုက်မှာ အရေးကြောင်းတွေ ထင်ကျန်ရစ်တာမျိုးကိုမဖြစ်စေချင်လို့ပါ ဗိုက်စည်းနဲ့ကျင့်သားရလာပြီဆိုမှ တစ်ဖြည်းဖြည်းစီ ပိုကျပ်လာလို့ရပါတယ်။
တစ်နေကုန်စည်းထားလည်းရပါတယ်။ ဒါကတော့ မီးဖွားပြီးစကနေ တစ်လခွဲနှစ်လလောက်အထိ လုပ်လို့ရတာပါ။ မီးဖွားပြီးစကနေ ကလေးအသက် ၆ လအထိက အမေနို့တစ်မျိုးပဲ တိုက်ရတာကြောင့် ဒီကာလအတွင်းမှာတော့ အစားရှောင်ဖို့ မဖြစ်နိုင်ပါဘူး အာဟာရပြည့်တာတွေအကုန်စားပေးရပါမယ်။ အချိန်မှန်လည်းစားရမယ် အစားအကုန်စားဆိုပေမယ့် အဆီအဆိမ့်များလွန်းတာတွေတော့ရှောင်လို့ရပါတယ်။
ရေတော့များများသောက်ပေးရပါမယ်။ နို့ထွက်လည်းများစေတယ် ဗိုက်လည်းအရမ်းမဆာတော့ဘူး ရေသောက်ပေးတာကြောက့်လည်း ဝမ်းချုပ်တာကိုသက်သာစေတယ်။ ကျန်းမာရေးနဲ့ ညီညွှတ်ပါတယ်မီးဖွားပြီးတဲ့အခါ ဘယ်အချိန် လေ့ကျင့်ခန်းတွေပြန်လုပ်လို့ရလဲ ဘယ်လိုလေ့ကျင့်ခန်းတွေလုပ်လို့ရလဲ ဆိုတာ အမေးများတဲ့မေးခွန်းတွေပါပဲ ကလေးမီးဖွားထားတာက ရိုးရိုးမွေးထားတာလား ခွဲမွေးတာလား ဆိုတာပေါ် အများကြီးမူတည်ပါတယ်။
ရိုးရိုးမွေးတဲ့ မိခင်တွေအတွက်က အချိန်မသတ်မှတ်ထားပါဘူး။ မွေးပြီးတစ်ပတ် အလွန်ဆုံးနှစ်ပတ်ဆို ပုံမှန်အတိုင်းလှုပ်ရှားလို့ရပါတယ်။ လေ့ကျင့်ခန်းလည်းလုပ်လို့ရတယ် ပြေးတာ အမြန်လျှောက်တာ ခါးလေ့ကျင့်ခန်း အိပ်ထမတင် စသဖြင့်အစုံလည်းပေးလုပ်ပါတယ်။ တစ်ခုပါပဲ ကလေးလည်းနို့တိုက်ရတာတွေရှိတာကြောင့် အိပ်ရေးပျက်တာတွေရှိတာကြောင့်တော့ ပြင်းထန်လွန်းတဲ့ လေ့ကျင့်ခန်းတွေ ရှောင်စေချင်တာပါပဲ။
ခွဲမွေးထားတဲ့ မိခင်တွေကျတော့အရမ်းဂရုစိုက်ရပါတယ် ထင်သလိုလုပ်လို့မရပါဘူး။ အပြင်ချုပ်ရိုးကျက်တယ်ဆိုရင်တောင် အထဲကသားအိမ်ချုပ်ရိုးကိုစိတ်ပူရပါတယ်။ ကလေးမွေးပြီးနှစ်လကနေသုံးလအတွင်းတော့ ဘာလေ့ကျင့်ခန်းမှ မလုပ်စေချင်ပါဘူး ဗိုက်စည်းစည်းလို့ရတယ်။ မတ်မတ်ထိုင်ပေးလို့ရပါတယ်။
ခွဲမွေးပြီးသုံးလကျော်လာရင်တော့ ပေါ့ပါးတဲ့လေ့ကျင့်ခန်းတွေစလုပ်ပါ။ အမြန်လျှောက်တာတွေ ဖြေးဖြေးပြေးတာလေးတွေကနေစပါ။ ခါးလေ့ကျင့်ခန်းကို ဖြေးဖြေးစလုပ်ပါ။ ခွဲမွေးပြီး ငါးလမှာတော့ ပုံမှန်လိုလှုပ်ရှားလို့ရပါတယ်။ အိပ်ထမတင်စလုပ်ပါ ပြေးပါ ခါးလေ့ကျင့်ခန်းတွေ သေချာလုပ်ပါ။
ကလေးမွေးပြီးရင်အဓိကက ဗိုက်ပူလာတာပါ ဗိုက်နဲ့ တင်ပဆုံကြားမှာ အဆီပိုတွေများလာတတ်တယ်။ ခါးအဝိုင်းလှည့်ပေးလို့လည်းရတယ် ကြာကြာမထိုင်ပါနဲ။့ ထိုင်ရင်လည်းမတ်မတ်ထိုင်ပါ။ လေ့ကျင့်ခန်းသေချာလုပ်ဖြစ်တယ်ဆို ကိုယ်ခန္ဓာ အလေးချိန်နဲ့ ပုံစံကိုပြန်ထိန်းနိုင်ပါတယ်။
ကလေးက အမေနို့အပြင် ဖြည့်စွက်စာကောင်းကောင်းစားလာပြီဆိုရင်တော့ အစားကို ပုံမှန်ပဲစားပါ။ အဆီအဆိမ့်အငံများတာတွေရှောင်ပါ။ အသီးအရွက်ပြုတ်တွေပိုစားပါ။ အပြင်စာနှာမြောစာတွေရှောင်ပါ။ ညနေ ၆နာရီနောက်ပိုင်း မစားဖြစ်အောင်ထိန်းပါ။ ဒါတွေသေချာလုပ်ဖြစ်တယ်ဆို မီးဖွားပြီးလည်း ကိုယ်အလေးချိန်သေချာထိန်းလို့ရပါတယ် အချိန်တစ်ခုထိတော့ စောင့်ဖို့လိုပါတယ်။
Dr. CST
