ရေကျောက် ၊ပဲသီတာ ရောဂါသည် ကလေးငယ်များတွင် အဖြစ်များတဲ့ ရောဂါတစ်မျိုးပါ။ Varicella zoster လို့ဆိုတဲ့ ဗိုင်းရပ်ပိုး တစ်မျိုးကြောင့်
ဖြစ်တာပါ။ ကလေးတွေမှာ အဖြစ်များတယ် ဆိုပေမယ့် နောက်ပိုင်း လူကြီးတွေမှာပါအတွေ့ရများလာပါတယ်။
ရေကျောက် ၊ပဲသီတာ ပေါက်ရင် ဘာတွေ ခံစားရလဲ ။
-ပိုးဝင်စ အစပိုင်း ကနဦးရက်များတွင် မအီမသာ နုန်းချိကာ တစ်ခါတစ်ရံ ဖျားတတ်တယ်။
-အနီပြင် အစုလိုက်ကြီးတွေ စပေါက်ပြီး နာရီပိုင်းအတွင်းမှာပဲ အနီဖုကလေး တွေဖြစ်လာမယ်။ ၃ရက် ၄ရက် အကြာမှာတော့ အရည်ကြည်ဖုလေးတွေ အဖြစ်
ပြောင်းသွားမယ်။ ထိုအရည်ကြည်ဖုလေးတွေသည် ပဲသီတာစေ့နဲ့ အလွန်တူပါတယ်။ ပြီးတော့ ပြည်ဝတ်ဆံကလေးတွေ ဖြစ်သွားမယ်။ နောက် အနာဖေးတက်
လာမယ်။
-ရေကျောက်သည် အပေါ်ယံ အရေပြားလွှာမှာ ဖြစ်တာမို့ အမာရွတ်ကြီးကြီး မကျန်တတ်ပါဘူး။
-ရေကျောက်ပေါက်ရင် ရင်ဘတ် ၊ကျော ၊ဝမ်းဗိုက် စတဲ့နေရာတွေမှာ စပေါက်ကာ တခြားနေရာတွေ ပျံ့သွားတတ်တယ်။
-ရေကျောက် အထွက် စုံသွားရင်တော့ ၇ ရက်မှ ၁၀ရက်အတွင်း ပြန်ကောင်းသွားတယ်။
-သတိပြုရမှာက အရည်ကြည်ဖုတွေသည် အင်မတန်မှ ယားတတ်ပါတယ်။
ရေကျောက်ကြောင့် ဆင့်ပွားရောဂါ ဘာတွေ ခံစားရနိုင်သလဲ။
-အရေပြား ပိုးဝင်နာများ
-အဆုတ်ရောင်ခြင်း
-ဦးနှောက်နဲ့ အာရုံကြော ထိခိုက်ခြင်း
-နှလုံးရောင်ခြင်းများ
-အသည်းရောင်ခြင်းများ
-ကျောက်ကပ်ရောင်ခြင်းများ စတာတွေ ခံစားရတတ်ပါတယ်။
ဘယ်အချိန်မှာ မိသားစု ဆရာဝန်နဲ့ တိုင်ပင်မလဲ။
-ကလေးငယ်တွေမှာ အရည်ကြည်ဖုပေါက်ပြီး မအီမသာခံစားရက မပေါ့ဆဘဲ ရေကျောက် ဟုတ်၊မဟုတ်ကို မိမိရဲ့ မိသားစု ဆရာဝန်နဲ့ တိုင်ပင်သင့်ပါတယ်။
မိမိဘာသာ ဘာလုပ်ထားနိုင်လဲ။
အဓိကက ကလေးခံစားနေရတာတွေ သက်သာအောင် ၊ကလေးကုတ်ပြီး အမာရွတ်ကြီးများ မကျန်အောင် လုပ်ပေးထားဖို့လိုတယ်။
-ကလေးဖျားက ရေပတ် နိုင်နိုင်တိုက်ချပါ။
-ကလေးအဖျားကျဆေးများ တိုက်ပေးပါ။
-လေဝင်လေထွက်ကောင်းတဲ့ အခန်းမှာ ထားပါ။အဝတ်ကို ထူပိန်းအောင် ဝတ်မပေးပါနဲ့။
-အယား သက်သာစေရန် ချိုးရေတွင် ဆိုဒီယမ်ဘိုင်ကာဗွန်နိတ်ပါသော မုန့်ဖုတ်ဆိုဒါများ ၊ဒါမှမဟုတ် Oat meal lotion များထည့်ချိုးပါ။ ရေနွေးဖတ် ၁နေ့
၂ကြိမ် ကပ်ပေးပါ။calamine လိုးရှင်းများ လိမ်းပေးနိုင်တယ်။
-အမာရွတ်ကြီးများ မကျန်စေရန် လက်သည်းညှပ်ထားပါ။ ကလေးငယ်လွန်းက လက်အိတ်စွပ်ပေးထားပါ။
-ညအိပ်ခါနီး ဘာမီတွန် တိုက်ပေးနိုင်တယ် ။
-သိုးမွေးထည် ၊နိုင်လွန်ထည်များ မဝတ်ပေးပါနဲ့။ ခပ်ပါးပါးနဲ့ ခပ်ပွပွ အဝတ်များ ဝတ်ဆင်ပေးပါ။
-အရည်ကြည်ဖုများ ပေါက်ပြီး ချပ်သွားပြီး ၅ရက်လောက်အထိ ကလေးကို ကျောင်းမလွှတ်ပါနဲ့။ တခြားသူတွေကို ကူးစက်နိုင်ပါတယ်။ ကိုယ်ဝန်ဆောင်မိခင်
တွေသည်လည်း ထိုကာလအတွင်း ရေကျောက်ပေါက်တဲ့ကလေးနဲ့ ဝေးဝေးနေပါ။
Author : ခေတ်သစ် ဇီဝက
