ဒီတစ်ခါတော့ မမတွေအလှည့်မဟုတ်တော့ပါဘူးနော်။ ကိုကိုတွေအတွက် လာပါပြီ။
ခုလိုတိုးတက်တဲ့ခေတ်ကြီးမှာ အမျိုးသားတွေရဲ့ တစ်ကိုယ်ရည်သန့်ရှင်းမှု၊ အသားရည်ကောင်းမွန်မှုနဲ့ Fashion ကျနမှု ၊ smart ကျမှု ကလည်း အများကြီး နေရာယူလာပါတယ်။ အမြင်သစ်တွေ ပွင့်လင်းလာတာနဲ့အမျှ ပိုမိုကောင်းမွန်သပ်ရပ်တဲ့ အသွင်အပြင်ကို လက်ခံလာကြတယ်။ လိုချင်လာကြပါတယ်။ အဲ့အတွက် ဒီဆောင်းပါးလေးက အမျိုးသားတွေကို အကူအညီပေးနိုင်မှာပါ။
အဲ့တော့ မိမိကိုယ်မိမိ new version နဲ့ မြင်ချင်တဲ့ အမျိုးသားများအတွက် နေ့စဉ် Skincare Steps များ ကို ဝေမျှပေးလိုက်ပါတယ်နော်။
၁။ အမျိုးသားတွေက ပင်ကိုသဘာဝအရကို အဆီနဲ့အညစ်အကြေးပိုထွက်ပြီး ချွေးပေါက်တွေထဲမှာပါ နက်ရိုင်းစွာ ရှိနေတတ်တာကြောင့် မျက်နှာသစ်ဆေးကောင်းကောင်းလေး တစ်ခုလိုအပ်ပါတယ် ။ အမြှုပ်များများထွက်ပြီး အညစ်အကြေးတွေ အားလုံးကို သေချာသန့်စင်ပေးနိုင်တဲ့ Facial Foam ကိုရွေးချယ်သင့်ပါတယ်။ Activated Carbon, Activated charcoal နဲ့ ရွှံ့ဆေးကနေထုတ်တဲ့ မျက်နှာသစ်ဆပ်ပြာ တွေက အညစ်အကြေးစုပ်ယူမှု အားကောင်းပြီး အမျိုးသားအများစုနဲ့သင့်တော်မှုရှိပါတယ်ရှင်။ ဆပ်ပြာတုံးတွေ ကိုယ်တိုက်ဆပ်ပြာတွေနဲ့ မျက်နှာသစ်တာကိုတော့ လုံးဝရှောင်ရပါမယ်။
၂။ အမျိုးသမီးတွေအတွက် basic skincare steps က တိုနာလိုပေမယ့် အမျိုးသားတွေအတွက်ကတော့ တိုနာသုံးတာထက် After shave ကောင်းကောင်းရွေးသုံးပေးတာ ပိုကောင်းပါတယ် ။ အခုနောက်ဆုံး update ဖြစ်တဲ့ brand တွေမှာ after shave တွေကတစ်ခါတည်း toner effect ကိုပါ ပေါင်းပေးထားတာကြောင့် အဲ့လို product မျိုးကို ရွေးသုံးပေးသင့်ပါတယ်။
၃။ နောက် step ကတော့ Skin Moisturizer သုံးဖို့ပါ။ အမျိုးသားတွေအနေနဲ့က မျက်နှာအသားရည်က ပူလည်းပူတတ်တယ်၊ Cream တွေ နို့ရည်တွေလိမ်းပြီးရင်လည်း စေးကပ်ကပ် ဖြစ်တာကို မကြိုက်ကြတာရယ်၊step တစ်ဆင့်ပြီးတစ်ဆင့် လိမ်းနေရတာကို စိတ်မရှည်တာ ကရိကထများတဲ့ဒဏ်ကို မခံနိုင်တာမို့ Toner > Moisture နဲ့တစ်ခြားလိုအပ်တာလေးတွေ ၂ ခု ၃ ခုရောပေးထားတဲ့ All in one product တွေကို ရွေးသုံးပေးသင့်ပါတယ်။
၄။ နောက်အမျိုးသားတွေ မေ့လေ့ရှိတာက sun care ပါ။ sun care ကိုလည်း သီးသန့်မလုပ်ချင်ရင် sun care ပါပါတဲ့ all in one product တွေ စျေးကွက်ထဲမှာ ဝယ်ယူလို့ရပါတယ်။
၅။ နောက်တစ်ချက်က တစ်ကိုယ်ရည်သန့်ရှင်းရေးပါ။ အမျိုးသားတွေမှာ အမျိုးသမီးတွေလောက် အလှပြင်စရာမလိုပေမယ့် တစ်ကိုယ်ရည်သန့်ရှင်းရေးကတော့ ဘယ်အမျိုးသားမဆိုဂရုစိုက်စရာလိုပါတယ်။ ဗောက်ကင်းတဲ့ သန့်ရှင်းတဲ့ ဦးရေပြားနဲ့ဆံပင်၊ အဆီတဝင်းဝင်း မဟုတ်တဲ့ မျက်နှာအသားအရေ၊ ချွေးနံ့ခန္ဓာကိုယ်ချေးညှော်ကင်းပြီး ခြေသည်းလက်သည်း သန့်ရှင်းမှုစတဲ့အားလုံးဟာ တစ်ကိုယ်ရည်သန့်ရှင်းရေးပါပဲ ။ ဒါတွေကိုဂရုစိုက်သန့်ရှင်းအောင်နေလို့ လှချင်စိတ်ဖြစ်တာမဟုတ်ဘူးဆိုတာလည်း အမျိုးသားအားလုံးကို သိစေချင်ပါတယ်။
ကဲဒီလောက်ဆိုရင် ကိုယ့်ကိုယ်ကို ဂရုလည်းစိုက်ချင်တယ်။ ဘယ်ကစပြီး ဘယ်လို ဂရုစိုက်ရမလဲ မသိတဲ့ အမျိုးသားတွေအတွက် ဒီဆောင်းပါးလေးက အကူညီပေးမယ်လို့ ယုံကြည်ပါတယ်။
Author: Scarlette (ဆေး၁)
