fbpx

Download OnDoctor App on Google Play

Myanmar (Covid-19 Stats)

😷 357 Total Cases
😥 6 Deaths
😇 305 Recovered

Malted milk အစွမ်း အံ့မခမ်း

(Zawgyi)

Malted milk အစြမ္း အံ့မခမ္း

ယခုေခတ္လူအမ်ားစုသည္ စားဝတ္ေနေရးအတြက္ လႈပ္ရွား႐ုန္းကန္ေနၾကရပါတယ္။ေရာဂါဘယ ကင္းစင္ၿပီး က်န္းမာေသာဘဝရရွိရန္ အလြန္အေရးႀကီးပါတယ္။ ေန႔စဥ္လႈပ္ရွား႐ုန္းကန္ႏိုင္ရန္ က်န္းမာေရးသည္ လြန္စြာအေရးႀကီးေသာ ကိစၥတစ္ရပ္ပင္ ျဖစ္ပါတယ္။ ေန႔စဥ္ရင္ဆိုင္ေနရေသာ ျပႆနာေပါင္းစုံေျဖရွင္းႏိုင္ရန္ မိမိရဲ႕က်န္းမာေရး ေဒါင္ေဒါင္ျမည္ေကာင္းမြန္ရန္ အထူးလိုအပ္ပါတယ္။

မိမိကိုယ္တိုင္ေသာ္လည္းေကာင္း၊ မိမိရဲ႕ မိသားစုဝင္တေယာက္ေယာက္ေသာ္လည္းေကာင္းက်န္းမာေရးခ်ိဳ႕တဲ့ပါက စီးပြားေရး၊ လူမႈေရးျပႆနာေပါင္းစုံ ဝင္ေရာက္လာႏိုင္ပါတယ္။ထို႔ေၾကာင့္ က်န္းမာျခင္းသည္ လာဘ္တစ္ပါးလို႔ ဆိုၾကရပါတယ္။

က်န္းမာေအာင္ ေနထိုင္ၾကပါစို႔ဟုဆိုလွ်င္ က်န္းမာစြာစားေသာက္မႈက အထူးအေရးႀကီးပါတယ္။ အဓိက မိမိကိုယ္ခႏၶာအတြက္ လိုအပ္ေသာ အစာအုပ္စု(၃) အုပ္စုကို အေျခခံထားစားေသာက္ေပးရန္ လိုအပ္ပါတယ္။
(၁)ကာဗြန္ဟိုက္ဒရိတ္ ျပည့္ဝေသာ အစားအစာ
(၂)ပ႐ိုတင္း-အသားဓာတ္
(၃)အဆီဓာတ္

မည္သည့္အစာအစားေတြ စားရမလဲ?
လတ္ဆတ္ေသာ အသီးအႏွံမ်ား၊ အမွ်င္ဓာတ္ပါေသာ အစာအစားမ်ား၊ အသား/ငါး၊ ဥအမ်ိဳးမ်ိဳး၊ ႏို႔ႏွင့္ႏို႔ထြက္ပစၥည္းမ်ား ေန႔စဥ္စားေသာက္မႈတြင္ ပါဝင္ေအာင္ ဂ႐ုတစိုက္ စားသုံးေပးပါ။

ထို႔ေၾကာင့္ သင့္ရဲ႕တေန႔တာအတြက္ နံနက္စာအျဖစ္ ႏို႔တစ္ခြက္ ေသာက္သုံးျခင္းျဖင့္ စတင္ၾကည့္ပါ။ သို႔ေသာ္ လူအမ်ားစုသည္ ႏို႔ေသာက္ရန္ ျငင္းပယ္တတ္ၾကပါတယ္။ ႏို႔ရဲ႕အနံ႔ႏွင့္အရသာကို မႀကိဳက္သူမ်ားအတြက္ သင့္ေလ်ာ္ေသာ Malted Milk ကို ေ႐ြးခ်ယ္ေသာက္သုံးလို႔ ရပါတယ္။ ထို malted milk တြင္ ႏြားႏို႔အရသာအျပင္ အျခားေသာ ေဖ်ာ္ရည္မ်ားေဖ်ာ္စပ္ရာတြင္လည္း ထူးျခားေကာင္းမြန္ေသာ အရသာကို ေပးစြမ္းႏိုင္ပါတယ္။

(1)နာလန္ထစ လူနာမ်ားအတြက္ ကိုယ္ခႏၶာ ျပန္လည္က်န္းမာေစရန္ အားအင္အျမန္ျပည့္ေစရန္ အေထာက္အကူ ျပဳေစပါတယ္။ ေသာက္သုံးရန္ လြယ္ကူေသာေၾကာင့္ နာလန္ထစလူနာမ်ား သင့္ေလ်ာ္ပါတယ္။
(2)ကိုယ္ခႏၶာ က်န္းမာဖြံ႕ၿဖိဳးရန္ အဓိကလိုအပ္ေသာ အသားဓာတ္ကို malted milk ေသာက္ျခင္းျဖင့္ ရရွိေစေသာေၾကာင့္ အသားမစားေသာ အသီးအ႐ြက္ႀကိဳက္သူမ်ားအတြက္ အထူးသင့္ေလ်ာ္ပါတယ္။
(3)အ႐ိုးမ်ား သန္မာေစရန္ လိုအပ္ေသာ ဗီတာမင္ဒီ၊ သတၱဳဓာတ္မ်ား၊ ကယ္လ္စီယမ္၊ မက္ဂနီစီယမ္ႏွင့္ ေဖာ့စဖိတ္ဓာတ္ မ်ားလည္း malted milk တြင္ပါဝင္ပါတယ္။
(4)ကိုယ္ခႏၶာအတြက္ အေရးႀကီးေသာ vit ဘီအုပ္စုကိုလည္း malted milk ေသာက္ျခင္းျဖင့္ရရွိေစပါတယ္။
(5)အသားအေရ လွပေစရန္ႏွင့္ အျမင္အာ႐ုံ ေကာင္းမြန္ေစရန္ လိုအပ္ေသာ vit ဘီ တူးကိုလည္းMalted milk ေသာက္လွ်င္ ရရွိေသာေၾကာင့္ အမ်ိဳးသမီးမ်ားအတြက္ သင့္ေတာ္ပါတယ္။
(6)ႂကြက္သားႏွင့္ အာ႐ုံေၾကာအတြက္ လိုအပ္ေသာ ပိုတက္စီယမ္ဓာတ္ကို malted milk ေသာက္လွ်င္ ရရွိေသာေၾကာင့္ ကာယလုပ္သားမ်ားအတြက္ သင့္ေတာ္ပါတယ္။
(7)Malted milk တြင္ သံဓာတ္ျပည့္ဝစြာ ပါဝင္ေသာေၾကာင့္ ေသြးအားေကာင္းေစၿပီး ေန႔စဥ္လႈပ္ရွားမူတိုင္းကို အားျပည့္ေစပါတယ္။
(8)အစားအေသာက္ပ်က္ေသာ ကိုယ္ဝန္ေဆာင္မ်ားႏွင့္ သက္ႀကီး႐ြယ္အိုမ်ားအတြက္လုံေလာက္ေသာ အာဟာရဓာတ္မ်ားရရွိကာ ႏွစ္ၿခိဳက္စြာ အိပ္ေပ်ာ္ေစပါတယ္။

က်န္းမာေသာ ေနထိုင္စားေသာက္မႈစနစ္ကို ရရွိႏိုင္ရန္ သင့္ရဲ႕တေန႔တာကို Malted milk တစ္ခြက္ေသာက္သုံးျခင္းျဖင့္ စတင္အေကာင္ထည္ေဖာ္လိုက္ပါ။

Author : Dr. ျပည့္ရွင္း

(Unicode)

Malted milk အစွမ်း အံ့မခမ်း

ယခုခေတ်လူအများစုသည် စားဝတ်နေရေးအတွက် လှုပ်ရှားရုန်းကန်နေကြရပါတယ်။ရောဂါဘယ ကင်းစင်ပြီး ကျန်းမာသောဘဝရရှိရန် အလွန်အရေးကြီးပါတယ်။ နေ့စဉ်လှုပ်ရှားရုန်းကန်နိုင်ရန် ကျန်းမာရေးသည် လွန်စွာအရေးကြီးသော ကိစ္စတစ်ရပ်ပင် ဖြစ်ပါတယ်။ နေ့စဉ်ရင်ဆိုင်နေရသော ပြဿနာပေါင်းစုံဖြေရှင်းနိုင်ရန် မိမိရဲ့ကျန်းမာရေး ဒေါင်ဒေါင်မြည်ကောင်းမွန်ရန် အထူးလိုအပ်ပါတယ်။

မိမိကိုယ်တိုင်သော်လည်းကောင်း၊ မိမိရဲ့ မိသားစုဝင်တယောက်ယောက်သော်လည်းကောင်းကျန်းမာရေးချို့တဲ့ပါက စီးပွားရေး၊ လူမှုရေးပြဿနာပေါင်းစုံ ဝင်ရောက်လာနိုင်ပါတယ်။ထို့ကြောင့် ကျန်းမာခြင်းသည် လာဘ်တစ်ပါးလို့ ဆိုကြရပါတယ်။

ကျန်းမာအောင် နေထိုင်ကြပါစို့ဟုဆိုလျှင် ကျန်းမာစွာစားသောက်မှုက အထူးအရေးကြီးပါတယ်။ အဓိက မိမိကိုယ်ခန္ဓာအတွက် လိုအပ်သော အစာအုပ်စု(၃) အုပ်စုကို အခြေခံထားစားသောက်ပေးရန် လိုအပ်ပါတယ်။
(၁)ကာဗွန်ဟိုက်ဒရိတ် ပြည့်ဝသော အစားအစာ
(၂)ပရိုတင်း-အသားဓာတ်
(၃)အဆီဓာတ်

မည်သည့်အစာအစားတွေ စားရမလဲ?
လတ်ဆတ်သော အသီးအနှံများ၊ အမျှင်ဓာတ်ပါသော အစာအစားများ၊ အသား/ငါး၊ ဥအမျိုးမျိုး၊ နို့နှင့်နို့ထွက်ပစ္စည်းများ နေ့စဉ်စားသောက်မှုတွင် ပါဝင်အောင် ဂရုတစိုက် စားသုံးပေးပါ။

ထို့ကြောင့် သင့်ရဲ့တနေ့တာအတွက် နံနက်စာအဖြစ် နို့တစ်ခွက် သောက်သုံးခြင်းဖြင့် စတင်ကြည့်ပါ။ သို့သော် လူအများစုသည် နို့သောက်ရန် ငြင်းပယ်တတ်ကြပါတယ်။ နို့ရဲ့အနံ့နှင့်အရသာကို မကြိုက်သူများအတွက် သင့်လျော်သော Malted Milk ကို ရွေးချယ်သောက်သုံးလို့ ရပါတယ်။ ထို malted milk တွင် နွားနို့အရသာအပြင် အခြားသော ဖျော်ရည်များဖျော်စပ်ရာတွင်လည်း ထူးခြားကောင်းမွန်သော အရသာကို ပေးစွမ်းနိုင်ပါတယ်။

(1)နာလန်ထစ လူနာများအတွက် ကိုယ်ခန္ဓာ ပြန်လည်ကျန်းမာစေရန် အားအင်အမြန်ပြည့်စေရန် အထောက်အကူ ပြုစေပါတယ်။ သောက်သုံးရန် လွယ်ကူသောကြောင့် နာလန်ထစလူနာများ သင့်လျော်ပါတယ်။
(2)ကိုယ်ခန္ဓာ ကျန်းမာဖွံ့ဖြိုးရန် အဓိကလိုအပ်သော အသားဓာတ်ကို malted milk သောက်ခြင်းဖြင့် ရရှိစေသောကြောင့် အသားမစားသော အသီးအရွက်ကြိုက်သူများအတွက် အထူးသင့်လျော်ပါတယ်။
(3)အရိုးများ သန်မာစေရန် လိုအပ်သော ဗီတာမင်ဒီ၊ သတ္တုဓာတ်များ၊ ကယ်လ်စီယမ်၊ မက်ဂနီစီယမ်နှင့် ဖော့စဖိတ်ဓာတ် များလည်း malted milk တွင်ပါဝင်ပါတယ်။
(4)ကိုယ်ခန္ဓာအတွက် အရေးကြီးသော vit ဘီအုပ်စုကိုလည်း malted milk သောက်ခြင်းဖြင့်ရရှိစေပါတယ်။
(5)အသားအရေ လှပစေရန်နှင့် အမြင်အာရုံ ကောင်းမွန်စေရန် လိုအပ်သော vit ဘီ တူးကိုလည်းMalted milk သောက်လျှင် ရရှိသောကြောင့် အမျိုးသမီးများအတွက် သင့်တော်ပါတယ်။
(6)ကြွက်သားနှင့် အာရုံကြောအတွက် လိုအပ်သော ပိုတက်စီယမ်ဓာတ်ကို malted milk သောက်လျှင် ရရှိသောကြောင့် ကာယလုပ်သားများအတွက် သင့်တော်ပါတယ်။
(7)Malted milk တွင် သံဓာတ်ပြည့်ဝစွာ ပါဝင်သောကြောင့် သွေးအားကောင်းစေပြီး နေ့စဉ်လှုပ်ရှားမူတိုင်းကို အားပြည့်စေပါတယ်။
(8)အစားအသောက်ပျက်သော ကိုယ်ဝန်ဆောင်များနှင့် သက်ကြီးရွယ်အိုများအတွက်လုံလောက်သော အာဟာရဓာတ်များရရှိကာ နှစ်ခြိုက်စွာ အိပ်ပျော်စေပါတယ်။

ကျန်းမာသော နေထိုင်စားသောက်မှုစနစ်ကို ရရှိနိုင်ရန် သင့်ရဲ့တနေ့တာကို Malted milk တစ်ခွက်သောက်သုံးခြင်းဖြင့် စတင်အကောင်ထည်ဖော်လိုက်ပါ။

Author : Dr. ပြည့်ရှင်း

ဆက်စပ် ဆောင်းပါးများ