fbpx

Download OnDoctor App on Google Play

Myanmar (Covid-19 Stats)

😷 12,425 Total Cases
😥 284 Deaths
😇 3,391 Recovered

ပါးစပ်ခါးခြင်း

ပါးစပ်ခါးခြင်း

ပါးစပ်ထဲခါးသပ်သပ်နဲ့ ဘယ်လိုကြီးမှန်း မသိပါဘူးဆိုသော ခံရခက်တဲ့ဝေဒနာတစ်ခုကို ခံစားရဖူးပါသလား။ ခါးသောအရသာရှိတဲ့ အစားအသောက်ကို စားသောက်၍ ခါးလျှင်ပြဿနာမရှိပေမယ့် အဆိုပါ ခါးစေသော အစားအသောက်များမစားသောက်ပဲ အမြဲပါးစပ်ထဲ ခါးသပ်နေခဲ့လျှင် ပုံမှန်မဟုတ်ဘဲ ရောဂါအခြေအနေတစ်ခုခုကြောင့်ဖြစ်နိုင်တယ်ဟု ဆိုလိုနိုင်ပါတယ်။

(1) ဖြစ်စေနိုင်သောအကြောင်းရင်းများ

ပါးစပ်ခါးခြင်းသည် ကြီးမားသော ပြဿနာတစ်ရပ်ဟု ဆိုနိုင်ဖွယ်မဟုတ်ပေမယ့် နေ့စဉ်လူပ်ရှားမှုကို စိတ်အနှောက်အယှက်ဖြစ်စေပြီး အစားအသောက်အရသာ ပျက်စေပါတယ်။

– ပါးစပ်ပူရောဂါ

ပါးစပ်တခုလုံးဖြစ်စေ တစ်စိတ်တပိုင်းဖြစ်စေ နာကျင်ပူစပ်ပါက ပါးစပ်ခြောက်သွေ့ပြီး ခါးသပ်သပ်အရသာကို ခံစားရနိုင်ပါတယ်။ အမျိုးသား၊ အမျိုးသမီးရော ဖြစ်နိုင်ပြီး အမျိုးသမီးများသည် သွေးဆုံးခါနီးနှင့် သွေးဆုံးပြီးစအချိန်တွေမှာ ခံစားရနိုင်ပါတယ်။ ဆီးချို၊ ကင်ဆာကုသမှုများနှင့် ဟော်မုန်းအပြောင်းအလဲများကြောင့် အာရုံကြောပျက်ဆီးကာ အဆိုပါလက္ခဏာများ ခံစားရရှိနိုင်ပါတယ်။

– ကိုယ်ဝန်ဆောင် အမျိုးသမီးများ

ကိုယ်ဝန်ဆောင်စဉ် ဟော်မုန်းအပြောင်းအလဲကြောင့် အရသာခံအဖုလေးများ ပြောင်းလဲကာ ပါးစပ်ခါးသပ်မူကို ခံစားရလေ့ရှိပါတယ်။ မွေးဖွားပီးနောက် သက်သာသွားတတ်ပါတယ်။

– အာခြောက်ခြင်း

တံထွေးထွက်ခြင်း ပျက်ဆီးပါက အာခြောက်ကာ ပါစပ်ခါးတတ်ပါတယ်။ အသက်ကြီးခြင်း၊ ဆေးဝါးများ၊ ဆေးလိပ်သောက်ခြင်းတို့ကြောင့် တံထွေးထွက်မှု ပျက်ဆီးစေပါတယ်။ ထိုအခါမျိုးတွင် အာခြောက်ကာ သွားဖုံးများ ရောင်ရမ်းလာတတ်ပါတယ်။

– အက်ဆစ်ပြန်ခြင်း

အစာမျိုပြွန်အဝ ကြွက်သားအားနည်းလျှင် အက်ဆစ်အထက်သို့ ဆန်တက်ကာ ပါးစပ်ခါးခြင်း ဖြစ်စေပါတယ်။ အခြားသော ရင်အောင့်ခြင်း၊ မျိုချရခက်ခြင်းနှင့် ချောင်းခြောက်ဆိုးခြင်းစသည်တို့ ဖြစ်နိုင်ပါတယ်။

– ဆေးဝါးများ

အချို့သောဆေးဝါးများသည် ပါးစပ်ခါးသော အရသာဖြစ်စေပါတယ်။ အချို့ပိုးသတ်ဆေးများ၊ အားဆေးများ

– ပိုးကူးစက်ခြင်း

ဖျားသောအခါ အချို့ဆဲလ်မှထွက်သော ပရိုတင်းဓာတ်သည် အရသာအဖုလေးများကို ပြောင်းလဲစေပါတယ်။ ထို့ကြောင့် အဖျားသွေးရှိသောအခါ ပါးစပ်ခါးတတ်ပါတယ်။

– ကင်ဆာကုထုံးများ

ဓာတ်ကင်ခြင်းနှင့် ဆေးသွင်းခြင်းကြောင့် အရသာအဖုပျက်ဆီးကာ ပါးစပ်ခါးသပ်တတ်ပါတယ်။

(2) သက်သာစေသောအိမ်တွင်းပြုလုပ်နည်းများ

– ရေများများသောက်ပါ
– ပီကေဝါးပါ
– သွားတိုက်ပါ

(3) ကုသနည်းများ

ဖြစ်စေသေ ာအကြောင်းရင်းပေါ်မူတည်၍ ရေရှည်ကုသမှု ခံယူရန် အရေးကြီးပါတယ်။ ဖြစ်လာပါက ရောဂါအကြောင်းရင်းကို ရှာဖွေပါ။ ဆီးချိုကြောင့်ဖြစ်ပါက ဆီးချိုကိုကုသပါ။

Dr. Pyae Shin


ဆရာဝန်ကြီးများနှင့်မေးမြန်းရာမှာ အသုံးပြုနိုင်ဖို့
အပ်ပလီကေးရှင်း ဒေါင်းလုပ် လုပ်ပြီး
လက်ဆောင် ၁၅ ပွိုင့်ပါ တခါတည်း ရယူလိုက်ပါ

ဆက်စပ် ဆောင်းပါးများ