fbpx

Download OnDoctor App on Google Play

Myanmar (Covid-19 Stats)

😷 12,425 Total Cases
😥 284 Deaths
😇 3,391 Recovered

မဖြတ်နိုင်သေးခင်  ဘယ်လိုသောက်မလဲ

မဖြတ်နိုင်သေးခင်  ဘယ်လိုသောက်မလဲ
…………………………………………

ကျနော့်လူနာ တော်တော်များများက အရက်စွဲနေကြတာဗျ
သူတို့ကို အရက်မသောက်ပါနဲ့ပြောရင် မျက်နှာလေးတွေ ငယ်သွားကြပြီး ‘ဆရာရယ် နည်းနည်းလောက်တော့ သောက်လို့မရဘူးလားဗျာ’ တဲ့။ ကဲ… ဘယ်လိုလုပ်ကြမလဲဗျာ။ မခက်ဘူးလား။

ဒီတော့ ကျနော်ဆုံးဖြတ်လိုက်တယ်။ သူတို့ကို အရက်ဖြတ်ဖို့ တိုက်တွန်းနေမယ့်အစား အရက်သောက်နည်းဘဲ ပြောပြတော့မယ်လို့။

တကယ်တန်း လေ့လာကြည့်တော့လည်း အရက်က အများကြီးသောက်ရင်သာ ဘေးဖြစ်ပေမယ့် သောက်တတ်ရင် ဆေးကောင်းဝါးကောင်းတလက်ဘဲဗျ။ တန်ဆေးလွန်ဘေးပေါ့ဗျာ။

၁) အလွန်အကျွံမသောက်ပါနဲ့
……………………………….

ယမကာလုလင်တော်တော်များများက အရက်သောက်မိပြီဆိုရင် တရားလွန်သောက်တတ်ကြတယ်။ ကိုယ့်ကိုယ်ကို မထိန်းကြတော့ဘူး။ ထမင်းလွတ်ကိုသောက်တာ။ အဲ့လောက်သောက်ပြီဆိုရင်တော့ အသည်းထိခိုက်ပြီပေါ့ဗျာ။ အသည်းဆိုတဲ့ကောင်ကလည်း အရက်အပါအဝင် ခန္ဓာကိုယ်အတွက် အဆိပ်အတောက်ဖြစ်စေတဲ့အရာ တော်တော်များများကို ချေဖျက်ဖို့အတွက် မွေးကတည်းက ပါလာတဲ့ကောင်လေဗျာ။ သူ့အလုပ်သူလုပ်တာ တားလို့မှမရဘဲ။ ကျနော်တို့ကဘက်က တတ်နိုင်တာက အရက်ကို ထိန်းသောက်တတ်ဖို့ဘဲဗျ။ ပုံမှန်ဆိုရင်တော့ နိုင်ငံတကာက သတ်မှတ်ထားတာက အရက်ကို တနေ့၄ပတ်ထက် ပိုမသောက်သင့်ဘူးတဲ့ဗျ။ ရေရှည်သောက်ကြမယ်ဆိုရင်တော့ တနေ့၂ပတ်လောက်သောက်တာ အကောင်းဆုံးပဲဗျ။ တခွက်ကို ပတ်ဝက်လောက်ငှဲ့ပြီး တနေ့၄ခွက်လောက်ဆို တော်ပြီပေါ့ဗျာ။

၂) ရေများများသောက်ပါ
………………………..

ရေမရောရင် အသေစောတယ်ဆိုတဲ့ စကားပုံရှိတယ်ဗျ။ အဲ့စကားပုံကို ကျနော်တော့ ထောက်ခံတယ်။ တခွက်မော့ပြီးတိုင်း ရေနှစ်ခွက်လောက်သောက်ဗျာ။ ဖြစ်နိုင်ရင် ရေကိုတတ်နိုင်သလောက်များများရောသောက်လေ အရက်ရဲ့အဆိပ်ကို ဖြေနိုင်လေပဲဗျ။

၃) အရက်မသောက်ခင် အစာများများစားထားပါ
…………………………………………………

တချို့ကပြောကြတယ်ဗျ။ အစာစားထားရင် အရက်သောက်လို့မရဘူး။ အံတတ်တယ်တဲ့ဗျ။ အဲ့ဒါ လုံးဝမှားတယ်ဗျ။ အရက်သောက်ပြီးအန်လေ့ရှိတဲ့လူက စားစားမစားစား အန်မှာပဲဗျ။ အရက်မသောက်ခင် အစာစားထားလိုက်ရင် အစာအိမ်က အရက်ကို သိပ်မစုပ်ယူနိုင်တော့ဘူးဗျ။ အဲ့လိုဆိုတော့ အရက်နာကျခြင်း(အရက်အဆိပ်သင့်ခြင်း)ဘေးက ကင်းဝေးနိုင်ကြတာပေါ့ဗျာ။ အရက်သောက်ရင်းနဲ့လည်း အမြည်းများများစားကြဗျ။ တချို့က အရက်ကို မရမ်းပြားလေးလောက်နဲ့မြည်းကြတယ်။ အဲ့ဒါ မကောင်ဘူးဗျ။ အမြည်းကို တတ်နိုင်သလောက် ဖွယ်ဖွယ်ရာရာလေးလုပ်ပြီး အရက်နဲ့ မြည်းကြဗျာ။

၄) အချိုရည်တွေ ရောမသောက်နဲ့
…………………………………..

တချို့က အရက်မူးတဲ့အရသာကိုကြိုက်တယ်။ အရက်ရဲ့အရသာကိုမကြိုက်ဘူး။ အဲ့တော့ အချိုရည်တွေ ရောသောက်ကြတာပေါ့ဗျာ။ အချိုရည်ရောလိုက်တော့ အူထဲရောက်သွားတဲ့အခါ အချိုရည်က အစာအိမ်ကနေတဆင့် ခန္ဓာကိုယ်ကအရည်ဓာတ်ကို စုပ်ယူလိုက်ရော။ အဲ့တော့ ခန္ဓာကိုယ် ရေဓာတ်ခမ်းခြောက်တတ်တယ်ဗျ။ နောက်တခုက အချိုရည်နဲ့ရေသောက်တော့ အရက်က သောက်လို့ကောင်းလာပြီး အလွန်အကျွံသောက်မိတတ်တယ်ဗျ။ မကောင်းဘူး။

၅) တယောက်တည်းလည်းမသောက်နဲ့ အုပ်စုနဲ့လည်းမသောက်နဲ့
……………………………………………………………..

အရက်ကို တယောက်တည်းသောက်ရင် တဖြည်းဖြည်းမူးလာတာနဲ့အမျှ ကိုယ်ဘယ်လောက်သောက်ထားမိမှန်း မသိတော့ဘဲ ကိုယ့်လစ်မစ်ကို ကျော်သောက်မိတတ်တယ်ဗျ။ အုပ်စုဖွဲ့သောက်ပြန်ရင်လည်း အပျော်လွန်ပြီး အလွန်အကျွံသောက်မိပြန်ရော။ အာ့ကြောင့် စိတ်တူကိုယ်တူ ၂ယောက်ယောက်တွဲသောက်ရင် ရပါပြီဗျာ။ အသောက်မများအောင် အပြန်အလှန် သတိပေးလို့ရတာပေါ့ဗျာ။

၆) အရက်ရွေးသောက်ကြပါ
…………………………….

ကျနော့်လူနာ တော်တော်များများကတော့ အရက်ဖြူသမားတွေဗျ။ ဇေ၊ ဇေယျဝတီ၊ ဆင်အရက် စသည်ဖြင့်ပေါ့ဗျာ သူတို့သောက်ကြတာ။ ကျနော်မြည်းကြည့်တော့လည်း အုန်းစိမ်းရည်နံ့လေးနဲ့ တော်တော်သောက်လို့ကောင်းတာဗျ။ အာ့ကြောင့် ဒီဘဲတွေ အဲ့အရက်တွေကို တမ်းတမ်းဆွဲပြီး တိုင်ပါတ်နေကြတာ။ ခက်တာက အဲ့အရက်တွေကို ဘယ်လိုထုတ်လုပ်ထားလဲမသိတာဘဲ။ သူတို့ဈေးတွေကလည်း ၁လုံးမှ ၅၀၀လောက်ဘဲ ရှိတာဗျ။ ကျနော် အရက်ချက်တတ်တဲ့သူတယောက်ကို မေးကြည့်ဖူးတယ်။ အရက်တခါရဖို့က စိမ်ရည်ကို ၇ရက်ပေါင်းပြီး ရေနဲ့အချိုဓာတ်နဲ့ရောပြီးမှ ရတာဗျ။ အဲ့လိုဆိုရင် အရက်ရောင်းတဲ့လူတွေ စီးပွားပျက်မှာ။ အာ့ကြောင့် သူတို့က ဘယ်လိုထွင်လိုက်သလဲဆိုတော့ စိမ်ရည်ထဲကို ဖော်မလင်ရောထည့်လိုက်တယ်တဲ့ဗျ။ အာ့ဆိုရင် တနေ့တည်းနဲ့ အရက်များများ ချက်လို့ရတယ်တဲ့။ မခက်ဘူးလားဗျာ။ အာ့ကြောင့် အရက်ဖြူသမားတွေ အသက်တိုတာဗျ။ အရက်ဖြူတွေက ၅၀၀။ အရောင်လေးနဲ့ Grand Royal တို့ Royal Club တို့ High Class တို့က ၂ထောင်နဲ့ ၃ထောင်ကြားလောက်။ နည်းနည်းမြှင့်လိုက်ရင် Johnnie Wolker တို့ Ballentine တို့က သောင်းဂဏန်း။ အဲ့တော့ အဖြူသောက်မယ့်အစား ပိုက်ဆံနည်းနည်းထပ်စုပြီး Brand ကောင်းတဲ့ အရက်လေးတွေကို တနေ့ ၂ပတ်နဲ့ ၄ပတ်ကြား သောက်ခြင်းဖြင့် အရက်သောက်ရင်းအသက်ရှည်ကြပါစေလို့ ဆုတောင်းပေးလိုက်ရင်း…..

အေ့…
လေပြိုလာပြီဗျာ တခွက်လောက်သွားမော့လိုက်ဦးမယ်။

လေးစားစွာဖြင့်
#ဒေါက်ပြည့်

 

ဆက်စပ် ဆောင်းပါးများ