ဝှေးစေ့ကင်ဆာ ကြောက်စရာ စောစောစီးစီး စမ်းသပ်ပါ

ကျွန်တော်တို့ အမျိုးသားတွေအတွက် အရေးကြီးတဲ့ ကျန်းမာရေးဆိုင်ရာ အလေ့အကျင့် တစ်ခုကိုပြောပါဆိုရင် မိမိဝှေးစေ့မိမိကိုယ်တိုင်စမ်းသပ်စစ်ဆေးခြင်း လို့ဆိုရပါလိမ့်မယ်။ ဒီလိုစမ်းသပ်ခြင်းကြောင့်

ကင်ဆာကဲ့သို့သော ကြောက်စရာပြဿနာများကို စောစောစီးစီး ရှာဖွေတွေ့ရှိနိုင်ပါတယ်။

ဝှေးစေ့ကင်ဆာဖြစ်ပွားနှုန်းက ဆယ်ကျော်သက်တွေ အတွက်ရှားပါးပေမဲ့ ယေဘုယျအားဖြင့်

၁၅ နှစ်နှင့် ၃၅ နှစ်ကြားတွင် အများဆုံး ဖြစ်ပါတယ်။

ယောက်ျားလေးတစ်ယောက်ဟာ မကြာခဏ မိမိဝှေးစေ့ကို ပုံမှန်စစ်ဆေးရေးလုပ်ရန် အရေးကြီးပါတယ်။

ဒါမှသာ သင့်ဝှေးစေ့တွေရဲ့ ပုံစံ နဲ့ အရွယ်အစားကို အကျွမ်းတဝင်ဖြစ်လာနိုင်ပြီး တစ်ခုခုထူးခြား

ကွဲပြားတာနဲ့ ချက်ချင်းသိနိုင်ပါတယ်။

၁။ ဝှေးစေ့ အရွယ်အစားကြီးလာခြင်း (သို့) အလုံးအကြိတ်ပေါ်လာခြင်း

၂။ ကပ်ပယ်အိတ်ထဲတွင် ဖောင်းဖောင်းတင်းတင်းဖြစ်နေခြင်း

၃။ ကပ်ပယ်အိတ်ထဲမှာ အရည်များစုလာခြင်း

၄။ ဗိုက် (သို့) ဆီးစပ်တစ်ဝိုက် အောင့်ခြင်း

၅။ ခါးနာခြင်း

၆။ ဝှေးစေ့ (သို့) ကပ်ပယ်အိတ် နာခြင်း၊ အောင့်ခြင်း

     ၊မအီမသာဖြစ်ခြင်းတို့ဖြစ်ပါတယ်။

ဝှေးစေ့အရေပြားအောက်မှာ အဖုအပိမ့် အလုံးအကြိတ်များရှိနေရင် လွယ်လွယ်ကူကူစမ်းသပ် တွေ့ရှိနိုင်ဖို့

တစ်နေ့တာမှာ ရေချိုးနေစဉ် (သို့) ရေချိုးပြီးချိန်ဟာ စမ်းသပ်ရန် အကောင်းဆုံးအချိန်ဖြစ်ပါတယ်။

အလုံးအကြိတ်ဆိုတာ ဆန်စေ့၊ပဲစေ့၊သံပရာသီး အစေ့အနေ သေးသေးလေးက စဖြစ်တာပါ။

အဲဒါကြောင့် စမ်းမယ်ဆိုရင် အလုံးအကြိတ်တွေကို သေသေချာချာ စမ်းမိဖို့ အရေးကြီးတာကြောင့်တစ်ခါစမ်းရင် ဘယ်ဆို ဘယ်လက် ညာဆိုညာလက်နဲ့ တစ်ဖက်စီ အချိန်ပေးပြီး စမ်းဖို့

အရေးကြီးပါတယ်။

၁။ လက်ဆွဲနှုတ်ဆက်သလို လက်ကို

ရှေ့ထုတ်လိုက်ပါ။ လက်မ နဲ့ လက်လေးချောင်းကို

ကွေးလိုက်ပါ။

၂။ လက်ပုံစံမပြောင်းဘဲ ဝှေးစေ့အရင်းကိုကိုင်ပါ။

၃။ လက်မက အပေါ်လက်လေးချောင်းက အောက်ကိုလျှိုပြီးကိုင်ထားတဲ့ အနေအထားမှန်ပြီဆိုရင် လက်ကြားထဲမှာ

အကြောအမျှင်တစ်ခု စမ်းမိပါလိမ့်မယ်။

၄။ အဲဒီအနေအထားဖြင့် အောက်က ဝှေးစေ့ကို မရွေ့အောင် ထိန်းထားရပါမယ်။

၅။ ကျန်တဲ့လက်တစ်ဖက်က အဲ့ဒီမရွေ့အောင် ထိန်းထားတဲ့ ဝှေးစေ့ကို တစ်ပတ်လည် အရှေ့မှအနောက်၊ အပေါ်မှအောက်အရွယ်အစား၊ ပုံစံ၊ အလုံးအကြိတ်တွေ ရှိမရှိ သေသေချာချာစမ်းသပ်ပါ။

၆။ တစ်ဖက်ပြီးရင် နောက်တစ်ဖက် ထိုနည်းအတိုင်းစမ်းပါ။

တကယ်လို့ အလုံးအကြိတ်စမ်းမိလို့ ပဲဖြစ်ဖြစ်၊ အရွယ်အစား နဲ့ ပုံစံအရင်ကနဲ့ မတူတော့ဘဲ ကြီးလာတာပဲဖြစ်ဖြစ်၊ နီးစပ်ရာဆရာဝန် နဲ့ တိုင်ပင်ဆွေးနွေးပြီးစောစောစီးစီးကုသမှုခံယူပါက အရှင်းပျောက်ကင်း

နိုင်သော ကင်ဆာမျိုးဖြစ်ပါတယ်။

အားလုံးကျန်းမာချမ်းသာကြပါစေလို့တောင်းဆုပြုရင်း….