ကိုယ္ဝန္ေဆာင္ခ်ိန္ ျဖစ္တတ္ေသာ ဗိုက္ေအာင့္/ဗိုက္နာျခင္းမ်ား (အပုိင္း ၁)
ကိုယ္ဝန္ေဆာင္စဥ္ျဖစ္ေသာ ဗိုက္နာျခင္း
ကိုယ္ဝန္ေဆာင္ အမ်ိဳးသမီးမ်ား အေနႏွင့္ အစိုးရိမ္ဆုံး လကၡဏာတရပ္ဟု ဆိုလွ်င္ ဗိုက္နာျခင္းဟုပင္ ဆိုႏိုင္ပါသည္။ ကိုယ္ဝန္ေဆာင္အမ်ိဳးသမီးတဦးအေနႏွင့္ ကိုယ္ဝန္ေဆာင္ကာလတေလ်ာက္ ခံစားေလ့ရွိတဲ့ ဗိုက္ေအာင့္/ဗိုက္နာျခင္းမ်ားသည္ သာမန္အားျဖင့္ တျဖည္းျဖည္း ႀကီးထြားလာေသာ သေႏၶသားေၾကာင့္ျဖစ္ေသာ ျဖစ္႐ိုးျဖစ္စဥ္ (ရာသီလာစဥ္ျဖစ္ေသာ ဗိုက္နာျခင္းကဲ့သို႔) ဗိုက္ေအာင့္/ ဗိုက္နာျခင္းမ်ား ရွိသကဲ့သို႔ ေရာဂါေၾကာင့္ျဖစ္ေသာ အႏၲရာယ္ရွိသည့္ ျပင္းထန္ေသာ ဗိုက္ေအာင့္ ဗိုက္နာျခင္းမ်ား လည္းရွိသည္။
ကိုယ္ဝန္ေဆာင္မိခင္ေလာင္းမ်ား အေနႏွင့္ ကိုယ္ဝန္ေဆာင္ကာလ ဗိုက္ေအာင့္ဗိုက္နာျခင္း ျဖစ္ေစႏိုင္ေသာ အေၾကာင္းရင္းမ်ားကို သိရွိထားရန္လိုသည္။ သို႔မွသာ အကယ္၍ မိမိတြင္ ဗိုက္ေအာင့္ ဗိုက္နာျခင္း ခံစားရလွ်င္လည္း အႏၲရာယ္ရွိေသာ ဗိုက္နာျခင္းႏွင့္ အႏၲရာယ္မရွိေသာ သာမန္ ဗိုက္ေအာင့္/ဗိုက္နာျခင္းမ်ားကို ေယဘုယ်ခြဲျခား သိရွိႏိုင္မွာျဖစ္ၿပီး လိုအပ္သလို ကုသမႈ ခံယူႏိုင္မွာ ျဖစ္တယ္။
စိုးရိမ္ရန္မလိုသည့္ အျဖစ္အမ်ားဆုံးေသာ ဗိုက္ေအာင့္/ဗိုက္နာျခင္းမ်ား
ကိုယ္ဝန္ေဆာင္စဥ္ျဖစ္ေသာ ဗိုက္ေအာင့္/ဗိုက္နာျခင္းမ်ားသည္ ေအာက္ပါ အေၾကာင္းမ်ားေၾကာင့္ အမ်ားဆုံးျဖစ္ပြားရျခင္းျဖစ္သည္။
(၁) ႀကီးထြားလာေသာ သားအိမ္ေၾကာင့္ျဖစ္ေသာ ဗိုက္ေအာင့္ျခင္း၊
သားအိမ္ႀကီးထြားလာသည္ႏွင့္အမွ် မအီမသာျဖစ္ျခင္း၊ ဝမ္းဗိုက္ျပည့္တင္းျခင္း၊ သားအိမ္ကိုဆိုင္းေပးထားေသာအ႐ြတ္မ်ားတင္းျခင္းႏွင့္ အူႏွင့္ အစာအိမ္ကို ဖိမိျခင္း ေၾကာင့္ ဗိုက္ေအာင့္ျခင္းကို ခံစားရႏိုင္သည္။ ရာသီလာစဥ္ျဖစ္ေသာနာက်င္ျခင္းႏွင့္ တူ၍ အမ်ားအားျဖင့္ ကိုယ္ဝန္၂၄ပတ္ေက်ာ္မွစၿပီး ခံစားရႏိုင္ကာ အခ်ိန္ၾကာျမင့္စြာ ရပ္ေနျခင္း၊ လမ္းေလ်ာက္ျခင္း၊ လႈပ္ရွားမႈလုပ္ျခင္း စသည္တို႔ေၾကာင့္ ပိုဆိုးလာ တတ္ေသာ္လည္း စိုးရိမ္ရန္မလိုပါ။ ေကာင္းမြန္စြာအနားယူ ေပးျခင္းျဖင့္ သက္သာ ေစႏိုင္သည္။
(၂) ေလထျခင္းႏွင့္ ဝမ္းခ်ဳပ္ျခင္းေၾကာင့္ျဖစ္ေသာ ဗိုက္နာျခင္း
ေဟာ္မုန္းမ်ားေျပာင္းလဲျခင္းေၾကာင့္ ကိုယ္ဝန္ေဆာင္အမ်ိဳးသမီးမ်ားအေနႏွင့္ ဝမ္းခ်ဳပ္ျခင္းႏွင့္ ေလထျခင္း/ေလပြျခင္းမ်ား မၾကာခဏခံစားရႏိုင္ၿပီး ဗိုက္ေအာင့္ျခင္းကို တြဲ၍ ခံစားရႏိုင္သျဖင့္ ဝမ္းမခ်ဳပ္ေစရန္ ဂ႐ုျပဳေပးရမည္။ ေရမ်ားမ်ားေသာက္ေပးျခင္း၊ ကိုယ္လက္လႈပ္ရွားမႈ ေလ့က်င့္ခန္းမ်ားျပဳလုပ္ျခင္း၊ အမွ်င္ဓာတ္ႂကြယ္ဝေသာ ဟင္းသီး ဟင္း႐ြက္မ်ားစားေပးျခင္း၊ လတ္ဆတ္သန႔္ရွင္းေသာ အသီးအႏွံမ်ားႏွင့္ ေဖ်ာ္ရည္မ်ား ေသာက္ေပးျခင္းျဖင့္ ကာကြယ္ႏိုင္သည္။
(၃) ေစာေမြးျခင္းမဟုတ္ေသာ သားအိမ္က်ဳံ႔ျခင္း(သားအိမ္က်င့္ျခင္း)
ကိုယ္ဝန္လရင့္လာသည္ႏွင့္အမွ် သားအိမ္က်င့္ျခင္းဟုေခၚဆိုေသာ ဆက္တိုက္ နာက်င္ျခင္းမဟုတ္သည့္ နာက်င္ျခင္းမ်ားကို ရံဖန္ရံခါ ခံစားရႏိုင္သည္။ ေရေသာက္ နည္းသူ (သို႔မဟုတ္) ေရဓာတ္နည္းသူမ်ားတြင္ ပိုမိုခံစားရႏိုင္သျဖင့္ ေရမ်ားမ်ား ေသာက္ေပးရန္လိုသည္။ နာက်င္ျခင္းသည္ ဆက္တိုက္ျဖစ္လာၿပီး ေသြး/ခြၽဲမ်ား ဆင္းလာပါက ေစာေမြးျခင္း၏ လကၡဏာမ်ားျဖစ္သည့္အတြက္ သားဖြားခန္း(သို႔) ေဆး႐ုံသို႔ အျမန္ သြားရန္လိုသည္။
Author : တင့္တယ္
ကိုယ်ဝန်ဆောင်ချိန် ဖြစ်တတ်သော ဗိုက်အောင့်/ဗိုက်နာခြင်းများ (အပိုင်း ၁)
ကိုယ်ဝန်ဆောင်စဉ်ဖြစ်သော ဗိုက်နာခြင်း
ကိုယ်ဝန်ဆောင် အမျိုးသမီးများ အနေနှင့် အစိုးရိမ်ဆုံး လက္ခဏာတရပ်ဟု ဆိုလျှင် ဗိုက်နာခြင်းဟုပင် ဆိုနိုင်ပါသည်။ ကိုယ်ဝန်ဆောင်အမျိုးသမီးတဦးအနေနှင့် ကိုယ်ဝန်ဆောင်ကာလတလျောက် ခံစားလေ့ရှိတဲ့ ဗိုက်အောင့်/ဗိုက်နာခြင်းများသည် သာမန်အားဖြင့် တဖြည်းဖြည်း ကြီးထွားလာသော သန္ဓေသားကြောင့်ဖြစ်သော ဖြစ်ရိုးဖြစ်စဉ် (ရာသီလာစဉ်ဖြစ်သော ဗိုက်နာခြင်းကဲ့သို့) ဗိုက်အောင့်/ ဗိုက်နာခြင်းများ ရှိသကဲ့သို့ ရောဂါကြောင့်ဖြစ်သော အန္တရာယ်ရှိသည့် ပြင်းထန်သော ဗိုက်အောင့် ဗိုက်နာခြင်းများ လည်းရှိသည်။
ကိုယ်ဝန်ဆောင်မိခင်လောင်းများ အနေနှင့် ကိုယ်ဝန်ဆောင်ကာလ ဗိုက်အောင့်ဗိုက်နာခြင်း ဖြစ်စေနိုင်သော အကြောင်းရင်းများကို သိရှိထားရန်လိုသည်။ သို့မှသာ အကယ်၍ မိမိတွင် ဗိုက်အောင့် ဗိုက်နာခြင်း ခံစားရလျှင်လည်း အန္တရာယ်ရှိသော ဗိုက်နာခြင်းနှင့် အန္တရာယ်မရှိသော သာမန် ဗိုက်အောင့်/ဗိုက်နာခြင်းများကို ယေဘုယျခွဲခြား သိရှိနိုင်မှာဖြစ်ပြီး လိုအပ်သလို ကုသမှု ခံယူနိုင်မှာ ဖြစ်တယ်။
စိုးရိမ်ရန်မလိုသည့် အဖြစ်အများဆုံးသော ဗိုက်အောင့်/ဗိုက်နာခြင်းများ
ကိုယ်ဝန်ဆောင်စဉ်ဖြစ်သော ဗိုက်အောင့်/ဗိုက်နာခြင်းများသည် အောက်ပါ အကြောင်းများကြောင့် အများဆုံးဖြစ်ပွားရခြင်းဖြစ်သည်။
(၁) ကြီးထွားလာသော သားအိမ်ကြောင့်ဖြစ်သော ဗိုက်အောင့်ခြင်း၊
သားအိမ်ကြီးထွားလာသည်နှင့်အမျှ မအီမသာဖြစ်ခြင်း၊ ဝမ်းဗိုက်ပြည့်တင်းခြင်း၊ သားအိမ်ကိုဆိုင်းပေးထားသောအရွတ်များတင်းခြင်းနှင့် အူနှင့် အစာအိမ်ကို ဖိမိခြင်း ကြောင့် ဗိုက်အောင့်ခြင်းကို ခံစားရနိုင်သည်။ ရာသီလာစဉ်ဖြစ်သောနာကျင်ခြင်းနှင့် တူ၍ အများအားဖြင့် ကိုယ်ဝန်၂၄ပတ်ကျော်မှစပြီး ခံစားရနိုင်ကာ အချိန်ကြာမြင့်စွာ ရပ်နေခြင်း၊ လမ်းလျောက်ခြင်း၊ လှုပ်ရှားမှုလုပ်ခြင်း စသည်တို့ကြောင့် ပိုဆိုးလာ တတ်သော်လည်း စိုးရိမ်ရန်မလိုပါ။ ကောင်းမွန်စွာအနားယူ ပေးခြင်းဖြင့် သက်သာ စေနိုင်သည်။
(၂) လေထခြင်းနှင့် ဝမ်းချုပ်ခြင်းကြောင့်ဖြစ်သော ဗိုက်နာခြင်း
ဟော်မုန်းများပြောင်းလဲခြင်းကြောင့် ကိုယ်ဝန်ဆောင်အမျိုးသမီးများအနေနှင့် ဝမ်းချုပ်ခြင်းနှင့် လေထခြင်း/လေပွခြင်းများ မကြာခဏခံစားရနိုင်ပြီး ဗိုက်အောင့်ခြင်းကို တွဲ၍ ခံစားရနိုင်သဖြင့် ဝမ်းမချုပ်စေရန် ဂရုပြုပေးရမည်။ ရေများများသောက်ပေးခြင်း၊ ကိုယ်လက်လှုပ်ရှားမှု လေ့ကျင့်ခန်းများပြုလုပ်ခြင်း၊ အမျှင်ဓာတ်ကြွယ်ဝသော ဟင်းသီး ဟင်းရွက်များစားပေးခြင်း၊ လတ်ဆတ်သန့်ရှင်းသော အသီးအနှံများနှင့် ဖျော်ရည်များ သောက်ပေးခြင်းဖြင့် ကာကွယ်နိုင်သည်။
(၃) စောမွေးခြင်းမဟုတ်သော သားအိမ်ကျုံ့ခြင်း(သားအိမ်ကျင့်ခြင်း)
ကိုယ်ဝန်လရင့်လာသည်နှင့်အမျှ သားအိမ်ကျင့်ခြင်းဟုခေါ်ဆိုသော ဆက်တိုက် နာကျင်ခြင်းမဟုတ်သည့် နာကျင်ခြင်းများကို ရံဖန်ရံခါ ခံစားရနိုင်သည်။ ရေသောက် နည်းသူ (သို့မဟုတ်) ရေဓာတ်နည်းသူများတွင် ပိုမိုခံစားရနိုင်သဖြင့် ရေများများ သောက်ပေးရန်လိုသည်။ နာကျင်ခြင်းသည် ဆက်တိုက်ဖြစ်လာပြီး သွေး/ချွဲများ ဆင်းလာပါက စောမွေးခြင်း၏ လက္ခဏာများဖြစ်သည့်အတွက် သားဖွားခန်း(သို့) ဆေးရုံသို့ အမြန် သွားရန်လိုသည်။
Author : တင့်တယ်
