fbpx

Download OnDoctor App on Google Play

Myanmar (Covid-19 Stats)

😷 12,425 Total Cases
😥 284 Deaths
😇 3,391 Recovered

သားအိမ်ပွ / ကြီးခြင်း

သားအိမ်ပွ / ကြီးခြင်း

`သားအိမ်ပွတယ်လို့ဆိုတယ် ဆရာမရယ်။ ဘာလို့သားအိမ်ပွရတာလဲ။ စိတ်ညစ်ပါတယ်။ကလေးရှိလို့ဆိုတော်ပါသေးရဲ့။´ဘာကြောင့်ဖြစ်နေရတာလဲ။ဘယ်လိုကုသင့်သလဲဆိုသော မေးခွန်းတွေက အတ်ထရာဆောင်းအဖြေတွေ ပို့ပေးပြီး အိမ်ထောင်ရှင်အမျိုးသမီးအများစုမေးကြပါတယ်။

အမျိုးသမီးများရဲ့ သားအိမ်သည် သန္ဓေတည်ရာမှ မွေးဖွားချိန်အထိ သစ်တော်သီးအရွယ်မှ ဖရဲသီးအရွယ်ထိ အရွယ်အစားကြီးထွားလာပါတယ်။ သို့သော် ကိုယ်ဝန်လွယ်ထားသောကြောင့် သားအိမ်တဖြေးဖြေးကြီးထွားလာသည်မှာ ပုံမှန်ဖြစ်ရိုးဖြစ်စဉ်ကြီးထွားမူတစ်ခု ဖြစ်သော်လည်း သန္ဓေသားမရှိ သားအိမ်ပွ/ သားအိမ်ကြီးလာခြင်းသည် ရောဂါအခံအကြောင်ရင်းများရှိသောကြောင့်ဖြစ်နိုင်ပါတယ်။ အချို့အကြောင်းရင်းများသည် ဆေးဝါးကုသရန်လိုအပ်ပါတယ်။

(က)သားအိမ်အလုံးများ

သားအိမ်ကြွက်သားများအတွင်းရှိ ကင်ဆာမဟုတ်သော သားအိမ်အလုံးများကြောင့်သားအိမ် ပိုကြီးလာတတ်ပါတယ်။ အသက် ၃၀ ကျော်အရွယ်တွင် သားအိမ်အလုံး ပိုဖြစ်တတ်ပါတယ်။ အဝလွန်သော အမျိုးသမီးများသည် အသားလုံးဖြစ်ရန် အခွင့်များပြီးဟော်မုန်းနှင့် မျိုးရိုးဗီဇများကြောင့်လည်း သားအိမ်အလုံး ပိုမိုကြီးထွားလာနိုင်ပါတယ်။အချို့သောအလုံးသည် ငယ်ရွယ်သော်လည်းအချို့မူအလွန်အမင်းကြီးထွားနေတတ်ပါတယ်။အလုံးတစ်လုံးပဲရှိတတ်သော်လည်း အများကြီးလည်းရှိတတ်ပါတယ်။

သားအိမ်ပိုကြီးလာသော လက္ခဏာအပြင်
– ဝမ်းဗိုက်အောက်ပိုင်းပြည့်တင်းခြင်း
– ရာသီသွေးများခြင်း၊ရက်ကြာခြင်း၊အတုံးအခဲပါခြင်း
– ရာသီမကြာခဏပေါ်ခြင်း
– ဝမ်းချုပ်ခြင်း
– ဆီးသွားခြင်း
– လိင်ဆက်ဆံစဉ်နာကျင်ခြင်းနှင့်ကိုယ်ဝန်ဆောင်ဖြစ်ပါက လမစေ့ဘဲမွေးခြင်းဖြစ်နိုင်ပါတယ်။

ရောဂါလက္ခဏာ ပြင်းထန်စွာခံစားရပါက သားအိမ်အလုံးကျုံ့စေရန် သွေးကြောချည်ခြင်း
သို့မဟုတ် သားအိမ်အလုံးဖယ်ထုတ်ခြင်း သို့မဟုတ် သားအိမ်တခုလုံးဖယ်ထုတ်ခြင်းဖြင့်ကုသမူခံယူနိုင်ပါလိမ့်မယ်။ ဆေးဝါးကုသမှုအနေဖြင့် ရာသီကိုက်ခဲမှုသက်သာစေရန် ကူညီပေးပါတယ်။

(ခ)သားအိမ်နံရံထူခြင်း

သားအိမ်နံရံထူခြင်းကြောင့် သားအိမ်ပွလာနိုင်ပါတယ်။ အသက် ၃၀ ကျော် ကလေးရှိအမျိုးသမီးများတွင် အများအားဖြင့် ဖြစ်ပွားမှုများပြီး အကြောင်းရင်းကသေချာမရှိပါ။ အများဆုံးဖြစ်နိုင်ချေကတော့ ကလေးခွဲစိတ်မွေးဖွားသောကြောင့်ဟု ယူဆနိုင်ပါတယ်။

သားအိမ်နံရံထူလာပြီး သားအိမ်ကြီးလာသောကြောင့်
– ရက်ကြာသွေးဆင်းခြင်း
– ရာသီလာစဉ်ကိုက်ခဲခြင်း
– ဆက်ဆံစဉ်နာကျင်ခြင်းခံစားရလေ့ရှိပါတယ်။

သွေးဆုံးခါနီး အမျိုးသမီးများတွင် သားအိမ်နံရံထူပါက ကုသရန်မလိုအပ်ပါ။ အကိုက်အခဲသက်သာစေသော ဆေးဝါးအချို့သာ လိုအပ်ပါတယ်။ သွေးဆင်းများခြင်း သက်သာစေသော တားဆေးများသောက်သုံးခြင်း၊ ပရိုဂျက်စတုန်းပါသော ပစ္စည်းထည့်ခြင်းဖြင့်သက်သာစေနိုင်ပါတယ်။ လက္ခဏာများပြင်းထန်ပါက သားအိမ်ထုတ်ခွဲစိတ်မှု ပြုလုပ်သည်အထိ ကုသမူခံယူရပါလိမ့်မယ်။

(ဂ) သားအိမ်ကြီးရသောအကြောင်းအရင်းများမှာ သားအိမ်ကင်ဆာ၊ သားအိမ်ခေါင်းကင်ဆာများကြောင့် ဖြစ်တတ်ပါတယ်။ ကင်ဆာကတော့ သေချာအဆင့်အနေအထားပေါ်မူတည်၍ ကုသမှုခံယူသင့်ပါတယ်။ မိမိတွင် မူမမှန်ရာသီလာခြင်း ပြဿနာများဖြစ်ပေါ်ပါက နီးစပ်ရာဆရာဝန် သေချာပြသကုသမူခံယူသင့်ပါတယ်။

Dr. Pyae Shin

ဆရာဝန်ကြီးများနှင့်မေးမြန်းရာမှာ အသုံးပြုနိုင်ဖို့
အပ်ပလီကေးရှင်း ဒေါင်းလုပ် လုပ်ပြီး
လက်ဆောင် ၁၅ ပွိုင့်ပါ တခါတည်း ရယူလိုက်ပါ

ဆက်စပ် ဆောင်းပါးများ