မွေးပြီးပြီးချင်းကလေးလေးတွေကို ဘယ်လို ပြုစုစောင့်ရှောက်ကြမလဲ ဆိုတာကို တော်တော်များများတော့ သိပြီးကြပါတယ် မသိတဲ့သူတွေအတွက် ပြောပေးတာပါ မွေးပြီးစကလေးတွေကို နို့တိုက်ကျွေးတာနဲ့ ပက်သက်လို့ ဆောင်းပါးတခုသက်သက်ရေးထားပါတယ်
မွေးစကလေးတွေမှာလည်း အလုပ်ကိုယ်စီရှိကြပါတယ် နို့စို့ကြတယ် ငိုကြတယ် ရယ်ကြတယ် အီးပါတ် ဆီးသွားပါတယ် အိပ်ကြတယ်
မွေးစမှာတော့ အိပ်ချိန်ကပိုများပါတယ် နို့ထစို့လိုက်တယ် ရှူးပေါက်အီးပါလုပ်ပြီးပြန်အိပ်ကြတယ်
အိပ်တဲ့အခါမှာ ကလေးငယ်လေးတွေကို အိပ်ယာပေါ်မှာပဲ ချသိပ်ပါ ခေါင်အုံးလေးကို အသာလေးမြှင့်ထားပါ တချို့တွေမှာ ဆန်ကွဲခေါင်းအုံးသုံးတတ်ကြတယ် တချို့ကျတော့ အလယ်ချိုင့်တဲ့ ခေါင်းအုံးသုံးကြတယ် ခေါင်းလေးလှဖို့ မချိုင့်ဖို့ပါ ဒါကခေါင်းအုံးနဲ့ပဲဆိုင်တာမဟုတ်ပါဘူး ကလေးချီတဲ့အခါမှာ ကလေးခေါင်းကို တံတောင်ဆစ်လက်ဖျံနဲ့ ဖိထားသလိုဖြစ်နေရင် ခေါင်းမှာချိုင့်တာတွေ မညီတာတွေဖြစ်တတ်ပါတယ် ကလေးခေါင်းကိုကိုင်တဲ့ အခါ လက်ဖဝါးနဲ့ ပဲ သေချာထိန်းပေးတာက ကလေးခေါင်းကိုမချိုင့်ဝင်စေပါဘူး
မွေးစကလေးငယ်လေးတွေ အိပ်တဲ့ အခါမှာ ပက်လက်အိပ်ကြတာများတယ် ပက်လက်အိပ်တဲ့အခါ ကလေးကလန့်တတ်ပါတယ် ကလေးရဲ့ရင်ဘတ်ပေါ်မှာ အနှီးကိုခေါက်ပြီးဖြစ်ဖြစ် စောင်ပါးလေးပဲဖြစ်ဖြစ် တင်ပေးထားပါ ကလေးရဲ့ ဘေးနှစ်ဘက်မှာလည်း ဖက်ခေါင်းအုံးတွေ စောင်တွေ နဲ့ ခုထားပါ ဒါမှ ကလေးလှိမ့်တာတွေ မဖြစ်အောင် ကလေးမှောက်မအိပ်အောင် ထိန်းပေးထားနိုင်မှာပါ ခြင်ထောင်နဲ့ သိပ်ပေးပါ အလင်းကို မျက်စိနေရာတိုက်ရိုက်မပေးပါနဲ့ ဘယ်လိုမှ လုပ်လို့မရရင် ခြင်ထောင်ပေါ်ကနေ အဝတ် တခုခုဖြန့်တင်ထားလိုက်ပါ ကလေးသိပ်တဲ့ အိပ်ယာကလည်း အရမ်းလည်းမမာနဲ့ အရမ်းလည်းမပျော့ပါနဲ့ သေးခံပလတ်စတစ်ခံထားတယ်ဆိုရင် သေးခံအပေါ်မှာ အနှီးပိုင်းဖြစ်ဖြစ် ထပ်ခင်းပေးပါ ကလေးအသားနဲ့ သေးခံနဲ့ တိုက်ရိုက်ဆို ကလေးအသားပူတတ်ပါတယ်
ကလေးငယ်တွေ အိပ်နေတဲ့ အခါ ဆူညံသံတွေ လျှော့ထားပေးပါ လူကြီးတစ်ယောက် အနားမှာအမြဲရှိပါ ကလေးငယ်လေးတွေ က ရုတ်တရက် လန့်လန့်နိုးတတ်ကြတယ် အဲ့အခါမှာ ချက်ချင်းပြန်ချော့သိပ်ပေးလို့ရတယ် အချိန်ကြာသွားတာနဲ့အမျှ ပြန်မအိပ်တော့ဘဲ ဖြစ်နေပါလိမ့်မယ်
ကလေးငယ်တွေ မွေးစကတော့ အိပ်ချိန်ကို ဘယ်လိုမှ လုပ်ပေးလို့ မရပါဘူး ခဏခဏအိပ်နေတော့ ညမအိပ်တာလည်းရှိတတ်တယ် တဖြေးဖြေးတော့အကျင့်ရအောင်လုပ်ရမှာပါ ညနေပိုင်းမှာ ည၇နာရီခွဲထိ ပေးအိပ်လို့ရတယ် အများဆုံး ည၈နာရီ ပါ ပြီး နို့တိုက်တာတွေ တခြားလုပ်စရာတွေလုပ်တာနဲ့ ကလေးကို နောက်တခါကို ဆယ်နာရီ ဆယ့်တစ်နာရီလောက်မှာပြန်သိပ်ပါ ညလယ် တော့ အနည်းဆုံးတစ်ခါလောက်တော့ ထပြီးနို့တိုက်ရတတ်ပါတယ် တစ်ခုပါပဲ ကလေးကို နေ့ဘက်တွေ နို့တိုက်ပြီးတဲ့ အခါ သေသေချာချာလေထုတ်ပေးပါ မဟုတ်ရင် ကလေးတွေက ညပိုင်းတွေမှာ လေထိုးလေအောင့်ပိုဖြစ်တတ်ပါတယ် ဖြစ်တဲ့အခါ ဘယ်လိုမှမအိပ်ပဲ တစ်ချိန်လုံးအီနေတတ်ပါတယ်
ကလေးတွေ သိပ်တဲ့ အခါ ခေါင်းကောင်းကောင်းမခိုင်သေးသရွေ့တော့ လက်ပေါ်မှာပဲဖြစ်ဖြစ် အိပ်ယာပေါ်မှာပဲဖြစ်ဖြစ် သိပ်ရပါတယ် ခေါင်းကောင်းကောင်းခိုင်မှ ပုခက်ထဲ ထည့်သိပ်ပါ မဟုတ်ရင် ကလေးကို ထိခိုက်စေနိုင်ပါတယ် အများဆုံး နှစ်လနဲ့ သုံးလကြား ခေါင်းခိုင်ပါတယ်
အခုနောက်ပိုင်းတွေမှာ ကလေးငယ်တွေကို အကြောင်းကြောင်းကြောင့် diaper ဝတ်ပေးထားတာတွေ ပိုများလာတယ် အပြင်သွားတာမျိုးတင်မကပဲ အိမ်မှာလည်း ဝတ်ထားတတ်ကြတယ် diaper က အမြဲတော့မဝတ်စေချင်ဘူး ဝတ်ဖြစ်တယ်ဆိုရင်လည်း နှစ်နာရီခြားတော့ လဲပေးပါ ဆီးသွားထားသည်ဖြစ်စေ မသွားထားသည်ဖြစ်စေပါ diaper ကြောင့် လှောင်တာတွေ ကို မဖြစ်အောင်ပါ ဆီးသွားထားတဲ့အခါလည်း သွားထားပြီးသားဆီးတွေက ဆီးသွားတဲ့ အင်္ဂါကိုပြန်ထိနေတော့ ဆီးပိုးလည်းဝင်လွယ်တတ်လို့ပါ diaper လဲတိုင်းလည်း ရေနွေးနွေးလေးဆေးပေးနိုင်ရင် ပိုကောင်းပါတယ် diaper ကြောင့်အသားပွန်းတာတွေ နီတာတွေရှိနေရင် ထပ်မဝတ်ပါနဲ့ ရေနွေးလေးဆေးပြီး ပေါင်ဒါလေးရိုက်တာဖြစ်ဖြစ် လုပ်ပါ သက်သာတဲ့အခါမှ ပြန်ဝတ်ပေးပါ diaper တွေ ကိုမကျပ်ပါစေနဲ့ ညအိပ်တဲ့ တောက်လျှောက်လည်း diaper ခဏခဏ လဲပေးရပါလိမ့်မယ်
ဆက်ရန်ရှိပါသည်
Author; Dr. CST
