ကိုယ်ဝန်ဆောင်စဉ် ကိုယ်အလေးချိန် ဘယ်လောက်ရှိရမယ်

ကိုယ်ဝန်ဆောင်စဉ် ကိုယ်အလေးချိန် ဘယ်လောက်ရှိသင့်တယ်

ဆိုတာ မိခင်လောင်းတို့ သိချင်ကြမှာပါ ။ဗိုက်အပ်တဲ့အခါ ပေါင်ချိန်တွေတိုင်း ၊

အရပ်တွေတိုင်း ပါတယ် ။ဗိုက်အပ်တာ သွားပြတိုင်း ပေါင်ချိန်ရပါတယ် ။ဘာလို့

အရပ်တိုင်း ၊ပေါင်ချိန်ရမှန်း တော်တော်များများ မသိဘူးထင်ပါတယ် ။

ကိုယ်ဝန်ဆောင်စဉ် ကိုယ်အလေးချိန် ဘယ်လောက်ရှိသင့်တယ်ဆို

တာ ကိုယ်ဝန်မဆောင်ခင် BMI နဲ့လည်း ခန့်မှန်း ပြောလို့ရတယ် ။BMI ဆိုတာ

ကိုယ်ဝန်မဆောင်ခင် ကိုယ်အလေးချိန်(ကီလိုဂရမ်) ကို အရပ်(မီတာ)နှစ်ထပ်ကိန်း

နဲ့စားတာပါ ။

ကိုယ်ဝန်ဆောင်တဲ့အခါ

BMI-18.5-24.9 အတွင်းရှိရင် 11-16 kg

BMI-18.5 အောက်နည်းရင်    12-18 kg

BMI-25-29.9 အတွင်းရှိရင်      7-11 kg

BMI-30        အထက်ရှိရင်      5-10 kg တိုးသင့်တယ် ။

BMI မသိရင်လည်း အကြမ်းဖျင်းအားဖြင့် ကိုယ်ဝန် ပထမ ၃လမှာ

0.5-2 kg တိုးသင့်တယ် ။ထိုနောက်ပိုင်း မမွေးခင်အထိ တစ်လကို 2 kg ပုံမှန်တိုး

သင့်တယ် ။

ကိုယ်ဝန်ဆောင်စဉ် ဘာလို့ ကိုယ်အလေးချိန်တိုးလာရလဲဆိုရင်

မိခင်ရဲ့ အာဟာရများ ၊တိုးပွားလာတဲ့ ရေမွှာရေများ ၊သွေးများ ၊ကြီးထွားလာတဲ့

သန္ဓေသား ၊ကြီးထွားလာတဲ့ သားအိမ် ၊ကြီးထွားလာတဲ့ အချင်း ၊တိုးလာသော

နို့ရည် တို့ကြောင့်ပဲ ဖြစ်ပါတယ် ။

လိုတာထက် ကိုယ်အလေးချိန်နည်းနေရင် အာဟာရပြည့်ဝစွာ

စားပါ ။လုံလောက်စွာ အနားယူပါ ။လိုတာထက် ကိုယ်အလေးချိန်များနေရင်

အဆီဓာတ် ၊အချိုဓာတ်တွေ လျော့စားပါ ။ကိုယ်လက်လှုပ်ရှားမှု များများလုပ်

ပါ ။

Author: ခေတ်သစ် ဇီဝက