ကိုယ့်အားကိုယ်ကိုးတတ်တဲ့ ကလေးတစ်ယောက်ဖြစ်ဖို့

က​လေး​တွေ အရွယ်​ရောက်လာတဲ့အခါ…

အ​တွေးအ​​ခေါ် အသိဉာဏ် ရင့်ကျက်တာ၊ ကိုယ့်အားကိုယ်ကိုးတတ်တာ၊ ပြဿနာတွေ​​ဖြေရှင်းတတ်တာ၊ တာဝန်ယူတတ်တာ၊ ဒါမျိုး​တွေဟာ က​လေး ငယ်စဉ်က ပြုစုပျိုး​ထောင်ခံရတာတွေ​နဲ့ အများကြီး သက်ဆိုင်ပါတယ်​နော်။ အများအားဖြင့်​တော့ က​လေး​တွေကို ထိန်းသိမ်း​စောင့်​ရှောက်ရာမှာ အ​ရှေ့တိုင်းသားတွေနဲ့ အ​နောက်တိုင်းသား​တွေ အပြုအမူကွာခြားကြသလို၊ ​ခေတ်မီတဲ့ မိဘ​တွေနဲ့ ​ရှေးရိုးဆန်တဲ့ မိဘ​တွေ​ကြောင့်လည်း က​လေး​တွေ ကြီးပြင်းလာရပုံချင်း ကွာခြားကြပါတယ်။

ဘယ်အရာမဆို က​လေးကို ကိုယ်တိုင်လုပ်ခွင့်မ​ပေးဘဲ ​​မိသားစုက လိုက်ကူညီ​ပေး​နေမယ်ဆိုရင် က​လေးကြီးလာတဲ့အခါ ကိုယ်တိုင်မလုပ်ကိုင်ရဲတာမျိုး၊ မိသားစုက အနားမှာမရှိရင် မ​နေ​တတ်​တော့တာမျိုး ဖြစ်လာနိုင်ပါတယ်​။

​ဒီလိုမျိုး မေ​မေတို့ ကိုယ့်က​လေး​တွေအ​ပေါ်မှာ အရမ်းကာကွယ်​ပေးချင်တာ၊ ဂရုစိုက်မှုလွန်ကဲတာ​တွေရှိရင်…

▪ က​လေး​တွေက တစ်ခုခုဖြစ်ရင် အရမ်းဂရုစိုက်ခံချင်လာတတ်ပါတယ်။ နည်းနည်း​လောက် ထိခိုက်မိရင်ကို သူ့ကိုသတိမထားမိမချင်း အ​တောမသတ်​အောင် ငို​နေတတ်လာတာပါ။

▪ ဘာပဲလုပ်လုပ် ​မေ​မေလုပ်​ပေးဆိုပြီး မှီခိုလာတတ်ကြပါတယ်။ အဝတ်အစားလဲတာ၊ အစာစားတာ၊ တစ်ခုခု​ပျောက်လို့ရှာတာ၊ သူတို့လုပ်ချင်တာ​လေး​တွေအ​ပေါ်မှာ​​​ပေါ့။

▪ က​လေး​တွေငယ်တုန်းမှာ​တော့ ဒီလိုလိုက်လုပ်​ပေးရတာ အပန်းမကြီး​ပေမယ့်… အသက်ကြီးလာရင် ပုံမှန်ရွယ်တူ​ ကလေး​တွေ​လောက် ဘာမှမလုပ်တတ်၊ မကိုင်​တတ်ဖြစ်​နေပါလိမ့်မယ်။

▪ သူစိမ်းတွေကြား မ​နေတတ်တာ၊ ​​မေ​​မေ့ကိုပဲ ဖက်တွယ်​နေတာ၊ ကျောင်းသွားရင် ​မေ​မေမရှိလို့ ငို​နေတာမျိုး၊ ဒီလိုမျိုး​လေး​တွေလည်း ဖြစ်တတ်ပါတယ်။

▪ ဒါ့အပြင် အရွယ်​ရောက်လာတဲ့အထိ ဘယ်မှမသွားရဲ၊ မလာရဲ၊ မစဉ်းစား၊ မဆုံးဖြတ်ရဲ၊ မစွန့်စားရဲတော့တာတွေလည်း ရှိတတ်ပါတယ်။

ဒါ​ပေမဲ့ က​လေးအ​ပေါ် လုံ​လောက်တဲ့ ဂရုစိုက်မှု​တွေမ​ပေးတာ၊ မချစ်​ပေးတာ၊ အတူမရှိ​နေနိုင်တာ​တွေ များလာရင်လည်း…

• က​လေးမှာ စိတ်ထိခိုက်မှု​တွေ ရှိလာနိုင်ပါတယ်။
• သိမ်ငယ်စိတ်​တွေဝင်လာတာ၊ အချစ်ခံရတာကို ​တောင့်တတာ၊ အထီးကျန်တာ၊ သူများ​တွေကို အားကျတာ
• ဒါ့အပြင် အရွဲ့တိုက်ချင်စိတ်​တွေ၊ သူများကို အနိုင်ကျင့်ချင်တာ၊ လိမ်ညာပြီး လူ​တွေရဲ့ ဂရုစိုက်မှု၊ စိတ်ဝင်စားမှု​တွေရ​အောင် လုပ်တာ​တွေအထိပါ ဖြစ်လာနိုင်ပါတယ်​နော်။

ဒါ့​ကြောင့် ​မေ​မေတို့ က​လေးကို ဂရုစိုက်တာ၊ ချစ်​ပေးတာ၊ တိုင်ပင်​ဖော်အဖြစ်လည်း ​နေ​ပေးသင့်သလို… ကြီးလာတဲ့အခါ ကိုယ့်အားကိုယ်ကိုးတတ်ဖို့အတွက်လည်း က​လေးငယ်စဉ်တည်းက ​လေ့ကျင့်သင်ကြား​ပေးသင့်ပါတယ်။

ဘယ်​လို​လေး​တွေ စပြီးသင်​ပေးရမလဲဆိုရင်…

▪ က​လေး​တွေရဲ့ ကြိုးစားအားထုတ်မှုရလဒ်​အ​ပေါ်မှာ ချီးကျူးပေးပါ။

ဒီလို ​မေ​မေတို့ရဲ့ ချီးကျူးတာကို ခံရတဲ့အတွက် က​လေးမှာ ကြိုးစားချင်စိတ်​တွေ ​ပေါ်လာမှာပါ။

▪ ဘာမဆို ကိုယ့်ဘာသာလုပ်နိုင်​အောင် သင်​ပေးပါ။

က​လေးရဲ့ အသက်အရွယ်​ပေါ်လိုက်ပြီး နည်းနည်းစီ သင်​ပေးရမှာပါ​နော်။

▪ ကိုယ့်ဘာသာ အစာစားတတ်​အောင် ​လေ့ကျင့်​ပေးပါ။

• မေ​မေတို့ က​လေးကို အမြဲခွံ့ကျွေးရင် အကျင့်ပါပြီး က​လေးက ကိုယ့်ဘာသာမစားတတ်​​တော့ပါဘူး။
• ဒါ့​အပြင် အစာစားဖို့ စိတ်ဝင်စား​အောင် က​လေးကြိုက်မယ့်အစားအစာ​တွေကို အရုပ်​ပုံ​လေး​ဖော်ထား​တာမျိုး လုပ်​ပေးသင့်ပါတယ်။

▪ အင်္ကျီ၊ ​ဘောင်းဘီ ဝတ်တတ်​အောင် သင်​ပေးရပါမယ်။

အဝတ်ဝတ်တာ၊ ချွတ်တာကို က​လေးဘာသာလုပ်ခိုင်းကြည့်ပါ။ ပြီးရင် ​တော်​ကြောင်း ချီးကျူးပြီး က​လေးကို ဆုချတဲ့အ​နေနဲ့ သူ့ကို အနမ်း​ပေးတာ၊ သူကြိုက်တဲ့မုန့်​ ကျွေးတာမျိုးလုပ်​ပေးပါ။

▪ ပြီးရင် ​နောက်တစ်ဆင့် ကြယ်သီး​လေး​တွေ တပ်တတ်​အောင် သင်​ပေးရပါမယ်။

ဒါက က​လေးရဲ့ လက်​ချောင်း​လေး​တွေ အလုပ်လုပ်တာကို တိုးတက်​စေပါတယ်။

▪ ဒါ့အပြင် သန့်သန့်ရှင်းရှင်း​နေတတ်​အောင်လည်း သင်​ပေးရပါမယ်။

•  ဆော့ပြီးရင် အရုပ်​လေး​တွေ ပြန်သိမ်းတတ်​အောင်
• မျက်နှာသစ်၊ သွားတိုက်တတ်​အောင်
• အစာစားပြီးရင် လက်​ဆေးတာ၊ ပလုတ်ကျင်းတာ အကျင့်ပါ​အောင်
• စားပြီးတဲ့ ပန်းကန်​လေး​တွေ ကူသိမ်း​ပေးတတ်​အောင်
• အိမ်သန့်ရှင်း​ရေး ကူလုပ်တတ်​အောင်
• အဝတ်​​တွေ​ခေါက်တတ်​အောင်

▪​ မေ​မေတို့ စဉ်းစားမိသ​လောက် က​လေးအန္တရာယ်ဖြစ်နိုင်တာ​တွေကလွဲပြီး ကျန်တာ​လေး​တွေ လုပ်တတ်​အောင်၊ မိသားစုကို ကူညီနိုင်​အောင် သင်​ပေးသင့်ပါတယ်​နော်။ပြီး​တော့ ကိုယ့်အားကိုယ်ကိုးတတ်ရုံမကဘဲ တာဝန်ယူတတ်တဲ့စိတ်ပါရ​အောင် သွန်သင်​ပေးရမှာပါ​နော်။

▪ တစ်ခုခုအမှားလုပ်မိရင် (​ဥပမာ- အရုပ်ပျက်စီးသွားတာ၊ ​ရေခွက်ကွဲသွားတာ) အပြစ်ဝန်ခံတတ်​အောင်..

• မေ​မေတို့အ​နေနဲ့ က​လေးကို မဆူပါနဲ့။
• ဘယ်လိုဖြစ်သွားလည်းဆိုတာ က​လေးကို​ပြောပြခိုင်းပြီး နား​ထောင်​ပေးပါ။
• ပြီးရင် အမှားကို ဝန်ခံတတ်​အောင် သင်​ပေးပါ။

▪ သူများပစ္စည်းယူတာ၊ သူများကိုအနိုင်ကျင့်တာ​တွေက မ​ကောင်းဘူးဆိုတာလည်း သိ​အောင်​ပြောပြရပါမယ်။

▪ မိဘ၊ ​မောင်နှမချင်း ကူညီတတ်အောင်၊ ချစ်ချစ်ခင်ခင်​နေတတ်​အောင်၊ အနိုင်ကျင့်တာ၊ ဗိုလ်ကျတာမျိုး မရှိရ​အောင်​လည်း သင်​ပေးရမှာပါ​နော်။မေ​​မေတို့အ​နေနဲ့ က​လေး​တွေအ​ပေါ်မှာ မျှမျှတတဆက်ဆံပြီး ဂရုစိုက်​ပေးရပါမယ်​။

▪ ကတိ​ပေးထားတဲ့ အလုပ်ကို ပြီး​မြောက်​အောင် လုပ်တတ်ဖို့လည်း သင်​ပေးရမှာပါ​နော်။ က​လေးနားလည်မယ့်စကားလုံး​လေး​တွေ​ရွေးပြီး ​ပြောပြလို့ရပါတယ်။

ဒီလို​လေး​တွေ က​လေးအသက်အရွယ်အလိုက် သင်​ထား​ပေးရင် ကြီးလာတဲ့အခါ…

မိသားစုက အားကိုးရတဲ့၊ ကိုယ့်အားကိုယ်ကိုးတတ်တဲ့၊ ဘာမဆိုလုပ်ကိုင်တတ်ပြီး ကိုယ့်ကိုကိုယ်ယုံကြည်မှုရှိတဲ့၊ ​ကောင်းမွန်တဲ့ အမူအကျင့်​တွေရှိတဲ့သူ​လေး​တွေ ဖြစ်လာမှာပါ​​နော်။

Author: ပိုင်/π (​ဆေး ၁)