(zawgyi)
မီးယပ္ေသြးဆုံးတယ္ဆိုတာ အမ်ိဳးသမီးမ်ားလစဥ္ေပၚေနတဲ့ ရာသီေသြးမဆင္းေတာ့ျခင္းကိုေခၚတာပါ။ ရာသီ ေသြးမဆင္းတာကို တစ္ႏွစ္ေလာက္အထိေစာင့္ၾကည့္ပါတယ္။ တစ္ႏွစ္ေလာက္လုံးဝမဆင္းေတာ့မွ မီးယပ္ေသြး ဆုံးတယ္လို႔ေျပာတာပါ။ တားေဆးေတြသုံးထားျခင္းမရွိရပါဘူး။ ေသြးဆုံးၿပီးသြားတဲ့အခါမွာ အမ်ိဳးသမီးေတြမွာ မ်ိဳးပြားႏိုင္တဲ့စြမ္းရည္၊ သေႏၶေအာင္ႏိုင္တဲ့စြမ္းရည္ေတြလည္းက်သြားပါတယ္။
အမ်ားအားျဖင့္ေတာ့ မီးယပ္ေသြးဆုံးတာက အသက္ ၄၇ နဲ႔ ၅၀ ၾကားမွာျဖစ္ပါတယ္။ အသက္ ၄၀ ထက္ေစာၿပီး ေသြးဆုံးတယ္ဆိုတာေတြလည္း ေတြ႕ရတတ္ပါတယ္။ အဲဒါမ်ိဳးေတြက အခ်ိန္မတိုင္ခင္ ေသြးဆုံးတယ္လို႔ ေျပာလို႔ ရပါတယ္။ တခ်ိဳ႕လည္းမ်ိဳး႐ိုးလိုက္ျဖစ္တတ္တယ္။ တခ်ိဳ႕က်ေတာ့ ေဟာ္မုန္းဆိုင္ရာျပႆနာေတြေၾကာင့္ျဖစ္ တယ္။ တခ်ိဳ႕က်ေတာ့ အေၾကာင္းအမ်ိဳးမ်ိဳးေၾကာင့္ သားအိမ္ကိုအၿပီးခြဲစိပ္ထုတ္ထားတာေၾကာင့္ ျဖစ္ႏိုင္တယ္။
မီးယပ္ေသြးဆုံးသြားတဲ့အခါမွာ ကိုယ္ခႏၶာမွာေဟာ္မုန္းျဖစ္စဥ္ေတြေျပာင္းလဲသြားပါတယ္။ ေဟာ္မုန္းတင္မကဘဲ ခႏၶာကိုယ္အစိတ္အပိုင္းေတြေျပာင္းလဲလာၾကတယ္။ အေရျပားေတြပါးလာတယ္။ က်စ္လစ္မႈမရွိေတာ့ဘူး။ ရင္သားေတြေသးလာတယ္။ သားအိမ္နဲ႔မိန္းမကိုယ္လမ္းေၾကာင္းေတြလည္း က်ဳံ႔လာမယ္၊ က်ဥ္းေျမာင္းလာမယ္။ ေျခာက္ေသြ႕လာမယ္။ ဒါေတြတင္မကဘဲ အ႐ိုးပြတာလည္းျဖစ္လာမယ္။ ေသြးထဲမွာ Cholesterol ေတြမ်ားလာ တတ္တယ္။
မီးယပ္ေသြးဆုံးတဲ့အခါဘာေတြခံစားရမလဲ။တခ်ိဳ႕က်ေတာ့ ဓမၼတာမမွန္တာေတြျဖစ္တယ္။ ေတာက္ေလ်ာက္အၾကာႀကီးဆင္းေနတတ္တယ္။ရွိန္းတိန္းတိန္းခံစားေနရမယ္။ ေခြၽးထြက္မ်ားေနတတ္တယ္။ မလႈပ္ခ်င္မကိုင္ ခ်င္ဘဲႏုန္းေနတတ္တယ္။ စိတ္ခံစားမႈလည္းအတက္အက် အရမ္းျမန္တယ္။ ေဒါသႀကီးလာတယ္။ စိတ္က်တာ ေတြျဖစ္ေနတတ္တယ္။ အလိုလိုငိုခ်င္ေနတတ္တယ္။ ဘာကိုမွန္းမသိဘဲ ေတြးပူေနတတ္တယ္။ လိင္ဆက္ဆံ ခ်င္တဲ့စိတ္ေတြလဲေလ်ာ့နည္းလာတယ္။ အတူေနတဲ့အခါမွာလည္း နာက်င္တာေတြျဖစ္ႏိုင္တယ္။ဆီးလဲမထိန္းႏိုင္တာေတြ၊ ခဏခဏသြားခ်င္တာေတြျဖစ္ႏိုင္တယ္။ အဆစ္ေတြလည္းကိုက္ႏိုင္တယ္။
မီးယပ္ေသြးဆုံးၿပီဆိုတိုင္း ဒါေတြအကုန္ခံစားရမယ္လို႔ေတာ့ မဟုတ္ပါဘူး။ တခ်ိဳ႕ေတြလည္းဘာမွမျဖစ္တတ္ၾက ဘူး။ တခ်ိဳ႕ေတြက်ေတာ့ အကုန္မဟုတ္ေတာင္တစ္မ်ိဳးစီ ခံစားၾကရတယ္။ ဒါေတြကိုႀကိဳတင္ကာကြယ္ဖို႔ဆိုရင္ ေသြးမဆုံးခင္ကတည္းက အိပ္တာ၊ စားတာ၊ ေနထိုင္တာေတြအားလုံးကို စနစ္တက်ျပင္ဆင္ပါ။ အိပ္ေရးဝဖို႔လို တယ္။ အစားအေသာက္မွာလည္း အီလြန္းတဲ့အစားအေသာက္ ေတြကိုေရွာင္၊ အဆီအဆိမ့္အငံေတြေရွာင္ၿပီး အာဟာရျဖစ္ေအာင္စားသုံးရမယ္။ အသီးအႏွံေတြကိုပိုစားရမယ္။ႏြားႏို႔ကိုလည္း ရံဖန္ရံခါေသာက္သင့္တယ္။မနက္နဲ႔ညေနေတြမွာ ေပါ့ပါးတဲ့ေလ့က်င့္ခန္း ေတြလုပ္ေပးရမယ္။ စိတ္ဖိစီးတာေတြကိုေလ်ာ့ခ်ရမယ္။ မိသားစုမွာ လည္းေအးခ်မ္းေပ်ာ္႐ႊင္စြာေနထိုင္ဖို႔လိုတယ္။ စိတ္ၿငိမ္ဖို႔ တရားထိုင္တာေတြလည္းလိုပါတယ္။ အေရးႀကီးဆုံးက ေတာ့ေရာဂါတစ္ခုခုရွိေနတဲ့အခါ အဲဒီေရာဂါကိုေသခ်ာထိန္းႏိုင္ဖို႔လည္းလိုပါတယ္။ ဥပမာအားျဖင့္-ေသြးတိုး၊ ႏွလုံး၊ ဆီးခ်ိဳ၊ အခ်ိဳဓာတ္မ်ားတာေတြ၊ အဝလြန္တာေတြပါ။
တခ်ိဳ႕ေတြက်ေတာ့လည္း မီးယပ္ေသြးဆုံးကိုင္တယ္ဆိုၿပီး ေသြးဆုံးတဲ့အခါျဖစ္တတ္တဲ့ လကၡဏာေတြေတာ္ ေတာ့္ကိုခံစားၾကရတယ္။ အဲဒါေတြဆိုရင္ေတာ့ ေဆးေတြကူရတတ္တယ္။ ေရာဂါလကၡဏာတစ္ခုခ်င္းစီကို သက္သာေအာင္လုပ္ေပးဖို႔လိုသလို တခ်ိဳ႕လည္းေဟာ္မုန္းေတြျပန္ျဖည့္တာပါလိုတတ္ၾကတယ္။ အဲလိုအခါ ေတြ မွာေတာ့သားဖြားမီးယပ္ဆရာဝန္ေတြနဲ႔ တိုင္ပင္ဖို႔လိုပါတယ္။ ေဟာ္မုန္းေဆးေတြမွာလဲျဖစ္တဲ့ ေရာဂါလကၡဏာ အလိုက္ခဏပဲေသာက္ဖို႔လိုတာလား၊ ေရရွည္ေသာက္ဖို႔လိုတာလားဆိုၿပီး ေတာ့ရွိပါတယ္။ အေရးႀကီးတာက ေတာ့ေသြးဆုံးၿပီးတဲ့အခါမွာ အ႐ိုးပြတာက ေတာက္ေလွ်ာက္ဆိုသလို ဆက္ျဖစ္သြားတာေၾကာင့္ ေခ်ာ္မလဲေအာင္ လည္းဂ႐ုစိုက္ရပါတယ္။ အ႐ိုးေတြလည္းလြယ္လြယ္က်ိဳးႏိုင္လို႔ပါ။ က်ိဳးၿပီးတဲ့အခါျပန္ဆက္ဖို႔လဲမလြယ္ေတာ့ဘဲ အိပ္ယာေပၚမွာပဲအၿမဲေနေနရတာလည္း ျဖစ္တတ္လို႔ပါ။ သတိျပဳဆင္ျခင္ႏိုင္ၾကပါေစ။
Author : Dr. CST
(Unicode)
မီးယပ်သွေးဆုံးတယ်ဆိုတာ အမျိုးသမီးများလစဉ်ပေါ်နေတဲ့ ရာသီသွေးမဆင်းတော့ခြင်းကိုခေါ်တာပါ။ ရာသီ သွေးမဆင်းတာကို တစ်နှစ်လောက်အထိစောင့်ကြည့်ပါတယ်။ တစ်နှစ်လောက်လုံးဝမဆင်းတော့မှ မီးယပ်သွေး ဆုံးတယ်လို့ပြောတာပါ။ တားဆေးတွေသုံးထားခြင်းမရှိရပါဘူး။ သွေးဆုံးပြီးသွားတဲ့အခါမှာ အမျိုးသမီးတွေမှာ မျိုးပွားနိုင်တဲ့စွမ်းရည်၊ သန္ဓေအောင်နိုင်တဲ့စွမ်းရည်တွေလည်းကျသွားပါတယ်။
အများအားဖြင့်တော့ မီးယပ်သွေးဆုံးတာက အသက် ၄၇ နဲ့ ၅၀ ကြားမှာဖြစ်ပါတယ်။ အသက် ၄၀ ထက်စောပြီး သွေးဆုံးတယ်ဆိုတာတွေလည်း တွေ့ရတတ်ပါတယ်။ အဲဒါမျိုးတွေက အချိန်မတိုင်ခင် သွေးဆုံးတယ်လို့ ပြောလို့ ရပါတယ်။ တချို့လည်းမျိုးရိုးလိုက်ဖြစ်တတ်တယ်။ တချို့ကျတော့ ဟော်မုန်းဆိုင်ရာပြဿနာတွေကြောင့်ဖြစ် တယ်။ တချို့ကျတော့ အကြောင်းအမျိုးမျိုးကြောင့် သားအိမ်ကိုအပြီးခွဲစိပ်ထုတ်ထားတာကြောင့် ဖြစ်နိုင်တယ်။
မီးယပ်သွေးဆုံးသွားတဲ့အခါမှာ ကိုယ်ခန္ဓာမှာဟော်မုန်းဖြစ်စဉ်တွေပြောင်းလဲသွားပါတယ်။ ဟော်မုန်းတင်မကဘဲ ခန္ဓာကိုယ်အစိတ်အပိုင်းတွေပြောင်းလဲလာကြတယ်။ အရေပြားတွေပါးလာတယ်။ ကျစ်လစ်မှုမရှိတော့ဘူး။ ရင်သားတွေသေးလာတယ်။ သားအိမ်နဲ့မိန်းမကိုယ်လမ်းကြောင်းတွေလည်း ကျုံ့လာမယ်၊ ကျဉ်းမြောင်းလာမယ်။ ခြောက်သွေ့လာမယ်။ ဒါတွေတင်မကဘဲ အရိုးပွတာလည်းဖြစ်လာမယ်။ သွေးထဲမှာ Cholesterol တွေများလာ တတ်တယ်။
မီးယပ်သွေးဆုံးတဲ့အခါဘာတွေခံစားရမလဲ။တချို့ကျတော့ ဓမ္မတာမမှန်တာတွေဖြစ်တယ်။ တောက်လျောက်အကြာကြီးဆင်းနေတတ်တယ်။ရှိန်းတိန်းတိန်းခံစားနေရမယ်။ ချွေးထွက်များနေတတ်တယ်။ မလှုပ်ချင်မကိုင် ချင်ဘဲနုန်းနေတတ်တယ်။ စိတ်ခံစားမှုလည်းအတက်အကျ အရမ်းမြန်တယ်။ ဒေါသကြီးလာတယ်။ စိတ်ကျတာ တွေဖြစ်နေတတ်တယ်။ အလိုလိုငိုချင်နေတတ်တယ်။ ဘာကိုမှန်းမသိဘဲ တွေးပူနေတတ်တယ်။ လိင်ဆက်ဆံ ချင်တဲ့စိတ်တွေလဲလျော့နည်းလာတယ်။ အတူနေတဲ့အခါမှာလည်း နာကျင်တာတွေဖြစ်နိုင်တယ်။ဆီးလဲမထိန်းနိုင်တာတွေ၊ ခဏခဏသွားချင်တာတွေဖြစ်နိုင်တယ်။ အဆစ်တွေလည်းကိုက်နိုင်တယ်။
မီးယပ်သွေးဆုံးပြီဆိုတိုင်း ဒါတွေအကုန်ခံစားရမယ်လို့တော့ မဟုတ်ပါဘူး။ တချို့တွေလည်းဘာမှမဖြစ်တတ်ကြ ဘူး။ တချို့တွေကျတော့ အကုန်မဟုတ်တောင်တစ်မျိုးစီ ခံစားကြရတယ်။ ဒါတွေကိုကြိုတင်ကာကွယ်ဖို့ဆိုရင် သွေးမဆုံးခင်ကတည်းက အိပ်တာ၊ စားတာ၊ နေထိုင်တာတွေအားလုံးကို စနစ်တကျပြင်ဆင်ပါ။ အိပ်ရေးဝဖို့လို တယ်။ အစားအသောက်မှာလည်း အီလွန်းတဲ့အစားအသောက် တွေကိုရှောင်၊ အဆီအဆိမ့်အငံတွေရှောင်ပြီး အာဟာရဖြစ်အောင်စားသုံးရမယ်။ အသီးအနှံတွေကိုပိုစားရမယ်။နွားနို့ကိုလည်း ရံဖန်ရံခါသောက်သင့်တယ်။မနက်နဲ့ညနေတွေမှာ ပေါ့ပါးတဲ့လေ့ကျင့်ခန်း တွေလုပ်ပေးရမယ်။ စိတ်ဖိစီးတာတွေကိုလျော့ချရမယ်။ မိသားစုမှာ လည်းအေးချမ်းပျော်ရွှင်စွာနေထိုင်ဖို့လိုတယ်။ စိတ်ငြိမ်ဖို့ တရားထိုင်တာတွေလည်းလိုပါတယ်။ အရေးကြီးဆုံးက တော့ရောဂါတစ်ခုခုရှိနေတဲ့အခါ အဲဒီရောဂါကိုသေချာထိန်းနိုင်ဖို့လည်းလိုပါတယ်။ ဥပမာအားဖြင့်-သွေးတိုး၊ နှလုံး၊ ဆီးချို၊ အချိုဓာတ်များတာတွေ၊ အဝလွန်တာတွေပါ။
တချို့တွေကျတော့လည်း မီးယပ်သွေးဆုံးကိုင်တယ်ဆိုပြီး သွေးဆုံးတဲ့အခါဖြစ်တတ်တဲ့ လက္ခဏာတွေတော် တော့်ကိုခံစားကြရတယ်။ အဲဒါတွေဆိုရင်တော့ ဆေးတွေကူရတတ်တယ်။ ရောဂါလက္ခဏာတစ်ခုချင်းစီကို သက်သာအောင်လုပ်ပေးဖို့လိုသလို တချို့လည်းဟော်မုန်းတွေပြန်ဖြည့်တာပါလိုတတ်ကြတယ်။ အဲလိုအခါ တွေ မှာတော့သားဖွားမီးယပ်ဆရာဝန်တွေနဲ့ တိုင်ပင်ဖို့လိုပါတယ်။ ဟော်မုန်းဆေးတွေမှာလဲဖြစ်တဲ့ ရောဂါလက္ခဏာ အလိုက်ခဏပဲသောက်ဖို့လိုတာလား၊ ရေရှည်သောက်ဖို့လိုတာလားဆိုပြီး တော့ရှိပါတယ်။ အရေးကြီးတာက တော့သွေးဆုံးပြီးတဲ့အခါမှာ အရိုးပွတာက တောက်လျှောက်ဆိုသလို ဆက်ဖြစ်သွားတာကြောင့် ချော်မလဲအောင် လည်းဂရုစိုက်ရပါတယ်။ အရိုးတွေလည်းလွယ်လွယ်ကျိုးနိုင်လို့ပါ။ ကျိုးပြီးတဲ့အခါပြန်ဆက်ဖို့လဲမလွယ်တော့ဘဲ အိပ်ယာပေါ်မှာပဲအမြဲနေနေရတာလည်း ဖြစ်တတ်လို့ပါ။ သတိပြုဆင်ခြင်နိုင်ကြပါစေ။
Author : Dr. CST
