ဆေးရုံဆေးခန်းတွေမှာ မွေးတဲ့ ကလေးလေးတွေကို မွေးပြီးတာနဲ့ ဆေးရုံဆေးခန်းတွေက vitamin k တစ်လုံး အသားမှာ ထိုးပေးလေ့ရှိကြတယ်။ မိဘတစ်ချို့သိတာရှိမယ်။ တစ်ချို့လည်း မသိကြဘူး ဆေးထိုးလိုက်တာသိခဲ့ရင်တောင် ဘာကြောင့်ထိုးရတာလဲဆိုတာ မသိကြတာများပါတယ်။
Vitamin K က သွေးခဲစေနိုင်တဲ့ အစွမ်းသတ္တိရှိပါတယ် Vitamin K ပုံမှန်ရှိရမယ့် ပမာဏအောက် လျော့နည်းနေတယ်ဆိုရင်ဖြင့် သွေးခဲစေတဲ့ အစွမ်းလည်း နည်းလာနိုင်ပါတယ်။ သွေးလည်း လွယ်လွယ်မတိတ်နိုင်သလို အလိုအလျောက်သွေးထွက်တာတွေကိုလည်း ဖြစ်စေနိုင်ပါတယ် ။
Viramin K ကို အစိမ်းရောင်အသီးအရွက်တွေ ကနေတစ်ဆင့်ရနိုင်ပါတယ်။
လူ့ကိုယ်ခန္ဓာ အူလမ်းကြောင်းထဲမှာ ရှိနေတဲ့ တစ်ချို့သော ဘက်တီးရီးယားတွေကလည်း Vitamin K ကို ပုံမှန်ထုတ်ပေးနေတတ်ပါတယ်။ ဖြစ်လာတဲ့ Vitamin K တွေကို အသည်းမှာ သိမ်းထားပြီး လိုအပ်သလို ပြန်လည် အသုံးပြနေကြတာပါ ။
Vitamin K လျော့နည်းရတဲ့ အကြောင်းတွေကတော့ Vitamin K ပါဝင်သောအစားအစာများ လုံလောက်အောင် မစားသုံးခြင်း အူလမ်းကြောင်းရောဂါအမျိုးမျိုးနှင့် အသည်းရောဂါတွေမှာ ဖြစ်နိုင်ပါတယ် ။
မွေးစအရွယ်လေးတွေမှာ အူလမ်းကြောင်းထဲရှင်းနေတာကြောင့် မည်သည့်ဘက်တီးရီးယားမှ မရှိသေးတာကြောင့် Vitamin K ကိုမထုတ်နိုင်သေးတာကတစ်ကြောင်း အမေနို့ကလွဲပြီး မည်သည့်အစားမှ မစားရသေးတာကတစ်ကြောင်း အသည်းကလည်း မွေးစမှာ ကောင်းမွန်စွာအလုပ်မလုပ်နိုင်သေးတာကတစ်ကြောင်း စတဲ့ အကြောင်းတွေကြောင့် မွေးစကလေးတွေမှာ Vitamin K နည်းနေတတ်ပါတယ်။
ကိုယ်ဝန်ဆောင်နေတုန်း အမေက ကိုယ်ဝန်ဆောက်အားဆေးတွေသောက်နေတာပဲ Vitamin K ကလေးကို မရဘူးလားလို့ မေးစရာရှိပါတယ် အမေသောက်တဲ့ အားဆေးထဲမှာ Vitamin K က ကလေးဆီ မရောက်ပါဘူး ဘာကြောင့်လဲဆိုရင် Vitamin K က အချင်းကို မဖြတ်နိုင်လို့ပါ။
ကိုယ်ဝန်ဆောင်စဉ်ကာလမှာ အမေဆီက အားဆေးတွေ အာဟာရတွေ ကလေးဆီရောက်ဖို့ဆို အချင်းကို ဖြတ်ပြီးသွားနိုင်မှရမှာပါ ။
မွေးစအရွယ်မှာ ကြိုတင်ပြီး Vitamin K ထုတ်ထားရအောင်လည်း အူထဲမှာ ဘာအစာမှမရှိတဲ့အခါ ဘယ်ဘက်တီးရီးယားတွေကမှ မထုတ်နိုင်ပါဘူး။
အမေနို့စတိုက်လာတော့လည်းအမေနို့ကိုယ်တိုင်မှာ Vitamin K ပါဝင်မှုနည်းပါတယ်။
အမေနို့ကိုပဲ တိုက်နေရတဲ့ ကလေးတွေမှာ ရက်သတ္တပတ်အနည်းငယ်ကြာမှသာ အူလမ်းကြောင်းထဲကဘက်တီးရီးယားတွေက Vitamin K ကို စတင်ထုတ်နိုင်တာပါ ။
ကလေးလေးတွေမှာ Vitamin K နည်းတဲ့အခါမှာ သွေးအလိုလိုထွက်စေပါတယ်။
Vitamin K Deficiency Bleeding လို့ခေါ်ပါတယ်။Haemorrhagic disease of newborn လို့လည်းခေါ်ပါတယ်။
Vitamin K နည်းလို့ သွေးထွက်တာပါ။ အလိုအလျောက်ထွက်တာဖြစ်တဲ့အပြင် သွေးထွက်များပါတယ်။
ကိုယ်ခန္ဓာအထဲရော အပြင်အရေပြားမှာပါ ဖြစ်နိုင်ပါတယ်။
သွေးထွက်များတာကြောင့် ကလေးဦးနှောက်ထိခိုက်တာတွေအပြင် အသက်ပါဆုံးရှုံးနိုင်ပါတယ် ။
Vitamin K ကို မွေးပြီးစ ၆နာရီအတွင်းမှာ ထိုးတတ်ကြပါတယ်။
တစ်ချို့နိုင်ငံတွေမှာ Vitamin K ကို မထိုးဘဲ ပါးစပ်ထဲ ဆေးအစက်ချတာလည်း လုပ်ကြပါသေးတယ်။
ဆေးမထိုးတဲ့ ကလေးတွေမှာ ပါးစပ်ထဲပဲအစက်ချတဲ့ ကလေးတွေမှာ Vitamin K နည်းလို့ ဖြစ်တဲ့သွေးထွက်တာတွေပိုဖြစ်တာကြောင့် အခုဆို ကလေးတိုင်းကို မွေးပြီးစမှာ ဆေးထိုးပါတယ်။
ဒါကြောင့်လည်း အခုနောက်ပိုင်းတွေမှာ ဒီလိုသွေးထွက်တဲ့ရောဂါတွေ ဖြစ်ပွားမှု အရမ်းနည်းပါးလာပါတယ် ။
ကလေးတိုင်း Vitamin K ထိုးပေးတယ်ဆိုပေမယ့် G6PD deficiency နဲ့ Pyruvate kinase deficiency စတဲ့ သွေးအားနည်းရောဂါတွေမှာတော့ ဆေးမထိုးသင့်ပါဘူး။
မသိလို့ ဆေးထိုးမိလိုက်တယ်ဆိုရင် သွေးအားနည်းခြင်းကို ဖြစ်စေနိုင်ပါတယ် ။
Vitamin K ဆေးထိုးပေးပြီး ဆေးမတည့်တာဖြစ်တာလည်း ရှိတတ်ပါတယ် မွေးစလေးတွေမှာ အဖြစ်နည်းပေမယ့် ဆေးမတည့်တာတွေရဲ့ ထုံးစံအတိုင်း တော့ အင်ပြင်ထွက်ခြင်း ယားယံခြင်း ဖောယောင်ခြင်း အသက်ရှူခက်ခြင်း စသဖြင့်လည်း ဖြစ်နိုင်ပါတယ် ။
Vitamin K ဆေးထိုးပြီးရင်တော့ တစ်ချို့ကလေးတွေမှာ ဆေးထိုးတဲ့နေရာတစ်ဝိုက်မှာ ယောင်ယမ်းတာတွေ ဖြစ်တတ်ပါတယ်။ ဒါမျိုးကြုံလာရင်တော့ ဖြစ်စမှာ ရေအေးအဝတ်ကပ်ပေးပြီး ခဏအကြာမှာ ကျပ်ပူထိုးပေးလို့ ရပါတယ် ။
အခုလောက်ဆိုရင်တော့ မွေးစကလေးတွေမှာ ဘာလို့ Vitamin K ထိုးရတာလဲ ဆိုတာကို နားလည်နိုင်ပါလိမ့်မယ် ။
Dr. CST
