” တစ်ကိုယ်ရည် စိတ်ဆန္ဒဖြေဖျောက်မှု ( Masturbation ) ”
ကိုယ့်အားကိုယ်ကိုးပြီး စိတ်ဆန္ဒဖြေဖျောက်တာက လူငယ်တွေရော ၊ လူုကြီးတွေကြားမှာရော ရေပန်းစားလှပါတယ် ။ ဒါက ကိုယ့်ရဲ့ ချုပ်တည်းထားတဲ့ ဆန္ဒကို လွှင့်ထုတ်ပစ်နိုင်တယ် ၊ စိတ်ကျေနပ်မှုကို ရရှိနိုင်တယ် ၊ ကိုယ့်ခန္ဓာကိုယ်အကြောင်းလည်း ပိုပြီးနားလည်နိုင်လာတယ့် စိတ်အချရဆုံး သဘာဝနည်းလည်းကောင်းလည်း ဖြစ်ပါတယ် ။ Masturbation ရဲ့ အဆိုး ၊ အကောင်း လေးတွေကို လေ့လာကြည့်ရအောင် ။
ဆိုးကျိုးတွေ
ပြောရလောက်အောင် ဆိုးကျိုးဆိုပြီး ဖော်ပြစရာ သိပ်မရှိပါဘူး ။ တချို့လူတွေကတော့ အပြစ်ရှိတယ်လို့ ခံစားရခြင်း နဲ့ အလွန်အကြူး အာသာဖြေခြင်း တို့ကိုတော့ ပြုလုပ်လေ့ရှိတယ် ။
အာသာဖြေခြင်း နဲ့ အပြစ်ရှိမှု
တချို့လူတွေက အာသာဖြေခြင်းက ပြစ်မှုတစ်ခု ကျူးလွန်တယ်လို့ ခံစားရစေပါတယ် ။ ဒါက ကိုးကွယ်တဲ့ ဘာသာနဲ့ ယုံကြည်သက်ဝင်မှုတို့နဲ့ သက်ဆိုင်နေပါတယ် ။ ရှေးရိုးဆန်တဲ့ လူကြီးတွေကလည်း ဒါက ရှက်စရာ ၊ မသန့်ရှင်းတဲ့ လုပ်ရပ်လို့ ထင်မြင်ယူဆကြပါတယ် ။ တကယ်တော့ ဒါက မဟုတ်ပါဘူး ။ တစ်ကိုယ်ရည်အာသာဖြေခြင်းက ဘယ်သူ့ကိုယ်မှလည်း မထိခိုက်သလို အပြစ်လည်းမရှိပါဘူး ။ လူတိုင်းလိုလို လုပ်ကြတဲ့ အလေ့ဖြစ်တာကြောင့် ရှက်စရာလည်း မကောင်းပါဘူး ။
တကယ်လို့ ကိုယ်ကအရမ်း စိုးရိမ်နေမယ်ဆိုရင်တော့ ကိုယ်အယုံကြည်ရဆုံးလူကို ကိုယ်ဘယ်လိခံစားရကြောင်း ဖွင့်ပြောပြသင့်ပါတယ် ။ ဒါမှသာ အနည်းငယ်ဖြစ်ဖြစ် ခံစားရတာ သက်သာသွားမှာပါ ။
အလွန်အကြူး အာသာဖြေခြင်း
တကယ်လို့ သင်က အာသာဖြေဖို့အတွက်
လုပ်နေကြအလုပ်တွေ လုပ်ဖို့ပျက်ကွက်လာရင်
ကျောင်း ( သို့ ) အလုပ်သွားဖို့ ပျက်ကွက်လာရင်
မိသားစု ( သို့ ) သူငယ်ချင်းတွေနဲ့ တွေ့ဖိုအစီအစဉ်တွေ ပျက်ကွက်လာရင်
အရေးကြီးတဲ့ လူမှုရေးပွဲတွေ ပိက်ကွက်လာရင် သေချာပါပြီ ။ သင်က တစ်ကိုယ်ရေ အားသားဖြေခြင်းကို ရူးရူးမူးမူး စွဲလမ်းနေပါပြီ ။ ဒီလိုမျိုးအရမ်းကို ခုံမင်နေပြီဆိုရင်တော့ ဆရာဝန်နဲ့ တိုင်ပင်သင့်ပါပြီ ။ဒါမှမဟုတ် အာသာဖြေဖို့ စိတ်ဆန္ဒ တောင့်တလာရင် အခြားလှုပ်ရှားမှုတွေကို စိတ်အာရုံလွှဲနိုင်ပါတယ် ။ ပြေးခြင်း ၊ ဒိုင်ယာရီရေးခြင်း ၊ သူငယ်ချင်းတွေနဲ့ အပြင်သွားခြင်း ၊ လမ်းထလျှောက်ခြင်း တို့ကို စမ်းကြည့်သင့်ပါတယ် ။
အာသာဖြေတဲ့ အတွက်ကြောင့် အထိအတွေ့ခံစားမှုတွေ လျော့ကျနိုင်လား ?
တကယ်တော့ ပိုပီးတော့တာင် မြင့်တက်နိုင်ပါတယ် ။ လေ့လာချက်တစ်ခုအရ masturbation ကြောင့် အမျိုးသားရော အမျိုးသမီးပါ လိင်ဆန္ဒပိုမိုဖြစ်လာပြီး ပိုပြီးလိုချင်တပ်မက်လာပါတယ် ။ အမျိုးသမီးတွေကတော့ မိန်းမကိုယ်မှာ ဆက်ဆံရင် ထွက်လာတတ်တဲ့ အရည်ပိုများလာပြီး အမျိုးသားတွေကတော့ ပန်းသေပန်းညှိုုးမှု ရာခိုင်နှုန်းကျသွားပါတယ် ။
တကယ်လို့ အမျိုးသားတွေက လိင်တံကို ခပ်ကြမ်းကြမ်းကိုင်တွယ် ရင်တော့ အာရုံခံစားနိုင်မှု ကျလာတဲ့ အတွက်ကြောင့်မို့လို့ ကိုယ်တွယ်မှု ညင်သာရပါမယ် ။
ကောင်းကျိုးတွေ
အာသာဖြေခြင်းကြောင့် ရုပ်ပိုင်းဆိုင်ရာရော စိတ်ပိုင်းဆိုင်ရာပါ အကျိုးကျေးဇူးတွေ ရရှိနိုင်ပါတယ် ။ ဒါတွေကတော့
စိတ်ဖိစီးမှုတွေကို လျှော့ချနိုင်ခြင်း ။
နှစ်ခြိုက်စွာ အိပ်မောကျနိုင်ခြင်း ။
စိတ်ပျော်ရွှင်လာခြင်း ။
သက်တောင့်သက်သာ နေနိုင်ခြင်း ။
စိတ်ကျေနပ်မှု ရရှိခြင်း ။
အကြောတက်မှု ၊ ညောင်းညာမှုများကို ကာကွယ်ပေးခြင်း ။
ကာမဆန္ဒကို ဖြေဖျောက်နိုင်ခြင်း ။
လိင်ဆက်ဆံလျှင် ပို၍အဆင်ပြေလာခြင်း ။
ကိုယ်ဆန္ဒပြီးမြောက်ဖို့ လိုအပ်ချက်တွေကို ကွက်ကွက်ကွင်းကွင်း မြင်လာခြင်း ။
မိမိဆက်ဆံဖော်နှင့် အာသာဖြေသည့်တိုင်အောင် ကလေးမရနိုင်ခြင်း ။
အာသာဖြေခြင်း နဲ့ ဆီးကျိတ်ကင်ဆာ
ဆီးကျိတ်ဆိုတာ အမျိုးသားတိုင်းမှာ ရှိတဲ့ အစိတ်အပိုင်းပါ ။ အာသာမှန်မှန်ဖြေတဲ့ သူတွေက ဆီးကျိတ်ကင်ဆာဖြစ်ဖို့ရာခိုင်နှုန်း လျော့ကျလာနိုင်ပါတယ်လို့ လေ့လာချက်တွေက ဆိုထားပါတယ် ။ လေ့လာခိက်တစ်ခုအရ ၁လမှာ အနည်းဆုံး ၂၁ခါ ဆန္ဒပြီးမြောက်ရင် ဆီးကျိတ်ုဖစ်ပွားနိုင်မှုနှုန်းကို ၂၀ ရာခိုင်နှုန်းအထိ လျှော့ချပေးနိုင်တယ်လို့ ဖော်ပြထားပါတယ် ။
အာသာဖြေခြင်းနဲ့ ကိုယ်ဝန်ဆောင်ချိန်
ကိုယ်ဝန်ဆောင်ချိန်မှာ ဟော်မုန်းအပြောင်းအလဲတွေကြောင့် ကာမဆန္ဒကို ပုံမှန်ထက်ပိုပြီး လိုချင်တပ်မက်တတ်ပါတယ် ။ ဒီအချိန် တစ်ကိုယ်ရေအာသာဖြေခြင်းက စိတ်ဆန္ဒကို ဖြည့်တည်းနိုင်တဲ့အပြင် ကိုယ်ဝန်ဆောင်ရင် ခံစားရတဲ့ ကျောနာခြင်းကိုပါ သက်သာစေပါတယ် ။
သတိပြူရမှာက သတိထားကိုယ်ဝန် ( High-risk Pregnacny ) တွေမှာဆိုရင်တော့ မလုပ်သင့်ပါဘူး ။ စိတ်ဆန္ဒပြီးမြောက်သွားတာက အဲ့ကိုယ်ဝန်တွေမှာ ပုံမှန်ထက်ပိုပြီး စောမွေးခြင်း ဖြစ်နိုင်လို့ပါပဲ ။
ဒါတွေကတော့ Masturbation အကြောင်း ကောင်းကျိုး ၊ ဆိုးကျိုးလေးတွေ ဖြစ်ပါတယ် ။ စာဖတ်သူတွေလည်း စဉ်းစားချင့်ချိန်နိုင်ကြပါစေလို့ Dr.Z မှ ဆန္ဒပြုလိုက်ရပါတယ် ။
Dr.Z
